68
etmiş və vaxtaşırı ürəyi bulanmışdır. Həkimə müraciət etdikdə ona hamilə olduğu
bildirilmişdir. Halbuki qız bakirə olmuş və heç bir oğlanla görüşməmişdir.
Yeddi ay keçdikdən sonra qadında vaxtından əvvəl doğuş baş vermişdir. Xüsusi
(özəl) klinikaların birində qadının doğduğu uşaq çox qəribə bir varlıq kimi görənləri
dəhşətə gətirmişdir. Televiziyaya təşrif buyuran jurnalist qadının doğduğu qeyri-adi uşağın
fotosunu göstərmişdir. Uşaq qurbağaya oxşamış, onun dərisi reptililərin xarici örtüyünü
xatırlatmışdır. Körpənin iri ölçüdə gözləri və barmaqları arasında pərdə (zar) olmuşdur.
Yeni doğulmuş uşağın qeyri-adi görünüşündən dəhşətə gələn klinika personalı indiyə
qədər buna bənzər bir məxluq görmədiklərini bildirmişlər.
Uşağı üç həftə inkubatorda saxlamalı olan həkimlər öz məruzələrində onun bir
neçə qeyri-adi xüsusiyyətə malik olduğunu qeyd etmişlər. Uşağın heç bir süd qarışığını
yeyə bilməməsi, ancaq bəzi bitkiləri (otları) sanki məmnuniyyətlə qəbul etmək istəməsi,
Günəş şüalarına qarşı tamamən dözümsüz olması, onları qətiyyən keçirə bilməməsi,
onurğa sütunu boyunca belində və kürəyində balıqlara xas pulların inkişaf etməsi xüsusən
maraqla qarşılanmışdır. Ufoloqun öz kanalları (əlaqələri) hesabına klinikadan aldığı fotolar
təhlil edilərkən bakirə qızın heç vaxt cinsi əlaqədə olmadan uşağa qalmasının səbəbi
barəsində qərara gəlinir. Rayes güman edir ki, dünyaya gələn uşaq insan və reptilinin
hibridindən başqa bir şey deyildir. İrəli sürülən mülahizəyə görə, uşağın anası oğurlanmış
və onun gördüyü naməlum uçan obyektin bortunda dölləndirilmişdir. Mayalanmada
reptililərin spermasından istifadə edilməsi fikrinin üzərində dayanılmışdır. Rayesin verdiyi
məlumata görə, ana öz qəribə uşağını təklikdə böyütməyə qərar vermişdir. Uşağın
müvəffəqiyyətlə böyüdüyü, yaxşıca inkişaf etdiyi, lakin insan övladından çox reptilini
xatırlatdığı xəbər verilmişdir.
Şəkil 70. Meksikalı qadının dünyaya gətirdiyi qəribə uşağın xarici görünüşü
(jurnalist Luis Ramires Rayes tərəfindən təqdim edilən foto)
69
Əlbəttə, televiziyaya çıxarılan qeyri-adi material təqdim olunarkən heç də bütün
insanları Rayesin nağıl etdiyi hadisəyə dərhal inandırmaq məqsədi güdülməmişdir. Bunun
sadəcə bir jurnalist uydurması, adi hekayə olduğunu düşünən, ona inanmaq istəməyən
insanlar bir neçə arqument ortaya qoyurlar. Əvvəla, qızın bakirə ola-ola uşağa qala bilməsi
tamamilə mümkün olan bir haldır və həkimlər üçün elə təəccüblü deyildir. İkincisi,
dünyaya gələn uşaq Yer kürəsi insanlarına tamamilə xas olmayan ixtioz kimi nadir
xəstəlikdən əziyyət çəkə bilər. Üçüncüsü, xeyli vaxtın necə itirilməsini yada sala
bilməməyə gəldikdə belə bir hal cinsi meyli yerində olmayan hansısa pozğun kişi
tərəfindən zorlandıqdan sonrakı şokdan yalnız psixoloji müdafiə kimi meydana çıxa bilər.
Amma uşağın klinikalardan birində doğulması və bütün personal tərəfindən müşahidə
edilməsi, təqdim edilən fotosunun real olması, istər zahiri görünüş etibarilə, istərsə də
instinktiv aktların icrası baxımından bəşər övladından çox reptilini xatırlatması, üstəlik
qeyri-adi hadisənin «radiosükut zonası»na yaxın ərazidə qeydə alınması həmişə olduğu
kimi yenə dəqiq cavabını gözləyən suallar olaraq qalır.
Üçüncü fəsil. Tibb və fiziologiyada «sükut zonası»
§ 3.1. Kardiovaskulyar təbabətdə «sükut zonası»
Kardiovaskulyar təbabətdə – angiologiya və kardiologiyada «sükut zonası»
dedikdə aşağıdakı iki hal nəzərdə tutulur: 1) arterial təzyiqin ölçülməsi zamanı auskultativ
hadisələrin adi mənzərəsindən kənarlanma qeydə alınması; 2) defibrillyasiya zamanı
impulsların çıxış zamanından artıq olmayan intervalla ötürülməsi.
Hər şeydən öncə arterial təzyiqin ölçülməsi zamanı auskultativ hadisələrin adi
mənzərəsindən kənarlanma nəzəri cəlb edir. Buna başqa sözlə «auskultativ iflas», yaxud
«auskultativ pozğunluq» deyilir.
Korotkov üsulu üzrə arterial təzyiq ölçülərkən onun düşməsi (enməsi) zamanı
manjetdə əvvəlcə tonlar meydana çıxır, bunun ardınca auskultativ hadisələr itir, sonra
yenidən tonlar eşidilməyə başlayır. «Sükut zonası» kimi pozğunluğun olması arterial
hipertenziyanın diaqnostikasını çətinləşdirir [27].
Birdən dördə qədər olan Korotkov səsləri sistolik və diastolik təzyiqlər arasında
eşidilən səslərdir, beşincisi isə «sükut zonası» hesab edilir. Qan təzyiqi trenajorunda «sükut
zonası» seçilərkən Korotkov səsləri avtomatik surətdə eşidilməz olur.
Bundan başqa, defibrillyasiyanın müvəffəqiyyətli keçməsinin metodik faktorları
sırasına boşalmalar arasındakı intervalın minimal – yalnız nəbzə və yaxud
elektrokardioqrammaya nəzarət vaxtı qədər (5–10 saniyə) olması da aid edilir ki, burada
«sükut zonası» nəzərdən kənarda qala bilmir. Əgər impulslar çıxış zamanından artıq
olmayan intervalla ötürülürsə, yalnız belə hallarda onların summasiyası effekti baş verir.
Təxminən 300–500 millisaniyə çəkən həmin çıxış müddətini «sükut zonası» adlandırırlar.
«Sükut zonası» təqəllüs edən ürək əzələlələri (yığılan miokard) hüceyrələrinin
transmembran potensialının yerdəyişməsindən başqa bir şey deyildir. Əgər impulslar
arasındakı interval çıxış müddətini ötürsə, onu aşırsa, belə hallarda summasiya effektinin