Sükut zonası Şahin Böyükağa oğlu Əlibəyli Zone of silence
Yüklə 3,31 Mb. Pdf görüntüsü
|
66
görmədən gecənin zülmət qaranlığı içərisində elə çətin şəraitdə piyada getmələri qətiyyən inandırıcı deyildir. Heyvanlara gəldikdə əlbəttə ki, orada heç bir qoyun və yaxud keçi ola bilməz. Çünki heyvanlara baxmaq üçün burada heç bir şərait yoxdur. Səhrada heyvanın yemək üçün bir qida tapa bilməsi ağlabatan deyildir. Bundan başqa, jurnalistin «görüşdüyü» və «söhbət etdiyi» adamları hökmən fotoqraf da görməliydi. Növbəti günlərdə qəribə yerin aparılmış müayinəsi səhranın bir neçə on milə bərabər (16 kilometrdən çox) ərazisində tam adamsızlıq olduğuna inanmağa, insanların gediş-gəlişinin mümkünsüzlüyünə əmin olmağa imkan vermişdir. Bütün bunları özü ilə heç bir lazımi ləvazimat götürməyən yorğun jurnalistin qorxunc səhrada gecənin zəhmli aurasının əlavə olaraq vəziyyəti qəlizləşdirdiyi bir şəraitdə duyğu orqanlarının funksiyasında baş vermiş müvəqqəti pozğunluğun əlaməti kimi qiymətləndirmək olardı. Bundan əlavə, söylənilmiş müəmmalı və dolaşıq hekayə kifayət qədər qarışıq və anlaşılmaz olduğundan fantastik uydurma kimi görünə, elə jurnalist təxəyyülünün məhsulu olaraq qarşılana bilərdi. Fəqət başqa adamların şəhadətlərində oxşar hadisələr təsdiqini tapmışdı. Xüsusən «sükut zonası»nın lap qırağında yerləşən kiçik ranço sahiblərinin humanoid tipli qəribə məxluqlarla görüşlərinin olmaları haqqında verdikləri məlumatlar hər kəsdə heyrət doğurmuşdu. Onlar ağlı başında olan, sağlam düşüncəli və tamamilə anlaqlı adamlar idilər. Bu ayıq adamların danışdıqlarına görə, üç qəribə insan bir neçə dəfə qonaq kimi onlara baş çəkiblər. Uzun tükləri və açıq rəngdə dərisi olan, qəşəng görünüşlü sarışın adam təsiri bağışlayan, lakin qəribə stildə geyinib-keçinən qonaqlar ispan dilində əla, nöqsansız danışırlar, lakin onların səsində nəsə bir musiqi tembri (cingilti), nitqində bir qədər qəribə təsir bağışlayan «mexaniki» aksent duyulur (özgə dildə danışanlara xas tərzdə qeyri-adi tələffüz xüsusiyyəti hiss olunur). Özlərini həddən ziyadə qanacaqlı, ədəbli, nəzakətli və səmimi aparan qonaqlardan ikisinin kişi, birinin isə qadın cinsli olması qeyd edilir. Verilən məlumata görə, onların mehriban, gülərüz, nəvazişkar və xeyirxah olduqları dərhal sezilir. Çağrılmamış qonaqların kifayət qədər tərbiyəli, üzügülər, xoşrəftar və iltifatlı olmaları onların bir kimsəyə zərər yetirə biləcəkləri qənaətinə gəlməyə imkan verməmişdir. Sarıyağız qonaqlar həmişə quyudan su götürməyə, özlərilə gətirdikləri qabı doldurmağa icazə verilməsini xahiş etmişlər. Maraqlıdır ki, onlar yalnız suya görə ağız açmış, heç vaxt proviziya (ərzaq) haqqında söz salmamış, heç bir qidanın adını çəkməmişlər. Ranço sahibləri bir neçə dəfə onların kim olduğunu və haradan gəldiklərini soruşublar. Tanış olmayan məxluqlar kim olmaları sualından yayınmış, ona heç vaxt cavab verməmişlər. Ancaq mərifətli və xoşüzlü qonaqlar ikinci suala münasibət bildirərək yalnız anlaşılmaz surətdə, müəmmalı şəkildə gülümsəmiş və göyü göstərmiş, «yuxarıdan» gəldiklərinə işarə etmişlər. Yeri gəlmişkən qeyd edək ki, onlara oxşar olan uzun saçlı sarışınları Kaliforniyada Syerra-Nevada yaxınlığında və Pireneidə görmüşlər. Şayələrə görə, onlar yerli sakinlərə müraciət edərək verdikləri qızıl külçələri süd və çörəklə dəyişdirirmişlər. Ranço sahibləri gecə səmada müəmmalı işıqlar və üzən boşqablar görmüşlər. Şahidlər həmin obyektlərin səhraya sanki vertikal istiqamətdə endiklərini qeyd etmişlər. Tanınmamış uçan obyektlərin məhz həmin yerə enmələri və yerli insanlarla yadplanetlilərin görüşünün olması haqqında əhali arasında yayılmış rəvayət və əfsanələrə
67
gəldikdə burada bir vaqonun və kiçik ölçüdə arabanın tapılması artıq lazımsız söz- söhbətlərə son qoyulmasını və dərin tədqiqatlar aparılmasını labüd etmişdir. Boyu cəmi bir neçə on santimetr olan və qəribə tərzdə geyinən cırtdanlarla görüşlər olmasına dair çoxsaylı xəbərlər vardır. Bir dəfə yerli biznesmen Ruben Lopes gecə «zonadan» keçməklə Sebalyos şəhərinə gedirdi. Səhrada getdiyi vaxt birdən onun avtomobilinin mühərrikində qeyri-müntəzəmlik şəklində pozğunluq başlayır, onun işləməsində fasilələr olur. R. Lopes buna çox möhkəm təəccüblənir. Çünki onun maşını lap yaxın günlərdə tam texniki xidmətdən keçirilmişdir. Lopes qabaqda təxminən otuz metr məsafədə alçaqboylu beş fiqurun yol qırağında dayandığını görür. Ağlına gələn ilk fikir onların azmış uşaqlar olması ehtimalını ortaya qoyur. Lopes lap yaxına gələndə fiqurların əyinlərinə gümüşü kombinezonlar geyindiklərini və motosiklet şlemini xatırladan bir dəbilqə ilə başlarını örtdüklərini görür. Təxminən 50 santimetr boyu olan cırtdanlar avtomobilə yaxınlaşır, sanki onu hər tərəfdən əhatə edirlər. Bərk qorxmuş Lopes sürət ötürücüsünün neytral vəziyyətdə olmasına baxmayaraq qaz pedalını birdən möhkəm basır. Mühərrik bərkdən uğuldayır, uca küy qopanda gəlmə fiqurlar dağınıq, pərakəndə halda qaranlıq olan tərəfə atılırlar. Qəribə fiqurlar gözdən itdikdən sonra avtomobilin mühərriki yenidən normal işləməyə başlayır və biznesmen yoluna davam edir. Yolun sonrakı hissəsində heç bir macəra olmur. Bakirə qızın yadplanetlilər tərəfindən süni mayalanmaya məruz qoyulması haqqında XX əsrin axırlarında yayılmış bir xəbər Meksikadakı «sükut zonası» ilə əlaqədar olduğundan güclü rezonans doğurmuşdu. 1993-cü ildə meksikalı bir qızın hibrid uşaq doğması haqqında xəbər onu eşidən hər kəsi həyəcanlandırmışdı. Hər şeylə maraqlanan, qeyri-adi hadisələri bilmək istəyən, onlar barəsində çoxlu məlumat əldə etməyə çalışan insanlar üçün meksikalı qızın hibrid uşaq dünyaya gətirməsi kifayət qədər cəlbedici fakt sayılırdı. Hadisə internet ixtira olunana qədər baş verdiyindən onun barəsində xəbər bütün dünyaya yayıla bilməzdi. Meksikada olmuş qəribə hadisədən çoxlarının bixəbər qalması məhz buradan qaynaqlanırdı. Rus dilində nəşr olunmuş ufoloji mənbələrin yalnız cüzi bir qismində ona toxunulmuşdu. Çox nadir hallarda xatırladılan hadisə haqqında televiziyada yayımlanan verilişlərdən birində meksikalı jurnalist Luis Ramires Rayes özü danışmışdı. Jurnalist barəsində danışdığı qıza qarşı yüksək maraq doğurmamaq, hamının nəzərlərini ona ünvanlamamaq və yaranmış xoşagəlməz vəziyyəti yenidən qəlizləşdirməmək üçün qəsdən onun adını çəkmir. Kosmetik vasitələrin satıcısı işləyən bir gənc qız Mexiko, Verakruz və Poza- Rika şəhərləri arasında dəfələrlə səfərdə olmuş, oraları çox gəzmişdir. Günlərin birində qız asteklərin qədim şəhəri olan Teotiuakanın yanından maşınla ötüb keçərkən birdən göydə qeyri-adi, qəribə obyekt görür. Bundan dərhal sonra qız getdiyi şəhərin yaxınlığındakı yolda maşındaca qəflətən diksinib ayılır, özünə gələndə nəyin baş verdiyini başa düşməkdə çətinlik çəkir. Dəhşət içərisində olan qız özünü toparlayıb saata baxanda əqrəblərin Teotiuakanda gördüyü yerdəcə donub qaldığına əmin olur. Yoldan ötüb keçənlərdən saatın neçə olduğunu soruşur. Qız əsl vaxtı bildikdə saatının düz üç saata bərabər müddətdə dala qaldığını özü üçün aydınlaşdırır. Həmin müddət ərzində qız 300 kilometrə yaxın bir məsafə qət etmiş, ancaq bunu necə etdiyini heç cür yadına sala bilməmişdir. Fəqət qeyri- adilik bununla bitməmişdir. Bir neçə həftə keçdikdən sonra qız özündə yorğunluq hiss Yüklə 3,31 Mb. Dostları ilə paylaş:
|