4
2.1.21.
Fərdi identifikasiya kodu
–
Birja tərəfindən ticarət iştirakçısına verilmiş, onu ticarət
sistemində identifikasiya edən rəqəmlərdən ibarət (4 və ya 5 rəqəm) fərdi qısa koddur;
2.1.22. Ticarət iştirakçısı
–
Bu Qaydaların 4-cü bəndi ilə müəyyən olunmuş şəxslər;
2.1.23. Marketmeyker
–
qiymətli kağızlar bazarında mütəmadi olaraq öz hesabına və Birja
ilə razılaşdırılmış qiymət dəhlizi çərçivəsində özünün müəyyənləşdirdiyi qiymətlərlə qiymətli
kağızların və ya törəmə maliyyə alətlərinin alqı-satqısını həyata keçirən birja üzvüdür;
2.1.24. Ünvanlı əqd - Tərəfləri bir-birinə məlum olan və qabaqcadan razılaşdırılmış qiymətlə
və şərtlərlə bağlanan qiymətli kağızların Birjada alqı-satqısıdır;
2.1.25. Alış kotirovkası
–
Birjanın ticarət sistemində bu Qaydaların şərtlərinə uyğun
marketmeyker tərəfindən qiymətli kağızların alışı üzrə verilmiş
limit qiymətli sifarişdir;
2.1.26. Satış kotirovkası
–
Birjanın ticarət sistemində bu Qaydaların şərtlərinə uyğun
marketmeyker tərəfindən qiymətli kağızların satışı üzrə verilmiş limit qiymətli sifarişdir;
2.1.27. Kotirovka spredi – Market meykerin alış və satış qiymətlərini müəyyən edərkən əməl
etməli olduğu, qiymətli kağızların cari qiymətinə nəzərən aşağı və yuxarı qiymət
dalğalanması arasındakı fərqdir;
2.1.28. Marketmeyker əqdi – Birjanın daxili qaydalarına və ticarət reqlamentinə uyğun
olaraq market-meyker sessiyası daxilində, ən azı bir tərəfdən market-meyker olmaqla
bağlanan ticarət əqdləridir;
2.1.29. Marketmeyker üzrə güzəştlər – Birjanın qaydalarına uyğun olaraq marketmeyker
əqdləri üzrə marketmeykerə tətbiq edilən güzəştlərdir;
2.1.30. Minimal alış həcmi – marketmeykerin gün ərzində Birjanın ticarət sistemində
marketmeyker sessiyası başlayan zaman təqdim etməli olduğu alış sifarişinin minimal
məbləğidir (alış qiyməti * qiymətli kağızların sayı ≥ minimal alış həcmi). Marketmeyker ona
ünvanlanmış satış sifarişlərinin yalnız minimal alış həcmi qədərində olan hissəsinin
alınmasına öhdəlik daşıyır;
2.1.31. Kross əqd – Birja üzvünün eyni bir əqd üzrə həm alıcı, həm də satıcı qismində çıxış
etdiyi əqdlərdir;
2.1.32. Kross sifariş – Birjanın ticarət sistemində sifarişlərin reyestrinə daxil edildiyi zaman
kross əqdin bağlanılmasına
səbəb ola biləcək sifarişdir;
2.1.33. Gözləmə müddəti – bazarda rəqabət mühitinin formalaşdırılması məqsədi ilə kross
sifarişlərin digər birja üzvlərinə açıqlanması və onların kross əqdlərdə iştirakının təmin
edilməsi üçün kross sifarişlərin bloklaşdırılması müddətidir;
5
2.1.34.
Repo əməliyyatı (repo müqaviləsi) – Repo predmeti olan investisiya qiymətli
kağızlarının əvvəlcədən müəyyən edilmiş şərtlərlə geri satın alınması (satılması) öhdəliyi ilə
satılmasıdır (alınmasıdır);
2.1.35. Repo açılış əqdi – Repo əməliyyatının birinci hissəsi olmaqla, investisiya qiymətli
kağızların satılması (alınması) üzrə Birjanın ticarət sistemində bağlanılmış əqddir;
2.1.36. Repo bağlanış əqdi – Repo əməliyyatının ikinci hissəsi olmaqla, investisiya qiymətli
kağızlarının geri satın alınması (satılması) üzrə Birjanın ticarət sistemində bağlanılmış əqddir;
2.1.37. Repo açılış əqdinin qiyməti – Repo açılış əqdinin bu Qaydalara uyğun olaraq Birja
tərəfindən hesablanmış qiymətdir;
2.1.38. Repo bağlanış əqdinin qiyməti – Repo bağlanış əqdinin bu Qaydalara uyğun olaraq
Birja tərəfindən hesablanmış qiymətdir;
2.1.39. Repo əməliyyatının iştirakçısı – Birja və klirinq təşkilatı ilə Repo Baş Razılaşmasını
imzalamış Birja üzvüdür;
2.1.40. Repo alıcısı – Repo açılış əqdi zamanı qiymətli kağızların alıcısı qismində, Repo
bağlanış əqdi zamanı qiymətli kağızların satıcısı qismində çıxış edən Repo əməliyyatının
iştirakçısıdır;
2.1.41. Repo satıcısı – Repo açılış əqdi zamanı qiymətli kağızların satıcısı qismində, Repo
bağlanış əqdi zamanı qiymətli kağızların alıcısı qismində çıxış edən Repo əməliyyatının
iştirakçısıdır;
2.1.42. Reponun predmeti (repo baza aktivi) – Üzərində Repo əməliyyatı aparılması üçün
müəyyən olunmuş Birjada ticarətə buraxılmış bir buraxılış daxilində olan investisiya qiymətli
kağızlarıdır;
2.1.43. Repo müddəti – Repo açılış əqdi tarixi ilə Repo bağlanış əqdi tarixi arasındakı
müddətdir;
2.1.44. Repo faiz dərəcəsi – bu Qaydalara uyğun olaraq hesablanmış Repo əməliyyatının
gəlirliliyidir;
2.1.45. Repo Baş Razılaşması – Repo əməliyyatlarının aparılmasının əsas şərtlərini,
tərəflərin hüquq və vəzifələrini, məsuliyyətini müəyyənləşdirən Birja və Birja üzvü olan
investisiya şirkətləri arasında və klirinq təşkilatının iştirakı ilə bağlanılan müqavilədir;
2.1.46. Reponun açılma tarixi – Repo satıcısı tərəfindən qiymətli kağızların Repo alıcısına
satıldığı və Repo alıcısı tərəfindən onların alındığı
tarixdir;