Üç aylıq ədəbiyyat dərgisi
59
anasının
səhəri
günü
kənddə
axtarmadıqları yer qalmadı. Gümanı
gələn hər yeri, hər qarışı yoxladılar –
qonşuları, qohumları, tanışları – Əfiqəni
gördüm deyən olmadı. Su kanalının
ətrafı boyu üzüaşağı – üzüyuxarı
kilometrlərlə ərazi axtarıldı, bir nişanə
tapılmadı. Əfiqə yox olmuşdu, elə bil
buxarlanıb göyə çəkilmişdi.
Belə olanda qonşu kəndlərdə,
şəhərlərdə yaşayan qohum-əqrəbaya
zəng
vurub
Əfiqəni
soraqladılar.
Axtarışların üçüncü günü də heç bir
nəticə alınmadığını görəndə qızlarının
itkin
düşmələri
qənaətinə
gələn
valideynləri kömək üçün polisə müraciət
etdilər.
Səksəkəli daha üç gün keçdi.
Qızından yaxşı xəbər eşitməyəcəyi
ürəyinə daman ananın ağlamaqdan
gözləri şişmiş, səsi tutulmuşdu.
Yeddinci gün su kanalının axıb
qonşu rayonda töküldüyü böyük göldə
kimliyi bilinməyən bir insanın meyitinin
görünməsi xəbəri polisə çatdırıldı. Polis
meyitin kimə aidliyini araşdırmaq üçün
təşkil etdiyi mütəxəssislər qrupu ilə
hadisə yerinə yollandı.
Meyit günlərlə suyun içində
qaldığından
şişib
tanınmaz
hala
düşmüşdü. Əynindəki paltarı didilib
paralanmışdı. Sanki, utanırmış, üzünü
kimsəyə göstərmək istəmirmiş kimi
ləpələrin
üzərində
üzüqoylu
yırğalanırdı...
Xüsusi təhqiqata, laborotoriya
analizlərinə ehtiyac yox idi. Polisə
qoşulub gələn kənd adamları Əfiqəni
uzaqdan
–
paralanmış
donundan
tanımışdılar.
O,
itməmişdi,
heç
yerdə
gizlənməmişdi, məhkəmə gününə özünü
çatdırmışdı...
Mart 2016
Ömray
Çinar Tə
r
ə
zi
İçimdə əsən küləyin üzümə vurması
sanki yuxudan ayıltdı məni. Bütün
bunların mənim ətrafımda baş verdiyini
indi anlamışdım. Nə idi axı bu?
Məni
allahsızlıqda
qınayanlara
“allahınızı da götürüb gedin burdan”, -
deyərək qışqırmağım gəlirdi. İçimdəki
müharibə azmış kimi, bir də bunların da
çöldən dəstək kampaniyası kimi onlara
qoşulması məni dəli edirdi.
Bilirdim ki,
insan vücudundan böyük
bir möcüzə yoxdur. Hətta əlimi
tərpətməyimin özü də bir möcüzədir.
Gözəl bilirdim ki, nə edə biləcəyəmsə,
bu vücudda edəcəyəm. Nə dəyişiklik
etməliyəmsə də, o vücudla etməliyəm,
nə
axtarmalıyamsa
da,
onda
axtarmalıyam. Mən bu bədəndən
kənarda heç nəyi dəyişə bilməyəcəm.
Mən
dünyanı
bu
vücudda
düzəltməliyəm!
Hər şeydən qabaq hislərimin adını
dəqiq qoymağı bacarmalıyam. Yoxsa
vücud da karıma gəlməyəcək. Ən böyük
səhvlərim də burdan yola çıxır. Hislərə
düz ad qoya bilməməkdən.
60
№ 4 (20) Qış- 2016
***
Həftədə ən azı iki dəfə qəbiristanlığa
gedib daş babam, daş nənəmlə söhbət
edən mən idim. İnsanlara susduqlarımı
onlarla
danışırdım.
Qəbiristanlığın
nəzarətçisi Nəzər dayı da əvvəllər məni
dəli hesab edirmiş. Onun aləmində,
normal adam heç vaxt gəlib saatlarla
daşlarla danışıb, gedəndə də əl eləyib
getməzdi.
Ailəmiz bir az qarışıqdır. Ya da mən
qat-qarışıq düşmüşəm. Məsələn, eyni
evdə yaşasaq da, atamı həftədə bir dəfə
ancaq görəm, ya görməyəm. Ya da,
anamla gün boyu bir dəfə, o da nəsə
soruşmaq lazım olanda danışıram. Yox,
küsülü deyilik, sadəcə, mən danışmağı
ya bacarmıram, ya da... ya daa... nə
bilim... Hətta yadımdadı, bir dəfə atam
elçilərimə belə demişdi: “Vallah, mən
hələ bilmirəm, qızımın səsi bordu, ya
incə”. Deyəsən mən taleyimi sükutumla
yazmışam. Hələ də yazıram. Görək
gedib haraya darıyacaq...
Atamla heç vaxt üzbəüz oturub
danışmamışıq. Mənim heç rəfiqəm də
olmayıb. Canlılardan çox cansızlara
güvənmişəm. Ya kağıza-qələmə, ya da o
daşlara sığınmışam. Heç vaxt insanlarla
danışa bilməməyim də bundan olsa
gərək.
***
Bu gün qəbiristanlığa gedəndə
kiminsə mənim yerimdə çökdüyünü
gördüm. Üzü əks səmtəydi, günbatana,
görəmmədim.
Mənə
baxıb
gah
gülümsəyən, gah da nəsə demək istəyən
qəbir daşlarının arasıyla yerimə çatırdım
ki, kiminsə qolumdan yapışdığını hiss
elədim. İlk dəfəydi qəbiristanlıqda
qorxduğum. Üşəndiyimdən arxaya dönə
də
bilmədim,
qolumdan
tutanın
kimliyini görəm.
- Getmə, qızım! – gözətçi Nəzər
dayının səsiydi. - Atandır. Dəymə, qoy
ürəyini boşaltsın.
İlk dəfədir gəlir bura. Bu iki ildə ilk yol.
Mən atamla eyni soyadı, eyni qanı
daşısam da, nə qədər yad olduğumuzu
indi anladım.
Nə mən atamı tanıyıram, nə atam
məni. 28 il. Biz heç buna cəhd də
etməmişik deyəsən. Qəribəsi bilirsiz
nədi? Mən orda dizi üstə oturub hönkür-
hönkür ağlayan bu yetkin adama,
sadəcə, daş kimi susub baxırdım... Və
elə o soyuqqanlılıqla da üzümü çevirib
ordan uzaqlaşdım. İçimi narahat edən
təkcə nənəmlə babamın ona yönələn
baxışlarıydı. Mənə baxdıqları kimi
baxırdılar ona da...
***
Evə gəlib nəsə danışmaq adətim
deyildi. Otağımdaki kresloda oturub ya
kitab
oxuyar,
ya
da
telefonla
oynayardım. Anamsa gəlib oturar,
oturar, məndən səs çıxmadığını görüb
üzünü göyə tutar və deyərdi:
- Allah, yox, vallah, mən səndən
incimirəm. Bax, elə bilirəm, evdə iki
yox, üç kreslomuz var, – ardınca da
deyinə-deyinə çıxardı otaqdan.
Hə, bir də, qapını açıq qoyub
getməyi,
mətbəxtdə
danışmağı
vardı.Əsasən, mənə əsəbiləşəndə belə
edərdi.Səsini başına atıb danışar, ağzına
gələni deyərdi.Mən də durub qapını
bağlayardım, o isə bir də ərinməyib
təzədən gələr, qapımı açar, qayıdıb
mətbəxtdə danışmağına davam elərdi.
Hələ çox bərk hirslənəndə danışmaqdan
ürəyi soyumaz, gəlib yel kimi otağıma
girər,
qolumdan
tutub
silkələyə-
silkələyə:
- Az-z, bir din dənə, bir cavab
qaytar da. Saymırsan məni? – deyib,
gedərdi.
Atam isə ayrı aləmdi. Özümə heç nə
deməsə
də,
anamdan rahat söz
göndərərdi: “Ona de, bunu belə