144
№ 4 (20) Qış- 2016
-Mən yazıçıyam, bəlkə lazımım
oldu, - deyib gülə-gülə siqaret yandırıb
birini də qocaya uzadıram. O da filtirli
“Kosmos” siqaretini müştüyə taxıb
odlayır və deyir:
-Təzə doğulana köşək derlər.
Altı aylığınnan bir yaşına kimi daylaxdı,
onnan sohra tük gəlir: bir yaş bir tük, iki
yaş iki tük, üç yaş üç tük addanır... Yanı
ki, belə də deyilir: bir tük balı, beş tük
balı, səkkiz tük buğur... Hə, bir də
dəvənin iki növü var: birhörgüclü,
ikihörgüclü. İki hörgüclü böyük nərin
çəkisi 1300 kiloyacan gəlir. Ən yaxşı
südlük sort arvanadı. Onun südü həm
bol olur, həm də can dərmanıdı...
-Əmi,
sizin tərəfdən bir alim var,
Xəliyəddin adında. O, dəvəçilik haqda
kitab yazıb. Ordan oxumuşdum ki,
dəvənin zindanı olur, o nə deyən sözdü
elə?
-Hə, dəvənin iki qollarının
arasında qaramtıl yer var, ora zindan
diyərlər. Köşəyin zindanı öz yerində
bərkidilməsə, onnan yaxşı dəvə əmələ
gəlməz. Ona görə dəvəçilər mına fikir
verərlər... Dayan, dayan! Qulağım səs
aldı. Dəvədi! Buğurdu! Sən mənnən
aralan,
acıxlı
olar,
saa
xətər
toxundurar!..
Mən
və
mənimlə
bərabər
dayanacaqda dayananlar bir şey başa
düşmədik. Amma üstündən təxminən
beş dəqiqə keçməmiş qəribə bir səs
eşidildi. Elə bil cöngə böyürürdü. Ya
da adam ağlayırdı. Yox adam səsinə
oxşamırdı, qabaqlar zavodlarda səhər iş
başlayanda “qudok” səsi gələrdi ha...
Ona da oxşayırdı, amma o da deyildi...
Yaslı adamın boyatı çağırmasına yaxın,
hüznlü, çox kədərli səsdi... Nəhayət,
gördük magistral yolun üstündəki
yovşanlıqla yortan iri bir dəvə qocanın
sözüylə desəm, bozlaya-bozlaya Bakı
istiqamətində qaçır. Qoca onun ardınca
bir az yüyürsə də, dəvə kişiyə heç
baxmır da. Bir az sonra bayaqkına oxşar
bir polis maşını keçdi. Bu dəfə maşından
boğuq səslər gəlirdi. His olunurdu ki,
onlar da dəvəyə görə narahatdırlar.
Başqa bir polis maşını yaxınlaşanda
qoca qabağa yeriyib əlini qaldırdı,
maşını saxlatdı. Gənc bir leytenant
maşından düşüb qocaya sarı gəldi:
-Cəmil kişi sənsən?
-Bəli mənəm, dərdin alım, -
qoca dilləndi.
-Dəvənizin erkəyi qızıb, iki
adam öldürüb, uşağı da yaralayıb,
bayramı yasa batırıb. İndi də qaçır üzü
Bakı səmtinə... Biz istədik silahla vuraq,
nazirlikdən göstəriş gəldi ki, vurmaq
olmaz, cins dəvədir... Səni axtardıq,
dedilər çıxmısan yola. Gəl min maşına,
görək neyniyə bilirik?
-Bəs maya hanı?
-Nə maya?- leytenant təəccüblə
çiyinlərini çəkdi.
-Axı mının dişi tayı vardı, onu
neynəmisiniz? Ona görə qızıb itə dönüb
dayna... O bəs bu tərəfə niyə qaçır?
Dəvə səhv eliyə bilməz e, yaqin mayası
bı tərəfdədi, Baki səmtində... Yaxşı, bəs
nəvəm nə təhərdi, hardadı?
-Uşağı
balnsəyə
göndərdik.
Yüngül yaralıdı. Sən bu zibili tutmağa
kömək elə, bizim də canımız qurtarsın...
Onlar danışa-danışa maşına
minib getdilər. Mən qaldım yolun
ortasında. Elə bu vaxt İmirin JİQULİ-si