37
52.4. Hərrac qaydasında yerləşdirilmə zamanı istiqrazların yerləşdirilməsi müddəti 1 (bir) iş
günündən çox ola bilməz.
52.5. İstiqrazların hərrac qaydasında yerləşdirilməsinin başlanmasından ən azı 5 (beş) iş günü
öncə qiymətli kağızların Birjanın listinq qaydalarına müvafiq olaraq listinqə daxil edilməsi
haqqında ərizə, qanunvericiliyə uyğun olaraq tərtib edilmiş emissiya prospekti (və ya
informasiya memorandumu) Emitent tərəfindən Birjaya təqdim edilməlidir.
52.6. İstiqrazlar Birjada listinqə daxil edildikdən sonra, qiymətli kağızların yerləşdirilməsinə
başlanılması tarixinə ən azı 2 (iki) iş günü qalmış emitent və ya anderrayter qiymətli kağızların
yerləşdirilməsinin başlanması tarixini və hərracın keçirilməsi şərtləri barədə məlumatı Birjaya
təqdim etməli və qanunvericiliyə müvafiq olaraq açıqlamalıdır.
52.7. Hərracın keçirilməsinin şərtləri barədə məlumatda aşağıdakılar əks olunmalıdır:
52.7.1. Hərracın keçirilməsi tarixi;
52.7.2. Qiymətli kağızların qeydiyyat nömrəsi;
52.7.3. Təklif olunan istiqrazların məbləği;
52.7.4. Qeyri-rəqabətli sifarişlərin ümumi emissiya həcminə nəzərən maksimal məbləği
52.7.5. Bir istiqrazın satış qiyməti (emissiya prospektində bu qiymətin hərracdan əvvəl elan
olunması nəzərdə tutulduqda).
52.8. Birja bu Qaydaların 52.7-ci bəndində göstərilən məlumatları aldıqdan sonra 1 (bir) iş
günü ərzində özünün internet səhifəsi vasitəsi ilə açıqlayır.
52.9. Yerləşdirilmə günü Birjanın ticarət reqlamentinə uyğun olaraq sifarişlərin qəbulu üçün
nəzərdə tutulmuş müddət ərzində birja üzvləri istiqrazların alınması (geriyə satış hərracı
zamanı satılması) üçün sifarişləri ticarət sisteminə daxil edirlər.
52.10. Sifarişlər investorlar tərəfindən qiymətli kağızlarının dəyəri qanunvericiliyə müvafiq
olaraq ödənildikdən sonra ticarət sisteminə daxil edilə bilər.
52.11. Hərrac zamanı yalnız rəqabətli və qeyri-rəqabətli sifarişlər daxil edilə bilər. Sifarişlər
yalnız „İcra et və saxla” şərti ilə təqdim edilə bilər.
52.12. Hərrac zamanı hər bir investorun hesabından təqdim edilmiş qeyri-rəqabətli sifarişlər,
onların hesabında təqdim edilmiş rəqabətli sifarişlərin 20%-dən artıq ola bilməz.
52.13. Hərrac zamanı sifarişlərin qəbul edilməsi müddətinin sonunda Birja təqdim olunmuş
sifarişlərin reyestrini anderrayterə təqdim edir və ya onun ticarət sistemi vasitəsi ilə bu
məlumata çıxışını təmin edir. Hərrac zamanı təqdim olunmuş sifarişlərin reyestrində ən azı
aşağıdakı məlumatlar əks olunur:
52.13.1. Hər bir qiymət üzrə təqdim edilmiş sifarişlərin sayı və məbləği;
52.13.2. Təqdim edilmiş rəqabətli sifarişlər üzrə qiymətli kağızların sayı;
38
52.13.3.Rəqabətli və qeyri-rəqabətli sifarişlərin məbləği.
52.14. Hərrac zamanı sifarişlərin qəbulu müddəti bitdikdən sonra 1 (bir) iş günü ərzində
emitent və ya anderrayter təqdim edilmiş sifarişlər üzrə hərracda təmin olunacaq istiqrazların
həcmini və qiymət əvvəlcədən elan olunmadığı təqdirdə (dolayı hərrac zamanı), onların
minimal qiymətini (kəsmə qiymətini) müəyyənləşdirir və Birjanın ticarət reqlamentinə
müvafiq olaraq əqdlərin bağlanılması mərhələsində birja üzvü (anderrayter) vasitəsi ilə ticarət
sisteminə satış (geriyə satış hərracı zamanı alış) sifarişi daxil edir.
52.15. Hərrac zamanı təqdim edilmiş sifarişlərin ümumi həcmi yerləşdiriləcək istiqrazların
həcmindən artıq olduqda, eyni qiymətlə təqdim edilmiş sifarişlər emissiya prospektinə müvafiq
olaraq mütənasiblik qaydasında və ya bu sifarişlərin təqdim edilməsi vaxtına görə icra edilir.
52.16. Sifarişlərin icra edilməsi qiymətli kağızları hərraca çıxaran birja üzvü (anderrayter) ilə
hərrac iştirakçıları olan birja üzvləri arasında alqı-satqı əqdinin bağlanılması hesab edilir.
52.17. Mərkəzi depozitar yerləşdirilən qiymətli kağızlar üzrə toplanmış pul vəsaitlərini və
alınmış qiymətli kağızları (dövlət qiymətli kağızlarının yerləşdirilməsi istisna olmaqla) QKDK
tərəfindən emissiyanın və ya kütləvi təklifin yekunları haqqında hesabat dövlət qeydiyyatına
alınanadək qanunvericiliyə müvafiq olaraq dondurur.
53. Dövlət qiymətli kağızlarının yerləşdirilməsi
53.1. Notların, dövlət və bələdiyyə istiqrazlarının kütləvi təklif üsulu ilə Birjada yerləşdirilməsi
bu Qaydaların 52-ci bəndinin müddəalarına əsasən hərrac qaydasında təşkil olunur.
53.2. Hərrac bitdikdən sonra hərrac iştirakçıları ilə istiqrazlar üzrə bağlanılmış əqdlərin reyestri
Birja tərəfindən emitentə və Mərkəzi Depozitara, əqdlər reyestrindən çıxarışlar isə hərrac
iştirakçılarına elektron şəkildə ticarət sistemi vasitəsi ilə təqdim olunur.
53.3. Fond birjasında bağlanılmış əqdlər reyestrindən çıxarış hərrac iştirakçısı və emitent
arasında notlar, dövlət və bələdiyyə istiqrazları üzrə alqı-satqı müqaviləsinin bağlanmasının
təsdiqidir.
53.4. Emtent qismində Azərbaycan Respublikasının Mərkəzi Bankı və Azərbaycan
Respublikasının Maliyyə Nazirliyi çıxış etdikdə, Birja sifarişlərin qəbul edilməsi müddəti
ərzində təqdim olunmuş sifarişlərin reyestrini müstəsna olaraq Emitentə təqdim edə və ya onun
ticarət sistemi vasitəsi ilə bu məlumata çıxışını təmin edə bilər.
54. Azərbaycan Respublikasının Mərkəzi Bankı tərəfindən repo və Əks-repo
əməliyyatları üzrə hərracların keçirilməsi
54.1. Mərkəzi bank tərəfindən bu Qaydaların 40.5.1.-ci bəndində nəzərdə tutulmuş Repo və
Əks-repo əməliyyatları üzrə hərracların keçirilməsi bu Qaydaların 52-ci və 53-cü bəndlərinin