209
Burada sadəcə məna deyil, məzmun və məqsəd də fərlidir.
Hətta döyüş vasitələri belə fərqlidir. Yəni məhəbbət dastanların-
da qılınc, ox, yay, dəmir zireh, Misri qılınc, şeşpər və s. silahlara
ehtiyac yoxdur. Bunların əvəzinə saz – söz, nəğmə – türkü, rəqs
– musiqi vardır. Burada, eyni zamanda saysız-hesabsız cinaslı
qafiyələr qəhrəmanlıq dastanlarındakı nizələrin və oxların yerini
tuturlar. Mənəvi dəyərlərin və yaradıcılıq nümayişinin mənşəyi
təbiətin və insanın maddi həyatının olduğunu bilirik. Eyni şəkil-
də orta əsr xürafat və düşüncə şəkillərinin ayaq izlərini də adi in-
sanların yaradıcılıqlarında izləyirik.
Ancaq söylədiyimiz kimi, bu dastanlarda da quruluş baxı-
mından bir-birinə zincir kimi bağlı mənsur və mənzum parça-
lardakı ana xətt yenə də mücadilədir. Sevgililərin bir-birinə qo-
vuşmalarına mane olan güclü düşmənə və şər qüvvələrə qarşı fə-
dakar mücadiləsi dastanı fərdilikdən çıxarıb ictimailəşdirməkdir.
Bununla birlikdə, bu dastanların ən qədim növlərindən olan
«Dədə Qorqud» dastanları bütövlükdə başqa xüsusiyyətlər nü-
mayiş etdirir. Dastanlarda qəhrəmanlıq və məhəbbət iç-içədir.
Qəhrəmanlar başqa milli dastan qəhrəmanları kimi daxili və xa-
rici düşmənlərə qarşı mücadilə edir, aşiq olub sevdiyinə könül
verir və fövqəlbəşər işlər bacarırlar. Bəzən insanların dünyasın-
dan fərqli dünyalarda gəzirlər. Bəzən insanlara sevgi bəsləyirlər.
Arada bir də bədheybətlə insanlıq uğruna mücadilə edərək mif-
lər yumağında yaşayırlar.
«Dədə Qorqud kitabı» on iki dastandan və bir müqəddimə-
dən ibarətdir. Bu dastanların hər biri aşıqların əcdadları olan
ozanlar tərəfindən yaradılmışdır. Yalnız bütün dastanlarda Dədə
Qorqudun adı çəkilir. Əslində bütün dastanlar ona ithaf edilir.
Bütün qəhrəmanlara ad verən yenə də odur. Dədə Qorqud soy
soylayıb dastan söyləyir.
Dədə Qorqud kimdir? Dədə Qorqud haqqındakı fikirlər mü-
bahisəlidir. Ancaq onun tarixi şəxsiyyət və islamın ilk illərində
oğuzlar arasında yaşaması dəqiqdir.
210
Bu iddianın ən önəmli istinadlarından biri «Cami-Cəm
Ayin» əsərinin müəllifinin verdiyi açıqlamadır. O, bu əsərdə
göstərir ki, oğuz boyunun lideri olan Qaraxan Qorqud Ata, ya da
Dədə Qorqud adlı şəxsi islam peyğəmbərinin yanına göndərmiş,
Dədə Qorqud isə Salmani-Farsi ilə birlikdə imana gələrək islamı
təbliğ etmək üçün oğuzların arasına geri dönmüşdür
1
.
Bundan başqa, «Dədə Qorqud kitabı»nın müqəddiməsində
də «Rəsul əleyhis-səlam zamanına yaxın Bayat boyundan Qor-
qud Ata derlər, bir ər qopdu» deyə yazılır.
Yenə də eyni mətndə bu sözlər yer alır: «Oğuzuñ ol kişi ta-
mam bilicisi idi. Nə dersə, olur idi. Qeybdən dürlü xəbərlər söy-
lər idi. Haqq-Təala onuñ köñlünə ilham edər idi».
Burada «bilikli şəxs» mənası verən «bilici» sözü əslində ka-
hin, övliya, kəramət sahibi olan insanlar üçün istifadə olunur.
Əmir Nizaməddin Əlişir Nəvayi «Nəsayimül-Mühəbbə»
əsərində, Əbül-Qazi Bahadırxan isə «Şəcəreyi-Tərakimə» əsə-
rində, Xacə Rəşidəddin Fəzlullah Həmədani və digərləri isə öz
əsərlərində Dədə Qorqudu «keçmişlərin bilicisi, gələcəkdən xə-
bərdar, kəramət sahibi» olaraq qiymətləndirirlər.
Dədə Qorqudun adı çəkilən ilk yazılı tarixi mənbə Xacə
Rəşidəddinin «Camiət-Təvarix»in «Tarixi-oğuz və türkan və
hekayəti-Cahangiri» başlıqlı bölümüdür.
Bunlardan başqa, «Dürərüt-tican»
2
, «Tarixi-dost Sultan»
3
,
Yazıçıoğlunun «Səlcuqnamə»si, «Risaleyi-min kələmati-Oğuz-
name əl-məşhur bi Atalar sözü» və s. əsərlərində onun (Dədə
Qorqudun – Q.Şəhriyar) adı çəkilmiş və «Kitabi-Dədə Qor-
qud»a birbaşa və ya dolayı yolla istinad edilmişdir.
1
İslam Ansiklopedisi, “Korkut Ata» maddesi; Türk Dili ve Edebiyatı
Dergisi, sayı 6.
2
Əsərin tam adı «Dürərüt-tican və təvarix»dir («Şöhrətlilərin tarixindən
incilər»). Müəllifi tarixçi Abdulla ibn Aybək əd-Dəvadaridir. O, bu əsəri 1309-
cu ildə sultan Nəsir Məhəmməd ibn Kalavuna həsr etmişdir – Q.Şəhriyar.
3
Ötəmiş Hacı ibn Mövlanə Məhəmməd Dostinin əsəridir. O, XVI əsr
tarixçisidir. Bu əsərin 1550-ci ildə yazıldığı bilinir – Q.Şəhriyar.
211
Bunlara əlavə olaraq qeyd edək ki, bir çox klassik şairin də
öz əsərlərində Azərbaycan folkloruna istinadən istifadə etdikləri
materialların və ünsürlərin qaynağı yenə də «Dədə Qorqud»dur.
Bəlkə cəsarətlə söyləyə bilərik ki, bütün Azərbaycan şairləri «Də-
də Qorqud»un sözlərini, dastanlarını nəzmə çəkmişlər. Hətta ya-
şadığı dövr və əsərinin tarixi bilinməyən Qul Ata adlı bir azərbay-
canlı şair tərəfindən Dədə Qorqudun öyüdverici sözlərini nəzmə
keçirilərək yazılan bir məsnəvi mövcuddur. Əski Azərbaycan ləh-
cəsi ilə yazılan bu məsnəvinin bir neçə bəndi aşağıdakı kimidir:
Dədə Qorqud söylədi ki, düşmənin,
Ölüsü ölsə, sevimən kimsənin.
Necə ki, bu cümlə başlardan keçər,
Cümlə aləm həm bu şərbətdən içər.
Xoş demiş Qorqud təhammül xoş durur,
Ney-şəkər tək qəhri udmaq xoş durur.
Şeytan ağlıyla iş işlədik müdam,
Ta olur belə işimiz xam.
Piş-qədəmlər eşitmək gərək,
Hər nə ki, pirlər demiş, etmək gərək.
Kəm-əsil kişilərin işi budur,
Qiybət, yalan, böhtan edişi budur.
Dədə Qorqud der ki, ol ağıl durur,
Söyləyən deyir ki, ol betər durur
1
.
Dədə Qorquda aid edilən belə sözlər türkülərdə, əfsanələrdə və
digər folklor mətnlərində əks olunmuşdur. Bu cür əfsanələrdə onun
şəxsiyyəti miflərin ecazkar örtüyü altında gizlədilmişdir. Bir
əfsanəyə görə, yuxusunda ona bir məzar qazıldığını görür. Oyanıb
qaçmağa başlayır və sərgərdan olur. O getdiyi hər yerdə məzarını
1
Muharrem E. Dede Korkut Kitabı Üzerine. Türk Dili ve Edebiyatı Der-
gisi, C. III, 1955, s.100.
Dostları ilə paylaş: |