Xəlil Rza Ulutürkün 85 illik yubileyi münasibətilə mərkəzi
Yüklə 0,88 Mb. Pdf görüntüsü
|
- Bu səhifədəki naviqasiya:
- “Təbrizsiz keçən
21
edən Xəlil Rza Ulutürk milli poeziyamızın qranit sütunundan biridir. O, bütün ömrü boyu ictimai-siyasi fəaliyyəti ilə xalqımızın gələcəyinə xidmət etmişdir. Dünyasını vaxtsız dəyişsə də, Xəlil Rza Ulutürk həmişə ruhumuzda yaşayan, bizimlə birlikdə sabaha addımlayan, daha obrazlı desək, bu günün və gələcək dövrlərin şairidir. Şeirlərinin birində özü bu barədə çox sərrast yazıb: Buludu şimşəklə parçalayacaq, Zülməti nur ilə boğacağam mən. Şərqə bax: Şərqdən günəş kimi doğacağam mən! ... İtib-batmaq üçün yaranmamışam, Dünənəm! Bu günəm! Gələcəyəm mən! Bir gün bu dünyadan getsəm də, nə qəm, Dünyaya təzədən gələcəyəm mən! Xəlil Rza Ulutürk hər şeydən əvvəl, mübariz şair idi. O, XX əsrin ikinci yarısında Azərbaycan poeziyasının möhtəşəm mehrabına gur səsi ilə şimşək kimi çaxdı, onun dalğa-dalğa dağılan əks-sədası ətalət basmış vicdanları oyatdı, atəşinin odu insanların ürəyində mübarizə əzmini alovlandırdı. Bu səbəbdən Xəlil Rza poeziyası yer üzündə yaşayan bütün Azərbaycan türklərini silkələdi. Azadlığı zərrə-zərrə, qram-qram istəməyən, böyük arzularla, ideyalarla yaşayan, yaradan Xəlil Rza Ulutürk bu gün də bizim aramızdadır, onun şeirləri dillər əzbəridir, yenə də ön cərgədə bir məşələ, alova dönüb. 22
Məlumatdan sonra suallar yazılı və test şəklində iştirakçılara təqdim olunur. Suallar: 1. Xəlil Rza Ulutürkün anadan olduğu tarix və doğulduğu bölgənin adını qeyd edin. Xəlil Rza Ulutürk 1932-ci il oktyabr ayının 21-də Azərbaycanın Salyan rayonunun Pirəbbə kəndində anadan olmuşdur. 2. Xəlil Rzanın uşaqlar və yeniyetmələr üçün yazdığı hansı kitab və şeirlərini oxumusunuz? Şairin uşaqlara həsr etdiyi kitablarından “Marallar da duz yeyərmiş” kitabını misal göstərə bilərik. Kitabda yer alan “Hüsn-xətt dəftəri” adlı bir şeirdən sitat göstərmək olar: “Göylərə bənzər bir cocuk dəftəri. Bəlkə, şüadır uzanan milləri. Hüsnünə bax, dəftərimin hüsnünə. Günmü doğur, dəftərimin üstünə”. 3. Azadlığı istəmirəm zərrə-zərrə, qram-qram! Qolumdakı zəncirləri qıram gərək, qıram-qıram! Azadlığı istəmirəm bir həb kimi, dərman kimi. İstəyirəm səma kimi, günəş kimi, cahan kimi... Bu misralar kimə aiddir və bu haqda nə deyə bilərsiniz? Bu misralar X.R.Ulutürkə aiddir. Ədib 40 illik yaradıcılığı dövründə torpaq günəşə təşnə olan kimi azadlığa can atdı, qolu zəncirlənmiş, ruhu yaralanmış məmmləkətin azadlıq şairi oldu. 4. Xəlil Rza Ulutürk yaradıcılığı dövründə öz əsərlərini müxtəlif imzalar altında yazmışdır. Bunları sadalaya bilərsinizmi? “Xəlil Xəlilov, “Xəlil Xəlilbəyli”, “Xəlil Odsevər”, “Xəlil Rza” təxəllüsləri ilə çap etdirmişdi. “Xəlil Rza Ulutürk” təxəllüsü isə şairin keçdiyi mübarizə yolunun, ədəbi-mənəvi axtarışlarının məntiqi nəticəsi idi. 5. Ədib öz şeirlərində insanlara, xüsusən də gənclərə nəsihətli misralarla müraciət etmiş, onları dürüstlüyə, insanlığa, elmə,
23
əməyə və s. doğru səsləmişdir. Onun bir neçə örnək şeirlərindən sitat gətirə bilərsinizmi? .... Heç kəs bilməsə də sən yaxşılıq et, Sənin öz vicdanın – qəlbin biləcək. Elə bu özü də bir yaxşılıqdır – Yaman adamların gözünə mil çək. .... Vaxt – ömür deməkdir, qızıldır, bəli Vaxtı köhlən kimi yüyənləməli! Sən ki, söyləyirsən: vaxtı öldürmək, Vaxt yox, ətalətdir əsl ölməli! Azərbaycan poeziyasının görkəmli simalarından biri olan xalq şairimiz Xəlil Rza yaradıcılığını oxuculara tanıtmaq və şairin qələmini sevdirmək üçün kitabxanada “Təbrizsiz keçən Xəlil ömrü” adlı xatirə gecəsi keçirilə bilər. Kitabxanaçı əvvəlcədən məktəblərlə əlaqə saxlayaraq oxucuları kitabxanaya cəlb edir. Şagirdlərə şairin kitabları təqdim edilir. Şagirdlər bu mövzuya uyğun müəyyən şeirlər seçərək iştirakçı qismində tədbirə hazırlaşırlar. Əvvəlcədən təyin olunmuş tədbirin vaxtı gəlib çatır. İştirakçılar, oxucular və digər qonaqlar səhnə qarşısında əyləşir. Aparıcı hər kəsi salamladıqdan sonra Xəlil Rza Ulutürkün həyat və yaradıcılığından söhbət açır: Kitabxanaçı: Müasir dövrdə Azərbaycan poeziyasında, bəşəriyyətin gələcəyinə, beynəlxalq hadisələr, sülh və müharibə problemlərinə aid onlarla şeir yazılıb. X.Rzanın siyasi məzmunlu şeirlərini bunlardan fərqləndirən əsas cəhət bu şeirlərin hamısının dünyanın aydın poetik dərkindən, zamanın poetik obraz səviyyəsinə qalxmasından ibarətdir. Özü də bu tipli şeirlərin əksəriyyəti zamanla, dünya ilə dioloq təsiri bağışlayır. Lirik qəhrəman öz hiss-həyəcanları, baş verən hadisələrə fəal münasibəti, cavabdehlik hissinin güclü olması ilə yaddaşa
Yüklə 0,88 Mb. Dostları ilə paylaş:
|