215
baxmayaraq, eşqlə ölümün amansız savaşında yer alır, hətta Əz-
railə qarşı vuruşur və məhəbbətin yardımı ilə zəfər qazanır.
Hekayələrdə adətən Qazanın qəhrəmanlıqlarından bəhs edi-
lir. Onun evinin yağmalanmasından, özünün və oğlunun əsir
düşməsindən və onların qəhrəmanlıqlarından bəhs edilir. Qazan
mübarizə aparan, xalqını sevən, fədakar, cəsur və vəfalı bir başçı
kimi təsvir olunur.
O, ovda ikən soyğunçular onun evini yağmalayırlar. Bu ha-
disədən xəbər tutan Qazan xan Qaraca Çobanla birlikdə düşmə-
nin arxasınca gedir, anasını, həyat yoladaşını və övladını əsirlik-
dən azad edir, düşməndən intiqam alır.
Məğlub olan düşmən geri dönərkən oğlunu əsir götürür. Qa-
zan kimsəyə xəbər vermədən oğlunu azad etmək üçün geri dö-
nür. Ona tələ qurub yer altı qara quyulara həbs edərək işkəncə
verirlər. Ancaq Qazan yenə də onlara boyun əymir.
Ondan qurtulması üçün düşməni tərifləməsini istəsələr də,
o, əksinə, onlara meydan oxuyur: «Məni tutsaq etdiysən, öldür!
Sənin qılıncından qorxum yoxdur. Əsalətimə və özgürlüyümə
həqarət edəməm» – deyir.
Qazan xanın oğlu Uruz da cəsur qəhrəmandır. İki dəfə düş-
mənə əsir düşür və ikisində də igidlik göstərir. O, namusu uğru-
na bədəninin dilim-dilim doğranmasına razı olur.
Uruz atasını həbsdən azad edir. Atası onu sınamaq üçün
özünü göstərmir. Uruz döyüşdə bütün düşmənlərə qalib gəlir,
hətta bu cəhətdən atasından önə keçir.
Hekayələrin digər qəhrəmanları adətən oğuz bəylərindən
boz atlı Beyrək və Dirsə xan oğlu Buğac kimi döyüşkən ruhları
və igidlikləri sayəsində nüfuz sahibi olmuşlar.
Qazan xanın çobanının qəhrəmanlıqları xüsusilə diqqətə la-
yiqdir. Qaraca Çobanın simasında xalqın mücadiləsi və qəhrə-
manlıqları əks olunmuşdur. Bu sadiq qəhrəman təkbaşına altı yüz
soyğunçuya müqavimət göstərir. Düşmən onu aldatmağa çalışır
və ona bəylik və hökmdarlıq vəd edir, amma çoban onların bu
216
fəndinə boyun əymir. Sapandı ilə təpədən dırnağa qədər silah-
lanmış düşmənə qarşı igidliklə vuruşur. İki qardaşı ölür, amma o,
yenə də döyüşə davam edir. Daşlarının tükəndiyini görən çoban
keçilərini bir-bir sapanda qoyub atır. Hər dəfə düşmənlərdən iki-
sini öldürür. Beləliklə, soyğunçular geri çəkilirlər.
Onun sapandı iki-üç yaşında bir dananın dərisindən və bağları
isə üç keçi tükündən hörülmüşdür. Hər dəfə on iki batmanlıq (təx-
minən əlli kiloqram) bir daşı ata bilirdi. Atılan daş adətən yerə düş-
mür, düşsə də, gips kimi dağılaraq hər yeri dumana bürüyür. Bu da-
şın düşdüyü yerdə üç il ot bitmir. Qaraca Çoban belə təsvir edilir:
Gecə qaranlığı çökdüyündə sən qoruyucusan,
Qar və yağmur yağdığında sən ocağın atəşini saxlarsan!
Və nə qədər dəyərli məhsulların var: süd, pendir.
Çoban Qazanla bir yerdə vəsf edilir. O, Qazanın həyatını və
evini azad etmək üçün düşmənın izini tapır, arvadını və qardaş-
larını azad edir.
O, düşmənın güclü və təchizatlı rəhbərinə belə xitab edir:
Altındakı alaca atını nə övərsin,
Alaca başlı keçim qədər gəlməz mana.
Başındakı tulqanı nə övərsin, bre kafir,
Başımdakı börküm qədər gəlməz mana.
Qılıncın nə övərsin, bre kafir,
Əyri başlı çomağım qədər gəlməz mana.
Oxluğunda doxsan oxunu nə övərsin, bre kafir,
Alaca qollu sapandım qədər gəlməz bana.
Çoban ölümdən qorxmayan bir insan kimi düşməndən hər
nə şəkildə olursa-olsun, intiqamını alan, mübarizə aparan bir
qəhrəman və qorxusuz təsvir edilir.
***
«Dədə Qorqud dastani-hekayələri»ndə qadınlar da kişilər
kimi igid və döyüşkəndir. Hekayələrdə ər-arvad, ana-uşaq və ba-
cı-qardaş bir-birlərinə qarşı saf
bir sevgi ilə, nişanlı qızlar isə
217
sevgililərinə sədaqətli təsvir edilmişlər. Hekayələrdəki qadınlar
ata minən, ox atan, cəsur, döyüşkən, meydan oxuyan və rəqib
axtaran obrazlardır.
Oğlunun gecikdiyini görən Dirsə xanın həyat yoldaşı atına
minib qırx incə belli igid qızını yanına alaraq oğlunu axtarmaq
üçün dağlara çıxır və onu yaralı halda tapıb gətirir.
Qazan xanın oğlu Uruz əsir düşdüyü zaman anası Burla xa-
tun oğlunu azad etmək üçün silahlanıb döyüş meydanına girərək
Koqan kimi pəhlivanları məğlub edir.
Biz bu hekayələrdə anaların fədakarlıqları ilə yanaşı, «Ana
haqqı Tanrı haqqıdır» kimi atalar sözlərinə də rast gəlirik. Eyni
zamanda ailələrin digər üzvlərinin də sevgiləri safdır.
Qanturalının nişanlısı Selcan xatun həyat yoldaşı ilə birlikdə
düşmənə hücum edib «düşmən ordusunun bir ucu mənim, digər
ucu sənin» – deyərək döyüşərək sevgilisini ölümdən azad edir.
Bu qız xalq arasında atdığı hər ox hədəfə dəyən, daima çiynində
iki yay daşıyan pəhlivan və ov ovlamaqda məşhur biri kimi təs-
vir edilir.
Banuçiçək evlənmişdən əvvəl nişanlısı Beyrəyi sınağa çəkən
bir qızdır. Beyrəyi döyüş meydanına çəkərək ox atdırır, at çapdı-
rır, güləşib qəhrəmanlığına inandıqdan sonra onun qadını olur.
«Dəli Domrul hekayəsi»ndə qəhrəmanın Dəli Domrula «ca-
nım sənin canına fəda olsun» – deyərək ona sədaqətini və fəda-
karlığını göstərir, onun əvəzinə canını Əzrailə vermək istəyən
yeganə insan yenə həyat yoldaşıdır. Belə bir eşqə və sədaqətə
heyran olan Tanrının isə bu sevgi qarşısında qəzəb atəşi sönür,
bu saf və möhtəşəm sevgiyə ərmağan olaraq onlara iki yüz qırx
il ömür bağışlayır.
***
Hekayələrdə dinin təsiri geniş mənada əhəmiyyətsiz və zəif-
dir. Hekayələrdə hər şeyin dinlə cilalanmasına, qəhrəmanların
kafirlərlə döyüşməsinə, kilsələrin məscidə çevrilməsinə, döyüşə
getməmişdən əvvəl iki rükət namaz qılınmasına və s. baxmaya-
Dostları ilə paylaş: |