QAZMA QURĞUSUNUN ÜMUMİ SXEMİ
1- qazma baltası; 2-AQB; 3- QB; 4- konduktor; 5- şaxt borusu; 6-preventil; 7-qazma
qurğusunun döşəməsi (polu); 8-qazma rotoru; 9-işlək qazma borusu; 10-qazma
sütunu; 11-fırlanğıc; 12-qarmaq; 13-tal bloku; 14 –yuxarıda fəhlənin dayanması üçün
balkon; 15- kəllə-çarx; 16- tal kanatı; 17- işlək qazma borusunun şlanqı; 18- baltaya
düşən yükü göstərən indikator; 19- qazma bucurqadı; 20- qazma nasosu; 21- qazma
məhlulu üçün novlar; 22- qazma məhlulunun atqı xətti.
Q
AZIMA QUYUSU HAQQINDA ANLAYIŞ
Hazırlanmış xüsusi meydançadan mexaniki vasitələrlə qazılan, diametri
uzunluğuna nisbətən çox kiçik silindrik lüləyə quyu deyilir.
Quyunun yer səthindəki başlanğıcına quyunun ağzı, sonuna quyunun dibi,
yanlarına quyunun divarı, ağzından dibinə qədər olan məsafəyə isə quyunun dərinliyi
deyilir. Qazıma quyusu dağ süxurlarının mütəmadi olaraq dağıdılması və doğranmış
süxur hissəciklərinin qazıma məhlulu vasitəsilə yer üzərinə qaldırılması nəticəsində
alınır. Quyu həmişə qazıma məhlulu ilə dolu olmalıdır. Adi qazımada quyu dibindəki
süxur təmamilə dağıdılır. Süxur nümunəsi (kern) götürmək lazım gəldikdə isə quyu
dibinin ətraf hissəsi dağıdılır və daxildə dağıdılmamış qalan silindrik özək şəkilli
süxur sütunu bütövlükdə yerin səthinə qaldırılır.
Quyunu qazımaq üçün quyu layihəsi tərtib edilir və xüsusi hazırlanmış
meydanca üzərində qazıma avadanlığı yerləşdirilir. Təhlükəsizlik texnikası,
yanğından mühafizə və ətraf mühitin qorunması tələbləri yerinə yetirilir. Yalnız
bunlardan sonra quyunun qazılmasına başlamaq olar.
Quyular qazılma məqsədlərinə görə aşağıdakı növlərə ayrılır:
1.
İsnad (dayaq) quyuları – iri regionların geoloji kəsilişini və hidrogeoloji şəraitini
öyrənmək, çöküntü süxurlarının yayılma qanunauyğunluqlarını təyin etmək, neft
və qazın yerləşməsi ehtimalı olan laylar içərisindən ən perspektivlisini seçib,
geoloji kəşfiyyat işlərinin əsas istiqamətlərini müəyyən etmək üçün qazılır.
2.
Parametrik quyular - neft və qazın yığıldığı perspektivli zonaları aşkar etmək,
seysmik və digər geofiziki tədqiqatların nəticələrini dəqiqləşdirmək, kəsilişin
geoloji-geofiziki xarakteristikası haqqında məlumatlar toplamaq və rayonda əsaslı
surətdə geoloji işlərin aparılmasının zəruriliyini müəyyən etmək üçün qazılır.
3.
Struktur quyular – aşkar edilmiş perspektiv sahələrdə axtarış-kəşfiyyat
quyularının qazılmasına hazırlıq işlərinin aparılması, struktur quyuların qazılması
nəticəsində müxtəlif nöqtələrdə layların yatım elementlərini təyin etmək
(tektonikası, stratiqrafiyası və litologiyası) və həmin sahənin geoloji profilinin
tərtib edilməsi üçün qazılır.
4.
Axtarış quyuları – geoloji çəkilişlər, struktur qazıma, geofiziki və geokimyəvi
tədqiqatlar yaxud bu üsullar kompleksi nəticəsində sahənin neftlilik və qazlılığını
müəyyən etmək üçün qazılır.
5.
Kəşfiyyat quyuları – sənaye əhəmiyyətli neftli-qazlı sahələrdə yatağın
konturlarını təyin etmək, yataqdakı ehtiyatı müəyyən etmək və onun işlənməsi
məqsədilə hazırlıq işlərinə başlamaq üçün qazılır.
6.
İstismar quyuları – neft və qaz yataqlarının işlənməsi üçün qazılır. Bu qəbildən
olan
quyulara
qiymətləndirici
(məhsuldar
qatların
kollektorluqlarını
qiymətləndirmək üçün), vurucu (lay təzyiqinin düşmə intensivliyini azaltmaq və
təbii fontan dövrünü uzatmaq məqsədilə məhsuldar horizontlara su, hava və ya
qaz vurulması üçün), müşahidəci (nəzarətçi, pyezometrik quyular) quyular aiddir.
QAZIMA REJİMİ
Qazıma avadanlığının potensial imkanlarından maksimum istifadə etməklə,
qazımanın yüksək kəmiyyət və keyfiyyət göstəricilərini təmin edən və asan idarə
edilə bilən parametrlərin kombinasiyasına səmərəli qazıma rejimi deyilir. Əlavə
olaraq, az maddi vəsait sərf etməklə, yuxarıda qeyd edilən şərtləri tam ödəyən qazıma
rejimi isə optimal qazıma rejimi adlanır. Hər iki rejimdə layihədə nəzərdə tutulan
rejim parametrlərinin seçilməsində və həyata keçirilməsində heç bir məhdudiyyət
olmur.
Əgər qazıma avadanlığı rejim parametrlərinin seçilmiş qiymətlərini təmin edə
bilmirsə, elektrik mühərriklərinin gücü tələb edilən həddi ödəyə bilmirsə, ağır qazıma
borularının uzunluğu layihədə nəzərdə tutulan oxboyu yükü həyata keçirməyə imkan
vermirsə, qazıma kəmərinin aşağı hissəsinin sərtliyi tələb edilən həddən aşağıdırsa,
qazıma nasosları lazım olan məhsuldarlıqla işləyə bilmirsə, belə qazıma rejiminə
məhdud qazıma rejimi deyilir. Bu qazıma rejimində də bütün imkanlardan maksimim
istifadə edilməsi çox vacibdir.
Xüsusi texnoloji məsələlərin həll edilməsini təmin edən qazıma rejiminə isə
xüsusi qazıma rejimi deyilir. Bu halda qazımanın keyfiyyət göstəriciləri ön plana
çəkilir, qalan göstəricilər isə II dərəcəli əhəmiyyət kəsb edir. Keyfiyyət
göstəricilərinə: quyu lüləsinin tələb olunan dərinlikdə yan tərəfə kəsilməsi, azimut və
əyriliyinin düzəldilməsi, quyu dibindəki kənar cismin qazılması, quyudan süxur
nümunəsi götürülməsi və s aiddir.
3 rejim parametrləri mövcuddur:
Baltaya verilən oxboyu yük P, qazıma məhlulunun miqdarı Q və keyfiyyəti,
qazıma baltasının dövrlər sayı n.
Qazımanı səmərəli, yaxud optimal rejimdə aparmaq üçün, qazıma rejiminə
ciddi təsir edə bilən aşağıdakı tələb də hökmən yerinə yetirilməlidir. Əks təqdirdə
yüksək göstəricilərə nail olmaq mümkün deyil.
- Geoloji şərait və qazılacaq süxurların fiziki və mexaniki xassələrini nəzərə
almaqla, qazıma baltasının tipi düzgün seçilməlidir. Yalnız rejim parametrlərinin
düzgün seçilməsi və qeyd edilən tələbin yerinə yetirilməsi sayəsində qazımanın əsas
göstəriciləri olan: bir baltanın gedişini qazımanın mexaniki və reys sürətlərini eləcə
də digər göstəriciləri yüksəltmək olar (bax:qazımanın texniki-iqtisadi göstəriciləri
bölməsi).
Rejim parametrlərinin qiymətlərini müəyyən həddə qədər artırmaqla və qazıma
məhlulunun keyfiyyətini yaxşılaşdırmaqla qazımanın mexaniki sürətini bir qədər
artırmaq mümkün olur. Lakin qazıma zamanı rejim parametrlərinin, baltanın, qazıma
borularının tipinə və diametrlərinə, həm də qazıma mühərrikinin gücünə müvafiq
olması bu amillərin qiymətlərinin ixtiyari olaraq artırılmasına yol vermir. Məlumdur
ki, rejim parametrlərinin qiymətlərinin artması ilə yanaşı balta və qazıma alətində
əlavə gərginliklər yaranır. Bu gərginliklər isə buraxıla bilən həddi keçdikdə qazıma
Dostları ilə paylaş: |