Üç aylıq ədəbiyyat dərgisi
47
- Var, - Şamxalın niyyətini
anladı, - siz keçin evə oturun, hazır
edərəm.
- Yox, Şamxal, canın haqqı
gecdir. Evə keçən vaxt deyil. Qalsın
başqa günə…
- Zakir, həmişə bəhanə eləyirdin
ki,Şamxal gələndə gələrəm. İndii
Şamxal gəlib, ayrı bəhanə axtarırsan, -
Əfiqə də qaynını məzəmmətləyib evə
dəvət etdi, - bir az otur, gedərsən. Uzaq
yerə getmirsən ki…
- Siz Allah, inciməyin, evdə
məni gözləyirlər. Özgə yer deyil ki, öz
evimizdi, hansı gün desəz gələrəm. Təki
canınız sağ, evinizdə şadlıq olsun.
-Məsələ ayldındır, - Şamxal
gülərək əlini əlinə vurdu, - evdə arvad
gözləyir. Get qardaş səni saxlamaq
olmaz, günahdı. Yaxşı yol, köməyinə
görə çox sağ ol!
- Hələlik, - Zakir sağollaşıb
evinə getdi.
Şamxalla tək qalan Əfiqəni isə
anlaşılmaz hisslər çulğalamışdı. Neçə
aylar, illər ərini arzulamışdı, həsrətdən
yanmışdı. Bəs indii həyat yoldaşı
yanında niyə yenə ürəyi sıxılırdı? Toy
gecəsi Şamxalla bir otağa salınanda da
köksündə belə bir sıxıntı hiss etmişdi.
O gecə xoşbəxtliyin nə olduğunu
tam anlamasa da duyduğu sıxıntılara
əhəmiyət verməyib özünü dünyanın
xoşbəxti hesab etmişdi. Əfiqəyə elə
gəlirdi ki, bu gecə də həmin gecənin
davamıdır və yaxud təkrarıdır. Heç nə
onların yeniləşən sevgisinə, vüsalına
mane ola bilməzdi. Yenə dünyanın
xoşbəxti olacaqdı. Bu xoşbəxtlik çoxmu
çəkəcəkdi, düşünmək istəmədi. Daha
olan umu-küsülərin, köhnə palan içi
sökməyin yeri deyildi. Bu gecə Allah
ona Şamxalı ilahi pay yetirmişdi:
- Gecə vaxtı necə gəldin?
Əfiqə Zakir gedəndən sonra
verdiyi sualla yaranan sükutu pozmağa
çalışdı. Əslində ona necə gəlməyindən
çox, danışmağa nədən başlamağa
çətinlik çəkən Şamxalın açılışması,
aralarındakı neçə ilin buzunun əriməsi
vacib idi. Ötən illər ərzində etdiyi
diqqətsizliyin, soyuqluğun töhmətini
Əfiqənin gözlərindən oxuyan Şamxal
sualı eşitcək xoşlandı. O, gözlədiyi
şikayəti, tənəni heç olmasa indi eşitmək
istəmirdi:
-
Kəndə qaranlıq düşəndə
çatdım. Əvvəlcə evimizə dəydim -
anama. İki-üç saat oturub bir az özümə
gəldim. Gördüm saat oldu on iki...
Deyəsən buranı öz evi saymır, -
Əfiqə düşündü, yaşamırsa niyə də
saysın? Lakin, əhəmiyyət vermədi. Nə
olur-olsun,
bu
gecə
qanını
qaraltmamalıydı. Özünün və Şamxalın
əhvalını poza biləcək ən xırda xətaya da
yol verməməli, hər uyğunsuzluğa
dözməli, bütün qadınlıq məharətini işə
salıb həyatında dönüş yaratmalıydı.
Elə də etdi. Əfiqə Şamxala qarşı
qəlbindəkiləri bir kənara qoyub, özünü
sevgili həyat yoldaşı kimi aparmağa
müəyyən qədər nail oldu. Çalışdı
Şamxal görsün ki, onu əvvəlkindən də
çox sevir və elədiyi səhvləri bağışlayır.
Şamxal
arvadının
davranmasından,
ürəyində
xeyli
təəccüblənmişdi. Son illərdə Əfiqənin
görkəmi yaşlaşmış, sifətində qırışlar
əmələ gəlmişdi. Ən çox xasiyyəti
dəyişmişdi.
Tanımaq
olmurdu.
Mehribanlaşmış, xoş sifət insana
çevrilmişdi.
Keçmiş
tərsliyi,
zəhlətökənliyi yox olmuşdu. Ondan
qanını qaraldacaq heç nə soruşmur, heç
nədən şikayətlənmirdi. Elə bil təzəcə
tanış olmuşdular. Güman edirdi ki,
söhbət arası yenə nə vaxt qayıdacağını
soruşub, dalısıyca iki aydan sonra
gedəcəyini biləndə ağlaşma həngaməsini
başlayacaq.
Nədənsə
onu
da
soruşmurdu. Yəqin yaşlaşdıqca ağıllanır,
48
№ 4 (20) Qış- 2016
səbirli olmağı öyrənir, birinci gündən
əhvalını pozmaq istəmir, - düşündü
Şamxal, - nə yaxşı, Allaha şükür, həmişə
qanan olsun...
Gecə boyu gözlərinə yuxu
gəlmədi.
Əfiqənin
şirin
söhbəti
Şamxalın başını elə qatmışdı, gecənin
necə keçdiyini hiss etmədi. Yataq yalnız
səhərə yaxın yadlarına düşdü.
Hər dəfə uzun ayrılıqdan sonar
Əfiqə ilə yatağa girərkən naz etməsini,
soyuyub
buzlaşmasını
görərdi.
Bacarığının,
hissiyatının
korşalmasındanmı, yoxsa acıqca, qəsdən
belə etməsini bilməzdi. Bu dəfə isə o,
nəinki naz etmək, hətta canına yağ təki
yayılan nəvazişləri ilə Şamxalı heyran
etdi. Xoşuna gəlsə də səbəbini
anlamadığı üçün ürəyini sıxan suallar
yaranmışdı: Görəsən Əfiqənin belə
dəyişməsinə nə təsir etmişdi? Əri ilə
təmasda olmadığı illərinmi həsrətiydi, ya
da anlaya bilmədiyi bir səbəbmi vardı?!
Gözü su içmirdi ürəyinə daman
şübhələrdən. Əfiqənin isti, odlu bədəni
həsrətli olduğu qədər, eyni anda həm də
öyrəncəliyə oxşayırdı. Bəlkə ifrata
varırdı, düşündükləri əbəs idi. Hər halda
bu sualların cavablarını bir neçə gecəyə
öyrənib dəqiqləşdirmək də çətin idi.
Hissləri onu aldada bilərdi. Yaxşısı ilk
gündən pis fikirlərə başında yuva
qurmamaqdır, - Şamxal özünü qınadı, -
gec-tez hər şeyi öyrənəcəkdi, tələsib
təndirə düşmək lazım deyildi. Ola bilər
ki, onda yenidən sevgi yaranıb, xəbəri
yoxdur!
Bununla
belə
Əfiqənin
yataqdakı
istiqanlığına baxmayaraq
gözlərindəki donuq baxışların qalmaqda
davam
etməsi
də
nəzərindən
qaçmamışdı...
Baş
aça
bilmədiyi
düşüncələrlə səhərə yaxın yuxuya getdi.
***
Günlər keçdi, bir ay arxada
qaldı. Şamxalın gözlədiyi qırx günün
bitməsinə az qalsa da şübhələrində
əsassız olduğunu yəqin edib əhvalı
günü-gündən köhnə qaydasına qayıdırdı.
Şamxalın çöhrəsinin açılmasına sevinən
Əfiqə həftələr ötdükcə hamiləliyinin
böyüdüyünü görəndə qanı qaralırdı.
Evdəki mehribanlıq fəlakət qabağı
sakitliyiə bənzəyirdi. Şamxal onun
hamilə
olmasını
biləndə
tufan
qopacağından ehtiyatlanırdı. Tufanın
qarşısını ancaq bir yolla almaq olardı:
hamiləliyə Şamxalın özünün səbəbkar
olmasına inandırmaqla. İnandıra bilməsə
gözlədiyi
tufandan
salamat
çıxmayacaqdı.
Hər dəfə bu barədə fikirləşəndə
çəkdiyi iztirabdan əhvalı korlanırdı.
Əfiqənin tez-tez fikrə getməsi, dalğın
görünməsi
Şamxalın
gözündən
qaçmamışdı. Hələ bir az da narahat
olmuşdu:
Onun
əhvalının
yaxşı
vaxtında, hər şey qaydasında ikən, evin
bir çətinliyi olmaya-olmaya Əfiqə niyə
fikir çəkirdi? Bir iki dəfə onun fikrə
getdiyini görüb qınamışdı:
- Nə olub sənə, nə fikrə
getmisən?
- Heç nə, - Əfiqə tez fikirdən
ayrılıb
gülümsəməklə
sualdan
yayınmışdı. Əvvəl-axır deyəcəyi sözü
birdən-birə açıqlamağa qorxurdu, cürəti
çatmırdı. Gözləmədiyi vəziyyət alına
bilərdi. Ləngitməklə münasib bir anın
fürsətini gözləyirdi.
Xeyli
götür-qoydan
sonra,
həmin anı Şamxal ilə yataqda xoş ovqat
zamanı tapdı. Çılpaq qollarını Şamxalın
boynuna sarıyanda təmasın şirinliyindən
ərinin xoşlandığını görüb cəsarətləndi.
Uğur naminə ehtirasla onun qulağının
ətli hissəsini öpdü və nəfəsini çəkmədən
qulağına xəfif səslə pıçıldadı:
- Bilirsən, bir məsələ var, heç
bilmirəm sənə necə deyim. Yenə məni
günahkar hesab edəcəksən. Ancaq
Dostları ilə paylaş: |