4(124) /2015
E.Hacızadə
XƏZƏR hÖVZƏSİ REGİONUNUN İQTİSADİ POTENSİALI VƏ İXRAC ...
122
Sahilyanı dövlətlərlə isə əlaqələr Xəzərin limanları vasitəsi ilə və mümkün
olduqca quru yolları ilə qurulur. Quru yüklər, neft və neft məhsulları gəmilər və
tankerlər vasitəsi ilə daşınır. Bakı (Azərbaycan), Aktau (Qazaxıstan) və Türkmənbaşı
(Türkmənistan) limanlarında qatarların hərkətini təmin edən bərə keçidləri vardır.
Xəzərdə isə su nəqliyyatından istifadənin uzun tarıxi kökləri vardır. Burada
gəmiçiliyin min illər mövcudluğunu Xəzərin Abşeron sahillərində yerləşən qədim
Qobustan yaşayış məskənindəki qayalarda gəmi şəkillərinin olması bir daha əyani
yəqinliklər gətirir.
Məşhur norveçli alim və dəniz səyyahı Tur Heyerdal (1914-2002) dəfələrlə
hazırkı Qobustan qoruğuna gəlmiş və qaya rəsmlərindəki qamış gəmilərin b.e.ə. VI
minilliyə aid olması ilə bağlı rəyləri təsdiqləmişdir. Burada məşhur səyyahın bir fikri
də xüsusi maraq doğurur. Onun qənaətincə, Azərbaycan xalqının kokü ilə
norveçlilərin bağlılığı vardır. Bu bir daha ondan irəli gəlir ki, min illər öncə Xəzər
dənizinin Baltik dənizinə çıxışları olmuşdur. Bununla belə, Xəzərdə iri gəmilərin
yaranması son iki yüz ilə təsadüf edir [21].
XIX əsrin 70-80-ci illərində Azərbaycanda neft sənayesinin sürətli inkişafı
Xəzərdə dəniz nəqliyyatının sürətli inkişafına təkan vermişdir. Rusiya parlamentinin
1858-ci il 21 may fərmanı ilə yaradılan “Qafqaz və Merkuri” Səhmdar Dənizçilik
Cəmiyyəti Xəzərdə Azərbaycana məxsus dəniz gəmiçiliyinin rəsmi təsisat tarixi ol-
muşdur. Həmin illərdə Xəzərdə təşəkkül tapan dəniz donanması Rusiya dəniz do-
nanmasının daşıdığı yükün 40%-ə qədərini əlində cəm etmişdi. 1861-ci ildə
Rusiyada bütün sərnişin, yük gəmilərinin 72,5%-i (296 ədəd) Xəzərdə işləyirdi. Bu
illərdə təkcə dəniz vasitəsi isə һər il 350 milyon puddan çox neft məһsulları ixrac
olunurdu. Ticari əlaqələrin genişlənməsi və texnoloji nailiyyətlər Bakı neftinin dünya
bazarına çıxışına yeni texniki imkanlar verirdi. Belə ki, dünyada ilk neft tankeri
1878-ci ildə yükgötürmə qabiliyyəti 250 ton olan “Zaroastr” (Zərdüşt) adlı tanker
və eyniliklə də 1903-cü ildə dünyada ilk teploxod (“Vandal”) Xəzərdə hərəkət et-
mişdir. O dövrlərdə Bakı limanlarından 40 ölkənin müxtəlif gəmiləri yük daşıyırdı.
1900-cü ildə Bakı limanı quru yük, neft məhsulları və sərnişin daşımalarına görə
dünyada birinci yeri tuturdu. 1908-ci ildə isə artıq tutumu 6 min ton olan dəniz
tankeri fəaliyyət göstərirdi. XX əsrin əvvəllərində Azərbaycanda neft və neft məh-
sullarının təqribən 80%-i dəniz nəqliyyat vasitələrindən istifadə etməklə nəql olun-
muşdur [3].
Azərbaycanda paytaxt Bakının Xəzər sahilində multimodal daşımaları həyata
keçirən mühüm nəqliyyat logistik mərkəz fəaliyyət göstərir. Hazırda şəhərin cənub
girişində bütün Xəzər hövzəsi regionunda ən böyük olanYeni Bakı Beynəlxalq Dəniz
Ticarət Limanı Kompleksinin inşası davam etdirilir. Bu kompleks tam gücü ilə
işlədikdə 25 milyon tona qədər yük/417000vaqon və 1 milyon TEU-ya qədər
konteyner/500000 vaqon potensialında olacaqdır. O, Bakı-Tbilisi-Qars dəmir yolu
bağlantısı layihəsinin həyata keçirilməsi nəticəsində gözlənilən yük həcmlərinin
4(124) /2015
E.Hacızadə
XƏZƏR hÖVZƏSİ REGİONUNUN İQTİSADİ POTENSİALI VƏ İXRAC ...
123
təmin edilməsinə mühüm dəstək yaradacaqdır. Qeyd olunmalıdır ki, hazırda Xəzər
dənizində yük dövriyyəsinin təqribən 42%-dən çoxu Bakı limanının payına düşür.
Xəzərin yeni nəqliyyat marşrutlarında Azərbaycan ərazisindən keçəcək qlobal
nəqliyyat xətti - Şimal-Cənub dəhlizi də mühüm əhəmiyyət kəsb edəcəkdir. Hələlik
layihələndirmə mərhələsinə daxil olmamış bu marşrut Rusiya və İran ərazisindən
keçməklə Yaxın Şərqdən və Cənub-Şərqi Asiyadan Avropaya daşınan yükdaşımaları
bir neçə dəfə artırma imkanında olacaqdır. Bu xətt Suveyş kanalı vasitəsi ilə Hindis -
tandan Avropaya uzanan nəqliyyat keçidindən 3 dəfə qısadır. Dəmir yolu, su nəqliyy-
atı və avtomobil xətlərini ehtiva edən bu nəqliyyat marşrutunun işə düşəcəyi təqdirdə
planetin Cənubundan Avropaya hər il orta hesabla 15-20 milyon ton yükün daşı-
nacağı gözlənilir. Həmin dəhlizin açılısı Fars körfəzi ərəb ölkələrinin Avropa ilə
əlaqəsində nəqliyyat alternativini təmin edərək zəvvarların İslamın müqəddəs yer-
lərinə, xüsusən də Məkkə və Mədinə şəhərlərinə səyahəti üçün əhəmiyyətli olacaq,
ənənəvi marşrutlardan istifadə intensivliyini mülayimləşdirəcəkdir.
Xəzər hövzəsi regionunda digər bir mühüm ideya dənizin dəmir və avtomobil
yolları ilə həlqəyə alınmasındadır. Bu həlqə demək olar ki, reallaşmaqdadır. Onu qa-
payan əsas xətt isə İranın Rəşt şəhərindən Azərbaycanın Astara şəhərinə yönələn
dəmir yolunun inşasının başa çatması olacaqdır.
Xəzərin sektorial bölgüsü tamamladığı təqdirdə Türkmənistan Azərbaycana
yetişən TransXəzər qaz xətti layihəsini reallaşdıra bilər. Azərbaycan tərəfi Türk-
mənistan və Mərkəzi Asiya qazına öz kommunikasiya vasitələrini verə biləcəyini
açıqlayıb. O da faktdır ki, Türkmənistan Avropa üçün 10 milyard m
3
qaz ehtiyatı
saxlayır. Türkmənistanın mövqeyi belədir ki, qazın Avropaya çıxması üçün lazım
olan dənizin dibi ilə boru kəmərinin tikintisi yalnız Xəzəryanı ölkələrin razılığı ilə
baş tuta bilər.
Xəzərin nəqliyyat problemləri sırasında vurğulandığı kimi, onun dünya okeanına
çıxışı məsələsi əsas yer tutur. Bu sırada Rusiya ərazisindəki şimal kanalları o qədər
də əlverişliliyi təmin edə bilmir. Burada naviqasiya problemləri ilə yanaşı marşrut
boyu bir neçə dövlət sərhəd keçidinin mövcudluğu da nəqliyyat çətinliklərinə və
vaxt itkilərinə səbəb olur. Digər tərəfdən, Rusiya Xəzərin okeana yeganə çıxış yo -
lundan siyasi-iqtisadi məqsədlərdə təzyiq vasitəsi kimi istifadə edir. Bələ vəziyyət
Azərbaycanla yanaşı, bu kanaldan ənənəvi istifadə etmiş digər Xəzər һövzəsi ölkələri
də asılı vəziyyətə salır.
Problemin optimal vəziyyətə gətirilməsi istiqamətində daha bir alternativlik kimi
İran İslam Respublikasının ərazisindən keçməklə Xəzər dənizinin Fars körfəzinə
çıxışını təmin edən nəhəng kanalın çəkilişi çıxış edə bilər. Bu düşüncə o qədər də
yeni deyildir. Əvvəllər də Xəzərin cənubdan okean sularına qovuşması istəkləri
mövcud olmuş və hazırda da bu aktuallıq səngiməmişdir. Müasir ETT və inno-
vasiyalar sahəsindəki nailiyyətlər prinsipcə müvafiq meyilin gerçəkliyinə mümkü-
natlar yaradır. Xəzər Fars körfəzi kanalı uzunluq parametrlərinə görə Suveyş
4(124) /2015
E.Hacızadə
XƏZƏR hÖVZƏSİ REGİONUNUN İQTİSADİ POTENSİALI VƏ İXRAC ...
124
kanalından böyük olmasına baxmayaraq, onun gerçəkləşməsini asanlaşdıran təbii
coğrafi mühit mövcuddur. Bu arealda İrana mənsub su nəqliyyatı imkanlı Qızılüzən
və Qarun çaylarını dərinləşdirmək və həmin xətt boyunca yerləşən irili-xırdalı göl-
lərin, çoxsaylı kiçik çayların, dərə və digər relyef yaranışlarının imkanlarından isti-
fadə etməklə nəzərdə tutulan kanala buraxılış vermək mümkündür. Çoxmilyardlı
valyuta resursu tələb etməsinə baxmayaraq, belə bir kanalın çəkilişi okean suları ilə
birbaşa əlaqəsi olmayan üç Xəzər hövzəsi (Azərbaycan, Qazaxıstan və Türk-
mənistan) ölkələrinin yeni geosiyasi situasiyada okeana çıxışının ümidli alterna-
tivliyini, habelə dünya iqtisadiyyatına dayanıqlı inteqrasiyasını daha dolğun təminatlı
edəcəkdir.
Bundan başqa Xəzərin dünya okeanına birləşməsi istiqamətində onu Qara dənizlə
qovuşduracaq layihələr də yer alır. Burada fikirlər əsasən hər iki dənizi vaxtilə bir-
ləşdirmiş Kuma - Manıç çökəkliyinin yenidən kanal halına salınması üzərində qu-
rulur. Uzunluğu 500 kilometrə çatan çökəklik ən yüksək nöqtəsində çox xırda bir
hissədə 20 metrdən bir az dərin kanal çəkməklə Xəzərlə Qara dənizi yenidən qovuş-
durmaq mümkündür. Bu çökəklikdə 170-ə yaxın göl var ki, kanal çəkilərsə, bu göllər
təbii yolla birləşəcək. Belə bir layihənin reallaşması bir çox dövlətlərin marağındadır.
Xəzər və Azov-Qara dəniz hövzələri arasında yeni su dəhlizi uzunluğu 1500 km olan
Volqa-Don kanalının cənubundan keçəcək və ondan min kilometrə qədər qısa ola
bilər. Orta qiymətlə dəyəri 5 milyard ABŞ dollarına bərabər götürülən kanal şlüz
sayına, yükgötürmə qabiliyyəti göstəricilərinə və daşınma müddətinin qısalığına
görə də Volqa-Don kanalından üstün olacaqdır. Məsələ Türkiyədə də vaxtaşırı irəli
sürülən təkliflər sırasında yer alıb. Burada məqsəd Bosfor boğazının yükünün
azaldılması, Türkiyənin Xəzərə, İranın isə Qara və Aralıq dənizlərinə, həmçinin
okeanlara çıxışını təmin etməkdir [21].
Xəzər-Qara dəniz kanalının inşası ideyası Qazaxıstan prezidenti Nursultan
Nazarbayevin (1940) də çıxış və bəyanatlarında yer alıb: “Xəzəryanı region və Orta
Asiyanın zəngin resurslarının daşınma ehtiyacı var. Biz müxtəlif marşrutlar axtara-
cağıq. Xəzər və Qara dənizləri arasında “Avrasiya” gəmiçilik kanalının tikintisi
əlamətdar layihə ola bilər”.
Bütün bu keyfiyyətlərlə yanaşı bu layihədə müəyyən kəskin problemlərin
yaranacağı ehtimalı da böyükdür. Belə olan halda Qara dənizlə Xəzər dənizinin
səviyyəsi bərabərləşə bilər. Bu baş verərsə, Xəzər sahilində yerləşən bir çox yaşayış
məntəqələri, o cümlədən Qazaxıstanın Aktau, Türkmənistanın Türkmənbaşı, Rusi -
yanın Mahaçqala, Azərbaycanın paytaxtı Bakı kimi iri şəhərlərin su altında qalma
ehtimalı yaranar. Sular Azərbaycan ərazisində Yevlaxa qədər Mərkəzi Aran rayon-
larına qədər gedib çıxa bilər. Burada digər əsas təhlükələrdən biri də dənizin ekosis-
temi ilə bağlıdır. Belə halda Xəzərə, onun fauna və florasına təsir göstərəcək çoxsaylı
yad orqanizmlər daxil olacaqdır. Belə hallar Volqa-Don kanalı vasitəsi ilə də baş
verib. Digər tərəfdən, bu arealda artan gəmi sayı da ekoloji fəsadlar yaradacaq.
4(124) /2015
E.Hacızadə
XƏZƏR hÖVZƏSİ REGİONUNUN İQTİSADİ POTENSİALI VƏ İXRAC ...
125
Xəzərin Kür və Araz çayları üzrə də çətin olan Aralıq dənizi və Qara dəniz qovuş-
ması ideyaları da nəzərdən keçiriləndir. Bütün bunlar bir daha zamanın sınağından
keçməli və yeni geoiqtisadi əsaslandırmalarla möhkəmləndirilməlidir.
7. Nəticə
Xəzər hövzəsi regionunun dövlətləri, öz iqtisadi inkişafını bu və ya digər dərəcədə
dənizin və ona bitişik zonanın karbohidrogen potensialı ilə bağlayırlar. Xüsusən üç
türkdilli dövlət - Azərbaycan, Qazaxıstan və Türkmənistan iqtisadiyyatlarının
şaxələndirilməsində bu resursların əhəmiyyətinə istinadları yetərlidir. Bundan irəli
gələrək, dövlətlər müvafiq təbii resursların hasilatını həyata keçirir və onun daşın-
ması üzrə nəqliyyat-logistika infrastrukturları formalaşdırmışlar. Eyni zamanda,
Xəzərdən keçəcək digər neft-qaz kəmərlərinin layihələri də işlənməkdədir. Bu sırada
daha unikal sayılan Türkmənistanın qaz resursları ilə bağlı TransXəzər marşrutudur
ki, onun da texniki-iqtisadi əsaslandırması üçün zəruri olan vəsait ABŞ tərəfindən
ayrılmışdır. Lakin bu çevrədə status məsələsinin açıq qalması geniş faydalanma
çətinlikləri, əməkdaşlıq problemlərini ortaya qoyur. Məsələ məhdudiyyət yaratma
kəskinliyi ilə daha çox karbohidrogen ehtiyatlarının dünya bazarlarına çıxarıl-
masında göstərir.
Xəzərin dəniz və göl fərqlilikləri üzrə təhlili qiymətləndirmələr bir daha
əsaslandırır ki, Xəzər beynəlxalq sərhəd gölüdür və onun status problemi sahilyanı
ölkələrlə bağlı mənsubiyyət dərəcəsi ilə əlaqələndirilməlidir. Bunu dəniz və göl
fərqlilikləri üzrə apardığımız təhlilin nəticəsi olaraq müəyyən etdiyimiz beş ulduzlu
konfiqurativ sxemdən də görmək mümkündür.
Hazırda Xəzərin yekun hüquqi statusunu müəyyən edəcək Konvensiyanın
razılaşdırılması məqsədi ilə işçi qrupların görüşləri davam etdirilir. Xəzəryanı
ölkələrin dövlət başçılarının növbəti zirvə toplantısının gələn il - 2016-cı ildə Türk-
mənistan paytaxtı Aşqabad şəhərində keçirilməsi razılaşdırılıb. Bu sammitdə Xəzərin
statusu ilə bağlı yekun yekdil qərarın əldə olunacağı gözləntilərindən danışılır.
Günün reallığı ondan ibarətdir ki, Xəzəryanı dövlətlərin bu sahədəki mövqeləri həm
fərdi və həm də qruplu formada müxtəlif aspektlidir. Bu kontekstdə ümumi olanları
da yetərli hesab etmək mümkündür. Reallıq isə aşağıdakı ümumiləşdirilmiş yanaş-
maları yəqinləşdirir:
Azərbaycan beynəlxalq konvensiyalara uyğun olaraq Xəzərin səthi və dibinin
orta xətt boyunca 5 sektorlar bölünməsinin tərəfdarıdır və sahildən 25 dəniz mili
məsafədə daxili milli sektorların yaradılmasını istəyir. Azərbaycan Bu yanaşmada
Rusiya və Qazaxıstanla ortaq mövqe sərgiləyir. Bu isə o deməkdir ki, dənizdə
sərhədləri yalnız Azərbaycan və Qazaxıstanla olan Rusiya Xəzərdə sərhədləri
müəyyən olunmuş yeganə ölkə olaraq çıxış edir. Dənizin dibinin orta xətt boyunca
4(124) /2015
E.Hacızadə
XƏZƏR hÖVZƏSİ REGİONUNUN İQTİSADİ POTENSİALI VƏ İXRAC ...
126
bölünməsini son illərdə müəyyən qədər Türkmənistan da dəstəkləyir. Lakin onun
Azərbaycanla bir sıra məsələlərdə, o cümlədən “Kəpəz” yatağına görə mübahisələri
yekun nəticənin əldə olunmasını əngəlləyir. Status məsələsində ən radikal mövqe
isə İrana məxsusdur. O, sərhədlərin yalnız bütün tərəflərin razılığı əsasında müəyyən
olunmasını dəniz dibi və səthinin, o cümlədən mineral resurslarının birgə istifadə
olunmasını təklif edir. Bu yanaşmalar göstərir ki, Xəzəryanı 5 ölkədən 3-ü Xəzərin
orta xəttinin müəyyənləşdirilməsinin və onun sektorlara bölünməsini, 2 dövlət isə
digər bir metodu təklif edir. Formal çevrədən yanaşdıqda, Azərbaycan çoxluqda olan
cinahda qərar tutur və bu vəziyyət ona müəyyən üstünlüklər yaradır. Bütün bunlar
isə ümumi reallığı əks etdirir və bu baxımdan bizim təhlilin yekunu olaraq sektorial
bölgü daha əsaslı şərtləndirilir. Bununla belə, Xəzərlə bağlı problemlər yalnız 5
dövləti ortaq məxrəcə gətirən hüquqi statusla tamamlanmır. Burda ondan irəli gələn
və ondan kənarda olan və heç də regional mahiyyət daşımayan qlobal təyinatlar da
yer alır. Bu öncə onun dünya incisi kimi beynəlxalq turizm obyektinə çevrilməsi,
ekologiyası və sularının tənzimlənməsi, həmçinin Xəzərin dünya okeanına daha
geniş çıxışı ilə bağlıdır.
Ədəbiyyat siyahısı
1. Azərbaycan SSR atlası. (1963). Bakı-Moskva: 213 s.
2. Azərbaycan Respublikası. Milli atlas. (2014). Bakı: Bakı Kartoqrafiya Fabriki, 444 s.
3. Hacızadə E.M. (2002). Neftqazçıxarma kompleksinin iqtisadi inkişaf modeli, Bakı: Elm, 472 s.
4. Авраменко И. (2001). Международное морское право. Ростов-на Дону. Феникс, 440 с. (Avra-
menko İ. (2001). Beynəlxalq dəniz hüququ. Rostov. Feniks, 440 s.)
5. Алиев И.Г. (2003). Каспийская нефть Азербайджана. М.: Известия, 798 с. (Əliyev İ.H. (2003).
Azərbaycanın Xəzər nefti. M.: İzvestiya, 798 s.)
6. Алиханов Э.Н. (1977). Нефтегазоносность Каспийского моря. М.: Недра, 270 c. (Əli xanov
E.N. (1977). Xəzər dənizinin neft-qaz ehtiyatları”. M.: Nedra, 270 s.)
7. Голованов В. Я. (2015). Каспийская книга. Приглашение к путешествию. M.: Новое лите-
ратурное обозрение, 882 c. (Qolovanov V.Y. (2015). Xəzər kitabı. Səyahətə dəvət. M.: Yeni ədəbi
icmal, 882 s.)
8. Гуцуляк В. (2000). Морское право. М.: РосКонсульт, 325 с. (Qutsulyak V. (2000). Dəniz
hüququ. M.: Roskonsult, 325 s.)
9. Дугин А. (1999). Основы геополитики: Геополитические будущее России. Мыслить про-
странством. М.: АРКТОГЕЯ-центр, 928 c. (Duqin A. (1999). Geosiyasətin əsas la rı: Rusiyanın
geosiyasi gələcəyi. Məkanı düşünmək. M.: ARKTOGEYA-mərkəz, 928 s.)
10. Жильцов С.С. (2013). Каспийское море. Энциклопедия. M.: Восточная книга (Восток-Запад,
Муравей), 560 c. (Jiltsov S.S. (2013). Xəzər dənizi. Ensiklopediya. M.: Şərq kitabı (Şərq-Qərb.
Muravey), 560 s.)
11. История Азербайджана (1958-1963). В трех томах, Баку: Издательство АН Азерб. ССР.
(Azərbaycan tarixi (1958-1963). Üç cilddə. Bakı: Azərb.SSR EA nəşriyyatı).
12. Кудров В.М. (1999). Мировая экономика, М.: Издательство БЕК, 464 с. (Kudrov V.M. (1999).
Dünya iqtisadiyyatı. M.: BEK nəşriyyatı, 464 s.)
4(124) /2015
E.Hacızadə
XƏZƏR hÖVZƏSİ REGİONUNUN İQTİSADİ POTENSİALI VƏ İXRAC ...
127
13. Мирзаджанзаде А.Х. и др. (1997). Фрагменты разработки морских нефтегазовых место-
рождений, Баку: Элм, 408 с. (Mirzəcanzadə A.X. və b. (1997). Dəniz neft-qaz yataqlarının işlən-
məsi fraqmentləri. Bakı: Elm, 408 s.)
14. Нефть Баку ключ к победе. (2015). Под руководством академика З.Самедзаде Баку: “LET-
TERPESS”, 440 с. (Bakı nefti qələbənin açarı. (2015). Akad. Z.Səmədzadənin rəhbərliyi ilə.
“LETTERPESS”, 440 s.)
15. Нефтяные и газовые месторождения СССР. (1987) Справочник в 2-х томах. М. Недра. (SSRİ-
nin neft və qaz yataqları. (1987). Məlumat kitabçası 2 cilddə. M.: Nedra.)
16. www.president.az - Azərbaycan Respublikası Prezidentinin rəsmi saytı.
17. www.un.org/ru/documents/decl_conv/conventions/lawsea.shtml - BMT-nin Dəniz Hüququ üzrə
Konvensiyası
18. www.iea.org - Beynəlxalaq Enerji Agentliyi
19. www.mfa.gov.az - Azərbaycan Respublikası Xarici işlər Nazirliyinin saytı
20. http://www.runivers.ru/galleries/469099/?IBLOCK_ID=42 - Карта Каспийского моря. 1911,
134 c
21. www.elshanhajizadeh.com - prof. Elşən Hacızadənin saytı.
22. www.outdoors.ru/book/namore/alm1967-68/1967-33.php - Xəzər dənizinin 50 adı.
23. http://detectivebooks.ru/book/22666537/ - A.Saymonov. Xəzər Dənizinin təsviri.
24. www.mie.gov.az - Azərbaycan Respublikası Sənaye və Energetika Nazirliyi.
25. www.azstat.org. - Azərbaycan Respublikası Dövlət Statistika Komitəsi.
Гаджизаде Эльшан Махмуд оглы
д.э.н., проф., Азербайджанский Государственный Экономический Университет
Экономический потенциал и экспортная инфраструктура
Каспийского региона
Аннотация
Цель исследования – анализ и оценка с новых позиций геоэкономических реалий
экономического потенциала и экспортной инфраструктуры Каспийского региона и
определение перспектив, обусловливающих соответствующие усовершенствования в
этом ареале.
Методология исследования – факторные и сравнительные методы анализа.
Результаты исследования – проведены соответствующие обобщения по анализу
и оценке текущего состояния экономического потенциала и экспортной инфраструк-
туры Каспийского региона. Обоснованы приемлемые сценарии по определению меж-
дународно-правового статуса Каспийского моря.
Ограничения исследования – разногласия по формированию нового международно-
правового статуса Каспия и существование динамических тенденций и конфиденци-
альности по четкому определению объема углеводородных ресурсов Каспийского
региона.
Практическая значимость исследования – обеспечение альтернативной информа-
цией осведомленности по экономическому потенциалу и экспортной инфраструктуре
Каспийского региона, а также возможность использования в исследованиях по опре-
делению международно-правового статуса Каспия.
Оригинальность и научная новизна исследования – с точки зрения новых геоэко-
номических реалий проведены обобщения по анализу природных ресурсов и экспорт-
ного потенциала Каспийского бассейна и, в этом же контексте, оценка ожиданий по
определению международно-правового статуса.
Ключевые слова: Прикаспийский регион, международно-правовой статус Кас-
пия, углеводородные ресурсы, экспортный потенциал, транспортная и логистическая
системы.
Hajizadeh elshan Makhmud oglu
Prof. Dr., Azerbaijan State Economic University
economic potential and export infrastructure of the Caspian region
Abstract
Purpose – analysis and evaluation in a new geo-economic position of the realities of the
economic potential and export infrastructure in the Caspian region and identification of
prospects, causing the corresponding improvement in this range.
Design/methodology – factorial and comparative methods of analysis.
Research results – corresponding generalizations on an analysis and estimation of current
status of economic potential and export infrastructure of the Caspian region are provided,
acceptable scenarios on determination of the international legal status of the Caspian sea
are reasonable.
Research limitations – divergences on forming of international legal status of the Caspian
sea and existence of dynamic tendencies and confidentiality on clear determination of vol-
ume of hydrocarbon resources of the Caspian region.
Practical implications – providing alternative information awareness of the economic
potential and export infrastructure in the Caspian region, as well as the use of research to
determine the international legal status of the Caspian Sea.
Originality and scientific novelty of research – in terms of new geo-economic realities
of the generalizations made on the analysis of natural resources and the export potential of
the Caspian basin and, in this context, the evaluation of expectations to determine the inter-
national legal status.
Keywords: Caspian region, the international legal status of the Caspian Sea hydrocar-
bon resources, export potential, transport and logistics system.
Jel Classification Codes: F53, K11, K2, K33, L72, L91, L92, P28, P48
Məqalə redaksiyaya daxil olmuşdur: 09.08.15.
Çapa qəbul olunmuşdur: 12.08.15.
128
E.Hacızadə
XƏZƏR hÖVZƏSİ REGİONUNUN İQTİSADİ POTENSİALI VƏ İXRAC ...
4(124) /2015
Dostları ilə paylaş: |