Üç aylıq ədəbiyyat dərgisi
53
Şamxal
qəzəbdən
parlayan
gözlərini həqarətlə Cahidin üzünə dikib
baxırdı:
- Başa düşmürəm, sən kimsən?
Kimsən icazəsiz, özbaşına evimin
içərisinə gəlib girirsən? Kim sənə haqq
verib? Qapı gərək ki bağlı idi, küçə
qapısını sənə kim açdı? Küçüklər?
- Heç kim, hasarı aşdım…
- Çox nahaq. Sən bunun, -
Əfiqəni göstərdi, - nəyisən, belə narahat
olursan.
Qardaşısan,
qohumusan?
Nəyisən? Nə olsun ki, qonşusan?
Qonşusan, çağır, deynən sənə sözüm
var, yoxsa gəl gir evimin içinə. Xeyir ola
belə canıyanan çıxmısan?
Üzünü Əfiqəyə döndərdi:
- Olmaya sən çağırıbsan?
Ufuldaya-ufuldaya
döşəmədən
ayağa duran Əfiqə etiraz edərək başını
tərpətdi:
- Mənim kimsənin köməyinə
ehtiyacım yoxdur. Mən heç kəsi
çağırmamışam.
Əfiqə ayağa durub nə edəcəyini
bilmirdi. Şamxalın tərəfində dursun,
yoxsa Cahidin? Yaxşısı heç qarışmasın,
çıxsın otaqdan, özləri kimin haqsız
olduğunu araşdırsınlar. Çaşqınlıqdan
düşündüyünü gizlədə bilmədi:
- Sən gərək gəlməyəydin…
Bu sözləri söyləyərkən Əfiqənin
Cahidə yönələn təəssüf dolu mənalı
baxışları
Şamxalın
nəzərindən
yayınmadı. Arvadı qonşuluqda yaşayan
cavan oğlanla elə tərzdə danışırdı ki,
yaxından tanıdığı adam kimi –
sıxılmadan, çəkinmədən. Elə bil eyni
ailənin üzvü və ya neçə illərin tanışı
idilər. Qaynını, əmisi oğlunu görəndə
çəkinən, sıxılan Əfiqədə qonşunun oğlu
ilə belə yaxınlıq haradan yaranmışdı?
Necə olmuşdu indiyədək bilməmişdi, –
Şamxalın daxilində əmələ gələn qeyri-
adi maraq içini acışdırdı.
Əfiqənin sözləri Cahidi pərt etdi,
belə
gərgin
şəraitdə
təkləndiyini
düşündü. Axı o, bura pis niyyətlə deyil,
döyülən, təhqir edilən köməksiz insanı
müdafiə etmək, zülmü dayandırmaq
üçün gəlmişdi. Ruhdan düşməyən Cahid
Şamxalı insafa dəvət edirdi:
-
Qardaş, düzdür, məndən
yaşlısan, pis başa düşmə, adamı
döyməklə iş aşmaz. Günahı varsa ayrı
cəza ver. Heç olmasa uşaqlarını yadına
sal.
Əsəbləri
sakitləşməyən,
beynindəki fikirləri bir-birinə qarışan
Şamxal
çağrılmayan
qonağın
«nəsihətlərindən» iyrənib onu evdən
rədd eləmək, qovmaq qərarına gəldi:
- Bilirsən nə var, beynimi
aparma, özüm yaxşı bilirəm nə edirəm.
Günahı var döyürəm, öz işimdi. Bəsdi
mənə ağıl öyrətdin. Sən kimsən, bas
bayıra, xoş getdin! Bir də gəlib mənim
ailə işimə qarışma. Vallahi, sənin özünü
də salaram qayışın altına, ağlın gələr
başına…
Daxilində gizlənmiş qəzəbindən
Cahidin nəfəsi karıxdı: beləsini sözlə
başa salmaq olmayacaqdı. Nə etsin?
Başa düşmürsə öldürməyəcək ki! O,
öldürmək üçün gəlməmişdi. Dönüb kor-
peşman qayıtmaqdan savayı əlacı
qalmadı.
Hirsini
birtəhər
boğdu,
gedərkən son anda sadəcə xəbərdarlıq
etmək istədi:
- Get deyirsən, gedirəm. Unutma
ki, sonra peşman olacaqsan. Boylu
qadına
əl
qaldırmağının
ziyanını
çəkəcəksən.
Cahidin
axırıncı
cümləsi
Şamxalın qanını qaynatdı. O, Əfiqənin
boylu olmasını hardan bilir? Necə olur
ki ailəyə məxsus sirri kənar adam bilir,
üstəlik ona xəbərdarlıq edir. Dönüb
otaqdan
çıxmaq
istəyən
Cahidin
qarşısını kəsdi. İki əlli yaxasından
yapışdı:
54
№ 4 (20) Qış- 2016
- Dayan görüm, tələsmə. Məni
başa sal görüm sən onun hamilə
olduğunu haradan bilirsən, kimdən
eşitmisən, necə öyrənmisən? Eşidirsən,
cavab ver mənə!
Cahidin rəngi ağardı. Qızışıb
səhv
buraxdığını,
ağzından
söz
qaçırdığını anladı. Şamxalın ondan əl
çəkmək fikri yox idi:
- Hə, nə oldu, niyə danışmırsan,
dilini uddun? Başa sal görüm necə olub
ki, mənim arvadımın hamiləliyindən
sənin də xəbərin var. Mənə bax,
gözlərini qaçırma, gözlərimin içinə
bax...
Yaxasından
tutaraq
çevik
hərəkətlə qayışı Cahidin boynuna
keçirib özünə tərəf çəkdi. Dik baxa
bilmirdi Cahid. Şamxalın gözündəki
nifrətin gücü səsini batırmışdı. Ürəyində
özünə acığı tutmuşdu. Əfiqə düz
deyirmiş, o gərək gəlməyəydi. Əgər
əlindən bir iş gəlməyəcəkdisə, nə başı
qalmışdı burda? Boş-boş danışmağa nə
var ki! Bacarmayacaqdısa, Əfiqəni
xoşbəxt eldə bilməyəcəkdisə, niyə
bədbəxtliyə sürükləyir? Doğrudan da
həyatı başa düşmək üçün o hələ
uşaqmış…
- Susursan…. Deyəsən kələfin
ucunu tapmışam. Əclaf! Sən onun
aşnasısan. Çoxdan səni axtarırdım, gəlib
öz ayağınla çıxmısan. Tfu, sənin murdar
vücuduna, - nəfəs-nəfəsə durduğu
Cahidin sifətinə tüpürdü, - oğraş!
Bildim, elədir ki var, bu sənin işindi.
Xain qonşu!
İstehza ilə gülümsəyib bir əli ilə
Cahidin boynuna saldığı qayışı sıxdı,
digər əli ilə zərblə yumruğunu alnının
ortasına
vurdu.
Cahid
yumruğun
təsirindən başının içərisinin qarışdığını
hiss etdi, gözlərindən od çıxdı. Daha
dözülməli deyildi. Ömründə heç kim
onu
belə
təhqir
edib
üzünə
tüpürməmişdi. Beyninin silkələnməsi
ağlını başından çıxartdı. Geri çəkilməyə
yer
qalmamışdı:
ya
öləcək,
ya
öldürəcəkdi. O da yumruğunu toplayıb
cavab zərbəsini Şamxalın sifətinə
endirdi:
- Xain özünsən, xəyanətlə çörək
qazanan…
Cahidin
yumruğu
Şamxalı
qızışdırdı.
Vəziyyət
gərginləşdi.
Əlbəyaxa olub bir-böirinə güc gəlməyə
başladılar.
Cahidin
cavanlığına
baxmayaraq həm boy, həm də çəkidə
Şamxaldan
üstün
olmamasından
uduzacağı aşkar görünürdü. Gözünün
qabağında baş verənlərə tamaşa edən
Əfiqənin sinəsindəki həyəcandan nəfəsi
təntiyir, ürəyi döyünür, özünə yer tapa
bilmirdi. Necə etsin bunları ayırsın? Bu
dava xoşluqla bitməyəcəkdi, kimsə axıra
sağ qalmayacaqdı….
Az keçmədi Şamxal Cahidə
üstün gəlib, altına yıxdı. Yıxmağı ilə
onun boynuna keçirdiyi qayışı sıxmağa
başladı. Qayış sıxıldıqca Cahidin nəfəsi
daralır, gözləri genəlir, yavaş-yavaş
boğulurdu.
“Boğub öldürəcək!” Şamxalın
vəhşiləşmiş
simasını
və
Cahidin
çapalamasını görən Əfiqə dəhşətlə yəqin
etdi.
Anlar
keçəcək
Cahid
sağ
qalmayacaqdı.
Sonra
da
onu
öldürəcəkdi.
Bu
qansızın
qarşısı
alınmalıdı, - ürəyində qərarlaşdırdı.
İmkan vermək olmaz ki, niyyətinə
yetsin.
Əfiqənin bərk-bərk döyünən
ürəyi yerindən çıxırdı. Niyə dayanmışdı?
Ona görə, savaşan Cahidə kömək
etməliydi, oturub gözləməməliydi. Daha
düşünmək
vaxtı
qurtarmışdı.
O,
yerindən cəld tərpənib yaxınlıqdakı ağır
dəmir kətili qucağına götürərək, gücünü
toplayıb arxadan Şamxalın başına çırpdı.
Kətil Şamxalın başına dəyəndə qayışı
sıxan qolları boşaldı, huşunu itirib bütün
ağırlığı ilə Cahidin üzərinə çökdü.
Dostları ilə paylaş: |