30
Efla hugvísindarannsóknir á Norðurlandi vestra, einkum í Húnavatnssýslum.
Ráðinn verði rannsóknasérfræðingur sem burði hefði til að leiðbeina framhaldsnemum, bæði
meistara- og doktorsnemum, í verkefnum þeirra í tengslum við rannsóknaáherslur setursins.
Rannsóknasetur Háskóla Íslands á Norðurlandi vestra býr nú þegar yfir aðstöðu og húsnæði á
Skagaströnd. Til að tillagan megi fram ganga þarf fjárveitingu fyrir einu stöðugildi
rannsóknasérfræðings við rannsóknasetrið. Áætlaður árlegur launakostnaður er 8 m.kr.
Talsverð undirbúningsvinna hefur þegar verið unnin og hægt er að ráða sérfræðing um 1–2
mánuðum eftir að fjármagn liggur fyrir í verkefnið. Starfið yrði auglýst og ráðið að undangengu mati
dómnefndar í ráðningarferli Háskóla Íslands og vali valnefndar. Í engu yrði gefinn afsláttur af þeim
kröfum sem Háskóli Íslands gerir til starfsmanna sinna enda hefur sú leið skilað miklum árangri, bæði
hvað varðar gæði rannsókna, fjöldi birtinga og árangur í sjóðasókn. Um 5 ára verkefni væri að ræða.
4.13 Frekara viðhald mannvirkja Kvennaskólans á Blönduósi
Kvennaskólinn er í 75% eigu ríkisins og 25% í eigu sveitarfélaga í Austur-Húnavatnssýslu. Frá árinu
2009 hefur ríkið ásamt sveitarfélögunum farið í umfangsmiklar viðhaldsframkvæmdir á
Kvennaskólanum á Blönduósi. Viðhaldsframkvæmdir eru langt komnar. Samkvæmt Minjavernd eru
fasteignir á lóðinni óaðskiljanlegur hluti Kvennaskólans. Um er að ræða tvö íbúðarhús
(kennarabústaðir) og húsnæði sem stendur til að nýta sem vinnustofur fyrir listamenn. Þessi
mannvirki eru í afar slæmu ásigkomulagi og því nauðsynlegt að ráðast í viðgerðir á þessum
mannvirkjum.
Takmarkað rými í Kvennaskólanum er farið að standa starfseminni fyrir þrifum. Þess vegna er
nauðsynlegt að ráðast í frekari viðhaldsframkvæmdir á mannvirkjum á kvennaskólalóðinni til að betur
fari um starfsemina sem þar er. Markmið tillögunnar er að viðhalda fasteignum í eigu ríkis og
sveitarfélaga og að rýmka fyrir aukinni starfsemi í Kvennaskólanum á Blönduósi.
31
5 Flutt verkefni
5.1 Höfuðstöðvar nýs húsnæðislánafélags og nýrrar húsnæðisstofnunar verði á
Sauðárkróki
Verkefni 5.1 – Höfuðstöðvar nýs húsnæðislánafélags og húsnæðisstofnunar verði á Sauðárkróki
Ný stöðugildi
Unnið í samráði við viðkomandi fagráðherra
Flutt stöðugildi
Unnið í samráði við viðkomandi fagráðherra
Áætlaður kostnaður
Flyst að mestu til
Ábyrgð og framkvæmd
Velferðarráðuneytið (félags- og húsnæðismálaráðherra)
Tímaáætlun
Starfsemi beggja stofnana hæfist á árinu 2015
Verkefnastjórn um framtíðarskipan húsnæðismála kynnti í maí sl. fyrir ríkisstjórninni tillögur sínar um
framtíðarskipan húsnæðismála á Íslandi. Að baki þeim liggja tillögur ríkisstjórnarinnar um aðgerðir til
að taka á skuldavanda þjóðarinnar, en meðal þeirra tillagna var að skipa verkefnastjórn sem gera ætti
tillögur að nýju húsnæðislánakerfi sem ásamt öðru ætti að tryggja virkan leigumarkað.
Í grófum dráttum skiptast tillögurnar í tvennt og snúa að húsnæðismarkaði og leigumarkaði.
Tillögur um breytingar á húsnæðismarkaði:
Nýtt húsnæðislánakerfi tekið upp þar sem sérhæfð húsnæðislánafélög sem starfa án
ríkisábyrgðar annast lánveitingar. Skilyrði fyrir starfsleyfi er alþjónustukvöð til að tryggja
lánsframboð um land allt.
Íbúðalánasjóði skipt í tvennt, annars vegar í húsnæðislánafélag og hins vegar í
húsnæðisstofnun.
Heimild til að nýta séreignarsparnað vegna húsnæðisöflunar verði gerð varanleg og
einnig endurgreiðsla á virðisaukaskatti vegna húsnæðisframkvæmda.
Tillögur um breytingar á leigumarkaði:
Stjórnvöld veiti fjárhagslegan stuðning til leigufélaga sem rekin verða án
hagnaðarsjónarmiða í formi stofnframlaga.
Vaxtabætur og húsaleigubætur verði sameinaðar í eitt húsnæðiskerfi sem tekur mið af
efnahag en ekki búsetuformi.
Fjármagnstekjuskattur einstaklinga vegna leigutekna verði lækkaður úr 20% í 10%.
Gert er ráð fyrir að frumvörp um endurskipulagningu húsnæðiskerfisins verð lögð fyrir Alþingi í vetur.
Mikilvægt er að þótt Íbúðalánasjóði verði mögulega skipt í tvær stofnanir þá verði höfuðstöðvum og
meginstarfsemi beggja fyrirkomið á Sauðárkróki, með afgreiðslum á höfuðborgarsvæðinu og/eða
Akureyri. Starfsemi Íbúðalánasjóðs á Sauðárkróki hefur gengið með miklum ágætum frá upphafi og
mikilvægt að sú áhersla stjórnarsáttmála ríkisstjórnarinnar að horfa sérstaklega til landsbyggðarinnar
þegar kemur að hlutverki ríkisins á húsnæðismarkaði endurspeglist í breyttri starfsemi sjóðsins.
32
5.2 Höfuðstöðvar RARIK ohf. fluttar til Skagafjarðar og efling starfsstöðva á
Blönduósi og Hvammstanga
Verkefni 5.2 – Höfuðstöðvar RARIK fluttar til Skagafjarðar
Ný stöðugildi
0
Flutt stöðugildi
50
Áætlaður kostnaður
Mest tilflutningur kostnaðar. Flutningskostnaðurinn sjálfur ræðst m.a.
af þeim fordæmum sem ríkið vill setja.
Ábyrgð og framkvæmd
Fjármála- og efnahagsráðuneytið, RARIK ohf.
Tímaáætlun
2016
Lagt er til að höfuðstöðvar RARIK verði fluttar til Sauðárkróks. Jafnframt er lagt til að starfsstöðvar
RARIK á Blönduósi og Hvammstanga verði efldar. RARIK ohf., sem er hlutafélag í eigu ríkisins, var
stofnað 1. ágúst 2006 og tók þá við rekstri Rafmagnsveitna ríkisins sem hófu starfsemi sína 1. janúar
árið 1947.
Megináhersla fyrirtækisins í dag er á raforkudreifingu og hefur verið unnið jafnt og þétt að
uppbyggingu dreifikerfa í sveitum, en um 90% þeirra eru í umsjá RARIK. Dreifikerfi RARIK nær til
Vestur-, Norður-, Austur- og Suðurlands, en auk þess nær dreifikerfi RARIK til 43 þéttbýliskjarna víðs
vegar um landið.
Með tilkomu nýrra orkulaga árið 2003 og ákvæðum um aðskilnað samkeppnis- og einkaleyfisþátta var
ákveðið að stofna sérstakt dótturfélag, Orkusöluna, um framleiðslu og sölu á vegum fyrirtækisins.
Orkusalan tók til starfa í ársbyrjun 2007 og er í eigu RARIK ohf. starfrækir fimm virkjanir,
Rjúkandavirkjun,
Skeiðsfossvirkjun
í
Fljótum,
Grímsárvirkjun,
Lagarfossvirkjun
og
Smyrlabjargaárvirkjun.
Meginstarfsemi RARIK fer fram á landsbyggðinni og annast fyrirtækið þannig orkudreifingu hjá
flestum sveitarfélögum utan höfuðborgarsvæðisins, Reykjaness og Vestfjarða, en þó ekki á Akranesi,
Akureyri, Húsavík, Reyðarfirði, Árborg og í Vestmannaeyjum. Starfsemin er því dreifð og bækistöðvar
margar. Starfsmenn RARIK eru í dag um 200. Af þeim starfa um 50 á aðalskrifstofu í Reykjavík en aðrir
eru dreifðir á um 25 starfsstöðvar fyrirtækisins.
Í ljósi þess að meginstarfsemi RARIK er á landsbyggðinni og virkjanir þess allar á landsbyggðinni færi
einkar vel á því að aðalskrifstofa fyrirtækisins yrði flutt í landshluta þar sem starfsemin
endurspeglaðist vel. Í Skagafirði á RARIK og starfrækir eina virkjun. Fyrirtækið átti auk þess
Gönguskarðsárvirkjun við Sauðárkrók sem nú hefur verið aflögð. Þá keypti RARIK og tók yfir dreifikerfi
Rafveitu Sauðárkróks árið 2002. RARIK á því langa og farsæla sögu í Skagafirði sem íbúar héraðsins
eru stoltir af.
5.3 Efling starfsemi Minjastofnunar á Sauðárkróki
Verkefni 5.3 – Flutningur meginstarfsemi Minjastofnunar á Sauðárkróki
Ný stöðugildi
0
Flutt stöðugildi
6
Áætlaður kostnaður
Flutningur á kostnaði
Ábyrgð og framkvæmd
Forsætisráðuneytið, Minjastofnun
Tímaáætlun
2015
Minjastofnun Íslands hefur haft áhuga á að efla starfsemi stofnunarinnar á landsbyggðinni, þ.m.t. á
Sauðárkróki. Reynsla undanfarinna ára hefur leitt í ljós að starfsemin á landsbyggðinni er það