vamikol, levosin) va glyukokortikoid malhamlar (oksikort, lokakorten, giaksezon
malhamlari), yorilgan joylarga 2-5% li lyapis etitmasi surtiladi. Bemorga tarkibida
temir moddasi bo’lgan dori vositalari, antigistamin dorilari (zaditen 1 vg ertalab
kechqurun) ichishga, vena ichiga tomchilatib 1 % li kalsiy xlorid eritmasi (100-200
ml miqdorda), immunitetni faollashtiruvchi dorilar (timolin, T-aktivin), vitaminlar,
UBN,UBCh tavsiya qilinadi. Og’ir hollarda kortikosteroidlar buyuriladi (bir kecha
kunduzda 30 mg prednizolon 10-14 kun davomida) mushak orasiga yuboriladi.
1.8.
Tashqi burunni termik jarohatlari.
Burun kuyushlari (combustion nasi)- issiq, quyosh nuri, kimyoviy moddalar,
elektr toki yoki radiatsiya nuri ta’sirida yuz bergan to’qimalar jarohati.
To’qima kuyishining 4 darajasi tafovut etiladi:
I-
Darajasi- eritema, terining epidermis qavati kuyadi: teri qizarib og’riydi,
biroz shishadi.
II-
Darajasi- terining derma qavati kuyadi, zararlangan epidermis qavati
ajralib, ekssudat bilan to’lgan pufakchalar xosil bo’ladi.
III-
Darajasi- teri nekrozi, dermaning barcha qavatlari, ba’zan teri osti kletch-
atkasi ham to’liq yoki qisman kuyadi.
IV-
Darajasi- teri bilan birga fassiya ostidagi mushak va suyak to’qimalari
ham kuyadi.
Davolash. Kuyishning I-II darajasi, yuzaki kuyish hisoblanib, dori-darmonlar bilan
davolanadi. Burun sohasiga aseptikaseptik qo’yiladi, anestezin, borat kislotasi va
anestezin aralashmasi, oksiklozol, oksikort, levomekol, levosin, legrazol, tegrale-
zol, levovinozol, olezol aerazollari sepiladi. 1-2% li kaliy permanganate, 1-2% li
tannin, furasillin (1: 5000), 10% li borat lanolin eritmalari va malhami, 10% li sin-
timisin emulsiyasi surtiladi. Kuygan maydonga darhol muz parchasi qo’yiladi.
Bundan tashqari og’riqsizlantirish, dezintoksikasiya, desensibilizatsiya tadbirlari
o’tkaziladi, vena ichiga kerakli miqdorda suyuqliklar tomchilab yuboriladi.
Ikkilamchi infeksiya’ni oldini olish maqsadida bemorga yallig’lanishga qarshi dori
vositalar (ampisillin, sefazolin, amoksiklav) tavsiya qilinadi.
Kuyushning III-IV darajasi, chuqur kuyish sifatida baholanib, zararlangan teri
jarrohlik usulida tikiladi. Bemorga qoqsholga qarshi emlanadi.
Burunni sovuq urushi( congelation nasi)- sovuq havoning mahalliy ta’siri yo-
ki terining judaham sovuq jismiga tegishi natijasida sodir bo’ladigan to’qimalar
jarohati.
Sovuq urushning 4 darajasi tafovut etiladi.
I-
Daraja- teri qoplamlari rangpr yoki ko’kimtir bo’lib, shishadi, zararlangan
teri moydoni og’riydiva qichiydi, uning sezgirligi pasayadi.
II-
Daraja- qizargan va ko’kargan terida serozli ekssudat bilan to’lgan pufak-
chalar paydo bo’ladi. Pufakchalar yorilib yaraga aylanadi. Terini o’z holiga
qaytishi 2-3 hafta davom etadi.
III-
Daraja- terida gemorragik ekssudat bilan to’lgan pufakchalar paydo
bo’lib, ular
yaraga aylanadi, teri va teri osti yog’ to’qimasi nekrozga uchraydi.
IV-
Daraja- terining barcha qavatlari, ya’ni ham yumshoq ham suyak
to’qimalari nekrozga uchraydi. To’qimalarni emirilishi 5-6 oy davom etib,
gangrene asorati rivojlanishiga olib kelishi mumkin.
Davolash. Bemorga og’riqsizlantirish tadbirlari, antibiotikaterapiya va jarrohlik
davolash usullari buyuriladi. Yengil holatlarda bemorni issiq xonaga
yotqizib, unga
issiq ichimliklar beriladi. Sekinlik bilan burun qo’l bilan ishqalaniladi (qor bilan
emas), issiq suv (suvning harorati 40° C dan oshmasligi lozim) bilan 30 min
davomida isitiladi, terisiga spirt surtiladi, pufakchalar ochiladi. Zarur bo’lganda
unga tinchlantiruvchi, og’riqsizlantiruvchi dorilar buyuriladi, UBN, UVCh muola-
jalari o’tkaziladi.
Sovuq qotishning III-IV darajasida bemoq shifoxona sharoitida davolanadi. U
yerda antibakterial, detoksikatsion terapiya o’tkasiladi. Ayrim hollarda jarrohlik
usulida nekroektomiya va amputatsiya operatsiyalari amalga oshiriladi. Bemorga
qoqsholga qarshi emlanadi.
2.
BURUN BO’SHLIG’i KASALLIKLARI.
2.1.
Burun to’sig’i qiyshiqligi.
Burun to’sig’i qiyshiqligi (deviation septi nasi)- burun orqali nafas olishni
qiyinlashtiruvchi burun to’sig’ining syak yoki tog’ay qismlarini tabiiy (o’sish
xususiyati bilan bog’liq) yoki orttirilgan (jarohat bilan bog’liq) qiyshiqligi.
Burun to’sig’i qiyshiqligi otorinolaringologiyada ko’p uchraydigan kasallik
hisoblanadi. Uning kelib chiqishiga sabab
travmalardan keyin (54%),
fiziologik
(32%) ya’ni burunning suyak- tog’ay sistemasi yuz suyaklariga nisbatan tezroq
o’sishi tufayli o’zining “romiga” sig’may qolishi tufayli,
kompensator (8%) ya’ni
polip va o’smalar hisobiga bir tomonga surilishi hisobiga kelib chiqadi. Qiyshiqlik
shakliga qarab, joylashgan joyiga, uzunligiga va burundan nafas olishini buzilish-
iga qarab har xil bo’lishi mumkin. Burun to’sig’ini qiyshayishlari turli xil bo’lishi
mumkin: burun to’sig’ini
yo’g’onlashishi, har xil
qiyshayishlar, tikonsimon va
taroqsimon
deformatsiyalar, “C” va “S”-simon qiyshayishlar va ularning kombi-
natsiyalari bo’lishi mumkin.
R. Mladina burun to’sig’i qiyshiqligini 7 tipga bo’ladi. U deformatsiya’ni
so’zini o’rniga, burun to’sig’ini shaklini o’zgarishi o’zi ma’qul keladi deb aytadi.
Lekin buning ahamiyati yo’q.