32
Bu dövrdə Azərbaycan musiqi mədəniyyəti yüksək inkişaf
səviyyəsinə qalxmaqla, dünya şöhrəti qazanmağa müvəffəq ol-muşdur.
Dünya şöhrətli bəstəkarlardan Qara Qarayevin, Fikrət Əmirovun,
Süleyman Ələsgərovun əsərləri dünyanın böyük konsert salonlarından
səslənməyə başlamışdır.
70-80-ci illər dramaturgiyada, kino sənətində, memarlıqda,
rəssamlıqda, heykəltəraşlıqda, ifaçılıq sənətində də böyük izlər qoymuş,
dahi sənətkarlar yetişdirmişdir.
H.Əliyevin Azərbaycana rəhbərlik etdiyi illərdə onun şəxsi təşəbbüsü
və qayğısı sayəsində ədəbiyyatımıza və incəsənətimizə diqqət və qayğı
böyük vüsət almış, “Xalq yazıçısı”, “Xalq rəssamı” fəxri adları təsis
edilmiş, yeni ədəbi-bədii jurnallar nəşrə başlamış, yaradıcı ziyalıların
sosial vəziyyətini yaxşılaşdırmaq, ictimai nüfuzunu artırmaq üçün ciddi
dövlət tədbirləri görülmüşdü.
1970-80-ci illərdə respublikamızın elm və mədəniyyət xadim-lərindən
10 nəfərdən çoxu ən yüksək fəxri ada - Sosialist Əməyi Qəhrəmanı adına
layiq görüldü. Süleyman Rəhimov, Süleyman Rüstəm, Rəsul Rza, Mirzə
İbrahimov, Fikrət Əmirov, Qara Qarayev, Niyazi, Rəşid Behbudov,
Mustafa Topçubaşov, Mikayıl Hüseynov kimi böyük sənətkarların
Sosialist Əməyi Qəhrəmanı adını alması H.Əliyevin tarixi xidməti idi.
Qeyd etmək yerinə düşər ki, o vaxta qədər Sosialist Əməyi Qəhrəmanı
fəxri adına layiq görülən Azərbaycan yazıçısı olmamışdı.
Dahi dövlət xadimi H.Əliyev Azərbaycan mədəniyyətinin görkəmli
xadimlərinin adlarını əbədiləşdirmək məqsədilə uzaqgörən, cəsarətli
addımlar atdı. Vətənin bütün guşələrində Azərbaycanın böyük
şəxsiyyətlərinin: yazıçıların, şairlərin, incəsənət xadimlərinin, o cümlədən
Nizami Gəncəvinin, Üzeyir Hacıbəyovun, Nəriman Nərimanovun,
Məhəmməd Füzulinin, M.F.Axundovun, H.Cavidin və başqalarının
heykəlləri ucaldıldı. Şuşada Molla Pənah Vaqifin məqbərəsi tikildi. 60-cı
illərin sonuna qədər ittifaqda olduqca az tanınan Azərbaycan
Respublikası və Azərbaycan xalqı öz layiqli adının və nüfuzunun sahibi
oldu. Azərbaycan böyük Sovetlər İttifaqının iqtisadi və mədəni inkişafı
ilə fərqlənən ən qabaqcıl respublikalarından birinə çevrildi.
33
Repressiya qurbanları olan bir çox yazıçılar, şairlər, alimlər, dövlət
xadimləri, görkəmli ziyalılar bəraət aldı, onların əsərləri xalqa qaytarıldı,
əsərləri çap edilib yayılmağa başladı.
Bütün bunlar öz soy-kökünə qayıtmaq, repressiya qurbanlarını,
görkəmli şəxsiyyətləri üzə çıxarmaq, təbliğ etmək, onların adını
əbədiləşdirmək böyük siyasətə uyğun gəlmədiyindən birmənalı
qarşılanmırdı, ciddi ideoloji mübarizə şəraitində həyata keçirilirdi.
Azərbaycan xalqının düşmənləri ayıq idi. Xalqımızın milli ənənələri,
milli dirçəlişi ilə bağlı həyata keçirilən hər bir tədbir əks hücumlara
məruz qalırdı. Erməni millətçiləri öz havadarları olan Moskvaya
Azərbaycan xalqına qara yaxan minlərlə məktub yazır, rus şovinistləri isə
bu məktublara müvafiq tədbirlər görürdülər.
1970-ci ildə görkəmli dövlət xadimi Nəriman Nərimanovun 100 illik
yubileyi münasibətilə Bakı şəhərində heykəli qoyulmalı idi. Bu işdən
xəbər tutan erməni daşnakları və onların havadarları olan rus
şovinistləri bu tədbirin qarşısını almaq üçün N.Nərimanova əvvəlki
illərdə verilmiş “millətçi” damğasını yenidən gündəmə gətirməyə
çalışdılar. Yubileyin keçirilməsi müvəqqəti olaraq dayandırılsa da,
Heydər Əliyevin böyük səyi və mübarizəsi nəticəsində bu təhlükənin
qarşısı alındı. H.Əliyevin bu qələbəsi xalqın qələbəsi idi. Azərbaycan
milli mənliyinin, milli ideologiyasının qələbəsi idi. Məhz bu dövrdən
ermənilərin Azərbaycan həqiqətlərinə, Azərbaycan milli mədəniyyətinə,
milli adət-ənənələrinə qarşı çıxmalarının, bir qayda olaraq hər dəfə
müvəffəqiyyət qazanmalarının qarşısı alındı, necə deyərlər, daş qayaya
rast gəldi, qaya qarşısında parçalandı. Mikoyanlar, şaumyanlar və başqa
məkrli qüvvələr yerində oturduldu. Xalqımızın dahi oğlu N.Nərimanova
Azərbaycan xalqının düşmənləri olan daşnaklar və onların havadarları
tərəfindən ədalətsizcəsinə vurulmuş “millətçi”lik damğası xalqımızın
digər dahi oğlu H.Əliyev tərəfindən ləğv edildi. Ədalət zəfər çaldı.
Respublikamızda Nəriman Nərimanovun 100 illiyi böyük tən-tənə ilə
qeyd edildi, Bakı şəhərində onun əzəmətli heykəli ucaldıldı. Zaman
keçəcək, nəsillər bir-birini əvəz edəcək, ancaq qədirbilən Azərbaycan
xalqı böyük öndər H.Əliyevin bu xidmətini heç zaman unutmayacaq.
34
XX əsrin 70-80-ci illərində respublikamızda baş verən ümumi milli
yüksəliş xalqımızın tarixi keçmişinə marağı artırmış, milli mənəvi
həyatda dircəlişə səbəb olmuşdu. Kitab nəşri və milli mətbuatın inkişafı
sahəsində mühüm işlər görülmüş, kütləvi informasiya vasitələri şəbəkəsi
genişlənmiş, xalqın milli dirçəlişind
ə, ideya-siyasi tərbiyəsində onun rolu
artmışdı. 1970-ci ildə respublikada 234 qəzet, jurnal və məcmuə nəşr
edilirdi. “Qobustan”, “Sovet Türkologiyası”, “Azərbaycan təbiəti” kimi
jurnalların nəşrə başlaması respublika mətbuatına yeni ab-hava gətirmiş
milli əhval-ruhiyyənin başlandığından xəbər verirdi.
Dövrün mühüm hadisələrindən biri də kitab nəşri sahəsində baş verən
yeni proseslər olmuşdur. Bu illərdə yeni nəşriyyatlar fəaliyy
ətə başlamış,
cəmiyyətdə kitaba olan tələbatın artması ilə əlaqədar onların tirajı
çoxalmış, kitab çapı texnologiyası xeyli təkmilləşmişdi. Xalqımızın
tarixinə, milli mədəniyyətinə, təhsilinə və elminə dair kitablar çoxluq
təşkil edirdi. Senzuranın fəaliyyət göstərməsinə baxmayaraq respublikada
H.Əliyev tərəfindən yaradılmış münbit ab-hava bu orqana da öz təsirini
göstərmişdi. O vaxta qədər deyilməsinə və yazılmasına qadağa qoyulan
bir çox milli problemlərə baxış təzələnmiş və liberallaşmışdı.
Respublikamızda hər il 10-12 min nüsxə tirajla 1200-1300 adda kitab
nəşr edilirdi. 70-80-ci illərdə 20 cildlik “Azərbaycan Ədəbiyyatı
Kitabxanası”, 50 cildlik “Dünya Uşaq Ədəbiyyatı Kitabxanası”, 100
cildlik “Dünya Ədəbiyyta Kitabxanası” nəşr edilmişdi. Nəşriyyat işi
sahəsində ən mühüm hadisə xalqımızın tarixində ilk dəfə Azərbaycan
Sovet Ensiklopediyasının çapdan çıxması olmuşdur. Sovet dövründə bu
nəşrin çapına dörd dəfə -1934, 1938, 1959 və 1965-ci illərdə təşəbbüs
göstərilmiş, lakin hər dəfə müvəffəqiyyətsizliyə uğramışdı. Məhz ulu
öndər H.Əliyevin böyük zəhməti sayəsində bu iş baş tutmuş, 1976-1988-
ci illərdə on cildlik Azərbaycan Sovet Ensiklopediyasının çapı başa
çatdırılmışdır. Xalq şairi Rəsul Rzanın başçılıq etdiyi ensiklopediya
kollektivi və baş redaksiya respublikamızda yeni ab-havanın
yaranmasında, xalqımızın öz soykökünə qayıtmasında, tarixi hadisələrə
düzgün qiymət verilməsində mühüm işlər gördü. Heydər Əliyevin
bilavasitə təşəbbüsü və iştirakı ilə İçərişəhərdə Azərbaycan Sovet
Ensiklopediyası üçün müvafiq bir bina tikilmiş, onun maddi-texniki
Dostları ilə paylaş: |