5
təhsil illərində görkəmli rus şairi Samuil Marşakın evində və
Yasnaya Polyanada dahi Lev Tolstoyun xatirə muzeyində
olması, Leninqrada Ermitaj xəzinəsinə kollektiv səfəri, Nazim
Hikmət və Mixail Şoloxovla görüşləri gənc şairin xatirəsində
dərin izlər buraxmışdır.
1959-cu ildə Xəlil Rza Bakıya qayıtdıqdan sonra Azərbaycan
Dövlət Pedaqoji İnstitutunun aspiranturasında təhsilini davam
etdirmişdir. O, 1963-cü ildə “Müharibədən sonrakı Azərbaycan
sovet ədəbiyyatında poema janrı” (1945-1950) mövzusunda
yazdığı dissertasiyanı uğurla müdafiə etmiş, fılologiya elmləri
namizədi elmi dərəcəsinə layiq görülmüşdür. Onu institutda
müəllim kimi saxlamışlar. Tələbə auditoriyasına müəllim kimi
daxil olduğu gündən Xəlil Rza dərs proqramı çərçivəsi ilə
məhdudlaşmamış, vətənpərvərlik ruhlu mühazirələrində qədim
milli bəşəri dəyərlərimizdən və doğma dilimizdən ürək yanğısı
ilə söhbət açmışdır. Xəlil Rza Azərbaycan dilinin saflığı, əcnəbi
dilin təsirinə məruz qalmaması üçün özünəməxsus mübarizə
yolu da seçmişdi. Harada olursa-olsun doğma dilində təmiz
danışmayan müsahibindən eşitdiyi hər yabançı kəlmə üçün 5
qəpik cərimə tələb edər, “danışığından məmnun qaldığı
soydaşlarını bir manat məbləğində mükafatlandırardı”.
Beləliklə, o, müasirlərinin diqqətini ana dilinin saflığını
qorumağa cəlb etməyə çalışardı.
1984-cü ildə şairin “Ömürdən uzun gecələr” adlı kitabı və
SSRİ xalqlarının dillərindən tərcümə edilmiş poetik əsərlərdən
ibarət “Qardaşlıq çələngi” toplusu ictimaiyyət tərəfindən
Azərbaycan SSRİ Dövlət mükafatına təqdim olunsa da, hakim
dairələrin etinasızlığı ilə qarşılandı. Bu soyuq münasibət onu
sarsıtmadı. Şairin ən böyük vəzifəsini yazıb yaratmaqda görən
Xəlil Rza yorulmadan var qüvvəsi ilə çalışır; yeni şeirləri, elmi
araşdırmaları ilə təsəlli tapır. 1985-ci ildə “Maqsud Şeyxzadənin
bədii yaradıcılığı və Azərbaycan-Özbək ədəbi əlaqələrinin
6
aktual problemləri” mövzusunda doktorluq dissertasiyası
müdafiə edir. 1986-cı ildə Azərbaycan ədəbiyyatının
inkişafındakı xidmətlərinə görə ona əməkdar incəsənət xadimi
fəxri adı verilir.
Görkəmli şəxsiyyət, vətən mücahidi Xəlil Rza Ulutürkün
anadan olmasının 85 illik yubileyi ilə əlaqədar olaraq, bir sıra
tədbirlər: kitab müzakirəsi, oxucu konfransı, biblioqrafik icmal,
rəsm və şeir müsabiqəsi, ədəbi-bədii gecə və s. keçirilə bilər.
Xəlil Rza yaradıcılığını gənc nəslə, oxuculara tanıtmaq
məqsədilə kitabxanada kitab sərgisi təşkil oluna bilər. Sərgidə
şairin müxtəlif illərdə çəkilmiş foto stendi, kitabları ilə yanaşı
ədəbiyyatşünas və digər müəlliflərin onun haqqında yazdığı
kitablar, araşdırmalar, ona ithaf edilən şeirlər, kəlamlar və dövri
mətbuatda yer alan məqalələr öz yerini almaqdadır. Sərgiyə
müxtəlif başlıqlar verilə bilər:
“
Haqq pərvanəsi – Xəlil Rza
Ulutürk”, “Xəlil zirvəsi”, “Şairliyindən də ucada dayanan
nəhəng vətəndaş”, “Ədəbiyyatdan əbədiyyətə gedən yol”,
“Silahı söz və sevgi olan insan”, “Aərbaycan – Xəlil Rza”,
“Azadlıq mücahidi – Xəlil Rza”, “Poeziyamızda İstiqlal marşı
çalan şair”, “Böyüklüyün sirri”, “Milli poeziyamızın qranit
sütunu”, “Türk dastanın qəhrəmanı”, “Xalqı azadlığa çağıran
şair”, “Türk dünyasının böyük oğlu – Ulutürk”, “Ulutürk
ömrünün ulu möhürü”, “Silahı söz və sevgi olan insan”,
“Millətimizin siyasi dühası”, “Sözünün arxasında özü duran
sənətkar”, “İstiqlal şairi – Ulutürk”, “Açın ürəyimi, həkimlər,
açın”, “Zindanları işqlandıran şair”, “Milli İstiqlal mücahidi”,
“Xəlil Rza Ulutürkün ictimai-siyasi lirikası”, “Turan dünyasının
böyük şairi”, “Məğrur, dönməzlik təcəssümü, nur amallı,
azadlıq mübarizi və nəğməkarı, xalqımızın şanlı oğlu və şairi”,
“Xalqın qüdrətli oğlu və əziz sənətkarı – unudulmaz Xəlil Rza”,
“Kədəriylə qol-boyun olan şair”, “Söz sərkərdəsi – Ulutürk”
və s.
8
Görkəmli şəxslərin Xəlil Rza Ulutürk haqqında söylədikləri
fikirlər:
Xəlil Rza bir vətəndaş, bir insan kimi bütün xüsusiyyətləri ilə
həmişə seçilmişdir. Mən daim onun yaradıcılığına, insanlığına,
vətəndaşlığına, ən çox cəsurluğuna, əyilməzliyinə öz
ideyalarından dönməzliyinə hörmət etmişəm, onu yüksək
qiymətləndirmişəm... Güman edirəm ki, Xəlil Rzanın parlaq
həyatı, onun böyük vətəndaşlığı, milli azadlıq uğrunda
mübarizliyi bütün azərbaycanlılar üçün nümunə olacaqdır.
Heydər Əliyev,
ümummilli lider
Sənin bütün damarların şimşəkdi, Xəlil, orda qan odla qarışıq
axır. Çax, yatanlar ayılsın, qaranlıq işıqlansın.
Nəriman Həsənzadə,
Əməkdar incəsənət xadimi, şair
Xəlil
Rza
müasir
ədəbiyyatımızın
ən
görkəmli
nümayəndələrindən biridir. O, böyük poetik bir istedaddır. Xəlil
Rza böyük alim, yorulmaz tədqiqatçıdır.
İsmayıl Şıxlı,
Xalq yazıçısı
Xəlil Rzanı başa düşməyənlər çox idi. Onun cəsarətli
vətəndaşlıq şeirlərini dinləməkdən belə qorxanların sayı min-
min idi. O, kürsüyə qalxanda durub salonu tərk edirdilər. Xəlilin
antisovet, antiimperiya çıxışlarına dəlilik kimi baxanlar, onun
səsini kəsməyə çalışan, yüksək kürsülərə yolunu bağlayan, onu
kiçiltmək istəyənlər Xəlil Rza istedadının Allah vergisi