Üç aylıq ədəbiyyat dərgisi
179
Müstəntiq o biri otaqlardan bir şey
tapılmadığını görüb gəldi anasının otağının
qapısına və “burda kimsə varmı?” deyib
Əmənova baxdı. Əmənov onun qabağına
keçib əsəbi halda bağırdı:
-Bu otaqda mənim xəstə anam
yatır... Əsəb xəstəsidir... Özünü idarə edə
bilmir... Xahiş edirəm ki, ora ya baxmayın,
ya da elə edin ki, xəstənin psixikasına
toxunan hərəkət etməyəsiniz.
Müstəntiq üzündə “aha, yəqin ki,
axtardığımız elə burdadır” düşüncəsiylə
qapını açdı. Ana çarpayıda üstü açıq
yarıçılpaq vəziyyətdə yatırdı. Çarpayının
qabağında döşəmənin üstündə su axırdı.
Amma bir az yaxına gedəndə müstəntiqi
sidik iyi vurdu. Anladı ki, qadın çarpayının
qırağından döşəməyə işəyib.
Otağı tamam axtarsalar da bir şey
tapılmadı. Gənc müstəntiq israrla ananın
çarpayısına tərəf baxır, qadını oradan
durğuzmaq istəyirdi. Bu vaxt ana
anlaşılmaz səslər çıxardaraq qışqırmağa
başladı. Əmənov daha dözə bilmədi.
Həmişə
üstündə gəzdirdiyi tapançanı
çıxardıb müstəntiqə tərəf tuşladı və bağırdı:
-Bu saat buradan rədd olub
getməsəniz,
sizi
güllələyəcəyəm!
Əxlaqsızlar, alçaqlar! Mən sizdən Daxili
İşlər Nazirinə, Baş Prokurora şikayət
edəcəyəm! Mənim xəstə anama belə rəhm
etmirsiniz!
Sanki möcüzə baş verdi. Müstəntiq
anaya baxıb “üzr istəyirəm” dedi və
yanındakı silahlı adamlara da işarə edərək
evi tərk etdi. O isə anasını bağrına basıb
öpür, hönkür-hönkür ağlayırdı. Ana əyin-
başını düzəldərək acıqlı-acıqlı gəlininə
hələ
də
döşəmədə
göllənən
sidiyi
təmizləməyi tapşırdı.
O hadisədən bir ay sonra“Lyoşa”
ləqəbli həmin müstəntiq həbs olundu. Az
müddətdə məhkəməsi oldu və güllələndi.
Əmənova isə ölkə iqtisadiyyatına verdiyi
töhfələrə görə Lenin ordeni verildi. Hə, bir
də üstündə silah gəzdirdiyinə görə izahat
aldılar. Amma sonra o izahat da, elə silah
da yaddan çıxdı.)
-Hadıyev,
dediklərinin hamısı
düzdür, amma bircə o sən görən su yoxdur
burda. O buz bulaqlar bizim xaraba
dağlarımızda qaldı. Bircə Nadir şahın
qazdırdığı Ofşar kəhrizinin suyu babatdır,
onu da uşaq-böyük yaman günə qoyub...
İkisi də kövrəldi. Hadıyevin də,
Əmənovun da doğulduğu rayon ermənilər
tərəfindən işğal olunmuşdu. Bu, onların
yaralı yeriydi. Amma mümkün qədər bu
barədə danışmazdılar. Həkim demişdi ki,
yaşamaq istəyirsiniz, unudun rayonunuzu,
kəndinizi. Ürəyiniz kənd istəmir, gedin bağ
alın, hər səhər bel götürüb ağacların dibini
belləyin...
Hadıyevin Bakı bağlarında beş-altı
yerdə bağı vardı. Nəvələrinə də almışdı.
Əmənovun da Bakıda Ləyiş bağları səmtdə,
köhnə bakılılar demiş “daçası” vardı, amma
bir qaçqın qohumuna vermişdi ki, həm
yaşasın, həm də bağa baxsın.
Cavanlar
bir
tərəfə
çəkilib
söhbətləşirdilər. Qocalar isə ocağın başında
kiçik açılıb
-yığılan stullarda əyləşib dərdləşirdilər.
-Qənimət, danış görüm, nə işə
baxırsan, günün-güzaranın necə keçir?
Hərdən televizorda görürəm, azdan-çoxdan
xəbərim var əslində... hər halda öz ağzınnan
eşitmək daha münasibdir...
Əmənov son zamanlar şəhərsayaq
danışığını az qala yadırğamışdı. Əslində
çıxdığı kəndin leksikonu və danışıq tərzi
həmişə ona mane olmuşdu. Rusca yaxşı
bilsə də, bir çox sözlərin tələffüzünə heç
vaxt lazımınca əməl edə bilmirdi.
Korelenko, Bulqakov tipli xüsusi isimlərdə
vurğunu yerində vura bilmir, xüsusən
Bulqakov tipli sözdə vurğunu sonda
işlətməklə, həm də adətən tez-tez danışan
adam olduğundan onu Budaqov şəklində
deyirdi. Bu da eşidənlərdə gülüş doğururdu.
Buna görə indi şəhərdən gələn dostunun
yanında ədəbi cümlələrlə danışmağa
çalışırdı.
Qənimət
Hadiyev
uzun
illər
pambıqçılıq rayonlarında katib işləmişdi.
Bir çoxları bu ağır işdə büdrəsə də
(bəzi
katiblər həbs olunmuşdu, bəzisi intihar
180
№ 2 (14) Yay 2015
etmişdi, bəzisi də sadəcə işini itirmiş, amma
canını salamat qurtara bilmişdi), o inamla
irəliləmiş, axırda Dövlət Plan Komitəsində
şöbə müdiri olmuşdu.
-Ay Mayıl, daha bizim gün-
güzaranımız
ancaq
nəvə-nəticəylə
oynamaqdan ibarət olmalıdır... Biz o ağır
illərdən
səninlə
sağ-salamat
çıxa
bilməyimizə şükür etməliyik... Bircə Nigarı
itirməyim mənə ağır təsir elədi...
-Hə, eşitdim, özüm gələ bilmədim,
Qürbətdən başsağlığı yollamışdım... “Xalq
qəzeti”ndə də başsağlığı verdim sənə...
Amma
deyəsən evlənmisən, hə?
Hadıyevin kədərli üzünə bircə
anda gülüş gəldi və hələ tam çəkilməmiş
kədərlə gülüş kişinin sifətində qəribə bir
mənzərə yaratdı: elə bil isti gündə qəfil qar
başlamışdı.
-He-he... Sən də qazdan ayıqsan
haaaa... Mən bunu gizlin saxlayırdım dost-
tanışdan... – Bir az aralıda baş-başa verib
deyib-gülən cavanların eşitməməsi üçün
səsini bir az qısdı. – Mayıl, arvadsız qalmaq
olmur, çətindir... Düzdür, kənarda varımdır,
elə indi də var... Amma kişinin gecə
sinəsinə baş qoyub yatdığı bir nazəninə
həmişə ehtiyacı var... Düzdür, cavandır.
Qızımdan üç-dörd yaş da kiçikdir, amma
dəxili nədir? Hər mənada ehtiyacımı
ödəyir...
(Hadıyev danışdıqca Əmənovun
fikri dolaşır, artıq şəkərin üzdüyü arvadının
get-gedə nəinki gözəlliyini, hətta adi qadın
cazibədarlığını belə əldən verdiyini göz
önünə gətirib sarsılırdı. Ondan on iki yaş
cavan olsa da həm yaşlanması, illah da
dərd Humayı əymiş, üz-gözünə, boyun-
boğazına qırışlar salmışdı... Son bir ildə
demək olar ki, o, arvadının yorğanını
qaldırmamışdı. Nə yaxşı Bakıda uzun illər
saxladığı sevgilisi Simanı dilə tutub burdakı
rayon mərkəzinə gətirmiş, ona ev almış,
məktəbdə işə düzəltmişdi. Həftədə bir dəfə
özünü
onun
yanına
salır,
seksual
ehtiyaclarını ödəyirdi. Yoxsa qadınsız
yaşamaq ona çətin olardı. Düzdür,
yaşlanıb, qabaqkı şəhvəti yoxdur, amma
Hadıyevin sözü olmasın, kişinin hər yaşda
qadına ehtiyacı var.)
Qənimət dostunun dalğınlığını
sezsə də, siqaret qutusundan bir malbora
götürüb ocaqdakı xırda kösövlərdən biri ilə
odladı və onu xəyalından ayırmağa çalışdı:
-Hərdən
yuxarıdan
çağırırlar,
ağsaqqallar şurasında təmsil olunmağımı,
ictimai rəyə təsir edəcək çıxışlar etməyimi
istəyirlər, mən də təbii ki, edirəm bunu. Bu
dövlət bizə nə lazımdır verib, gərək biz də
ölüncən çıxaq o borcdan... O bir yazıçı
vardı e, kitablarını yandırdılar...
-Əkrəm Əylisli?..
-Hə, tapşırmışdılar, mən də gəldim
Aztv-yə çıxdım, döşədim qabırğasına... Ev
kitabxanamızdan götürdüyüm bir kitabını
da nümayiş etdirib dedim ki, aparıb yanan
tonqallara atacam... Həmin kitaba avtoqraf
yazmışdı, rayonda katib olanda qonağım
olmuşdu, çörək kəsmişdik... Amma neyləyə
bilərsən ki? Biz heç vaxt öz başımızın ağası
olmamışıq... Üstümüzdə gəzdirdiyimiz baş
bizim deyil, o da dövlətindir...
-Doğrudan o neynəmişdi?
-Əşşi, mən nə bilim neynəmişdi?
Öz zibilləridi... Deyilənə görə, o yazdığı
“Daş yuxular”a görə deyilmiş vur-çattasın,
əslində ayrı bir kitabı da varmış,
“Möhtəşəm tıxac” adında, orada nə
varmışsa, bu dambadaram ona görəymiş ki,
Moskvada çıxandan sonra Bakıda çap
elətdirməsin...
-Həəə, maraqlıdır... Yaxşı, sən bu
siqareti niyə tərgitmirsən? Ziyandı axı?
Mən on ildir atmışam...
-Mən də atmışdım... Nigardan
sonra çəkdim... Bir də...
Qocanın səsi birdən titrəyib qırıldı.
Özünü o yerə qoymayıb stuldan qalxdı,
ocağa odun atdı, sonra gəlib yenə dostuyla
üzbəüz oturdu.
Bir
azdan
Hadıyev
ocaqda
qaynayan qazanı aşağı düşürüb suyunu
süzdü, qazandan qalxan qəribə ətirli buğu
iyləyib dedi:
-Mayıl,
bunu tanıyırsan də?
Mərəfçəni deyirəm e?