Azərbaycan Respublikasında gömrük sisteminin inkişafı (1991-2014)
153
Azərbaycan Respublikası Nazirlər Kabinetinin “Azərbaycan Respublikası
ərazisinə gətirilən minik avtomobillərinin aksiz vergisinə cəlb edilməsi
haqqında” 1997-ci il 2 sentyabr tarixli 101 nömrəli Qərarı ilə ləğv edildi.
Qərar MDB ölkələri hüdudları kənarında istehsal edilən və yaşı istehsal
tarixinin 1 ilindən artıq olmayan minik avtomobillərinin idxalı üçün minik
avtomobillərinin gömrük dəyərinin 15 faiz aksiz vergisi ödənilməsini tələb
edirdi. Bu Qərar da öz növbəsində 2001-ci il 24 yanvar tarixli 22 nömrəli
Qərar ilə ləğv edildi. Azərbaycan Respublikası Nazirlər Kabinetinin “MDB
ölkələrinin istehsalı olmayan gətirilən aksiz vergisinə cəlb edilən malların
aksiz dərəcələri haqqında” 1996-cı il 2 iyul tarixli 80 nömrəli Qərarı MDB
ölkələrindən kənarda istehsal edilən alkoqollu içkilərin və tütün
məmulatlarının idxalı üçün aksiz dərəcələrini müəyyən edir. Bu Qərar
Azərbaycan Respublikası Nazirlər Kabinetinin “Azərbaycan Respubli-
kasının ərazisinə gətirilən aksiz vergisinə cəlb olunan malların aksiz dərəcə-
lərinin təsdiq edilməsi haqqında” 2001-ci il 19 yanvar tarixli 20 nömrəli
Qərarı ilə ləğv edildi.
Məlumdur ki, dövlət büdcəsinin formalaşmasının əsas ağırlığı, əlbəttə
ki, vergi orqanlarının üzərinə düşür. Lakin son illərin göstəricilərinin təhlili
büdcə gəlirlərinin formalaşmasında vergi orqanları ilə bərabər gömrük
orqanlarının da əhəmiyyətli rol oynadığını qeyd etməyə əsas verir.
Rəsmi statistik məlumatlara görə, 1996-cı ildən etibarən həm Vergilər
Nazirliyi, həm də Dövlət Gömrük Komitəsi üzrə vergi daxilolmalarının
dinamikasında davamlı artım müşahidə olunurdu. Belə ki, 1996-cı ilə
nisbətən 2003-cü ildə Vergilər Nazirliyi üzrə daxilolmalarının mütləq həcmi
təxminən 2,5 dəfə, Dövlət Gömrük Komitəsi üzrə isə 3,9 dəfə artdı.
1996-2003-cü illərdə DGK üzrə büdcəyə daxilolmaların həcminin
artımı ildə orta hesabla 19,0 faiz təşkil etdi. Vergi Məcəlləsinin 190-cı
maddəsi, o cümlədən yeyinti spirti, pivə və bütün növ alkoqollu içkilər,
tütün məmulatları və neft məhsulları da daxil olmaqla aksiz vergisinə cəlb
olunan malların siyahısını müəyyən edir. Burada neft məhsullarından başqa
bütün mallar üçün aksiz vergisi dərəcələri müəyyən edilir. 188-ci maddədə
fiziki şəxsin fərdi istehlakı üçün 3 litr alkoqollu içkinin və 3 blok siqaretin
idxalı, həmçinin Azərbaycan Respublikasına avtomobillərlə gələn şəxslər
üçün həmin avtomobilin texniki pasportu ilə nəzərdə tutulmuş yanacaq
çənindəki yanacaq, həmçinin, Azərbaycan Respublikası ərazisindən tranzit
Gömrük işi Azərbaycan dövlətçiliyi tarixində:
154
ilə daşınan mallar, təkrar ixrac üçün nəzərdə tutulan mallar istisna
edilməklə, malların Azərbaycan Respublikası ərazisinə müvəqqəti idxalı,
təkrar ixrac üçün nəzərdə tutulan və girovla təminat verilən mallar aksiz
vergisindən azad edilir.
Vergi Məcəlləsinin 190.2-ci maddəsi müvafiq dövlət orqanlarına
aksiz vergisinə cəlb olunan malların idxalı üçün aksiz dərəcələrini müəyyən
etmək səlahiyyəti verir. Vergi Məcəlləsinin 182.1-ci maddəsinə uyğun
olaraq aksiz vergisi malların satış qiymətinə daxil edilir. Aksiz vergisinə
cəlb olunan malların ixracına sıfır (0) dərəcə aksiz dərəcəsi tətbiq edilir [94,
2003, 29 avqust].
“Azərbaycan Respublikasının Vergi Məcəlləsinin təsdiq edilməsi,
qüvvəyə minməsi və bununla bağlı hüquqi tənzimləmə məsələləri haqqında”
Azərbaycan Respublikasının 2000-ci il 11 iyun tarixli 905-IQ nömrəli
Qanununa uyğun olaraq aksiz vergisinə cəlb olunan malların siyahısı
verilmişdir. “Azərbaycan Respublikasının ərazisinə gətirilən aksiz vergisinə
cəlb olunan malların aksiz dərəcələrinin təsdiq edilməsi haqqında” 2001-ci
il 19 yanvar tarixli 20 nömrəli Qərar Azərbaycan Respublikasında istehsal
edilən yeyinti spirti, pivə, alkoqol və tütün məmulatlarına tətbiq edilən aksiz
dərəcələrini təsdiq etmişdir.
Hökumətin “Azərbaycan Respublikasının ərazisinə gətirilən aksiz
vergisinə cəlb olunan malların aksiz dərəcələrinin təsdiq edilməsi
haqqında” Azərbaycan Respublikasının Nazirlər Kabinetinin 20 nömrəli, 19
yanvar 2001-ci il tarixli, Qərarına dəyişiklik edilməsi barədə” 209 nömrəli
10 noyabr, 2005-ci il tarixli Qərarı Azərbaycan Respublikasının ərazisinə
gətirilən aksiz vergisinə cəlb olunan malların aksiz dərəcələrini müəyyən
etmişdir.
Qeyd edilən hüquqi aktlar gömrük ödənişlərinin əhəmiyyətli dərəcədə
artmasına təsir etmişdir. Gömrük nəzarətinin və qaçaqmalçılığa qarşı
mübarizənin gücləndirilməsi, gömrük orqanlarının maddi-texniki bazasının,
habelə maliyyə intizamının möhkəmləndirilməsi sahəsində görülən işlər
büdcə gəlirlərinin yaradılmasında Dövlət Gömrük Komitəsinin rolunu xeyli
artırdı.
Gömrük siyasətinin əsas istiqamətlərindən biri kimi fiskal sahədə də
dönüş yaradıldı. Büdcə gəlirlərində gömrük vergi və rüsumlarının xüsusi
çəkisi 1994-cü ildəki 3,2 faizdən və ya 17,4 mlrd. manatdan 2001-ci ildə 24
Azərbaycan Respublikasında gömrük sisteminin inkişafı (1991-2014)
155
faizə və ya 822 mlrd. manata çatmışdı. Lakin vergi orqanlarının işinin
səmərəliliyinin artmasının məntiqi nəticəsi olaraq, gömrük vergi və rüsum-
larının artımı yüksələn xətlə davam etdirilsə də, büdcə çəkisində onun payı
azalmaqda idi. Belə ki, 2002-ci ildə bu göstərici 20,3 faiz (921, 8 mlrd.
manat), 2003-cü ildə 17,3 faiz (1 trilyon 61, 2 mlrd. manat), 2004-cü ildə
17,0 faiz (1 trilyon 303, 3 mlrd. manat) olmuşdur. Bu, normal hal olmaqla
ölkənin iqtisadi siyasətinə tamamilə uyğun idi.
Aşağıdakı cədvəl təkmilləşdirilmiş qanunlar çərçivəsində beş il
ərzində gömrük yığımlarının dinamikasını əks etdirir:
Cədvəl 3.1
1998-2003-cü illərdə Azərbaycan Respublikasında gömrük vergi
və rüsumlarının həcmi (1991-ci ilin qiymətləri ilə, mlrd. manat)
Göstəricilər
1998
1999
2000
2001
2002
2003
Gömrük vergi və rüsumları,
cəmi: O cümlədən:
561,0 662,0 720,0 822,0 921,8 1061,2
Gömrük rüsumları
286,4 315,3 314,0 260,3 276,7 294,9
ƏDV
232,8 299,3 384,8 521,5 602,1 717,6
Aksiz vergisi
32,2 36,6 12,0 31,7 35,9 43,3
Yol vergisi
9,6 10,8 8,7 8,3 7,1 5,4
Respublika büdcəsində xüsu-
si çəkisi (%)
24,1 23,7 20,1 24,0 20,3 17,3
Ümumi daxili məhsulda
xüsusi çəkisi (%)
3,3 3,5 3,1 3,1 3,1 3,0
Cədvəldən göründüyü kimi, beş ildə gömrük vergi və rüsumlarının
həcmi artaraq 1998-ci ildəki 561 mlrd. manatdan 1061, 2 mlrd. manata
yüksəldi.
1998-2003-cü illərə aid rəsmi statistikanın araşdırılması ölkədə göm-
rük vergi və rüsumlarının dinamikasında müsbət meyllərin baş verdiyini
sübut edir. Belə ki, 1998-ci ilə nisbətən 2003-cü ildə gömrük vergi və
rüsumlarının həcmi 89,2 faiz, 2002-ci illə müqayisədə isə 15,1 faiz artmışdı.
Gömrük vergi və rüsumlarının ümumi həcminin artmasında gömrük rüsum-
larının və əlavə dəyər vergisinin tətbiqi mühüm rol oynamışdı. Müqayisə
edilən dövrdə gömrük rüsumları 3,0 faiz, əlavə dəyər vergisi isə təxminən
8,2 dəfə artmışdı. Əgər 1998-ci ildə gömrük vergi və rüsumlarının 51,1 faizi
Dostları ilə paylaş: |