Müasir Amerika filosoflarından
olan Con
Sörl 1932‐ci ildə Kolorado ştatının Denver şəhə ‐
rində anadan olmuşdur. Oksfordda oxuduğu
1950‐ci illərdə məşhur analitik filosoflar olan
Con Oustin və Peter Frederik Stravsonun dərs ‐
lərində iştirak etmişdir. Hal‐hazırda da Kalifor ‐
niyada Berkli Universiteti Fəlsəfə kafedrasının
professorudur. 1960‐cı illərin ortalarında «azad
şəkildə danış hərəkatı» (free speech movement)
adlı məşhur tələbə etirazında iştirak etmiş ilk
professor olmuşdur. Zehin və dil fəlsəfəsində
apardığı tədqiqatlara görə Con Sörl 2000‐ci ildə
Jan Nikod və 2004‐cü ildə isə Amerika Milli
Humanizm mükafatına layiq görülmüşdür.
Con Sörl, əsasən, dil və zehin fəlsəfəsi sahə ‐
sində çox əhəmiyyətli tədqiqatlara imza atmış ‐
dır. Məhz bu yazıda təqdim etdiyimiz «Şüur və
Dil» əsəri də dil və zehin fəlsəfəsi sahəsində
Sörlün qələmə aldığı məqalələr toplusundan
ibarətdir. Kitab müasir elmi‐fəlsəfi arqumentlər
çərçivəsində şüur, mən düşüncəsi, ictimai qu ‐
rum lar, niyyət, səbəb və nəticə və s. mövzularını
dərindən izah edir. Con Sörl «Şüur və Dil» əsəri ‐
nin girişində analitik şəkildə fəlsəfəyə dair iki
sualını belə qoyur: «Mən» anlayışımızı təbiət
elmlərindən, xüsusilə fizika, kimya və biologi ‐
yadan əldə etdiyimiz dünya anlayışlarıyla necə
bir bütünlük içərisində və tutarlı şəkildə izah
edə bilərik?» və «Şüur bütövlükdə nədir və
dünya ilə necə münasibətdədir?»
Con Sörl XX əsrdə daha çox inkişaf edən
analitik dil fəlsəfəsinə sadiq qalaraq bu kimi
sualları cavablamadan əvvəl onun analiz edil ‐
mə sinin vacibliyini vurğulayır. Nümunə kimi
Sörl məşhur zehin‐bədən problemini bu mövzuda
misal gətirir. O bu sualın qoyuluş tərzini, hansı
əsas fikirlərə istinad edilərək ortaya atıldığını
analiz edir. Ona görə, nə qədər ki zehni struk ‐
turun fiziki strukturlardan ayrı bir ontologiyaya
malik olduğunu düşünən XVII əsr fəlsəfi termi ‐
nologiyasını qəbul etməyə davam edəcəyik,
problemin həlli çətinləşəcəkdir. Bütün daxili,
subyektiv və hissi xüsusiyyətləri ilə şüurun (eynilə
həzmin mədənin bir funksiyası olduğu kimi)
beyinin bir xüsusiyyəti olduğu başa düşüldükdə
problemin fəlsəfi həlli mümkün olacaqdır. Ancaq
şüurun beyində necə işlədiyi problemi də bun ‐
dan sonra izah edilməlidir.
Bu kontekstdə Sörl, Dekartla başlayan skeptik
dəlil və cavabını ciddiyə almanın vaxtının çoxdan
keçdiyini vurğulayır. Ona görə XVII əsrdən fərqli
olaraq müasir dövrdə biliyin güclü bir əsasa
dayan masını isbat etmək gülüncdür. Çünki müasir
intellektual‐fəlsəfi atmosferdə ən açıq şey budur
ki, bilik gündən‐günə dəyişir. Və biliyin varlığı
şübhəli deyildir.
Kitabdakı «şüur problemi», «şüurun elmi
şə kildə necə tədqiq olunacağı», «şüur», «heyvan
zehinləri» və «niyyət və təbiətdəki yeri» adlı ilk
beş yazı şüur və niyyət fenomenlərinin dün yanın
neçə funksiyaya malik olduğu və anla şılmasına
dair mövzuları əhatə edir.
Maraqlı cəhətlərdən biri də budur ki, Con Sörl
heyvan zehinlərindən bəhs edərkən heyvanların
da insanlar kimi ağrı və həzz qədər şüur, inanc və
arzularla birlikdə bir zehnə malik olduqlarını,
ancaq dildən məhrum olduqları üçün zehni quru ‐
luşlarının məhdud olduğu görüşünü müdafə edir.
Con Sörlə görə, beyindəki proseslər şüura səbəb
olur, ancaq səbəb olduqları şüur substansiya
(cövhər) və ya ayrı bir varlıq növü deyil. Şüur
sadəcə bütün sistemin daha yüksək mərtəbədəki
bir keyfiyyətidir.
Kitabda yer alan altıncı «Kollektiv niyyətlər
və davranışlar» yazısında Sörl fərd olaraq insa ‐
nın niyyətinin ictimai mühitlə əlaqəsini izah
edərək fərdi niyyətin, eyni zamanda sosial aspekt ‐
dən asılı olduğunu və ona təsir etdiyini vurğu ‐
layır. Yeddinci və səkkizinci yazılarında isə zeh nin
strukturu psixologiya və sosial elmlər kontekstində
tədqiq olunaraq niyyətin də, eyni zamanda ictimai
münasibətlərdə praktik və hermenevtik mahiy ‐
yətinə diqqət çəkilir.
Doqquzuncu və onuncu yazılarda Oustin və
Vitgenşteyn kimi filosofların inkişaf etdirdikləri
analitik dil fəlsəfəsinə dair maraqlı fikirlər
işlənir. Belə ki Con Sörl özünün məşhur əsəri
olan «Nitq Aktları» (Speech Acts) kitabına əsas ‐
lanaraq bu yazılarda «xəbərverici» (constative)
və «icraedici» (performative) cümlələr arasındakı
fərqi rədd etməkdədir. Burada qeyd olunmalıdır
ki, Qərb fəlsəfəsində «xəbərverici» (constative)
və «icraedici» (performative) cümlələrin 1950‐ci
illərdən etibarən kəşf olunması, pozitivist‐
fizikalist düşüncə tərzinin tərk olumasına səbəb
olmuşdur. Belə ki, A.J.Ayerin və bu cərəyana
66
ELM DÜNYASI
/ Elmi‐kütləvi jurnal / 2 (06) 2014
Dəyərli kitablar
Con Сюrl
mənsub olan filosofların görüşlərinə görə, yalnız
dildəki ifadələr fiziki fenomenlər sayəsində öz
təsdiqlərini tapmalıdır. Bu isə dil‐düşüncə əlaqə ‐
sinə böyük zərbə vurmaq deməkdir. Məsələn,
dildəki əmr cümlələri, yəni «icraedici» (perfor ‐
mative) cümlələri fenomenlər təsdiqləmir, əksinə
bu mahiyyətdə olan cümlələr fenomenləri və dav ‐
ranışları yönləndirir. Təsadüfi deyil ki, bu fikri
fəlsəfi aspektdən ilk dəfə təhlil edən J.L.Oustinin
əsərinin adı da belədir: «Sözlərlə əşyaları necə
yaratmaq olar?» (How to do things with words?)
Son dörd yazının ilkində Con Sörl danışma
fenomeninin hermenevtik mahiyyətini, ikinci ‐
sində analitik fəlsəfədə şüur və niyyət əleyhinə
olan görüşlərin tənqidini, son iki yazıda isə həm
nitq aktları, həm də niyyətlilik nəzəriyyəsində
zehni həqiqət formalarının olduğunu iddia
etməkdədir.
Bu məqamda qeyd etməliyəm ki, Con Sörl
şüurun mahiyyətini açıqlayarkən təbiət elmləri
ilə sosial elmlərin mahiyyətcə fərqini də bu
kontekstdə izah edir. Ona görə, təbiət elmləri
həqiqətin dünyada immanent olan xüsusiyyət ‐
lərini hər hansı bir müşahidəçidən asılı olmadan
mövcud olduğu şəkildə təsvir edir. Buna görə
də cazibə qanunu, fotosintez və elektromaqnetik
dalğalar tamamilə təbiət elmlərinin mövzula rı ‐
dır. Ancaq hamamda cakuzinin olması, beş
dolların varlığı və ya bir stulun var olma kimi
xü
susiyyətləri təbiət elmlərinin mövzularına
daxil deyil. Qeyd olunan bu əşyalar fiziki xüsu ‐
siyyətlərə malik olsalar da, hamamda caku zinin
olması və ya beş dollarlıq pul olma xüsu siy ‐
yətləri ancaq müşahidəçi və istifadəçi lərə bağlı
olaraq dəyər qazanır və var olurlar. Məhz Sörl
bunu izah edərkən şüurun, eyni zamanda niyyət
ilə əlaqəsini də quraraq təbiət elmlə rin dən fərqli
olaraq, humanitar‐sosial elmlərin niyyət daşıyan
mahiyyətlərini vurğulayır. Bu mənada da hər
hansı bir simvol ona simvolluğu aid edən
müşahidəçiyə və istifadəçiyə görə simvol sayılır.
Ümumiyyətlə, Con Sörl özünün bütün fəlsəfi
yaradıcılıq sistemində XVII əsrdən, yəni Rene
Dekartla başlayan fəlsəfi dünyagörüşünün müasir
dövrdə parçalayıcı mahiyyətinə diqqət çəkərək
texniki elmlərdən tutmuş humanitar elmlərə
qədər şüur, ictimai münasibətlər, niyyət, dil
fəlsəfəsi kimi ciddi elmi‐fəlsəfi mövzuları bu
kitabında analitik şəkildə izah edir.
Con Sörlün bu kitabda qeyd etdiyi ən əsas
məqamlardan biri şüur və beyin əlaqəsinə dair
görüşləridir. Belə ki Sörl müasir nevrobiologiya
sahəsindəki inkişafı diqqətə alaraq fəlsəfə sahə ‐
sində də bu arqumentlərin tətbiq olunma sına
çalışır. Hə a o, beyinin bir mexanizm oldu ğunu
və bir prinsip olaraq beynimiz kimi düşüncə və
zehni prosesə malik olan süni bir beyin yara ‐
dılmasını mümkün hesab edir. Məhz bu düşüncə
tərzi modern fəlsəfədə ciddi müzaki rələrə səbəb
olur. Haqlı olaraq bəzi müasir filosoflar düşün ‐
mənin beyini hərəkətə gətirdiyini və əhatə etdi ‐
yini vurğulayaraq, beyindəki neyronların hərə kətinə
istinad edilərək həyatın tam olaraq açıqlana bil ‐
məyəcəyini ifadə edirlər. Çünki insanın xarici
aləmlə qurduğu münasibət nəticəsində müxtəlif
bilik növləri meydana çıxır. Həyatın özü insanın
buraya istiqamətlənməsi və anlamaya çalışması
sayəsində ona müəyyən biliklər verir. Təfəkkür
pro sesi bu baxımdan insanı bir bütovlük çərçi ‐
vəsində qiymətləndirir.
Afət KAMALOVA,
AMEA‐nın Fəlsəfə və
Hüquq İnstitutunun əməkdaşı
67
ELM DÜNYASI
/ Elmi‐kütləvi jurnal / 2 (06) 2014