qiymətləndirən alimlərdən idi. Xüsusilə dialek‐
tologiya dərslərində maraqlı məqamlara toxu ‐
nardı. Məsələn, gülərək deyərdi: bizdə Әli
de yərlər, sizdə də Әli, bizdə əsgər deyərlər, sizdə
də əsgər (gülüşmələr).
R.İlyasov: – Әhməd müəllimin «Türk dili
və tarixi» əsəri çox qiymətli əsərlərdən hesab
olunur, elə deyilmi?
O.F.Sərtqaya: – Tamamilə haqlısınız. Yaxşı
yadıma saldınız. Bir gün Әhməd Cəfəroğlu
təqaüdə çıxmaq ərəfəsində idi. Mən gənc bir
müəllim idim bu fakültədə. Maraqlandım ki,
Әhməd müəllim təqaüdə çıxdıqdan sonra Türk
dili tarixi dərsini kim deyəcək. Fakültədən yaşlı
bir müəllim, kafedra müdiri, bu sualı verdi ‐
yimdə mənə acıqlı şəkildə dedi ki, bu dərs artıq
olmayacaqdır. Mən çox kədərləndim və birbaşa
rektorun qəbuluna getdim. Rektora məsələni
izah etdim və rektor da gözləmədiyim şəkildə
həmin dərsə girməyim üçün dərhal təlimat
verdi. Beləliklə, Әhməd müəllimin yazdığı
məşhur «Türk dili və tarixi» əsərini mən qırx il
bu fakültədə yenidən oxutdum. Bu kitab hələ
də ciddi elmi mənbələrdən biri olaraq istifadə
olunur.
R.İlyasov: – Azərbaycana gəldinizmi?
O. F.Sərtqaya: – Bir neçə dəfə gəldim Azər ‐
baycana. Bəxtiyar Vahabzadə ilə möhkəm dost
idim. Daha sonralar mərhum prezident Heydər
Әliyevin dəvəti ilə böyük bir türkoloqlar heyəti
ilə Azərbaycanda olduq. Deyəsən, 1998‐1999‐cu
illər idi. Mərhum Prezident Heydər Әliyev bizi
qəbul edib, bir istəyimizin olub‐olmadığını
soruşduqda, mən heç kimdən səs çıxmadığını
görüb cəsarətimi toplayıb sözə başladım. Dedim,
cənab Prezident, bizim türkologiya sahəsində,
xüsusilə Türkiyədə elmi fəaliyyətlə məşğul
olmuş dünya miqyaslı əslən Gəncədən olan
Әhməd Cəfəroğlu adlı bir alimimiz var. Xahiş
edirəm onun adının o zamanlar yaşadığı küçəyə
verilməsində köməkliyinizi göstərə si niz. Cənab
Prezident dərhal yanındakı köməkçilərə bu
təlimatı verdi və bu fikrimi çox yüksək qiymət ‐
ləndirdi. Mən İstanbula qayıtdıqdan 1 ay sonra
mənə Cənab Prezidentin belə bir fərman imza ‐
ladığını və həmin küçəyə Әhməd Cəfəroğ lunun
adının verildiyini bildirən rəsmi məktub gəldi.
Və mən buna çox şad oldum.
R.İlyasov: – Әlavə olaraq nə demək istər ‐
diniz?
O.F.Sərtqaya: – Onu bildirim ki, həqiqətən
də, Әhməd müəllim çox dərin biliklərə malik
idi. O, bir çox dili mükəmməl bilirdi. Məsələn,
hər hansı bir konfransda başqa bir mütəxəssis
bir mövzu ilə bağlı çıxış edib qurtarandan sonra
Әhməd müəllim ayağa qalxar, söz istəyər və bu
mövzu ilə bağlı digər müxtəlif alimlərdən sitat‐
lar gətirərək daha üfüq açıcı fikirlər söylərdi.
Onun bu metodu hər kəs tərəfindən sevilirdi.
Mən çox şadam ki, siz Әhməd müəllimi yad edir,
Nazan xanım və mənim fikirlərimə müraciət
edirsiniz. Әhməd müəllimin elmi fəaliyyəti hər
zaman türkologiya və Azərbaycan üçün əbədi
olaraq faydalı olmağa davam edəcəkdir.
R.İlyasov: – Hörmətli professor, çox sağ
olun səmimi cavablarınız və gözəl fikirləriniz
üçün.
O.F.Sərtqaya: – Mən də öz növbəmdə sizə
təşəkkür edir, uğurlar arzulayıram.
Hazırladı:
Dr. Rəşad İLYASOV
57
ELM DÜNYASI
/ Elmi‐kütləvi jurnal / 1 (05) 2014
Bəzi anlayışların izahı və nisbətən rəsmi
məlumatlar
Xeyli müddətdir Qlobal İqlimin (xahiş
edirəm diqqətli olun, Qlobal İqlim yazdıqda
səhv etmirəm) dəyişməsi haqqında elmi
ədəbiyyatda və kütləvi informasiya vasitə ‐
lərində müxtəlif müəlliflərin çoxlu sayda yazı ‐
ları dərc olunur. Tədqiqatçılar və köşə yazar ları,
əsasən, iki qrupa bölünmüşdür: birincilər iqli ‐
min qlobal surətdə istiləşməsini sübut etməyə
çalışır, ikincilər isə əksinə, heç bir istiləşmə
olmadığını, bunun mif olduğunu israr edirlər.
Mən bu yazıda hər iki tərəfin baxışlarını və
real şəraiti obyektiv surətdə təsvir etməyə
cəhd göstərirəm.
2005‐ci ilin əvvəlində Robert Emmeriksin
«Birisi gün» adlı qəza filmi iqlim dəyişməsini
kütləvi düşüncənin probleminə çevirdi. Məlu ‐
matsız adama ilk dəfə olaraq aydın və başa
düşü
lən şəkildə Şimali Atlantika axınının
(Qolfstrim) Şimal yarımkürəsinin
iqliminin
formalaşmasında həlledici rolunu izah etdilər.
Hollivud sənətkarlığı ilə iqlim trendinin təs ‐
virini verdilər. Göstərdilər ki, qütb buzlarının
əriməsi Qolfstrimin istiqamətinin dəyişməsinə
və Yerin şimal yarımkürəsində soyuqlaşmanın
baş verməsinə gətirir. Bu filmdə son nəticə
yeni buzlaşma dövrünün başlanmasıdır.
Әvvəla, iqlim və onun Qlobal İstiləşməsi
nədir və rəsmi təşkilatların bu haqda fikir ‐
lərini təqdim edək. İqlim atmosfer‐quru‐okean
sisteminin statistik ansamblının bir neçə on ili
üçün ortalaşmış vəziyyətidir. Mütəxəs sislərin
axırıncı razılaşmasına görə, iqlim dedikdə at‐
mosfer parametrlərinin (temperatur, yağıntı
və s.) son 30 il üçün ortalaşmış qiymətləri
nəzərdə tutulur. Qlobal İstiləşmə isə XX və
XXI əsrlərdə Yer atmosferinin və Dünya
okeanının illik orta temperaturunun tədricən
artması prosesidir. İqlimin Dəyişməsi üzrə
Dövlətlərarası Ekspert Qrupunun (İDDEQ‐
IPCC‐Intergovernmental Panel on Climate
Change), «Böyük səkkizlik» ölkələ rinin Milli
Elmlər Akademiyaları ilə razılaşdırdığı möv ‐
qeyə görə sənaye inqilabı dövründən (XVIII
əsrin ikinci yarısı) bəri müddətdə Yer kürəsi
havasının orta temperaturu 0,7
0
C artmışdır və
son 50 ildə müşahidə olunan istiləşmə, əsasən,
insan fəaliyyəti, birinci növbədə, istixana ef‐
fekti yaradan qazların (CO
2
, CH
4
) atmosferə
atılması ilə əlaqədardır (şəkil 1‐ə bax). Bu
təşkilatın İqlim Modelləri üzrə aparılan
qiymətləndirmələrinə görə, Yer səthinin orta
temperaturu 1,1‐dən 6,4
0
C‐yə qədər arta bilər.
Bəzi regionlarda temperatur bir qədər azala
bilər.
Ancaq qeyd etmək lazımdır ki, iqlimin,
ümumiyyətlə, istiləşmədiyini təkid edənlər də
vardır. Bəzilərinin fikrincə isə istiləşmə var,
ancaq bu, atmosferdə karbon qazının miqda ‐
rının artması ilə əlaqədar deyildir, bu, təbii
pro sesdir, biz sadəcə olaraq buzlaqlararası
dövrdə yaşayırıq. Məqalədə biz bu sualların
izahını verməyə çalışacağıq. Ancaq əvvəla
iqlimin paleotarixi və onun dəyişmə səbəbləri
haqqında.
58
ELM DÜNYASI
/ Elmi‐kütləvi jurnal / 1 (05) 2014
(şəkil 1)