36
Yaşar Qasımbəyli,
filologiya elmləri doktoru
POEZİYADA İSTİQLALIN TƏRƏNNÜMÜ
Xanəli Kərimli indi özünün oxucu auditoriyası-
na malik olan, geniş hörmət qazanmış şairlərdəndir.
Şeirində, həyatında səmimi, riyakarlığa yabancı, bir
sifətli sənətkardır. Onu yaxından tanıyanlar halal
təbiətli olduğunu xüsusi vurğulayırlar.
Camal Mustafayev,
fəlsəfə elmləri doktoru, professor,
Əməkdar elm xadimi
Xanəli Kərimlinin “Payız duyğuları” kitabındakı “Azərbay-
can bayrağı” şeiri Vətənimizin şərəfinə yazılmış, milli qürur
və iftixar duyğularını oyadan gözəl bir nəğmə təsiri bağışlayır.
Azər baycan bayrağının, xüsusən, gənc nəslə bu cür təqdim və
təlqin olunması poetik cəhətdən özünə tam mənada bəraət
qazandırır. Aşağıdakı misralar təkcə bayrağımızın təsviri de-
yil, həm də onun mənşəyi və mənası haqqında unudulmaz
bilgilərdir: “Bayrağımın rəngində Yerin, göyün rəngi var. Yurdu-
mun azadlığı, Pozulmaz ahəngi var. Mən onu qoparmışam Köləlik
zəncirindən. Ona səcdə edirlər Dünyanın hər yerindən.”
Müstəqil dövlətin əsas atributlarından olan bayrağın
əsas vəzifəsi və funksiyası haqqında da şairin poetik bəyanı
diqqətə layiqdir. Gənc nəsil bu misraları oxuyarkən nəyə görə
onu “köləlik zənciri”ndən qoparmaq üçün nəsillərin bu qədər
mübarizə apardığını, öz ömürlərini qurban verdiklərini, qan
tökdüklərini dərindən duyur və anlayır. Müstəqil dövlət, o
cümlədən, onun gerbi və bayrağı millətin özünüifadəsi və
təsdiqidir. Onun varlığını uzaq-uzaq yerlərdə və məkanlarda
təmsil edən milli və siyasi rəmzdir: “O qalxıb ucalanda Bayraq-
ların içində. Ucalır millətim də Millətlərin içində. O mənim yad
ellərdə Danışan saf dilimdi Vüqarım, ləyaqətim, Vətənimdi, elim-
37
di.” Kosmopolit tənqidçi bunları adi və məlum həqiqətlərin
bədii ifadəsi kimi qiymətləndirə bilər. Amma bizim bö-
yük klassiklərimizin Vətənimiz və Dövlətimiz haqqında
məşhur şeirləri, hamımızın uşaqlıqdan əzbər bildiyimiz və
söylədiyimiz doğma misraları bəyəm adi həqiqətlərin ifa-
dəsi deyilmi?! Vətəndaşlıq lirikasına qeyri-səmimi və aşa-
ğılayıcı münasibətlə biz heç zaman razılaşmamalıyıq. İn-
gilis və ya fransız, alman və ya ispan şairlərinin müasir
dövrdəki mücərrəd və abstrakt, modernist və postmoder-
nist eksperimentlərinə az qala səcdə edən bəzi müəlliflər
Azərbaycan ədəbiyyatının və poeziyasının dövlətimizin
mənafeyini həmişə və ardıcıl şəkildə müdafiə etməsini
rişxəndlə qarşılamalarının iki mühüm səbəbi var. Birinci
səbəb, onların bilərəkdən və ya bilməyərəkdən Azərbaycan
dövlətinin ictimai-siyasi və beynəlxalq vəziyyətini qəsdən
təhrif etmələri, yetərincə dərk etməmələridir. İkinci mühüm
səbəb isə, onların Azərbaycanın keçmişinə də, bugününə və
gələcəyinə də ögey bir oğul kimi yanaşmaları, öz övladlıq
borclarından imtina etmələridir. Məncə, Vətənini sevən hər
bir azərbaycanlı bu misraları sevərək, dərdli bir nəğmə kimi,
ürəkdən gələn səmimiyyət dolu bir səs kimi qəbul etməlidir:
“Onda olan əzəmət, Ondakı çarpan ürək. Hayqırır sabah üçün
Daha ciddi döyüşək. Çünki döyüşdən doğub Millətimin xoş çağı!
Bayraqlar bayraqdarı Azərbaycan bayrağı!..”
XX yüzil Azərbaycan poeziyasının ən qiymətli təcrübə və
ənənələrindən biri budur ki, dəhşətli qadağalara, amansız və
qanlı repressiyalara baxmayaraq, söz sənətimiz millətimizə
sədaqətini axıra qədər şərəflə qorumağı bacardı. Təkcə bununla
kifayətlənmədi. Başdan ayağa qədər milli olan ədəbiyyatımız
çarizmin hiyləgər siyasətinə, daşnak və bolşeviklərin misil-
siz təqib və təzyiqlərinə baxmayaraq, eyni zamanda, Millət,
Vətən anlayışlarını yüksəklərə qaldırmaqla bərabər, Dövlət
yaddaşını da hifz etməyi və yaşatmağı bacardılar. Türk xalq-
larının söz sənəti Dövlətə və dövlətçilik ənənələrinə möhkəm
bağlılığı ilə həmişə dostlarımızın da, düşmənlərimizin də
diqqətini cəlb edib. Sovet cəmiyyətində ağır ittihamlar və sı-
38
naqlar qarşısında belə bizim söz sahiblərimiz bu müqəddəs
ənənəyə arxa çevirməyiblər. Azərbaycan şairlərinin və aşıqla-
rının özlərini Dövlətdən ayrı təsəvvür edə bilməmələrindən
sovet höküməti də öz mənafeyi üçün müəyyən qədər istifadə
etməyə çalışdığı bir həqiqətdir. Amma “Sovet Azərbaycanı”
deyəndə də bizim ədəbiyyatımız bu anlayışa və məfhuma
məhz doğma Dövlət mənasını daxil etməyə, hopdurma-
ğa can atıb. Stalinizmin hökmranlığı döv rün də Azərbaycan
Dövlətini və dövlətçiliyini təmsil etməyi məhz ədəbiyyat
öz çiyninə götürmüşdü. Hüseyn Cavid, Əhməd Cavad, Mi-
kayıl Müşfiq, Səməd Vurğun, Süleyman Rüstəm, Rəsul Rza
təkcə dövrün böyük şairləri deyildi. “Azər”i yazan Cavid,
“Azərbaycan”ı yazan Əhməd Cavad, “Oxu, tar”ı yazan Mi-
kayıl Müşfiq, “Vaqif”i yazan Səməd Vurğun, “Təbrizim”i
yazan Süleyman Rüstəm, “Qara dəniz”i yazan Rəsul Rza
bütün Azərbaycan Millətinin və Dövlətinin nümayəndələri
və sahibləri kimi çıxış edirdilər. Dövlət və ədəbiyyatın türk
xalqları tarixindəki mövqeyindən geniş bəhs etmək olar. Bu
başqa bir geniş və fundamentlal məqalənin mövzusudur.
Hələlik isə, onu qeyd etməyi vacib sayırıq ki, müstəqillik
dövründə məhz bu müqəddəs ənənələr dirçəlməyə başla-
dı və ədəbiyyatımızda yeni, daha əzəmətli təmayüllər kimi
meydana çıxdı. Həmin ənənələr nöqteyi-nəzərindən yana-
şanda, Xanəli Kərimlinin Mustafa Kamal Atatürk, Məmməd
Əmin Rəsulzadə, Nəriman Nərimanov, ümummilli liderimiz
Heydər Əliyev haqqındakı ürək yanğısı ilə yazılmış emosio-
nal nəğmələrinin nə qədər böyük ictimai-siyasi və milli bədii
əhəmiyyətə mailik olduğunu dərindən dərk edirik. “Onu
zaman doğmuşdu” şeiri Ulu Öndərin vəfatına həsr olunub.
Amma bu şeir adi bir mərsiyə deyil, xalqımızın böyük və
misilsiz oğlunun yenilməz həyat və mübarizə yolu, qələbə
və zəfərləri haqqında gözəl bir nəğmədir. Bu nəğməni bu-
günkü nəsillər də, gələcək əsrlərin övladları da məhəbbətlə
oxuyacaqlar: “O dünyaya gələndə Təkcə özü ağladı. Dünyadan
köçəndəsə Cahan qara bağladı”. Şair vətən xilaskarını qədim
dastanlarımızın tarixi-əfsanəvi qəhrəmanlarına bənzədir.
Dostları ilə paylaş: |