24
hopur. Həyatı, gerçəkliyi xüsusi idrak vasitəsinə çevirən
poeziyada şairi yaradan xalqın xarakteri, vətən tarixinin konkret
inkişaf mərhələsi ifadə olunur, kəskin tarixi təzadlar, ciddi
münaqişələr, fəryad qoparan ziddiyyətlər dilə gəlir. Xəlil Rza
məhz bu cür şairlərdəndir. Çağdaş Azərbaycan poeziyası
meydanında qırx ildən bəri külüng vuran Xəlil Rza Ulutürkün
bu müddət ərzində həm çətinliklə, həm də halallıqla qazandığı
epitetlər az deyil: Xalq şairi, Əməkdar incəsənət xadimi,
filologiya elmləri doktoru, professor, milli hərakatımızın
görkəmli xadimi. Lakin özünün saysız-hesabsız oxucuları üçün
o, bu epitetlərin hamısından yüksək dayanır. Çünki yalnız
görkəmli şair və alim deyil, hər şeydən öncə parlaq şəxsiyyətdir.
Məhz şəxsiyyət bütövlüyü, hər sözünün arxasında özünün
dayanması ona ümumxalq məhəbbəti qazandırmışdır. Buna görə
onun adını hər yerdə böyük məhəbbətlə, ehtiramla qarşılayır,
hər sözünə diqqət yetirirlər.Ən ağır, ən çətin fəth olunan bir
zirvədən boylanmaq səadəti hər insana nəsib olmur. Belə
ucalıqlardan biri də şəhidlik zirvəsidir. İstiqlaliyyəti uğrunda
mübarizə aparan Azərbaycanı körpə ikən beşiyində boğmağa
uzanan əlləri kəsmək üçün onu müdafiəyə qalxan və bu
müqəddəs amal uğrunda ölümün şəhidlik zirvəsini fəth edən
igidlərdən biri də məhz Milli istiqlal şairi Xəlil Rza Ulutürkün
oğlu Təbriz Xəlilbəylidir. Qəhrəmanlıq bir neçə anın, saniyənin
işi deyil, vətən uğrunda canından keçib ölümsüz olmaqdır.
Vətənimizin azadlığı, ərazi bütövlüyü uğrunda canından keçmiş
Təbriz Xəlilbəyli məşhur şairimizin evində, ocağında böyümüş,
onun yaratdığı poeziya iqlimində kamala yetmişdir... Təbriz
1991-ci ilin oktyabrından 1992-ci ilin yanvar ayının 31-nə kimi
Qarabağın Naxçivanik civarında gedən döyüşlərdə qəhrəman
hökmüylə döyüşüb vətən yolunda şəhid oldu. Olum ilə ölüm
arasındakı treni həyat körpüsünə, ölümsüzlüyə çevirə bildi. 8
25
oktyabr 1992-ci il tarixli fərmanı ilə Təbriz Xəlil Rza oğlu
Xəlilbəyliyə Azərbaycanın Milli Qəhrəmanı adı verilmişdir.
Sən – oğul, sən – igid, sən – ər oğlu ər,
İftixarla daşı sən öz adını.
Məğribə, məşriqə, cahana göstər,
Adında gizlənmiş istedadını!
Qəhrəman oğul şair atanın dediyi yolla getdi, qanla yazılan
Azərbaycan tarixinin bir parçasına çevrildi. Bu amansız və
əvəzsiz itkidən ata ürəyi göynəsə də sarsılmadı, alçaq və rəzil
düşmən qarşısında özünü sındırmadı. Sarsılmadı, ona görə ki,
Təbriz kimi bir qəhrəman oğul Xəlil Rza kimi bir üsyankar
şairin ömrü boyu təbliğ etdiyi, yaydığı müqəddəs ideyalar
yolunda qurban getmişdi. Sarsılmadı, ona görə ki:
Əyilməzlik Ulutürkün əslindədir, soyundadır,
Palıd kimi qamətində, çinar kimi boyundadır.
Elə bil ki, öz oğlunun yasında yox, toyundadır,
Azadlığın, istiqlalın tarixini yaza-yaza,
Çıxış edir Xəlil Rza!
Xalq şairimiz Xəlil Rza Ulutürk Azərbaycanın Milli
Qəhrəmanı Təbriz Xəlilbəylinin uşaqlığı, yeniyetməlik və
gənclik illərini əhatə edən, səngərdaşları ilə birlikdə erməni
qəsbkarlarına qarşı amansız mübarizəsini, yurdsevərliyini
işıqlandıran silsilə şeirlər üzərində çalışmışdır. Bunlardan biri də
“Oğlum Təbrizə” adlı şeirdir:
Qoy sənə doğulan günəş deyim ki,
Nurunla açılan al səhərəm mən.
Yeddi il yol gələn ay mənim ilkim
Gəldiyin yollara gül düzərəm mən.
Özüm də bilmirəm nə işdir bu iş,
Yerdənmi, göydənmi tapmışam səni?
26
Bəlkə də, səni heç tale verməmiş,
Taleyin əlindən qapmışam səni.
Ən böyük sevincsən, ən müqəddəs qəm,
Məni alovlara atan Təbrizim.
Üzünə baxanda balam deyirəm,
Adını çəkəndə atam – Təbrizim.
Ey bala Təbrizim, gün o gün olsun
Ana Təbrizimə mən azad deyim.
Ustad Şəhriyarla görüşün olsun.
Qovuşsun Təbrizə Şəhrizad deyim...
Xeyirxah, çiçək kimi kövrək, qaya kimi sərt tanıdığım
X.Rza ömrü boyu təmənnasız yaşadı, heç kimə minnət qoymadı,
mükafat, təltif, fəxri ad ummadı. Aldığı fəxri adlara, mükafatlara
o qədər də sevinməyən Xəlil Rza, şübhəsiz ki, “İstiqlal”
ordeninə layiq görüldüyünü bilsəydi, çox sevinərdi. Ona görə
sevinərdi ki, bu söz Xəlil Rzanın əqidəsindən gələn, inamından
doğan həyat eşqindən güc alan bir sözdür. Bu sözün uğrunda o,
ömrü boyu döyüldü, döyülə-döyülə bərkidi, əzilə-əzilə
mətinləşdi, özü də, övladı da, yaradıcılığı da poeziyamızda,
müasir Azərbaycan ədəbiyyatında qəhrəmanlıq obrazına
çevrildi:
O qarlı dağlara diqqətlə bax bir,
Bəlkə analardı, ağarıb başı.
Analar dünyaya oğullar verir,
Dünya analara acı göz yaşı.
Xəlil Rza bu gün canından çox sevdiyi Azərbaycan
torpağının qucağında, Fəxri xiyabanda uyuyur. Bizimsə
qəlbimizdən göynəkli, sızıltılı duyğular keçir. Axı Xəlil Rza
Ulutürk kimi oğulları hər ana doğmur, hər ana yetirmir...Tez
getdi Xəlil Rza, tez getdi. “Getdi” sözünü cismanı işlədirik onun
Dostları ilə paylaş: |