35
50.2. İnvestisiya qiymətli kağızlarının kütləvi təklif üsulu ilə yerləşdirilməsi bu qiymətli
kağızların növündən asılı olaraq abunə yazılışı və ya hərrac qaydasında təşkil oluna bilər.
50.3. İnvestisiya qiymətli kağızlarının yerləşdirilməsinə bu qiymətli kağızların Birjada listinqə
daxil edilməsindən sonra başlanıla bilər.
50.4. İnvestisiya qiymətli kağızlarının yerləşdirilməsi zamanı qiymətli kağızların satıcısı
qismində birja üzvü (anderrayter) vasitəsi ilə bu qiymətli kağızların Emitenti çıxış edir.
50.5. Digər qiymətli kağızların yerləşdirilməsi Birjanın İdarə heyətinin qərarı ilə bu
Qaydaların 11-ci maddəsinin müddəaları əsasında həyata keçirilir.
51. İnvestisiya qiymətli kağızlarının abunə yazılışı qaydasında yerləşdirilməsi
51.1. İnvestisiya qiymətli kağızlarının abunə yazılışı qaydasında yerləşdirilməsi Birjada bu
məqsədlərlə yaradılmış xüsusi bazarda, birjanın ticarət reqlamentinə uyğun olaraq, bu
Qaydaların 6-cı maddəsi ilə nəzərdə tutulmuş fasiləsiz ticarət üsulu ilə həyata keçirilir.
51.2. İnvestisiya qiymətli kağızlarının abunə yazılışının keçirilməsi müddəti abunə yazılışının
başlanması barədə elanın dərc olunduğu tarixdən 3 (üç) aydan çox olmamalıdır.
51.3. Abunə yazılışının başlanmasından ən azı 1 (bir) iş günü öncə qiymətli kağızların Birjanın
listinq qaydalarına müvafiq olaraq listinqə daxil edilməsi haqqında ərizə, qanunvericiliyə
uyğun olaraq tərtib edilmiş emissiya prospekti (və ya informasiya memorandumu) və abunə
yazılışının başlanması haqqında məlumat Emitent tərəfindən Birjaya təqdim edilməlidir. Abunə
yazılışının başlanması haqqında məlumat kütləvi informasiya vasitələrində, qiymətli kağızlara
abunə yazılışını həyata keçirən anderrayterin internet səhifəsində, Azərbaycan Respublikasının
qiymətli kağızlar bazarında məlumatların açıqlanması üzrə vahid məlumat resursunda
açıqlanmalıdır.
51.4. Abunə yazılışının başlanması haqqında məlumatda aşağıdakılar öz əksini tapmalıdır:
51.4.1. Emitentin adı;
51.4.2. Qiymətli kağızların qeydiyyat nömrəsi, məcmu nominal dəyəri, qiyməti (qiymət
müəyyən edilmədiyi halda emissiya prospektində göstərilən qiymət dəhlizi);
51.4.3. Qiymətli kağızların növü;
51.4.4. Abunə yazılışının başlama və başa çatma tarixləri;
51.4.5. Emissiya prospektinin əldə edilməsinin mümkün olduğu yerlər.
51.5. Birja abunə yazılışının başlanması haqqında məlumatı və qanunvericiliyə uyğun olaraq
tərtib edilmiş emissiya prospektini özünün internet səhifəsində açıqlayır.
51.6. Abunə yazılışı başa çatdıqdan və qiymətli kağızlar Birjada listinqə daxil edildikdən sonra
2 (iki) iş günü ərzində emitent və ya anderrayter qiymətli kağızların yerləşdirilməsinin
36
başlanması tarixi və qiymətli kağızların yerləşdirilməsi qiyməti (emissiya prospektində
investisiya qiymətli kağızların qiyməti müəyyən edilmədikdə) barədə məlumatı Birjaya təqdim
etməli və qanunvericiliyə müvafiq olaraq açıqlamalıdır. Abunə yazılışı başa çatdıqdan sonra 5
(beş) iş günü ərzində emitent və yerləşdirməni həyata keçirən anderrayter qiymətli kağızların
yerləşdirilməsinə başlamalıdırlar.
51.7. Birja bu Qaydaların 51.6-cı bəndində göstərilən məlumatları aldıqdan sonra 1 (bir) iş
günü ərzində özünün internet səhifəsi vasitəsi ilə açıqlayır.
51.8. Yerləşdirmə müddəti ərzində anderrayter abunə yazılışının yekunları üzrə alış sifarişlərini
və yerləşdirmə üzrə satış sifarişini (sifarişlərini) Birjanın ticarət sisteminə daxil edir. Sifarişlər
bu Qaydalara müvafiq olaraq yalnız limit qiyməti ilə və „İcra et və saxla” şərti ilə təqdim edilə
bilər. Sifarişlərin qiyməti bu Qaydaların 51.8.-ci bəndinin müddəalarına əsasən açıqlanmış
qiymət olmalıdır.
51.9. Sifarişlər investorlar tərəfindən qiymətli kağızlarının dəyəri qanunvericiliyə müvafiq
olaraq ödənildikdən sonra ticarət sisteminə daxil edilə bilər.
51.10. Kütləvi təklif olunan səhmlərin yerləşdirilməsi zamanı üstünlük hüququ nəzərdə
tutulduqda, yerləşdirmənin başlandığı ilk 2 (iki) iş günü ərzində üstünlük hüququna malik olan
səhmdarların arasında səhmlərin yerləşdirilməsi həyata keçirilməlidir. Səhmdarlar səhmdar
cəmiyyətinin səhmlərini almaqda üstünlük hüququna malik olduqda, həmin səhmlərin
cəmiyyətin nizamnamə kapitalında səhmdarların malik olduqları paya mütənasib şəkildə
yerləşdirilməsi Mərkəzi Depozitar və anderrayter tərəfindən yoxlanılır.
51.11. Abunə qaydasında yerləşdirilmə zamanı qiymətli kağızların yerləşdirməsi müddəti 7
(yeddi) iş günündən çox ola bilməz.
51.12. Ticarət günün sonunda bütün icra edilməmiş sifarişlər avtomatik olaraq ləğv edilir.
52. İnvestisiya qiymətli kağızlarının hərrac qaydasında yerləşdirilməsi
52.1. İstiqrazlar, abunə yazılışı keçirilmədən bu Qaydaların 6-cı maddəsi ilə nəzərdə tutulmuş
Bir qiymətli hərrac üsulu (birbaşa hərrac üsulu) və Rəqabətli hərrac üsulu (dolayı hərrac
üsulu) ilə yerləşdirilə bilər.
52.2. İstiqrazların hərrac qaydasında yerləşdirilməsi zamanı, emissiya prospektində
istiqrazların satış qiymətinin hərracdan əvvəl elan olunması nəzərdə tutulduqda bir qiymətli
hərrac üsulu (birbaşa hərrac üsulu), digər hallarda rəqabətli hərrac üsulu (dolayı hərrac üsulu)
tətbiq edilir.
52.3. İstiqrazların hərrac qaydasında yerləşdirilməsi Birjada bu məqsədlərlə yaradılmış xüsusi
bazarda, birjanın ticarət reqlamentinə uyğun olaraq həyata keçirilir.