61
mövzulardan ümumi qənaətlər çıxarmamaq, bir sənət əsərində
fantastik və idealizə üslubundakı formaları həqiqət kimi göstər-
məkdən də qaçıram.
«Dədə Qorqud hekayələri»ndəki oğuzlar tək Tanrıya inanan
müsəlmanlardır. Cənnətə (türkcə «uçmaq», farscada «behişt»
deyilir) inanırlar. İnandıqları Hz.Məhəmmədə daima «görklü»
deyə müraciət edirlər. Etimoloji olaraq «gözəl» anlamından çox
əziz və ya möhtərəm mənasını verir. Hz.Əliyə və oğulları Həsən
və Hüseyn ilə Hz.Məhəmmədin qızı, onun həyat yoldaşı Fat-
maya da itaət edirlər. Vuruşmadan əvvəl namaz qılırlar və daha
öncə də arı su ilə abdəst alırlar. Kafirlərə qarşı talançılıq ehtirası
və ya döyüşçü ruhundan çox, islam dininin ad-sanı üçün vuru-
şurlar. Kafirlərin qalalarını aldıqdan sonra kilsələrini uçurur,
məscid tikib xütbə oxuyurlar. İslam qəhrəmanlarıdırlar (alp,
ərən, qazi). Lakin onların islamçılığı inancda və onun tətbiq
olunmasında aydın deyildir. Dədə Qorquddan başqa dindar bir
adam görmürük. O da imamdan daha çox ovsunçudur. Bu da
«Dədə Qorqud kitabı»nı «Battalnamə» kimi orta əsr Anadolu
Türkiyəsindəki dastan və dastan tipli romanlardan ayıran əsas
xüsusiyyətidir. V.Bartold mülahizəsinə görə
1
, kitabda islam tə-
səvvüfünün əsl duyğularını dilə gətirən, məsələn, əvvəl V boyda
söyləyib sonra VII və IX boyda fərqli şəkildə təkrar edilən
Allaha yalvarma kimi misallar vardır:
Sən ucasan,
Sənin ucalığını kimsə biləməz.
Səni yerdə, göydə arar cahillər,
Sən isə ürəyimizdəsən
2
.
Buna bənzər deyimlər hekayəçinin və onu dinləyən cəmiy-
yətin ruhi tərbiyəsi və dini duyğularında mövcud olduğuna bir
dəlildir.
1
ZVO, VIII, 1894, s.205.
2
«Qutadqu Bilig»də (R.R.Arat nəşri, s.18) «közümde yıraq sen könülde
yaqin» şəklindədir.
62
Adəm, Nemrud, Musa, Xızır (xristianların San Giorgio və
ya San Eliası) kimi İncildə olan, Quran vasitəsi ilə və ya xristian
əhali ilə birlikdə yaşamaq məqsədi ilə müsəlmanlar arasında ya-
yılmış və inkişaf etmiş kinayəli dini inanc və hekayələr vardır
1
.
Bu, «Dədə Qorqud»un mətnində rast gəlinən digər misallarla
müqayisə etmək üçün bir ayrı tədqiqat tələb edir. Məsələn,
Qazanın suya xitabı (II boy): Haqqın didarını gördü»
2
.
Nəticədə, «Dədə Qorqud kitabı»nda oğuzlar müsəlmanlar,
islam dininin qoruyucuları, yəni alp, qazi, hətta Anadoludakı is-
lam cəmiyyətinə mənsub olanlar əxi kimi təqdim olunur. Lakin
onların müsəlmanlıqları öz tərzlərindədir və islamiyyətdən əv-
vəlki türk paqanlığının inanc və adətlərindən də ayrılmamışlar.
***
«Dədə Qorqud hekayələri»ndə dindən kənarda adətlərə az və
ya çox bağlı qalan Orta və Şərqi Asiya türklərinə və islamiyyət-
dən əvvəlki türklərə dair mərasimlərin təsvirini və qeydlərini gö-
rürük. Hər şeydən əvvəl, burada qurbanlar, ziyafətlər, bayramlar,
ata bağlılıq, qımız içmə, ad vermə, dua şəkilləri, dağ və suların
müqəddəsliyinə etiqat etmə, qadın ucalığı və s.-nin şahidi oluruq.
«Dədə Qorqud hekayələri»ndə oxuduğumuza əsasən, Ba-
yındır xan ilin müəyyən fəsillərində Oğuz bəylərinə bir ziyafət
1
D.Sidersky. Les origenes des légendes musulmanes dans le Coran et
dans la vie des Prophètes. Paris, 1933. Hızır-İlyas üçün «Enc.de l`İslam»dakı
«Khidr» maddəsi ilə İslam Ensiklopediyasındakı «Hızır» maddələri və eyni
zamanda bax: Hasluck. Christianity and Islam under the Turks. I, s.319-336:
el Khidr in the popular religion of Turkey. A.C.Vront. «Ho Agios Georgios
sti Rodtiki laografia». Atinada nəşr edilən «Laografia» dərgisindəki (XI-
1934-1937) məqaləsində Rodos adasında yaşayan türklərin San Giorgionu
(Ortodokslarda Aya Yorgi – Q.Şəhriyar) «Hetrelè» olaraq adlandırdıqları,
Hızır-İlyas peyğəmbər kimi hörmət etdiklərini yazır.
2
Barthold, ZVO, VIII, 1894, s.207-208. H.H.Schaeder (Orien. Litera-
turzeitung, XXXI, 1928, kolon 1046) isə Bəktaşi «Vilayətnamə»sində bənzər
cümlə ilə bir çayın belə adlandırıldığını yazır: ey didar görmüş.
63
(toy) verir
1
. Burada erkək at
2
, buğa, erkək dəvə (buğra) qurban
edilir, qımız içilir, oyunlar oynanır və güləşirlər. Bu adət yakut-
lardakı yaz bayramını
3
və e. II əsrdəki Hiunq-Nu (Hunlar) ara-
sındakı yaz, yay, payız bayramlarını xatırladır. «Dədə Qorqud»-
dakı oğuzlara aid olan erkək heyvan qurbanetmə adətinə dəyərli
qırğız tədqiqatçısı Vəlixan oğlu Çakan araşdırmalarında aydınlıq
gətirir. Onun fikrincə, qırğızlar heyvanların dişisini qurban et-
məzlər. Bu da qazax-qırğızların «Çorabatır» və «Dudar qız» adlı
dastanlarında müşahidə olunur
4
. Hər halda bu ənənənin iqtisadi
səbəbi vardır. Belə hesab edirik ki, dişilər südvermə və nəsilar-
tırma üçün qorunmalıdır. Oğlan uşağına sahib olmayanlara edi-
lən istehzalı davranış qazax-qırğızların «Dudar qız»
5
və «Alpa-
mış»
6
dastanlarında da müşahidə edilir.
«Dədə Qorqud hekayələri»nin bəzisinin sonunda (məsələn,
II və IV) Qazan bəyin «qulları oğlu başına azad etdi və ya
çevirdi» deyilir. Bu bir bağışlama və ya şükran borcudur. Belə-
liklə, azad olan qadın və kişi qullar sahiblərinin ətrafında dönə-
rək onun üçün həmd və niyaz edirdilər. Fuat Köprülü
7
Anadolu
və Rumelidə bu gün də icra olunan bir ənənəni, yəni edilən yax-
şılıq üçün başının ətrafında üç dəfə dönməyi izah edir. Azərbay-
1
Kütləvi şəkildə yemək yeyilməsinə şölən deyilir. Ətraflı məlumat üçün
bax: Lügatçe.
2
Mətndə bu feil «qırdırmaq» və ya «öldürmək» anlamındadır. Qurban
mərasiminin təsviri yoxdur.
3
Harva. Die relig. Vorstellungen der aktaischen Völlker, Helsinki,
1938, s.572-574.
4
Abdülkadir İnan. «Dede Korkut Kitabı»ndaki Bazı Motiflere ve Keli-
melere Dair. Ülkü, IX, 1937-1938, s.139 vd.
5
Radloff. Proben. III, s.309-310. Ə.İnanın yuxarıda adı çəkilən məqalə-
sində bəhs edilmişdir.
6
Ətraflı məlumat üçün bax: Şükrü Kurgan. İzahlı Eski Metinler Antolo-
jisi. Ankara, 1943, s.74-də verilən hissə.
7
F.Köprülü. Dede Korkut Kitabına Dair Notlar: Başa Dönmek, Aynal-
mak. Azerbaycan Yurt Bilgisi, II, 1932, s.84-91. Ahmet Ateş. Varka ve
Gülşah Mesnevisinin Kaynakları. Edebiyat Fakültesi Türk Dili ve Edebiyatı
Dergisi, II, 1947, s.19 vd.
Dostları ilə paylaş: |