34
Ədəbi mərhələlərin tipoloji xüsusiyyətləri haqqında dolğun təsəvvür formalaşdırılmaqla bərabər,
eyni zamanda ayrı-ayrı tənqidçilərin ədəbi prosesdəki rolu müəyyənləşdirilir. Diqqət etsək, görərik
ki, bu tədqiqat sahələri müxtəlif olsa da, əslində mühüm ədəbiyyatşünaslıq məsələləri ilə bağlıdır.
O, ədəbi tənqidimizin bütöv bir mərhələsinin ayrı-ayrı görkəmli şəxsiyyətlərinin – Ə.Nazimin,
M.Quliyevin, M.Rəfilinin, H.Zeynallının, M.C.Cəfərovun, K.Talıbzadənin, B.Nəbiyevin
ədəbiyyatşünaslığımızın inkişafındakı rolu və mövqeyinə müxtəlif tədqiqat əsərlərində dəfələrlə
qayıdıb, respublika mətbuatında bu barədə onlarca sanballı elmi məqalələr dərc etdirib. Tənqidçi
müraciət etdiyi ədəbi şəxsiyyətlərin yaradıcılığını ədəbi mühit kontekstində təhlil etməyə nail olub.
Ş.Salmanov Azərbaycan ədəbi tənqidində sərbəst şeirin tarixi və nəzəriyyəsi ilə ən çox və
ardıcıl məşğul olan bir tədqiqatçıdır. Sərbəst şeirimizin ilk nümunələrini yaradan M.Rəfili, R.Rza,
M.Müşfiq haqqında ən dəyərli və qiymətli məqalələri də o yazıb. Müxtəlif illərdə sərbəst şeirə qarşı
yönələn total və ifrat hücumlara tənqidçi vaxtında layiqli cavab verib, ədəbiyyatımızda bu yeni
meyli daha da qüvvətləndirərək onun aparıcı poetik istiqamətlərindən birinə çevrilməsində
müstəsna xidmətlər göstərib.
Tədqiqatçı alimin “Akademik Kamal Talıbzadə” monoqrafiyası da ədəbi ictimaiyyət
tərəfindən rəğbətlə qarşılanıb. Onu da qeyd edək ki, monoqrafiyada ancaq Kamal Talıbzadənin
elmi-ədəbi fəaliyyətindən bəhs olunmur. Keçən əsrin ilk onilliklərindən bu günə kimi ədəbi tənqid
və ədəbiyyatşünaslığımızın keçdiyi inkişaf mərhələləri və bu dövrlərdə fəaliyyət göstərən
tənqidçilərin fərdi elmi üslubu tədqiqata gətirilir. Kitabda akademikin ömür yolu, ədəbiyyatşünaslıq
fəaliyyəti, tənqid tariximizin yaradılmasında əvəzolunmaz xidmətləri və onun ədəbi əlaqələrin
inkişafındakı gördüyü işlər müasir ədəbiyyatşünaslığın standartları baxımından izlənilir.
Əli Sultanlının “Azərbaycan dramaturgiyasının inkişaf tarixindən” (1965) monoqrafiyası
1960-cı illər tənqid və ədəbiyyatşünaslığının nəzəri səviyyəsini göstərmək baxımından
maraqlıdır. O, milli dramaturgiyanın inkişaf tarixindən bəhs edərkən geniş ədəbi müqayisələr və
nəzəri təhlillər aparmış, Azərbaycan dramaturgiyasını nəinki rus və Qərbi Avropa
dramaturgiyası, eyni zamanda qədim Yunan dramaturgiyası əlaqələri üzərində də xeyli
paralellər aparmış, milli dramaturgiyanın estetik xüsusiyyətlərinə aydınlıq gətirmişdir: “Azər -
baycan dramaturgiyasının arxoteкtonikası, məclislərin sayı, quruluşu çox maraqlıdır. Məlumdur
ki, məclislərin sayı dramaturgiyada yalnız sadə bir kəmiyyət məsələsi olaraq qalmır. Bu məsələ
üslub ilə sıx bir surətdə bağlıdır. Yunan dramaturgiyasında pərdə bölgüsü yox idi. Beşpərdəli
quruluş Romada Plavt (e.ə. 250 - 184), Terensiya (e.ə. 183 - 159) ilə başlanmış və Senekanın
(e.ə. 65-də ölüb) dramaturgiyasında davam etdirilmiş, buradan da Avropaya keçmişdir. Azər-
baycan dramaturgiyasında məclislərin sayı məsələsində heç bir sabitlik yoxdur. Sabitlik həm
ayrı-ayrı dramaturqlara, həm mərhələlərə, həm də üslublara aiddir” [4, 74].
Milli dramaturgiyanın ədəbi qaynaqları sırasında Ə.Sultanlı xalq dramlarına və dini
dramlara daha çox önəm vermiş, başqa xalqlarda olduğu kimi, bizdə də dramaturgiyanın
bünövrəsində xalq dramlarının, məişət mərasimlərinin dayandığı fikrində olmuşdur.
Monoqrafiyada “Kitabi-Dədə Qorqud” ənənələrinin milli dramaturgiyada izləndiyi, genişləndiyi
konkret faktlarla təhlildən keçirilir, əsərdə lirik sətirlərlə yanaşı, dramatik səhnələrin də olduğu
araşdırılır. Тəbii ki, Ə.Sultanlı əsas diqqət və marağı yazılı Azərbaycan dramaturgiyasının
təşəkkül və ədəbi-tarixi ənənələrini yaratması üzərində cəmləşdirib. О, XIX əsr Azərbaycan
ədəbiyyatında yeni janrların: dramaturgiya, roman və hekayənin yaranmasını maarifçilik
hərəkatının bəhrəsi kimi qiymətləndirmişdir.
Əli Sultanlı M.F.Axundov dramaturgiyası ilə Мolyer, Didro, Lessinq yaradıcılığını
müqayisə edib, oxşar və fərqli cəhətləri müəyyənləşdirməyə çalışıb. Bədii əsərdə əxlaqa və
tərbiyəyə önəm verməkdə dramaturqun yaradıcılığının D.Didro sənətinə yaxın olmasını bildirib.
Ə.Sultanlı eyni zamanda milli dramaturgiyanın orijinal keyfiyyətinə də işıq salıb “Müəllifə
görə, qəbahət işləyən bir surətin əsər boyu inkişaf və dəyişməsini elə vermək lazımdır ki, ən
axırda onun daxilində peşimançılıq hissi oyansın. Hətta varlı, zalım bir dövlət məmuru özü
axırda məzlumlar dərəcəsinə ensin, lazım gələrsə, onu dilənçi bir vəziyyətə gətirməli. Bir
tərəfdən o? öz zülmlərini anlayaraq peşiman olur, ikinci tərəfdən, tamaşaçılara və oxuculara
əxlaq və ibrət dərsi olur” [5, 79].
Ədəbiyyatşünaslığımızda monoqrafik tədqiqatlara meylin güclənməsi
35
Ə.Sultanlı M.F.Axundovun dram əsərlərinin xoşbəxt finalla bitməsi qənaətinə də
münasibət bildirmiş, bu cəhəti onun bütün əsərlərinə şamil etmiş, xoşbəxt sonluqlu final
ideyasını maarifçi мəfkurənin tələbləri ilə bağlamışdır. Doğrudan da, ədibin dram əsərlərinin
hamısının finalında iştirakçıların əksəriyyəti bir yer toplaşır, əsər maarifçi sonluqla bitir.
Ədəbiyyatşünaslıq daim öz bazasını genişləndirir, yeni metodoloji ədəbi sistemlər yaradır.
Bu, 60-80-ci illərdə də davam etdirildi. Ədəbiyyatşünaslığımız həm ədəbi-tarixi faktlarla
zənginləşdi, həm də öz nəzəri bazasını möhkəmləndirdi. Bu ədəbi missiyanın həyata
keçirilməsində, şübhəsiz ki, monoqrafik tədqiqatların mühüm rolu oldu.
Elmi yeniliyi: Məqalədə ilk dəfə olaraq 1960-80-ci illərdə ədəbiyyatşünaslığımızda
monoqrafik tədqiqatların yaranmasının tipoloji xüsusiyyətləri ədəbi-tarixi aspektdə tədqiq
olunur.
Tətbiqi əhəmiyyəti: Məqalədən tənqid və ədəbiyyatşünaslıq tarixini öyrənən mütəxəssislər
faydalana bilər.
ƏDƏBİYYAT
1.
Qarayev Y. Poeziya və nəsr. Bakı: Yazıçı, 1979, 196 s.
2.
Zamanov A. Həqiqətlər və mabahisələr. “Kommunist” qəzeti, Bakı, 28 may, 1981.
3.
Salmanov Ş. Azərbaycan sovet şeirinin ənənə və novatorluq problemi. Bakı: Elm, 1980, 215 s.
4.
Salmanov Ş.
Ehtiramla, inamla... //Azərbaycan jurnalı, Bakı: 2000, №6.
5.
Sultanlı Ə. Azərbaycan dramaturgiyasının inkişafı tarixindən. Bakı: Azərnəşr, 1964, 301 s.
РЕЗЮМЕ
УСИЛЕНИЕ ТЕНДЕНЦИЙ К МОНОГРАФИЧЕСКИМ ИССЛЕДОВАНИЯМ
В НАШЕМ ЛИТЕРАТУРОВЕДЕНИИ
Рафиева А.И.
Ключевые слова: монографические исследования, Яшар Гараев, содержание и форма,
литературная критика, литературные связи
Создание реальной истории литературы напрямую связано с монографическими
исследованиями. В статье рассматриваются факторы, обусловливающие появление монографических
исследований в нашем литературоведении, объясняется роль этих работ в развитии истории
литературы. Привлечены к исследованию типологические особенности определенного периода
литературно-теоретической мысли.
SUMMARY
INCREASE OF INCLINATION FOR MONOGRAPHIC RESEARCHES
IN OUR LITERATURE STUDIES
Rafiyeva A.I.
Key words: monographic studies, Yashar Garayev, content and form, literary criticism, literary
relations
Creation of perfect history of literature is directly connected with monographic researches. In the
article, attention is paid on factors stipulating the emergence of monographic researches in our literature
studies, the role of such works in establishment of our history of literature is clarified and typological
features of certain stage of our literary-theoretical thought are brought to research.
Daxilolma tarixi:
İlkin variant
16.06.2017
Son variant
27.09.2017
Rəfiyeva A.İ.