Böyük Sadiqlik
Yüklə 56 Kb. Pdf görüntüsü
|
130 BÖYÜK SADİQLİK -cu gün Böyük xeyirxahlıq RUMINİYA: ƏFV EDƏN YƏHUDİ QADIN Rumıniyalı pastor və onun həyat yoldaşı faşistlərin onların ölkələrini zəbt etdikləri müddətdə sovet əsgərlərini gizlətmişdilər. İndi isə faşist əsgərlərinə sığınacaq lazım idi. Üç alman məmuru onların evlərinin arxa- sındakı kiçik bir binada gizləndilər. Pastorun həyat yoldaşı onlara gizlicə yemək aparırdı və gecə vaxtı onların zibil qutularını boşaldır- dı. Bir yəhudi kimi, o, onların hərəkətlərinə görə nifrət edirdi – onlar onun bütün ailəsini məhv etmişdilər. Amma məsihçi kimi o, qaç- qınlara yardım etməyə və onlara fiziki və ru- hani dəstək olmağa məcburiyyət hiss etdi. Xeyirxahlıq göstərmək komandirdə maraq oyatmışdı: “Görəsən nə üçün yəhudi qadın alman əsgəri üçün öz həyatını riskə atır? Mən yəhudiləri xoşlamıram və Allahdan qorxmuram. Sənə deməliyəm ki, alman ordu- su Buxaresti yenidən zəbt edəndə və əminəm ki, bu, olacaq, mən bu xeyirxahlığı sənə heç vaxt geri qaytarmayacağam.” Pastorun həyat yoldaşı onun soyuq ürəyinə görə ruhdan düşmədi. O, ona təbliğ etməyə davam etdi: “Hətta ən pis cinayətlər İsa Məsihə iman vasitəsi ilə əfv olunur. Mənim səni bağışlamağa heç bir səlahiyyətim yoxdur, amma əgər sən tövbə etsən, İsanın səlahiyyəti var.” Məmur cavab verdi: “Səni başa düşdü- yümü deməyəcəyəm. Amma ola bilsin, əgər daha çox insanda pisliyə yaxşılıqla cavab vermək ənamı olsaydı, onda daha az qətl olardı.” Məmur tezliklə Almaniyaya qaçdı, hələ də tövbə etməmişdir. Amma pastor və onun həyat yoldaşı həqiqi məsihçiliyi göstərmək üçün öz üzərilərinə düşən tapşırığı yerinə yetirdilər. İsa müxtəlif nəticələr hasil edən müxtəlif cür torpaq növünə toxum səpən əkinçi məsəli barədə bölüşmüşdü. Onun hekayəsində, toxum Allahın Kəlamıdır. Ba- ğın kənarında olan tapdalanmış toxumları acgözlüklə udan quşlar kimi, iblis də Alla- hın Kəlamını onu eşidənlərdən oğurlamaq istəyir. Bunun əksinə, münbit torpağı təsvir edənlər isə Allahın Kəlamını qəbul edənlər və ona cavab verənlərdirlər. Biz Müjdəni digərləri ilə bölüşəndə, biz onların qəlbində hansı cür torpağın olduğunu bilmirik. Biz onların cavab verəcəyi müsbət, yaxud mənfi münasibətə cavabdeh deyilik. Sən kiminsə Müjdəyə hay vermədiyinə görə məyussan? Sən öz üzərinə düşən işi görmüsən. İndi isə qoy Allah Öz işini görsün. İnsanlara deyil, Rəbbə qulluq etdiyiniz kimi ürəkdən qulluq edin. Efes. 6:7 131 gün -ci BÖYÜK SADİQLİK Böyük vəz etmə RUMINİYA: PASTOR RİÇARD VURMBRAND 1991-ci ildə, kommunist Rumıniya dövləti yeni maska taxdı. Onlar onların etdiyi işlərə nifrət edən vətəndaşların çoxluğundan qorxdular. Onlar Rumıniya pastorlarına, hətta cəmiyyət içində də təbliğ etməkləri üçün yalvardılar. Amma onlar pastorlara xüsusi şeyləri təbliğ etməyi əmr etdilər – düşmənini sev – yəni ki, insanlar onları bağışlasınlar. Onlar düşündülər ki, öz xeyirləri üçün məsihçi Müjdəsini manipulyasiya edə bilərlər. Məsihçilər sevinərək çağırışı qəbul etdilər və baxmayaraq ki, onlar bilirdilər ki, dövlətin niyyəti özünü qorumaq üçün idi, onlar açıq- ca təbliğ etməyə başladılar. Amma bəziləri fikirləşdi: “Nə üçün biz zülm edilənlərə onla- ra zülm edənləri sevməyi öyrətməliyik?” On- lar fikirləşirdilər ki, bu bağışlanma müjdəsi dövlətin əlini möhkəmləndirəcəkdir. Pastor Riçard Vurmbrand bu atmosfer olan vaxtda iyirmi beş illik sürgünlükdən sonra Rumıniyaya qayıtdı. O, Rumıniya tele- viziyasında “düşmənlərinizi sevin” müjdəsini təzyiq ilə təbliğ etməyə dəvət edilmişdir. Məbəd onun sözləri ilə ittiham edilmişdir: “Sevgi, sadəcə sevgi olduğuna görə, özünü bütün risklərə – hətta pis adam tərəfindən sui-istifadə riskinə də atır ki, hamını qazana bilsin. Biz düşmənini sev təlimini öyrətməyi dayandırmamalıyıq, hətta hansısa müddətdə Allaha nifrət edənlər bizim hesabımıza bun- dan sərfələnirlərsə də. Biz inanırıq ki, Allah Sözdür və sonda bu Söz, hətta Allaha nifrət edənlərin də ürəklərini dəyişəcəkdir.” Müqəddəs Kitab düz axırın- cı fəslə qədər…..sonu sürprizlərlə dolu hekayələrdən ibarətdir. Şərin nəzarəti ələ keçirdiyi və bütün vəziyyətlərin salehlərə qarşı durduğu görünəndə, Allah salehə qələbə verir. Xoşbəxtlikdən Allah həm də bizim həyatlarımızın müəllifidir. Ssenari- nin necə inkişaf etməsinə sual vermək bi- zim işimiz deyil. Biz elə hiss edə bilərik ki, Allahın işi üçün effektiv istifadə edil- mirik. Biz hətta müjdəçilik üçün ən yaxşı səylərimizin də başqaları tərəfindən pozul- duğunu hiss edə bilərik. Buna baxmayaraq, bizim rolumuz Onun müjdəsini sadiqliklə təbliğ etmək və çətin vəziyyətləri Onun əllərinə verməkdir. Allah hələ də hekayəni yazır və ən yaxşısı hələ də qarşıdadır! Baxın, siz mənə qarşı pis fikrə düşdünüz, lakin Allah onu yaxşı işə çevirdi ki, bu gün gördüyünüzü etsin və çoxlu adamın həyatını qorusun. Yaradılış 50:20 132-ci gün BÖYÜK SADİQLİK Böyük xatirə TİBET: UİLLİYAM SİMPSON “Sənin oğlun öldürülübdür.” Cənab Simpsona o gün dəhşətli xəbər çatdı. Onun müjdəçi oğlu Uilliyam Tibe- tin sərhəddində uşaqlara Allahın Sözünü öyrətdiyi kiçik bir məktəb tikmişdi. Uilli- yamın atası yaxınlıqda yaşayırdı və dərhal xəbərdən sonra məktəbə qaçdı. Ətrafa baxan- da oğlunun xidməti ilə bağlı xatirələr onun gözünün önündən gəlib keçdi. Uilliyam Tibet əhalisi ilə Müjdəni bölüşmək üçün altı min beş yüz kilometr yolu atla gedərdi. Müsəlman fanatlar Tibet şəhərində əlli min nəfəri amansız tərzdə öldürmüşdülər, lakin hətta bu, onun oğlunu qorxutmamışdı. Uilliyam yazmışdı: “Bütün çətinliklər, tənhalıq, ürək ağrıları, əzablar, uzun yol- da soyuq və yorğunluq, ruhdan düşmək, ağır itkilər, sövq olunmalar və sınaqların heç biri “böyük sevincin xoş yeniliklərini” bölüşməyin izzəti və sevinci ilə müqayisə olunmağa dəyməz.” Uilliyamsın atası dağıdılmış məktəbin içi ilə gəzdi və öz oğlunun doğranmış bədənini yerdə tapdı. Sonradan o öyrəndi ki, müsəlman ordusunun qaçaqları məsihçi məktəbinə, onu yaradana mərhəmət göstərməyərək hücum etmişdilər. Özü də müjdəçi olan cənab Simpson məsihçi Uilliyamın digərlərinə göstərdiyi nümunəyə görə çox fəxr edirdi. Oğlunun cəsədinin altında onun qanına bulanmış bir parça vərəq var idi. O, ehtiyatla onu götürdü və bu sözləri oxudu: “Mənim xatirəmə”. Abidələr dünyanın hər bir yerinə səpələnibdir. Hər biri sınaqlar içində qəhrəmanlıq, cəsurluq və şəxsi qurban hərəkətinin xatirəsini qeyd edir. Tarixdə müxtəlif eralardakı insanların ucaldılmış abidələri və xatirələri vardır. Bu, insan təbiətinin bir hissəsidir. Biz, bizim ide- al azadlığımız, ədalətimiz, sevgimiz və şərəfimiz uğrunda böyük qiymət ödəmiş insanları unutmağı arzulamırıq. Bizim qəlblərimiz Məsih və Onun Müjdəsi uğ- runda şəhid olan məsihçilərin xatirələrini saxlayır. Heç bir hərbi mükafat onların dəfnlərində təltif olunmur. Onların yerinə heç bir heykəl ucaldılmır. Onları yada sal- maq və onları ilhamlandıran Allahı mədh etmək üçün bu gün vaxt ayır. Sizi hər dəfə yada salanda Allahıma şükür edirəm. Filip. 1:3 Yüklə 56 Kb. Dostları ilə paylaş:
|