Üç aylıq ədəbiyyat dərgisi
41
böyük kimi apara bilmirdi. Əfiqədən
fərqli olaraq canını çulğayan həyəcan
olmaya kiçikliyindən baş verirdi?!
-
Hə
eşidirəm,
-
Əfiqə
nəzərlərini Cahidin həyəcandan pörtmüş
üzünə dikdi.
Heç özü də bilmirdi nədən
başlasın.
Fikrindəkilər
bir-birinə
qarışmışdı:
- Hm.., bir dəqiqə, - nəsə
xatırlayıb arxaya döndü. İki-üç addım
atıb qaranlıqda gizlətdiyi bükülünü
tapdı. Yerinə qayıdıb əlindəki salafanın
arasından ətri və gözəlliyi ilə fərqlənən
gül çələngini ona sarı uzatdı:
- Sənin ad gününü təbrik
edirəm! Arzu edirəm ki,bu çiçəklər kimi
həmişə gözəl olasan və mənalı ömür
sürəsən. Ömrünün qədrini biləsən, pis
gün keçirməyəsən.
Əfiqəni heyrət götürmüşdü. O,
Cahidin belə qabiliyyət yiyəsi olduğunu
bilməzdi. Bu qədər gözəl gülü o,
haradan yığıb, toplayıb səliqə ilə
düzmüşdü?
Baxmaqdan,
ətrini
qoxumaqdan doymaq bilmirdin. Necə də
gözəl idi! Onu ömründə belə təbrik edən
olmamışdı. Doğrudanmı Cahid onu çox
sevirdi? İnana bilmirdi…
- Cahid, bu nə xəcalətdi sən
mənə verirsən, çox sağ ol.
- Başqa hədiyyəni qorxdum
qəbul etməyəsən. Fikirləşdim ki, gülə bir
söz deməzsən, ona görə də çələng
düzəltdim.
Həm
də
darıxmışdım
səninçün..
Əzilib
korlanmaması
üçün
çələngi
əlində
saxlayıb
sevimli
baxışlarla onu süzən Əfiqə sanki, mən
də darıxmışam demək istəyirdi.
- Bilirsən, mən istəyirəm ki,
əlində saxlamayasan, - Cahid ona bir
addım da yaxınlaşdı.
- Bəs nə edim? - Əfiqə
təəccübləndi.
- Ver mənə, göstərim.
Əfiqə
tərpənməz
dayanıb
maraqla nə edəcəyəini gözləyirdi. Cahid
əvvəlcə bir əlilə Əfiqənin üzünə tökülən
saçlarını yığdı, başının qalan yerlərini də
əli ilə daraqlayıb hamarladı, o biri əli ilə
çələngi ehtiramla tac kimi onun başına
qoydu. Bu hamar-tumardan xoşlandığı
üçün Əfiqənin gözləri xumarlandı.
- Bax, belə gözəldir.
Əfiqənin qəlbini qəribə duyğular
bürümüşdü. Ona bu yaşınadək hələ
kimsə
belə
ehtiram,
münasibət
göstərməmiş,
bir
çiçək
də
bağışlamamışdı. Axı niyə?! Məgər onun
insan kimi sevilməyə haqqı yox idi, ya
layiq deyildi?. Sevincdənmi, kədərdənmi
gözləri
doldu.
Yaş
damlaları
kipriklərindən
süzülüb
üzüaşağı
diyirlənərək yanaqlarını islatdı. Cahidin
sevgi odu ilə alışıb yanan baxışları onun
gözlərinə dikilmişdi. Həmişə ondan
çəkinən Cahidin heç bu sayaq baxmasını
görməmişdi. O necə də sevimli, məğrur,
qəlbəyatımlı idi...
Anlar keçsə də heç biri yerindən
nə tərpənir, nə də qımıldanırdı. Bir-
birlərinə baxa-baxa donub qalmışdılar.
Üzünə dəyən Cahidin nəfəsi Əfiqənin
ağlını başından alırdı. Onlar belə çoxmu
üzbəüz dayanacaqdılar, - Əfiqə düşündü,
- gərək ki, o dillənməli, təşəkkür etməli
idi. Nə desin? Qəlbindəki hisslər bir-
birinə elə qaprışmışdı ki, bilmirdi nə
desin. Cahidin həyəcanı deyəsən ona da
keçmişdi. Ürəyinin çırpıntısı anbaan
güclənirdi.
Başının hərlənəcəyini duyub
yıxılmamaq üçüq sağ əlini uzadıb
Cahidin qolundan tutdu. Cahid onun
yıxılacağını hiss edib özünü irəli verdi.
Boş qalan qolu ilə Əfiqəni qucaqlayıb
özünə sıxdı.
- Əfiqə, nə oldu sənə?
Narahatlıqla soruşan Cahidi
heyrət qarışıq sevinc bürüdü: Cavab
verməyə halı olmayan Əfiqə gözləri
42
№ 4 (20) Qış- 2016
yumulu sinəsinə sığınıb ona sarılmışdı!
Bu, Əfiqənin ona olan minnətdarlığı idi.
Sözlə ifadə edə bilmədiyi təşəkkürü…
İllərlə
kişi
sevgisinə,
diqqətinə,
qayğısına
ehtiyacı
olan
qadının
təşəkkürü…
Günahkar kimi başını qaldırıb
Cahidin gözlərinə baxmağa utanırdı.
Günahkar kim idi? Özü, yoxsa taleyi?
Köksü dolan buluda oxşayırdı. Dərdi
danışılası deyildi. Bayaqdan bəri özünü
sıxıb hıçqırtısını saxlasa da, dili, boğazı
qurumuşdu.
Boşalmasaydı
danışa
bilməyəcəkdi. Üzünü Cahidin çiyninə
söykəyib yüngülləşənədək kirimişcə
ağladı.
- Əfiqəm, ağlama, bəsdi. Belə
olmaz! Mən bilsəydim ki, sən sevinmək
əvəzinə kədərlənəcəksən, gəlməzdim.
Yaxşı, qurtar!
Cahid onun sakitləşməsi üçün
saçlarını tumarlayıb öpdü. Bu iş ona elə
xoş gəldi ki, təkcə saçları öpməklə
kifayətlənmək
istəmədi.
Saçlarını
aralayıb ehtiyatla boynundan öpdü.
Boynunun öpməsinə Əfiqənin etiraz
etmədiyini görən Cahid daha da
həvəsləndi.
Bərk-bərk
qucaqlayıb
boğazından geniş sinəsinədək öpüşlərə
qərq etdi.
Axıtdığı göz yaşları hisslərini
soyutmadı, onu qucaqlayan Cahidin
bədəninin istisi , hərarətli öpüşləri
tamam ixtiyarını almışdı. Özünə yiyəlik
edən halı qalmamışdı. Həmişə Cahidə
etinasız olan, onu sevməyəcəyini
düşünən Əfiqədən əsər-əlamət yox idi.
Etiraz etməyə, onu kənarlaşdırmağa,
içindəki qəribə bir hiss imkan vermirdi.
Bu hiss neçə illər yadırğadığı yatan
ehtirasını oyatmışdı. Ayılan ehtirası
taqətini kəsdiyi üçün ayaqları sustaldı.
Cahidin qolları üstə yaşıl otların üzərinə
uzandı…
***
Görüşlər
artdıqca
Əfiqəni
özündən asılı olmayaraq narahatlıq
bürüyurdü. Görəsən Şamxal gələnədək
olanları gizli saxlaya biləcəkdimi?
Şamxal nə vaxt gəlib evinə dəyəcəkdi,
Allah bilirdi. Bu gündən sabaha ümid
varmı? Nə bilirsən sabah səni nə
gözləyir? Görüş vaxtı uzaqdan gələn ən
adi səs, hənirti ürəyinə hər cür qorxulu
şübhələr gətirirdi. Belə gecələrdən
axırıncısında eşitdiyi gözlənilməz xışıltı
onun necə qorxuzmuşdusa, yubanmadan
Cahidin qucağından çıxıb, qaranlıq cığır
ilə hövlanak özünü evə yetirmişdi. O
anlaşılmaz xışıltıdan sonra onda xoş
olmayan nə isə baş verəcəyi qənaəti
yaranmışdı. Bəzən düşünürdü ki, etdiyi
bütün səylər əbəsdi. Bəlkə də hamı bilir
onun
günahını,
sadəcə
dillərinə
gətirmirlər, yazıqları gəlib rüsvay
etmirlər. Kimsə boynuna götürmək
istəmir bu işin məsuliyyətini. Bu işi
yalnız Şamxallıq idi.
Başqa adamların əhatəsində
Cahidlə rastlaşarkən ehtiyatlandığından
az qala nə edəcəyini bilməyib, özünü
itirirdi və tez o yerdən uzaqlaşmaqdan,
hikkəsini uşaqların üstünə tökməkdən
savayı əlacı qalmırdı.
Ürəyinə gələn başına gəldi.
Cahidlə gizli görüşlərinin üçüncü ayı idi.
Yay fəslinin başlaması ilə havalar bərk
istiləşmişdi. Havaların istiləşməsindən
əkdiklərinin quruyacağından qorxan
qonşular bağ-bostanı vaxtlı-vaxtında
suvarmaya aman vermirdilər. Onları
qınamağa dili gəlməsə də, gözü görə-
görə əkdiklərinin zay olması ilə də
barışa bilməzdi. Ya qapı-qapı düşüb
yalvarmalı idi ki, filan günü suya
dəyməsinlər, imkan versinlər o da
bostanını suvarsın, ya da gün batanda
hamı sudan əl çəkəndə alatoranlıqda
suvarmalı idi. Əksəriyyəti paxıl olan bu
qonşuların da hərəsinin ağzından bir
hava gəlirdi. Dünya malından gözləri
Dostları ilə paylaş: |