4(124)
/2015
E.Hacızadə
XƏZƏR hÖVZƏSİ REGİONUNUN İQTİSADİ POTENSİALI VƏ İXRAC ...
95
runun təhlili və qiymətləndirilməsi və bu coğrafiyada müvafiq təkmilləşdirmələri
şərtləndirən perspektivlərin müəyyən olunması məqsəd olaraq qarşıya qoyulur.
Məqsədə nail olmaq üçün tədqiqat vəzifələri kimi öncə Xəzərlə bağlı tarixi-coğrafi
özəlliklərin, onun ekosisteminin, sərvətlər çevrəsinin təhlilinə seçim edilmişdir. Bu
sırada həm də prinsipial vəzifə kimi Xəzərin dəniz və göl olmasını şərtləndirən prin-
sip və meyarlar bir araya gətirilərək təhlil obyektinə çevrilmişdir. Xəzərin beynəl -
xalq-hüquqi statusu probleminin arşdırılması, onun sərvətlərindən və nəqliyyat-
logistika potensialından səmərəli istifadə imkanları və bütün bu müstəvidə özünü
biruzə verən mümkün görüntülü amillər sferası tədqiqat altına alınmışdır.
2. Xəzər: tarixi-coğrafi özəlliklər, ekosistem, sərvətlər və çətinliklər
AvroAsiya kontinentində - Avropa ilə Asiyanın qovuşduğu məkanda yerləşən
Xəzər dünyada ən böyük qapalı su hövzəsidir. Ölçüsünə, geoloji xarakterinə və
inkişaf tarixinə görə dəniz hesab edilir. Tarixi mənbələrdə və ədəbiyyatlarda Xəzər
dənizinin çoxsaylı adlarına - Kirkan, Gürgan, Kaspi, Abeskun, Xarəzm, Bakı, Dər-
bənd, Şirvan, Mazandaran, Şaray, Şi Hay, Xvalın və s. rast gəlinir. Bunlardan hazırda
Xəzər və Kaspi adları daha çox işlədiləndir [10, 11, 22]. Coğrafi parametrlərinə görə
o, 37-47-ci şimal enlikləri və 47-55-ci şərq uzunluqları arasında mövqedə dayanır.
Dəniz səviyyəsindən 28 metr aşağıda qərar tutan Xəzərin ümumi sahəsi təxminən
371 min km
2
, uzunluğu (şimaldan-cənuba) 1205 km, eni isə (qərbdən-şərqə) 195
km-dən 435 km-dəkdir (
ortalama 310-320 km). Suyunun ümumi həcmi 78,2 min
km
3
olub, sahil xəttinin uzunluğu 6,5-6,7 min km (
onun 800 km-ə qədəri Azərbaycan
ərazisinə düşür), adalarla birlikdə 7 min km-ə yaxındır. Burada ən dərin yer 1025
metr, orta dərinlik isə 208 metrdir [1, 2, 20. 23].
Relyefinə və hidroloji xüsusiyyətlərinə görə Xəzər dənizi Şimali Xəzər (dərinliyi
25 m-dək), Orta Xəzər (Dərbənd çökəkliyində dərinliyi 788 m-dək) və Cənubi Xəzər
(dərinliyi 1025 m-dək) olmaqla üç hissəyə bölünür. Orta Xəzərin Şimali Xəzərlə
təbii sərhədi Manqışlaq astanası, Cənubi Xəzərlə təbii sərhədi isə Abşeron astanası
boyunca keçir.
Tarixi, arxeoloji, geoloji araşdırmalar göstərir ki, Xəzər dənizi Üst Miosenə qədər
Qara dənizlə əlaqədə olmuşdur. Sonra bu əlaqə kəsilmiş, Xəzər dənizi qapalı su
hövzəsinə çevrilmişdir. Üst Pliosendə (Akçaqıl əsrində) okeanla yenidən bir-
ləşmişdir. O zaman Xəzərin Baltik dənizinə də çıxışları varmış. Ümumiyyətlə, Xəzər
dənizi qədim dövrdə okeanla birləşmiş, 50-60 milyon il öncə Aralıq, Qara və Azov
dənizləri ilə birlikdə Para Tetis dənizinin tərkibində olmuşdur. Xəzər dənizinin
əlahiddə su hövzəsi kimi yaşı 3-5 milyon il hesab edilir. Hazırda Xəzər dənizi Qara
dənizlə süni yaradılmış Volqa-Don kanalı, Baltik dənizi ilə isə Volqa-Baltik su yolu
vasitəsilə birləşmişdir.
Xəzər dənizinin suyu okean mənşəlidir. Burada suyun orta duzluluğu okean suyu-
nun orta duzluluğundan təxminən 3 dəfə az - 12,85 ‰ (promil) təşkil edir. Aşağı
duz luluq dənizin qapalı və çay axınlarının böyük olması ilə əlaqələndirilir. Xəzər
suyunda okean sularına nisbətən karbonat və sulfatların miqdarı çox, xloridlərin miq-
darı isə azdır.
Xəzər dənizinin iqlimi şimal hissədə kontenental, mərkəzdə orta, cənubda sub-
tropikdir. Qışda havanın temperaturu şimalda - 8... - 10, yayda cənubda + 26... + 27
dərəcə dəyişir. Maksimal istilik + 44 dərəcə qeydə alınmışdır. Burada temperatur re-
jimi istilik balansı elementlərinin illik dəyişmələrinin təsiri nəticəsində formalaşır.
Əsas istilik mənbəyi günəşdən daxil olan qısadalğalı radiasiyadır. Dəniz suyunun
səth temperaturu Şimali və Orta Xəzərdə 24-24°C, Cənubi Xəzərdə isə 25-28°C-ə
bərabər olur. Yay mövsümündə dənizin orta hissəsində mənfi temperatur anom-
aliyaları da müşahidə edilir. Dənizin dayaz şimal hissəsi hər il donmaya məruz qalır.
Sərt qışda Şimali Xəzərin bütün səthi, mülayim qışda isə 3 m izobata (su hövzələrinin
dərinliyinin bərabər ölçülü xətləri) qədər olan əraziləri donur. Burada ən böyük buz
qatı yanvar-fevral aylarında (sərt qışda sal buzun qalınlığı 70-90 sm, mülayim qışda
35-40 sm) müşahidə edilir. Cənubi Xəzərdə isə çox nadir hallarda buz yaranır.
Dənizdə buzların yaşama müddəti - normal qış mövsümlərində Şimali Xəzərin dayaz
sahil zonaları 60-140 gün, açıq dəniz rayonlarında isə 10-40 gündür. Yay
mövsümündə dənizin orta hissəsində mənfi temperatur anomaliyaları da müşahidə
edilir.
Xəzər həm də Yer kürəsinin küləkli və dalğalı dənizlərindən sayılır. Statistik təqdi-
matlara görə dənizdə ildə 250 gün qasırğalı küləklər müşahidə edilir. Burada ən
böyük dalğalar 8 m-ə qədər yüksəlir [2, 7, 20, 23].
Xəzərə 130-dan çox çay tökülür. Onlardan ən böyükləri sırasında Volqa, Kür,
Emba, Ural, Terek, Sulak, Samur, Səfidrud və Kürkan çayları yer alır. Onlardan yal-
nız doqquzunun mənsəbi delta xarakterlidir. Volqa Xəzərə tökülən ən böyük çaydır
və onun uzunluğu 3531 km, çoxillik orta axımı isə 251-254 km
3
-dir. Xəzərin şərq
sahillərində hidroqrafik şəbəkə yox dərəcəsindədir. Qazaxıstan ərazisindən Ural və
Emba çayları, Türkmənistandan isə yeganə daimi su axarı Atrek çayı axır. Türk-
mənistan sahilində Xəzər dənizinin ən nəhəng körfəzi - Qara-Boğaz-Qol yerləşir.
Bu körfəz-göl xüsusi maraq kəsb edir. Sahəsi 25 min km
2
-ə yaxın olan Qara-Boğaz-
Qol dənizin səviyyəsindən asılılıqda hüdudlarını dövri olaraq dəyişir. Onu dənizlə
eni 110-300 metr və uzunluğu 8-10,5 km olan dar boğaz birləşdirir. Körfəzin
səviyyəsi Xəzər dənizinin səviyyəsindən daim dəyişkən olaraq 2-6 metr aşağıdır.
Belə vəziyyət isə dənizlə göl arasında unikal təmas - dünyada yeganə olan dəniz
şəlaləsi yaratmışdır [1, 2, 23].
Xəzər dənizi və onun ətraf zonası təbii resurslar baxımından çox zəngindir.
Dənizin özü də tərkrarsız və qiymətsiz olan bioloji resurslarla möhtəşəmdir. Burada
yüzdən çox balıq növü 45 mm uzunluqda olan hirkanobus xul balığından tutmuş
E.Hacızadə
XƏZƏR hÖVZƏSİ REGİONUNUN İQTİSADİ POTENSİALI VƏ İXRAC ...
4(124)
/2015
96