Skýrsla landshlutanefndar fyrir Norðurland vestra 2014

 

26 

 

Stefnt  er  að  því  að  stofna  félag  um  framleiðsluna.  Leitast  verður  við  að  fá  erlenda  fjárfesta  að 

verkefninu. Sláturleyfishöfum verður boðið að taka þátt í stofnun félagsins. 

Grundvallaratriði  svo  að  bíodíselframleiðsla  geti  orðið  að  veruleika  er  að  sláturleyfishafar  á 

Norðurlandi vestra vinni saman að málinu. Bráðabirgðakostnaðargreining á verkefninu bendir til þess 

að  samanlagt  magn  fitu  sem  fellur  til  á  Norðurlandi  vestra  nægi  til  að  standa  undir  fjárfestingu 

verkefnisins. 

4.9 Efling Þekkingarseturs á Blönduósi 

Verkefni 4.9 – Efling Þekkingarseturs á Blönduósi 

Ný stöðugildi 

2 

Flutt stöðugildi 

0 

Áætlaður kostnaður 

25 m.kr. 

Ábyrgð og framkvæmd 

Mennta- og menningarmálaráðuneytið, Listaháskóli Íslands 

Tímaáætlun 

2015 

 

Ráðinn  verði  verkefnisstjóri  sem  hefði  aðstöðu  á  skrifstofu  Þekkingarsetursins  í  húsnæði 

Kvennaskólans á Blönduósi og aðstoði söfn, menningarstofnanir og ferðaþjónustuaðila á Norðurlandi 

vestra við að byggja upp og þróa innviði starfseminnar og efla samstarf í markaðssetningu. Verkefnið 

verði  unnið  í  samstarfi  við  Þekkingarsetrið  á  Blönduósi,  ferðaþjónustuaðila  og  söfn  og  setur  á 

svæðinu. 

Umsvif starfseminnar sem fram fer innan veggja Kvennaskólans hefur aukist til muna undanfarin ár. 

Vatnsdælurefill,  minjastofur,  námsver  og  Listamiðstöðin  kalla  á  meiri  umsjón  og  umsýslu  með 

starfseminni. Samræming og samstarf safna og setra er jafnframt nauðsynleg svo að starfsemin fái að 

vaxa og þróast.  

Markmiðið  er  að  auka  samstarf  safna  og  setra  á  svæðinu  með  því  að  aðstoða  stofnanirnar  við  að 

byggja upp og þróa innviði starfseminnar og efla samstarf í markaðssetningu. 

 

Einnig verði ráðinn sérfræðingur á sviði textíls sem hefur þekkingu og reynslu af textílfræðum. 

Þekkingarsetrið  var  stofnað  á  Blönduósi  snemma  árs  2012.  Þekkingarsetrið  er  með  aðsetur  sitt  í 

Kvennaskólanum á Blönduósi.  

Tilgangur  Þekkingarsetursins  er  að  stuðla  að  almennri  þekkingu  með  fræðslustarfi,  eflingu 

háskólamenntunar,  vísindarannsókna  og  nýsköpunar  á  sviði  laxfiska,  strandmenningar  og  textíls. 

Starfsemi  Þekkingarsetursins  er  fjölþætt,  sérfræðingar  setursins  starfa  á  sérsviðum  setursins  í 

samstarfi við ýmsar stofnanir, þ. á m. Háskólann á Hólum og Veiðimálastofnun. Námsver er staðsett í 

Kvennaskólanum. Einnig eru starfsmenn Þekkingarsetursins að þróa ýmis verkefni á sviði textíls.  

Hjá Þekkingarsetrinu starfa 5 manns. 

Þekkingarsetrið  er  í  samstarfi  við  Textílsetur  Íslands  og  Heimilisiðnarsafnið  á  Blönduósi  varðandi 

rannsóknir  og  uppbyggingu  listamiðstöðvar  í  Kvennaskólanum.  Fjöldi  listamanna  og  fræðamenn  á 

sviði textíls hafa unnið og dvalið í Kvennaskólanum frá árinu 2012. Mikill áhugi, innanlands og  utan, 

er á íslenskri textíllist og textílfræðum og liggja mörg tækifæri í uppbyggingu á þessum sviðum innan 

veggja  Kvennaskólans.  Þekkingarsetrið  á  Blönduósi  hefur  hafið  vinnu  við  að  kanna  möguleika  á 

uppbyggingu textílnáms í samstarfi við Listaháskóla Íslands og erlenda listaháskóla. Markmiðið er að 

hefja  samstarf  milli  Þekkingarsetursins  ásamt  Listaháskóla  Íslands  og  erlenda  listaháskóla  á  sviði 

textílnáms  og  textíllista  með  það  að  leiðarljósi  að  koma  á  staðbundnu  textílnámi  í  húsnæði 

Kvennaskólans á Blönduósi.  

---

 

27 

 

4.10 Efling sýslumannsembættisins á Blönduósi 

Verkefni 4.10 – Efling sýslumannsembættisins á Blönduósi 

Ný stöðugildi 

4 

Flutt stöðugildi 

0 

Áætlaður kostnaður 

30 m.kr. 

Ábyrgð og framkvæmd 

Innanríkisráðuneytið, önnur ráðuneyti 

Tímaáætlun 

2015 

 

Í  skýrslu  norðvesturnefndar um  fjölgun  opinberra  starfa  á  Norðvesturlandi sem  kom  út  2008 komu 

fram hugmyndir að innheimtu fyrir ríkið og hinar ýmsu stofnanir þess, s.s. Tryggingastofnun ríkisins, 

Vinnumálastofnun, Fæðingarorlofssjóð og einnig fyrir LÍN. Á árinu 2010 hóf embættið að innheimta 

ofgreiddar bætur fyrir TR og VMST. Þá hefur embætti sýslumannsins á Blönduósi einnig tekið að sér 

innheimtu fyrir Fjármálaeftirlitið og Vinnueftirlit ríkisins.  

Í  tengslum  við  fyrirhugaðar  breytingar  á  skipan  sýslumannsembætta  og  í  samræmi  við 

þingsályktunartillögu  um átak  til  atvinnuuppbyggingar  í  Austur-Húnavatnssýslu  sem  samþykkt var á 

Alþingi þann 15. janúar 2014 lýsir embættið enn yfir vilja sínum til að taka að sér aukin verkefni sem 

byggja á þeim tækjabúnaði, aðstöðu og þekkingu sem þegar er til staðar. Verkefnin eru eftirfarandi: 

Vanskilainnheimta LÍN 

Sambærilegar  stofnanir  IMST  á  Norðurlöndunum  innheimta  allar  námslán  í  vanskilum.  Þá  hefur 

bæjarstjórn Blönduósbæjar einnig kannað hjá ráðuneytum og stofnunum hvernig megi liðka til við að 

fá umrætt verkefni til IMST.  

Verkefni þetta þykir falla vel að þeim gildum sem sjóðurinn er reistur á, þ.e. að innheimta krafna hans 

fari  fram  með  eins  litlum  kostnaði  fyrir  skuldara  og  mögulegt  er  á  hverjum  tíma.  Lágmörkun 

kostnaðar við innheimtu þykir m.a. samrýmast þeim hugmyndum sem uppi hafa verið um breytingar 

á  námslánakerfinu,  t.a.m.  um  niðurfellingu  lána  og  brottnám  ábyrgða  við  eftirlaunaaldur,  sem 

almennt hafa á sér nokkuð félagslegan blæ og miða að því að bæta hag lántakenda. 

Innheimta sakarkostnaðar í málum ríkislögmanns 

Með  bréfi  dagsettu  31.  júlí  2014  til  ríkislögmanns  er  óskað  eftir  viðræðum  um  þann  möguleika  að 

flytja  innheimtu  sakarkostnaðar  sem  fellur  til  við  málarekstur  ríkislögmanns,  og  mögulega  önnur 

aðfararhæf  innheimtuverkefni,  til  IMST.  Umfang  mála  liggur  ekki  fyrir  en  þessi  innheimta  telst 

sambærileg og sú sem  nú þegar er  hjá embættinu,  svo  sem innheimta sakarkostnaðar í opinberum 

málum og innheimta endurkrafna vegna gjafsóknar og fellur því vel að þeirri starfsemi sem fyrir er.  

Matvælastofnun 

IMST hefur verið í viðræðum við matvælastofnun um innheimtu á dagsektum og stjórnvaldssektum 

MAST. Fyrir liggja drög að samningi sem á eftir að staðfesta. Umfang liggur ekki fyrir.  

Útgáfa leyfa skv. áfengislögum nr. 75/1998. 

Þess  var  farið  á  leit  með  bréfi  dagsettu  25.  júní  2014  til  innanríkisráðuneytisins  (með  vísan  í  mál 

IRR13070004/10.1) að embættinu verði falin útgáfa leyfa til framleiðslu áfengis, innflutnings áfengis í 

atvinnuskyni  og  sölu  áfengis  í  heildsölu.  Verkefni  sem  er  vel  þess  fallið  að  styrkja  starfsemi 

sýsluskrifstofunnar á Sauðárkróki í nýju embætti.  

---