151
Həsən bəy kəsə yolla Birjevaya küçəsinə, Bakı Qəza İdarəsinə
yetişdi. İdarənin həyəti insanla dolu idi. Soyuq külək insanların
əlini-üzünü qılınc kimi kəssə də, onlar qapının ağzında dayanıb
Həsən bəyi gözləyirdilər. Əyinlərində soyuqdan qorunmaq üçün
isti geyimlərin olmamaması onları daha sıx dayanmağa məcbur
etmişdi.
– Gəldi, Həsən bəy gəldi.
Xısın-xısın danışıqlar bir-birinə qarışdı. Hamı Həsən bəyə
doğru can atırdı:
– Həsən bəy, ümidimiz sizədir. Məni aldadıb qol çəkdiriblər.
Allah səni bizə çox görməsin, bala!
– Ay oğul, vəkilim də məni aldadıb.
– Bizim savadsızlığımızdan istifadə edirlər, öz əllərimizlə
başımıza kül ələyirlər, aldadıb evimizin sökülməsinə barmaq
basdırırlar.
Əksər şikayətlərin kökündə məmur riyakarlığı, haqsızlıq,
savadsızlıqdan istifadə edərək aldadılmaq dururdu.
Həsən bəy hər gün otağına keçmədən, idarənin önündəcə
şi kayətçiləri səbir və hövsələ ilə dinləyir, gərəkli məsləhətlər
verirdi. İçəri keçəndən sonra isə növbə ilə onların ərizələrini
oxuyur, aldananların əvəzindən təzədən ərizə yazır, müraciətlərinə
yenidən baxılmasına kömək edirdi. Hər dəfə qəbul etdiyi adamlara
tövsiyə edirdi ki, övladlarınızı oxudun, savadlı olsanız, sizi aldada
bilməzlər.
Günorta nahar vaxtı olsa da, Həsən şikayətçiləri dinləməkdə
davam edirdi. Qonşu otaqda çalışan erməni Aslanyan nahara
gedəndə adəti üzrə şikayətçiləri ələ salır, Həsən bəyin qarasınca
ucadan: “Gedin övladlarınızı oxudun, mütləq oxudun, yoxsa işiniz
fənadır,” – deyərdi.
Həsən bəy ona baxaraq başını buladı: “Hiyləgər, bic və axmaq
erməni,” – söylədi.
Bu an digər bir məmur həmkarı Həsən bəyi də nahara dəvət etdi:
– Bəy, gedək nahara, şikayətçilər qurtaran deyil, qoy göz-
ləsinlər.
152
Sonra həmin məmur Həsən bəyə yaxınlaşaraq, ağzını onun
qulağına söykəyib pıçıltı ilə:
– Həsən bəy, bir də belə etmə, yoxsa sənin şikayətçilərlə
belə davranışın bütün idarəni qarışdırar. Hamı bu haqda danışır,
narazılıq edir.
– Siz narahat olmayın. Mən bir şey etmirəm ki, sadəcə, nahara
getmirəm, öz işimi görürəm. O ki qaldı mənim ardımca danışanlara,
qoy onlar qısqanclıq etməkdənsə, qeyrət çəksinlər. Siz də, cənab
Əhmədzadə, mənə görə narahat olmayın!
Əhmədzadə daha heç nə demədi, pərt vəziyyətdə otaqdan
çıxdı.
Şikayətçilərin dərdləri, çətinlikləri həddən artıq çox idi, bütün
bu müşküllərə çözüm tapmaq bir məmurun işi deyildi. Həsən bəy
çətinlikdən qorxan deyildi, düşünürdü ki, özünü ziyalı sayan şəxs
öz öhdəliyini, borcunu yerinə yetirsə, cəmiyyəti yaxşılığa doğru
dəyişmək olar. O, sonuncu şikayətçini yola salaraq ayağa qalxmaq
istərkən gözü qapının arxasında qoyulmuş kiçik bağlamaya sataşdı:
– Ay əmi, bu bağlama qaldı.
– O, sizə çatacaq…
– Mənə niyə?
– Kiçik bir hədiyyədir, sizə gətirmişəm.
– Təəssüf edirəm, əmi, qayıdın götürün!
– Ay oğul, bu idarədə “bəxşiş” həmişə olub, sizdən əvvəlki
məmurlar insanlardan zorla alırdı belə hədiyyələri.
– Çox nahaq vermisiniz. Ailənizin boğazından kəsib kiməsə
verdiyiniz o “bəxşişləri” Allah qəbul etməz, həm də alana da
haramdır.
Şikayətçi kişi məəttəl qalmışdı. Bu adam idarənin köhnə “üsul-
larını” kökündən ləğv etməyə çalışırdı, amma bu mümkünsüz idi.
Həsən bəy həmin gün yenə də nahar etmədən çalışmışdı.
Ota ğından bayıra çıxmaq istəyəndə o, Aslanyanın dediyi sözləri
xatırladı, onun otağına qayıtdı. Özündənrazı erməninin cavabını
ver məyi qət etdi. Aslanyanın qapısı açıq idi. Həsən bəy otağa
girərək:
– Sağ ol, həmkarım, mən sənin “canıyananlığını”, “qay ğı-
153
keşliyini” yadda saxlayacam, – dedi.
– Həsən can, mən səni çox istədiyimdən bunu söylədim. Xahiş
edirəm, sözlərimə istehza etməyin.
– Yox, istehza deyəndə ki, Arakel müəllim, mən sizin
şikayətçilərə ünvanladığınız “lağ-lağı”nın mahiyyətini anlamadım.
Bir ərizədə iyirmi-otuz səhv buraxan sizin kimi məmurların
özünün də ciddi təhsilə ehtiyacı var. Bundan başqa, sizin çuğulluq
peşənizi, milli ayrı-seçkilik salaraq müsəlman şikayətçilərini get-
gələ salmağınızı, özünüzə oxşar vəkillərə yönəltməyinizi, sonra da
hər iki tərəfdən rüşvət almağınızı nəzərə alsaq, vəziyyətinizin nə
qədər faciəvi, dözülməz olduğunu görərik. Beləliklə, əziz Arakel,
mənim insanlara etdiyim gərəkli tövsiyələrə lağ edərək, gülüş
hədəfinə çevirməkdənsə, öz təhsiliniz, fəaliyyətinizlə məşğul
olsanız, daha yaxşı olar!
– Həsən can, vallah sizin elmə, maarifə münasibətiniz
mənim çox xoşuma gəlir, niyə inciyirsiniz? Mənim atam, əmim
bütün qonşularım sizin tövsiyələrinizdən danışır, – erməni məmur
riyakarlıq niqabını sifətinə çəkərək, yaltaqlanmağa başladı.
– Arakel müəllim, xəbərin varmı, mən millətindən asılı ol-
ma yaraq hamıya oxuyub, təhsil almağı məsləhət görürəm.
Sizinkilərsə qapı-qapı gəzərək müsəlman milyonçularından pul
yığır, dil tökərək erməni xeyriyyə cəmiyyətinə sərvət toplayır,
ancaq bir dənə müsəlman uşağına yardım göstərmir, yalnız erməni
uşaqlarının maariflənməsiylə məşğul olurlar. Bir də sənə bir
tövsiyəm var, gələcəkdə məktub və ərizələrində ciddi səhvlərə yol
verməmək üçün yazandan sonra onları kiməsə yoxlat, ya da gətir
mən sənə kömək edərəm. Sənin peşən, məslək və xislətin nəinki bu
idarədə, bütün Bakıda hamıya bəllidir.
Həsən bəyin qarşısında cücəyə dönən bu hiyləgər, özündənrazı
erməni yerində donub qalmışdı. Əslində, peşəsi “donos” yazmaq,
yuxarılara xəbər aparıb-gətirmək olan belə bir adama baş qoşmağı
Həsən bəy özünə rəva görmək istəmirdi. Eyni zamanda, beləsinin
payını vermək istədiyindən o, Aslanyanın üzərinə getməyə qərar
vermişdi.
Həsən bəy idarədən bayıra çıxanda hava qaralmışdı, mart ayı
Dostları ilə paylaş: |