__________
Milli Kitabxana__________
98
Təhsil sahəsində əməkdaşlığın təməl prinsiplərinə dair
müqavilə, protokol və razılaşma sənədləri
Azərbaycan – Türkiyə mədəni əlaqələrinin ən mühüm əhə-
miyyət kəsb edən və nəticələri daha aydın görünən istiqamət-
lərindən biri və bəlkə də birincisi təhsildir. Bu sahədə Azərbay-
can – Türkiyə əlaqələri çox böyük inkişaf tempi qazanmaqda-
dır. Ötən əsrin 90-cı illərindən başlamış bu inkişaf dinamikası-
nın nəticələri bu gün göz qabağındadır. Artıq bu bir danılmaz
faktdır ki, müasir dövrdə inteqrasiya prosesində iştirak etmə-
dən, onun imkanlarından faydalanmadan hər hansı bir tərəqqi-
yə nail olmaq mümkün deyil. Digər bir tərəfdən də həmin pro-
seslərə qoşulmaqla beynəlxalq münasibətlərdə əsas yer tutan
dinc yanaşı yaşamaq prinsiplərinin bərqərar olmasına bilavasitə
kömək etmiş olunur.
Türkiyənin yeni yaranmış türk dövlətlərindən fərqli təhsil
sisteminə malik olmasına baxmayaraq, yeni dövrdə müasir ixti-
saslı kadrların hazırlanması zərurəti bu istiqamətdə əməkdaş-
lığın başlanmasına təkan verdi. Sözügedən respublikalardakı
ali təhsil müəssisələri qapalı sovet təhsil sisteminin tərkib his-
səsi idi və burada bir qayda olaraq standart ixtisaslar öyrədilir-
di. Təhsil sahəsində əməkdaşlığın mühüm istiqamətlərini tələbə
mübadiləsi, birgə orta məktəblərin, litseylərin və universitetlə-
rin açılması təşkil edir. 1991 – 2001-ci illər ərzində Türkiyənin
bir çox təhsil ocaqları türk respublikalarının müvafiq qurumları
ilə qarşılıqlı əməkdaşlıq protokolları imzalamış və çoxsaylı bir-
gə layihələr həyata keçirmişlər. 1992-ci ildə Türkiyənin Təhsil
Nazirliyinin Xarici Təhsil İdarəsi “Böyük tələbə layihəsi”
adlanan layihə həyata keçirməyə başladı. “Bu çərçivədə 1992 –
1993-cü təhsil ili üçün Türkiyənin ali təhsil müəssisələri türk
dövlətlərindən gəlmiş ilk tələbələri qəbul etdi” (89, s. 191).
90-cı illərin ilk yarısına aid statistik məlumatlara diqqət ye-
tirərkən məlum olur ki, təhsil sahəsində bu illərdə vəziyyət belə
olmuşdur: 1991 – 1995-ci illərdə Türkiyədə 1871 nəfər azər-
__________
Milli Kitabxana__________
100
məktəbləri arasında gələcək əməkdaşlıq proqramı üzrə bundan
əvvəl müəyyən edilmiş tədbirlərin yerinə yetirilməsini sürətlən-
dirəcəkdir” (3, s. 52). Qonaqlar BDU ilə yanaşı Azərbaycan
Dövlət Tibb Universitetində, Azərbaycan Dövlət Konservatori-
yasında da oldular və Xalq Təhsili Nazirliyində qəbul edildilər.
1990-cı ildə respublikamızda olmuş Türk Dünyası Araş-
dırmaları Vəqfi nümayəndə heyətinin məqsədi də tərəflər ara-
sında hərtərəfli əlaqələrin daha səmərəli olması üçün yollar
axtarmaq idi. Türk nümayəndəliyinə Türk Dünyası Araşdırma-
ları Vəqfinin sədri prof. Turan Yazqan, Hacəttəpə Universite-
tinin dosenti Bigə Ərculasun, Mərmərə Universitetinin dosenti
Əminə Gürsoy, Səlcuq Universitetinin professoru Səlcuq Ünlü,
İstanbul Universitetinin dosenti Xəlil Açıqgöz və başqa türk
qonaqlar daxil idi. 1991-ci ilin əvvəlində respublika Təhsil
Nazirliyinin nümayəndə heyəti Türkiyədə işgüzar səfərdə oldu.
Səfər zamanı Türkiyə ilə təhsil sahəsində əməkdaşlığın yeni
üfüqləri müəyyənləşdirildi. İstanbulun Bəyazit Universiteti
Azərbaycanın altı ali təhsil ocağı – M.Ə.Rəsulzadə adına BDU,
N.Tusi adına ADPU, N.Nərimanov adına Azərbaycan Dövlət
Tibb İnstitutu, Azərbaycan Texnologiya İnstitutu, M.Əziz-
bəyov adına Azərbaycan Neft və Kimya İnstitutu və M.Əliyev
adına Azərbaycan Dövlət İncəsənət İnstitutu ilə əlaqə yaratdı.
İstanbul Texniki Universiteti ilə Azərbaycan Politexnik və
İnşaat İnstitutları əməkdaşlıq qurdu (3, s.52-53).
Göründüyü kimi, bu illərdə yaranmış və inkişaf etmiş Azər-
baycan – Türkiyə qarşılıqlı elm və təhsil əlaqələri, bütün ob-
yektiv və subyektiv
maneələrə baxmayaraq,
iki respublika üçün
xeyli səmərəli olmuşdur. Bu əlaqələrin perspektivdə daha in-
tensiv və müştərək inkişaf etdirilməsi, şübhəsiz, Azərbaycan –
Türkiyə elm və texnikasına daha böyük uğurlar gətirəcəklər.
Bu dövrdə təhsil sahəsindəki əməkdaşlığı qaydaya salmaq
üçün tərəflər bir sıra hüquqi sənədlər hazırlamış, müqavilələr
imzalamışlar. Belə hüquqi sənədlərdən Azərbaycan Respubli-
kası Nazirlər Kabinetinin 9 aprel 1992-ci il tarixli 662 və 208