tullantılarının 55%‐ni əhatə edir.
Protokolun
icrasının birinci mərhələsi 2012‐ci ildə qur ‐
tardı. Yeni razılıq haqqında danışıqlar 2007‐ci
ildə Bali (İndoneziya) adasında başlamış və
2009‐cu ildə Kopenhagen və 2010‐cu ildə Dur‐
banda (Cənubi Afrika) davam etdirilmişdir.
Protokolun ideyası 1997‐ci ildə iqlimin qlo ‐
bal istiləşməsinə həsr olunmuş forumda yaran ‐
mışdır. Dövlətlərin bir yerə toplanmış
nüma yəndələri 1990‐cı ilə nisbətən 2012‐ci ildə
atmosferə atılacaq qazlar haqqında kvotanı
bölüşdürməyə cəhd göstərdilər. Kvota haq ‐
qında mübahisələr Forumu uğursuzluğa düçar
edirdi. Vəziyyəti xilas etmək üçün ABŞ‐ın o
zamankı vitse‐prezidenti Albert Qor təcili fo‐
ruma gəldi və katalizator rolunu oynayaraq,
dövlətlərin ekspertlərini dilə tutdu və pro‐
tokol imzalandı. Ancaq sonradan Klinton apa ‐
ratı bu protokolu ratifikasiya üçün heç Konq resə
də göndərmədi. Buş administrasiyası isə bir
qədər irəli getdi və elan elədi ki, Kioto pro‐
tokolu ABŞ‐n milli maraqlarına ziddir və
Ame rika Kioto protokolundan çıxır. Yada salaq,
dünya sənaye istehsalının və onun nəticəsi kimi
də CO
2
‐nin 37%‐i ABŞ‐ın payına düşür. Kioto
protokolunun növbəti fiaskosu Kopenhagen
sammitində baş verdi. Kvotanın verilməsi üçün
müxtəlif variantlar və qruplar təklif olundu,
ölkələr karbon qazının azaldılması haqqında
razılığa gələ bilmədilər. Çin və Hind kimi
sənaye monstırları öhdəçilik götürmədilər. Bu
təşəbbüsdə ancaq Avropa İ ifaqı öhdəçilik
götürdü və icra edir.
Qeyd edək ki, Kioto razılığı çox mürəkkəb
sənəddir, bura sənaye istehsalından başqa,
«insan hüquqları», «demokratiyanın inkişafı
və dərinləşdirilməsi», «beynəlxalq terrorizm»
və s. kimi məsələyə o qədər dəxli olmayan
şərtlər dəsti daxil edilmişdir və bu da bir çox
dövlətlərin ona ehtiyatla yanaşmasına gətirir.
Azərbaycan ərazisində müasir
iqlim dəyişmələri
AMEA‐nın Coğrafiya İnstitutunda aparıl ‐
mış tədqiqatlara görə, 1880–2010‐cu illər döv ‐
ründə ölkə ərazisində temperaturun dəyiş məsi
müxtəlif regionlarda 0,2‐dən 1,50
0
C‐yə qədər
təşkil edir və son 40 il ən isti dövr kimi qiy ‐
mətləndirilir. Temperaturun ən çox yüksəl məsi
Kür‐Araz ovalığında (0,4–0,9
0
C), Qazax‐Gəncə
zonasında (0,6–1,10
0
C), Böyük Qafqazın cənub
yamacında (0,5–0,80
0
C), Kiçik Qafqazın şimali‐
şərq (0,6–1,50
0
С) və şimal (0,4–0,60
0
С) yamac ‐
larında müşahidə olunur. Ümumi Azərbaycan
üçün cəmləşdirsək temperaturun artması son
yüz ildən çox dövrdə 0,7
0
C‐yə bərabərdir və
bu, bütövlükdə Yerin temperatur artımına
yaxındır.
Qlobal temperaturun artması dünya okeanı ‐
nın səviyyəsini qaldırmaqla yanaşı, atmosfer
yağıntılarının miqdarının və paylanmasının
dəyişməsinə gətirir. Nəticədə daşqın, quraq ‐
lıq, qasırğa və s. kimi təbii kataklizmlərin tez ‐
liyi arta, təsirə məruz qalmış ərazilərdə kənd
təsərrüfatı məhsulları azala bilər. Burada bir
faktı qeyd etmək yerinə düşərdi: belə ki, 1999‐cu
ildə Helsinki şəhərində «İqlim dəyişmələri və
Yer kürəsinin su balansı» mövzusunda ikinci
beynəlxalq simpozium keçirildi və həmin sim‐
poziumda mən «Temperatur anomaliyala rının
Xəzər dənizinin səviyyəsinə təsiri» məruzəsi
ilə iştirak etdim. Simpoziumun gəldiyi əsas
nəticələrdən biri gələcəkdə iqlimin istiləşməsi
prosesində arid (quraq) ərazilərdə yağıntının
miqdarının bir qədər də azalacağı proqnozu
oldu. Rütubətli ərazilər üçün isə əksinə,
yağıntının miqdarının artacağı vur ğulandı.
Təəssüflə qeyd etmək lazımdır ki, 23 il bundan
əvvəl bu simpoziumda verilən proqnoz Azər ‐
baycan ərazisi üçün tədricən özünü doğrult ‐
mağa başladı, yağıntıların miqdarı bəzi
yerlərdə 15–20% azaldı. Yada salım ki, Azər bay ‐
can ərazisinin 60 %‐i arid əraziyə daxildir.
63
ELM DÜNYASI
/ Elmi‐kütləvi jurnal / 1 (05) 2014
(şəkil 4)
Ümumiyyətlə, AMEA‐nın Coğrafiya İnsti‐
tutunda aparılan tədqiqatlara görə, bir çox re‐
gionlarda atmosfer yağıntıları 3%‐dən 15 %‐ə
qədər azalmışdır. Daha dəqiq desək, Gədəbəy,
Naxçıvan, Lənkəran, Şuşa və Ağstafada son
105 il ərzində yağıntının miqdarı müvafiq
olaraq 70, 24, 160, 30 və 20 mm/il azalmışdır.
Ekologiya və Təbii Ehtiyatlar Nazirliyinin
tərkibində fəaliyyət göstərən Milli İqlim
Mərkəzinin atmosferin ümumi dövranlarının
8 modeli əsasında müxtəlif ssenarilər (GFDL‐T,
HadCM2, CGMI, ECHAM4) əsasında (məsələn,
atmosferdə karbon qazının miqdarı iki dəfə
artsa) apardığı hesablamalara görə, bu əsrin
sonuna qədər atmosfer havasının temperaturu
1,2–5,90
0
С tərtibində arta, atmosfer yağıntıla ‐
rının miqdarı isə 20 %‐ə qədər azala bilər (şəkil 5).
Әks tərəfin sübutları
İqlimdə istiləşmənin getmədiyini israr
edənlərin birinci arqumentlərindən biri 100 il
ərzində 0,70C istiləşmənin ölçmə xətası
çərçivəsinə daxil etmələridir.
ABŞ Milli Akademiyasının keçmiş prezi‐
denti Frederik Zeytsin başçılığı ilə 17000 alim
1988‐1998‐ci illərdə ABŞ‐da, ümumiyyətlə,
temperaturun 0,08 və bütün dünyada isə
0,047
0
C azaldığını sübut edir. Üstəlik, yenə də
onların fikrincə, fotosintez hesabına atmos ‐
ferdə CO
2
‐nin çoxalması ABŞ‐da meşənin 30%
artmasına gətirmiş və bir çox hallarda buğda,
düyü, kartof, paxlakimilərin və meyvə
ağaclarının məhsuldarlığı 20–40% artmışdır.
Әn əsası, Moskva Okeanologiya İnstitutu‐
nun əməkdaşı, mənim həmkarım O.Q.Sorox‐
tinin hesablamalarına görə, «istixana effekti»
terminini Yer atmosferinə tətbiq etmək absurd‐
dur, ona görə ki, Yer atmosferlə istilik
mübadiləsi olmayan və ona görə də bu effekt
yaranan şüşə ilə bağlı istixana deyil. Özünü
nizamlayan sistem kimi, Yer atmosferində
konvektiv mübadilə mövcuddur və ona görə
də atmosferdə CO
2
çoxaldıqca troposfer ilə
konvektiv mübadilə intensivləşir və bununla
da artıq yaranmış anomal istilik atmosferdən
xaric olunur.
64
ELM DÜNYASI
/ Elmi‐kütləvi jurnal / 1 (05) 2014
(şəkil 5)