Fəsil 3. Firmada istehsal prosesi və onun təşkili
Qeyd etmək lazımdır ki, müəssisənin istehsal gücü – onun plan
dövründə maksimum məhsul buraxmaq qabliyyətini əks etdirən bu
göstərici – istehsal tsiklinin uzunluğundan birbaşa asılıdır. Aydındır
ki, istehsal tsiklinin uzunluğu nə qədər qısadırsa, müəyyən zaman
kəsiyində daha çox məhsul istehsal etmək mümkün olur.
İstehsal tsiklinin uzunluğu azaldıqda istehsal gücünün artma-
sı hesabına məhsul buraxılışı həcmi artır, ona görə ki, məhsul va-
hidinin istehsalına sərf olunan köməkçi və xidmətedici işçilərin,
mühəndis-texniki heyətin və fəhlələrin iş vaxtına qənaət edilir.
İstehsal tsiklinin azalması nəticəsində məhsul vahidinə düşən
ümumzavod və ümumsex xərclərinin azalması hesabına onun (məh-
sulun) maya dəyəri də aşağı düşür.
Beləliklə, bütün bunlar göstərir ki, istehsal tsiklinin qısaldılması
müəssisədə istehsalın səmərəliliyinin yüksəldilməsinin əsas ehtiyyat
mənbələrindən biridir.
İstehsal tsiklinin azaldılmasının əsas istiqamətləri aşağıdakı-
lardır:
– texnologiyanın təkmilləşdirilməsi;
– təbii proseslərin süni üsulların köməyi ilə sürətləndirilməsi;
– nəqliyyat və nəzarət əməliyyatlarının texnoloji əməliyyatlarla
səmərəli şəkildə əlaqələndirilməsi;
– növbələrarası fasilələrin azaldılması məqsədilə müəssisənin iş
rejiminin təkmilləşdirilməsi;
– iş yerlərində əməyin elmi təşkilinin tətbiqi;
– əməliyyatların əlaqələndirilməsinin səmərəli üsullarının tətbiqi
və s.
Beləliklə, müəssisədə istehsal tsiklinin azaldılması istehsal-təsər-
rüfat fəaliyyətinin kəmiyyət və keyfiyyət tərəflərinə ciddi təsir gös-
tərir, başqa sözlə, onun texniki-iqtisadi və iqtisadi göstəricilərini yax-
şılaşdırır və nəticə etibarı ilə, istehsalın iqtisadi səmərəliliyinin artı-
rılmasının əsas amillərindən biri kimi çıxış edir.
3. Firmada istehsal prosesinin təşkili prinsipləri
İstehsal prosesinin təşkili dedikdə, istehsal amillərindən: iş
qüvvəsi, əmək predmetləri və əmək vasitələrindən səmərəli istifa-
dəni təmin etmək məqsədilə onların zaman və məkan baxımın-
89
Telman Huseynov
dan düzgün əlaqələndirilməsinə yönəldilmiş texniki-təşkilati təd-
birlər kompleksi nəzərdə tutulur.
İstehsal prosesinin təşkilinin əsas vəzifələrinə texnoloji əməliy-
yatların yerinə yetirilməsinin səmərəli üsul və fəndlərinin müəyyən
edilməsi, istehsal prosesinin əməliyyatlara bölüşdürülməsi, sexlərdə
və istehsal sahələrində istifadə edilən avadanlıqların düzgün yerləş-
dirilməsi, məhsul buraxılışının ahəngdarlığını və birqərarlığını təmin
etmək üçün iş yerləri arasında qarşılıqlı səmərəli əlaqələrin təmin
olunması aiddirlər.
İstehsal prosesinin təşkili müəyyən prinsiplərə söykənir və onlar
aşağıdakılardır:
– ixtisaslaşma prinsipi –müəssisənin ayrı-ayırı bölmələri və iş
yerləri arasında əməyin peşələrə görə düzgün bölgüsünü və onların
kooperasiyasını əks etdirir;
–paralellik prinsipi – müəyyən məhsulun istehsalı ilə əlaqədar
istehsal prosesinin ayrı-ayrı mərhələlərinin eyni zaman kəsiyində hə-
yata keçirilməsini nəzərdə tutur;
– mütənasiblik prinsipi – müəssisənin qarşılıqlı əlaqəli və biri-
birindən asılı olan bölmələrinin vaxt vahidi ərzində mümkün olan bə-
rabər məhsuldarlığını nəzərdə tutur;
– düzxətlilik prinsipi – xammal, material və ya yarımfabrikatın
istehsala buraxılıb hazır məhsul alınana qədər onların ən qısa yolu-
nun təmin edilməsinə əsaslanır;
– fasiləsizlik prinsipi – əməliyyatlararası fasilələrin maksimum
ixtisar edilməsini nəzərdə tutur;
– ahəngdarlıq prinispi – müəyyən miqdar məhsulun hazırlanma-
sı üzrə istehsal prosesi və onu təşkil edən ayrı-ayrı tərkib hissələrinin
eyni vaxtdan bir təkrar olunmasına əsaslanır.
Müəssisədə istehsalın təşkili prosesində əməliyyatların əlaqələn-
dirilməsi vaxt və məkan baxımından həyata keçirilir və bunlarsız is-
tehsalın səmərəli təşkili, ümumiyyətlə, qeyri-mümkündür.
İstehsalın təşkilinin vaxt strukturu istehsal prosesinin elementləri-
nin vaxta görə qarşılıqlı təsiri qaydası ilə müəyyən edilir. Vaxt struk-
turunun növlərinə görə istehsalın təşkili formaları əmək pred-
metlərinin istehsala verilməsinin ardıcıl, paralel və paralel-ardı-
cıl (qarışıq) formaları fərqləndirilir.
90
Fəsil 3. Firmada istehsal prosesi və onun təşkili
Əmək predmetlərinin texnoloji prosesə ardıcıl verilməsinə əsas-
lanan istehsalın təşkili forması emal edilən materialın bütün istehsal
sahələri üzrə istənilən miqdar partiyalarla hərəkətini təmin edən is-
tehsal amillərinin əlaqələndirilməsini özündə əks etdirir. Belə halda
əmək predmetləri növbəti iş yerlərinə əvvəlki əməliyyatda bütün par-
tiyanın emalı başa çatdıqdan sonra verilir, yəni hər bir əməliyyatda
detallar partiyalarla emal edilir. Belə forma istehsal proqramındakı
yarana biləcək dəyişikliklərə qarşı daha çevik olur, avadanlıqlardan
kifayət qədər tam istifadə etməyə imkan verir. İstehsalın təşkilinin bu
formasının çatışmamazlığı istehsal tsiklinin nisbətən – nisbi mənada –
uzunluğu ilə əlaqədar olur. Belə ki, hər bir detal sonrakı əməliyyatın
yerinə yetirilməsini bütün partiyaya daxil olan detalların emalının
başa çatdırılması qədər gözləməli olur.
Əmək predmetlərinin texnoloji prosesə ardıcıl verilməsi za-
manı istehsal tsiklinin uzunluğu (T
i.t.a
) aşağıdakı düsturun köməyi ilə
müəyyən edilir:
T
i.t.a
= T
d
x N
Burda, T
d
– dəstədəki detalların sayı;
N – bütün əməliyyatlarda bir detalın emalına faktiki vaxt
məsrəfidir.
Əmək predmetlərinin paralel verilməsi prinsipinə əsaslanan isteh-
salın təşkili forması əmək predmetlərinin əməliyyatdan əməliyyata
tək-tək və partiyadakı bütün detalların emalını gözləmədən buraxma-
ğa imkan verən istehsal amillərinin əlaqələndirilməsinə əsaslanır. İs-
tehsalın belə təşkili emalda olan detalların sayını, anbar və keçidlər
üçün zəruri olan sahəyə tələbatı azaltmağa gətirib çıxarır. İstehsalın
təşkilinin paralellik formasının çatışmazlığı əməliyyatların yerinə yeti-
rilməsi müddətlərindəki fərqlərlə əlaqədar avadanlıqların və fəhlələrin
boşdayanması ilə müşayət olunur.
İstehsalın paralellik prinisipinə əsaslanan təşkili formasında
istehsal tsiklinin uzunluğu (T
i.t.p
) aşağıdakı kimi hesablanır:
T
i.t.p
= T
d
+ (N–1) x T
ə.u
Burada, T
ə.u
– ən uzun vaxt tələb edən əməliyyatın yerinə yetiril-
məsinə sərf olunan vaxtdır.
91
Dostları ilə paylaş: |