Qara
dəniz gibi yayqanıb gələn
kafirin
ləşkəridür,
Gün
gibi
şılayıb gələn
kafirin
başında işığıdır.
İldız gibi parlayıb gələn
kafirin
cidasıdır.
Azğun dinli yağı kafirdir, oğul, — dedi.
Oğlan aydır:
― Yağı deyü nəyə deyirlər?
Qazan aydır:
― Oğul, onunçün yağı derlər ki,
biz onlara yetsəvüz öldürərüz, onlar bizə yetsə öldürər, — dedi.
Uruz
aydır:
― Baba, içində bəg yigitlər öldürsələr, qan sorulları, davalarmı?
Qazan aydır:
—
Oğul, bin kafir öldürsən, kimsə səndən qan davalamaz. Amma azqun dinli kafirdi, xub yerdə
tuş oldu. Vəli mana sən yaman yerdə duşaq oldun, oğul, — dedi".
Uruz
döyüşmək, özünü göstərmək,
kafir öldürüb ad almaq istəyir, lakin atası təcrübəsiz gəncin
düşmən üzərinə getməsinə razı olmur:
"Oğul, oğul, ay oğul!
Mənim ünüm ünlə, sözüm dinlə...
Ol kafirin üçün atıb birin yazmaz
oqçusu olur.
Adam ətin yəxni qılan aşbazı olur.
Sən varası kafir degil..."
Qazan xan oğluna məsləhət bilir ki, dağ başına çıxıb onun kafirlərlə necə vuruşmasına tamaşa
etsin, baxıb öyrənsin. Qazan kafirə at salır, döyüşə başlayır... Döyüşü izləyən Uruz həvəslənir, o da qırx
igidi ilə birlikdə kafirin üzərinə yeriyir. Lakin əsir düşür.
Qazan
oğlu Uruzu əsirlikdən qurtarır.
"Salur Qazan dutsaq olub oğlu Uruzu çıqardığı boy"da gənc igid Uruz atasının Tomanın
qalasında əsir olduğunu bilən kimi qərar verir:
"—
Mən babam dutsaq olduğu qələyə gedirəm. İttifaqla danışıq qıldılar. Cəmi bəglərə xəbər oldu:
― Uruz babasına gedir, yaraqla gəlin, — dedilər.
Ləşkər dərildi. Alp Uruz çadırların açdırdı, cəbbəxanasın
yüklətdi. Qaragünə çəribaş oldu. Boru
oqrudub köçdülər".
Beləliklə, eposda qəzaya getməyin aşağıdakı formalarından bəhs edilmişdir:
1) xüsusi (konkret) bir səbəb olmadan, hansısa daxili ruhi-mənəvi
ehtiyac nəticəsində kafir
üzərinə yerimək;
2) bir yerdə "oturmaq"dan yorulub, "yerindən qalxmaq", kafir sərhədinə ova getmək, kafirlərin
gizli basqınları müqabilində onları əzib məhv etmək;
3)
əsir düşmüş oğuz igidini qurtarmaq üçün kafir qalasına yürüş edib "din düşməni"ni darmadağın
etmək.
"Kitab"da kafiri cəzalandırmağın kiçik miqyaslı formaları da vardır ki, fikrimizcə, onlar barədə
ayrıca danışmağa ehtiyac yoxdur. Sadəcə bir faktı xatırlatmaq kifayətdir:
"Baybura
oğlu Bamsı Beyrək boyu"nda kafirlərdən bazirganların qisasını alan, Gürcüstan ağzında
dava edən, baş kəsib-qan tökən qəhrəman barədə Dədə Qorqud belə deyir: "Sözüm dinlə, Baybura bəg,
Allah-təala
sana bir oğul vermiş, tuta versün. Ağır sancaq götürəndə müsəlmanlar arxası olsun. Qarşı
yatan qara dağlardan aşar olsa, Allah-təala sənin oğluna aşut versin. Qanlı-qanlı sulardan keçər olsa, keçit
versin. Qalabalıq kafirə girər isə, Allah-təala sənin oğluna fürsət versin...". Və kafirlərdən intiqam
aldığına, qəza etdiyinə görə qəhrəman — Beyrək adını alır.
Axına getmək, qəza etmək ehtiyacı o dərəcəyə çatır ki, eposun qəhrəmanı atasına belə deyir:
"Baba, mana bir qız alı ver kim, mən yerimdən durmadan ol durgəc gərək. Mən qaraqoç atıma binmədən
ol binmək gərək. Mən qırıma varmadan ol mana baş gətirmək gərək...".
Yaxud:
"—
Oğul, sən necə qız istərsən? — dedi.
Qanturalı aydır:
—
Baba,
mən yerimdən durmadan ol durmuş ola, mən qaraqoç atıma binmədən
ol binmiş ola,
mən qanlı kafir elinə varmadan ol varmış ola, mənə baş gətirmiş ola, — dedi".
Biz,
əlbəttə, o fikirdə deyilik ki, kafir üzərinə yürüşdə, axında, yaxud qəzada oğuz qadınları da
iştirak edirlər. Lakin məsələ burasındadır ki, əsas işi, demək olar ki, kafirlərlə vuruşmaqdan, İslam dinini
yaymaqdan ibarət olan (burada söhbət, təbii ki,
konkret bir dövrdən, epoxadan gedir) bir cəmiyyətdə
qadın "cici-bacı türkman qızı"ndan ibarət ola bilməz — dövrün, epoxanın özünəməxsus qadın idealı
vardır ki, epos bunu təqdim edir. "Kitab"da geniş yer tutan qadın obrazları — Dirsə xanın xatunu, boyu
uzun Burla xatun, sarı donlu Selcan xatun, Banuçiçək... İslam şəriətinin hələ özünə ram edə bilmədiyi,
ərlərinə, nişanlılarına yoldaşlıq edən döyüşkən qadınlardır. Və görünür, bu cür qadın obrazlarının
yaradılmasına yuxarıda haqqında bəhs etdiyimiz qadın — Ana kultu da müəyyən təsir göstərmişdir.
Lakin onu da qeyd edək ki, "Kitab" artıq kişinin qadından yüksəkdə durmasını təsbit edən
hökmünü verir: "...Ögünərsə ər
yigit ögünsün, aslandır! Ögünmək övrətlərə böhtandır. Ögünməklə övrət
ər olmaz!"
Axın, qəza, müharibə, prinsip etibarilə, kişi işidir...
Nəinki Oğuz bəyləri, Qaraçuq Çoban da ona acı sözlər söyləyən Qazan xana "Nə qaqırsan bana,
ağam Qazan, yoxsa köksündə yoqmudur iman?.. Altı yüz kafir mənim üzərimə gəldi. İki qardaşım şəhid
oldu. Üç yüz kafir öldürdüm, qəza etdim. Simiz qoyun, arıq toqlu sənin qapından kafirə vermədim. Üç
yerdən yaralandım", — deyə özünün qazi olduğu qənaətini ifadə edir:
...Kafirə mən varayın,
Yenindən doğanın öldürəyin.
Yönümlə alnım qanın bən siləyin,
Ölürsəm sənin uğruna bən öləyim.
Allah-təala qoyarsa, evini bən qurtarayın...
Qazan
xan
istəmir ki, evini, əsir düşmüş ailəsini kafirdən qurtarmaqda ona kimsə (o
da ola ki,
çoban!) kömək etsin, sonra "başıma qaxınc qaxalar" deyir; əmin olanda ki, çobanın elə bir iddiası yoxdur,
Qazan xan onun da gəlməsinə razılıq verir. Lakin çobanın iddiası olmasa da, "Kitab" onu şəhid olmuş
qardaşlarının qanını almağa gedən təvazökar bir qazi səviyyəsinə qaldırır: "Eylə olsa, soltanım, Qaraçuq
Çoban sapan çatlatdı, dünya-aləm kafirin gözünə qaranqu oldu". Qaraçuq Çoban yalnız sapanı ilə deyil,
dili ilə düşmənə cavab verməyə qadir olduğunu göstərir.
Qazan xan qarımış anasını kafirdən istəyir ki, vuruş başlayanda at ayağı altında qalmasın.
"Kafir aydır:
―
Mərə, Qazan, dünlügü altün ban evini gətirmişiz,
bizimdir;
Qırq incə belli qızla boyu uzun Burla xatunu gətirmişiz,
bizimdir;
...Qarıcıq ananı gətirmişiz,
bizimdir —
Sana verməriz,
Yayxan keşiş oğluna verəriz;
Yayxan keşiş oğlundan oğul doğar,
Biz anı sana qırım qoyruz, — dedilər.
Böylə degəc Qaraçuq Çobanın acığı tutdu, dodaqları təpsirdi. Çoban aydır:
― Mərə, dini yox, əqilsiz kafir,
Usu yoq, dərnəksiz kafir!
...Mərə, kafir, Qazanın anası qarıyıbdır,
oğul verməz.
Dölün almaqdan səfan varsa,
Şöklü Məlik,
Qara gözlü qızın varsa,
gətir Qazana ver, —
Mərə, kafir, sənin qızından oğul doğsun,
Siz anı Qazan bəgə qırım qoyasız, — dedi".
"Kitab"ın verdiyi material əsasında, qəzaya getməyin bir sıra "səbəb"lərini müəyyənləşdirmək
mümkündür, lakin məsələ burasındadır ki, həmin "səbəb"lərin hamısı şərtidir, əsl səbəb isə ondan
ibarətdir ki, müsəlman
türklüyü özünün inkişaf, coğrafi genişlənmə, passionarlıq dövrünü yaşayır. Belə
ki, Mərkəzi Asiyadan Qərbə doğru (Xəzər dənizinin Cənubu ilə) axın edən, müsəlman dinini qəbul etmiş
oğuz türkləri xüsusilə XI əsrdən etibarən Şərqi Anadoluda möhkəmlənirlər. Bundan sonra isə onların