Gömrük işi Azərbaycan dövlətçiliyi tarixində:
170
2006-cı ilin noyabr ayında Azərbaycan Respublikası ilə Aİ arasında
Avropa Qonşuluq Siyasəti Çərçivəsində Fəaliyyət Planı təsdiq olundu. Cə-
nubi Qafqaz regionunda strateji maraqları olduğunu açıqlayan Aİ Azərbay-
canla bir çox sahələrdə əməkdaşlıq etmək niyyətində olduğunu bildirmişdi.
2006-cı il noyabrın 7-də Azərbaycan Respublikası ilə Aİ arasında Enerji
sahəsində Strateji Tərəfdaşlıq üzrə Anlaşma Memorandumu imzalandı.
Ulu Heydər Əliyev Azərbaycanın Qara Dəniz İqtisadi Əməkdaşlıq
Təşkilatında (QDİƏT) iştirakına böyük əhəmiyyət verir, bu iqtisadi əmək-
daşlığı xalqlar arasında qarşılıqlı etimadın və anlaşmanın möhkəmlənməsi
üçün ən mühüm vasitə hesab edirdi. O, göstərirdi ki, “dünyada mürəkkəb
proseslər getdiyi bir dövrdə bizim hamımız, bütün ölkələrimiz, xalqlarımız
bir-birimizlə daha sıx münasibətlər yaratmağa, bütün sahələrdə əməkdaşlığı
möhkəmləndirməyə ehtiyac duyuruq” [55, 425]. Üzv dövlətlərin 1999-cu
ilin noyabrın 19-da İstanbulda keçirilən zirvə görüşündəki nitqində isə
Heydər Əliyev demişdi ki, bu təşkilatın “fəaliyyətini canlandırmaq üçün
hələ istifadə edilməmiş xeyli imkanlar vardır” [59, 141].
Azərbaycan Respublikası regionda ticarətin liberallaşdırılmasını təmin
edən sənədlərin hazırlanması məqsədilə toplanan qrupların iclaslarında fəal
iştirak etməklə yanaşı, eyni zamanda milli və iqtisadi təhlükəsizlik
məsələlərini əsas götürürdü. Məsələn, üzv dövlətlər tərəfindən 2002-ci ilin
martın 6-da Kiyevdə imzalanmış “QDİƏT regionunda malların yol daşıma-
larının asanlaşdırılması haqqında Anlaşma Memorandumu” adlı sənədə
Azərbaycan tərəfinin qeyd-şərtində bəyan edilirdi ki, memorandumda göstə-
rilmiş hüquq, öhdəlik və müddəaların heç biri Ermənistan Respublikasına
aid edilməyəcəkdir [20, 366-370].
Xarici ticarətin beynəlxalq normalar səviyyəsində təşkili üçün
Azərbaycan Respublikasının Dünya Ticarət Təşkilatının (DTT) tam hüquqlu
üzvü olmasına hazırlıq işləri görür. Məlumdur ki, həmin təşkilatın üzvlü-
yünə qəbul edilən ölkələrin xarici ticarət sahəsində apardıqları dəyişikliklər
və islahatların strateji istiqamətləri ticarətin liberallaşması, əsassız məh-
dudiyyətlərin aradan qaldırılması və inzibati idarəetmə sisteminin iqtisadi
metodlarla əvəz olunmasını tələb edir. Bunu nəzərə alan Respublika
hökuməti xarici ticarət rejimi haqqında memorandum hazırlayıb DTT-yə
təqdim etdi. Bu sənədə respublikanın xarici iqtisadi fəaliyyətinə aid bütün
qanunvericilik aktları daxil edildi. Nəticədə 1998-ci ilin iyul ayında
Azərbaycan Respublikasında gömrük sisteminin inkişafı (1991-2014)
171
Azərbaycan Respublikası DTT-də müşahidəçi statusu aldı. Bunlarla bərabər,
dünya standartlarına cavab verən qanunvericilik bazasının yaradılması və ya
qəbul olunmuş qanunlara əlavə və dəyişikliklərin edilməsi əsas şərtlərdən
biridir. DTT-nin şərtlərinə əsasən üzv ölkələrdən idxal olunan mallara aşağı
rüsum dərəcələri tətbiq edilməlidir. Bu tarif səviyyəsi DTT çərçivəsində
aparılan çoxtərəfli danışıqlar nəticəsində müəyyən olunur. Lakin DTT-yə
üzv olmayan ölkələrdən mal idxal etdikdə bu şərtlər tətbiq olunmur. Digər
tərəfdən, üzv ölkələr lazım olarsa ticarət mübahisələrinə dair DTT-nin təklif
olunan həll mexanizmlərindən istifadə edə bilər. Azərbaycan Respublikası
Prezidentinin “Azərbaycan Respublikasının Ümumdünya Ticarət Təşkilatına
üzv olması prosesi ilə əlaqədar qanunvericiliyin Ümumdünya Ticarət
Təşkilatının tələblərinə uyğunlaşdırılması üzrə Tədbirlər Planının təsdiq
edilməsi barədə” 2006-cı il 2 avqust tarixli Sərəncamı da məhz bu məqsədi
daşıyırdı. Tədbirlər Planının “Mallarla ticarətə təsir göstərən siyasətə dair
tədbirlər” adlı 1-ci bölməsində digər dövlət orqanları ilə bərabər, DGK
qarşısında aşağıdakı mövzular üzrə mövcud qanun və qaydaların DDT-nin
tələblərinə uyğunlaşdırılması üzrə qanun layihələrinin hazırlanması tələb
olunurdu: 1) Milli tarifin xüsusiyyətləri; 2) İdxal lisenziyalaşdırma prose-
duraları; 3) Gömrük qiymətləndirilməsi; 4) Daxili vergilərin idxala tətbiq
edilməsi; 5) Malın mənşə ölkəsinin təyin edilməsi; 6) Sanitar və fitosanitar
tədbirlər [6, 2006, 5 avqust]. DTT-yə üzv olmada müzakirə edilən əsas
məsələlərdən biri məhz sahibkarların əldə edəcəkləri qazanc və itkilərdir.
Azərbaycan DTT-yə üzv olacağı təqdirdə xarici iqtisadi fəaliyyət iştirak-
çılarının daha çox gəlir əldə etməyi mümkün olacaqdır. Lakin bu prosesdə
Azərbaycanın üzləşdiyi əsas problem danışıqlar aparan ölkələrin maksimum
dərəcədə öz maraqlarını güdməsidir [131, 2006, №6, 70-71] .
Bu illər ərzində ölkəmiz BMT-nin müxtəlif ixtisaslaşmış qurumlarının
fəaliyyətində yaxından iştirak edirdi. Azərbaycanın xarici iqtisadi əlaqə-
lərinin inkişafında BMT-nin İnkişaf Proqramı (BMTİP), Birləşmiş Millətlər
Sənaye və İnkişaf Təşkilatını (BMSİT) və BMT-nin Mərkəzi Asiya iqtisa-
diyyatları üçün Xüsusi Proqramının (SPECA Proqramı) xüsusi əhəmiyyəti
oldu. Azərbaycan Respublikası 2000-ci ildə BMSİT çərçivəsində “Sənaye
inkişafı sahəsində əməkdaşlıq haqqında Memorandum” imzalanmışdı.
2002-ci ilin noyabrında isə Azərbaycan Respublikası SPECA-ya üzv qəbul
edilmişdi. Bu proqramın əsas məqsədi region ölkələrinin inteqrasiyasının