www.kitabxana.net
– Milli
Virtual-Elektron Kitabxana
Aydın Xan Əbilov Kreativ innovasiyalar: qlobal mədəniyyətin kulturoloji tərəfləri
85
85
85
əşyalar vasitəsilə öyrənmək, tədqiq etmək mümkündür. Ən
azından, ənənəvi muzeylər bir çox əyani vəsaitləri, tarixi
qiyməti olan fərqli əşyaları özündə cəmləyir. Zaman-zaman
insanlar da gedib onlara baxır, lazım gəldikdə tarixi
canlandırmaqda bu eksponatlardan yararlanırdılar.
Azərbaycanda Qərb tipli muasir muzeylər bir mədəniyyət
hadisəsi kimi tarixini nisbətən gec başlayıb: bildiyimiz kimi,
keçmişdə şahların, xanların saraylarında, varlıların evlərində
xüsusi qapalı guşələr olub. Onlar həmin guşələrdə qədimi
kitabələr, xalçalar, zərgərlik nümunələri, incəsənət əsərlərini,
tətbiqi sənət məhsullarını qoruyub saxlayıblar. Lakin
Azərbaycanda müasir anlamda - Qərb tipli muzeylərin tarixi
Rusiya işğalından sonra başlayır. XIX əsrin sonu XX əsrin
əvvəllərində Azərbaycanın bir qrup maarifpərvər ziyalılarının
təşəbbüsü ilə müəyyən muzeylər yaradılıb, bu mədəniyyət
ocaqları sabiq sovetlər dövründə inkişaf etdirilib,
zənginləşdirilib.
Rayonlarımızda,
hətta
ayrı-ayrı
kəndlərimizdə müxtəlif təmayüllü muzeylərimiz olub.
Tutalım, Lerikdəki ―Uzunömürlülər‖ muzeyi, Ağdamdakı
―Çörək muzeyi‖ dünyada analoqu olmayan kreativ təsisatlar
kimi tanınır.
Yaşlı nəsil nümayəndələri yaxşı xatırlayarlar, əvvəllər bizim
insanlar ailəlikcə muzeylərə gedər, tələbələri, məktəbliləri
www.kitabxana.net
– Milli
Virtual-Elektron Kitabxana
Aydın Xan Əbilov Kreativ innovasiyalar: planetar mədəniyyətin kulturoloji tərəfləri
86
86
vaxtaşırı müxtəliftəmayüllü muzeylərə aparardılar. Təəssüflər
olsun ki, dövrümüzdə bu gözəl ənənə bir qədər zəifləyib.
Səbəb kimi müxtəlif bəhanələr gətirilsə də, artıq problem
kreativ böhran səviyyəsinə qədər enə bilib: adamlarımız hər
həftə restoranlara, toya, yasa gedə bilir, fəqət, məsələ
muzeylərə ziyarət etməyə çatanda, maddi durumlarının aşağı
olmasını bəhanə edirlər. Yaxşı haldır ki, ölkə rəhbərinin
təklifi, dövlət qurumlarının təşkilatçılığıyla müxtəlif
rayonlarda yaşayan şagirdlər Azərbaycanın görməli yerlərinə
ekskursiyaya aparılır, oradakı muzeylərə ictimai baxışlar
təşkil olunur, məmləkətimizi yeni nəsil nümayəndələrinə
əyani formada tanıdılırr, sevdirilir.
Avropada, hətta bir çox Şərq ölkələrində, qonşu dövlətlərdə
aylıq, hətta illik ailə büdcəsi planlaşdırılanda mütləq muzey,
kino və teatrlaraa gediş üçün, başqa sözlə, insanların estetik-
yaradıcı dünyagörüşlərinin formalaşdırılmasından ötrü
müəyyən məbləğdə pul vəsaitləri ayrırlar. Məsələn,
Almaniyada il ərzində müxtəlif muzeylərə 200 milyondan çox
giriş olur. Fransada, İtaliyada, Amerika Birləşmiş Ştatlarında
insanlar öz ailə büdcələrini, məmurlar isə istehlak səbətini
formalaşdıranda mənəvi tərəflərə, estetik tələbatlara xüsusi
fikir verirlər. Ay ərzində muzeylərə, teatrlara, konsertlərə
gediş haqqlarını da o büdcə xərclərinə daxil edirlər.
www.kitabxana.net
– Milli
Virtual-Elektron Kitabxana
Aydın Xan Əbilov Kreativ innovasiyalar: qlobal mədəniyyətin kulturoloji tərəfləri
87
87
87
Bizdə ―Beynəlxalq muzey günü‖ndə muzsözügedən
mədəniyyət ocaqlarına giriş pulsuz olur. Eyni zamanda,
Azərbaycan vətəndaşları üçün biletlər xarici vətəndaşlara
nisbətən iki dəfə ucuzdur. Tələbələr, şagirdlər və təqaüdçülər
üçün də müəyyən güzəştlər olur, amma bu imtiyazlardan çox
az adam yararlanır. Bu problemin səbəbini araşdıranda
gəldiyimiz qənaət budur ki, muzey mədəniyyəti bizdə hələ də
zəif inkişaf edib. Ümumiyyətlə, bizdə tarixə bu cür biganə
münasibət hökm sürür: imperiyalar yaratsaq da, onu
əbədiləşdirə bilməmişik. Eyni zamanda arxivə və qədimliyə
çox diqqət yetirmirik. Hətta bizdə vaxtilə - keçmiş SSRİ
dağılandan sonra - arxivlərin dağıdılması prosesi gedirdi.
Düzdür, son zamanlar dövlət bunun qarşısını ala bildi.
Azərbaycanda anlaşılması çətin olan proses baş verdi:
kitabxanaların bir çoxlarında kiril əlifbası ilə olan kitablar
məhv edilirdi: buna isə ad qoyurdular ki, bəs onlar rus
dilindədir və ya erməni müəlliflərinə məxsüsdür.
Bu qədər bəsit ictimai-mədəni düşüncənin sahibi olan
cəmiyyətin nümayəndələri, əlbəttə, muzeylərə getməz.
Dünyanın heç bir yerində belə bir şey yoxdur. Məsələn,
Almaniyada faşist dövründə nəşr olunan kitablar, nasistlərə
aid olan tarixi eksponatlar muzeylərdə indiyəcən də saxlanılır.
Bizdə isə hər dəfə sistem dəyişəndə ondan əvvəlkilərə aid
www.kitabxana.net
– Milli
Virtual-Elektron Kitabxana
Aydın Xan Əbilov Kreativ innovasiyalar: planetar mədəniyyətin kulturoloji tərəfləri
88
88
olanlar məhv edilir: ötən əsrin otuzuncu illərində dağıdılan
məscidlər, yandırılan, basdırılan ərəb qrafikalı kitabələri
xatırlayaq. Bu bərbad ictimai münasibət, söz yox, muzeyə
gedən insanları da həvəsdən salır. Biz restoranlara, əyləncə
mərkəzlərinə, toya hər gün gedə bilirik, amma muzeyə
baxmaq üçün biletə iki manat verməyə, teatra getməyə
ərinirik. Bizdə mədəni istirahət sahəsində bu cür biganəlik
gündən-günə aşınma formasını alır.
Muzeylərlə bağlı dövlətin özünün də ciddi konsepsiyası var.
Muzeylərin bir çoxu yenilənib və təmir olunub, hətta yeniləri
yaradılıb. Muzeylərin faydalılığıyla bağlı kütləvi təbliğatın
aparılması
vacibdir:
bundan
ötrü
müasir
İKT
texnologiyalarından yararlanmaq lazımdır. Gənclər arasında
muzeylərə ziyarəti ictimai-mədəni dəb halına salmaq gərəkdir.
Yazılı və elektron KİV-də, sosial şəbəkələrdə muzeylərdəki
kreativ-estetik imkanların reklamını aparmaq vacibdir.
İnsanlara anlatmaq lazımdır ki, kinoya, teatra, muzeyə
getməyən adamdan intellektual, zəngin mənəvi dünyagörüşü
olan kreativ şəxs çıxmaz. Kreativliyə, intellektuallığa dəyər
verilməyəndə, yetişən nəsil nümayəndələri sabahın potensial
cinayətkarı, narkotik vasitələrinin istifadəçinə çevrilmə
qorxusu var.
Dostları ilə paylaş: |