Göl (
ingiliscə - lake - dəniz) materikin quru hissəsi üzərində yerləşən, tam quru
sahillərə malik qapalı və həmçinin dənizlər və dünya okeanı ilə birbaşa əlaqəsi ol-
mayan su hövzəsidir. Göllər geoloji baxımdan nisbətən yaxın keçmişdə, son bir neçə
on min illər ərzində yaranmışlar. Bununla belə, təkrarolunmaz Baykal kimi bəzi göl-
lərin yaşı milyon illərlə hesablanır. Göllərin suyu əsasən şirin olsa da, şor sulu olan-
ları da az deyildir. Gölləri əsasən tektonik, vulkanik, süni, şirin və duzlu olması kimi
əlamətlərinə görə fərqləndirirlər. Tektonik göllərin yaranışı tektonik plitələrin
sınıqları ilə şərtlidir (Baykal gölü). Tektonik göllər sırasında reliktiv (qalıq) olanları
da vardır. Belə göllərin hövzəsi əvvəllər şor dəniz suyu ilə dolmuş, lakin atmosfer
çöküntülərinin təsiri ilə şirin olmuşlar (Ladoqa gölü). Vulkanik göllər mahiyyətcə
vulkan kraterin su ilə dolması ilə bağlıdır. Buzlaqların yaratdığı göllər də mövcuddur.
Göllər duz yataqları sahələrində yer altında da olurlar. Onlar, həmçinin axını olanlar
və axını olmayanlara da təsnifatlandırılırlar. Axını olanlardan çaylar başlanğıc alır.
Axını olmayanların suyunda həll olunmuş duzların miqdarı çox olur. Duzlu göllərdə
bir qayda olaraq duzluluq 47%-ə qədər olur. Bundan başqa Su Elektrik Stansiyaları,
meliorasiya, irriqasiya, içməli su anbarı və s. kimi süni yaradılmış göllər də vardır.
Dünyanın ən böyük gölü Xəzər dənizidir. O, məhz böyük olduğu üçün dəniz adlanır.
Onun sahəsi dünyadakı bütün göllərin ümumi sahəsinin 44%-nə bərabərdir [2, 7,
21. 23].
Xəzərə dəniz və ya göl münasibətlərinin də tarixi qədimdir. Xəzər haqqında üç
min il öncə Zərdüştlüyün müqqədəs kitabı Avestada xatırlamalara rast gəlinir. Belə
xatırlamalar, həmçinin assuriyalıların gil kitabələrində (b.e.ə. VIII-VII) onun “Böyük
Şərq Dənizi” kimi adlandırılması ilə də öz əksini tapmışdır [20. 23].
Xəzərdən ilk dəfə antik yunan coğrafiyaşünası və tarixçisi Hekatey Miletli (b.e.ə.
546-480-ci illər) bəhs etmiş, onu okean körfəzi və Hirkan (
farsca - qurdlar ölkəsi)
dənizi adlandırmışdır. Hekateyin həmyerlisi, digər qədim yunan filosofu Anaksi-
mandr Miletlinin (b.e.ə. 610-575/540-ci illər) məşhur dünya xəritəsini yenidən
E.Hacızadə
XƏZƏR hÖVZƏSİ REGİONUNUN İQTİSADİ POTENSİALI VƏ İXRAC ...
4(124)
/2015
99
Şəkil 1: Hekateyin dünya xəritəsi
(b.e.ə. VI)
Şəkil 2: Heredotun dünya xəritəsi
(b.e.ə. VI)
işləyərək orada Xəzəri əks etdirmişdir. Bu istiqamətdə tədqiqatları olan sovet ta -
rixçisi Lev Yelnski (1907-1979) həmin yanaşmaları təhlil edərək belə nəticəyə
gəlmişdir ki, Hekatey Aralıq dənizi istisna olmaqla bütün digərlərini, o cümlədən
Xəzəri qapalı hesab etmişdir. Lakin tarixin atası adlandırılan məşhur antik yunan
tarixçisi Heredot (b.e.ə. 484-425-ci illər) bir dəniz haqqında baxışın mexaniki olaraq
digərinə tətbiq edilməsinə qarşı çıxmış və Xəzərin digər dənizlə əlaqəsi olmadığını
göstərmişdir. Heredot bu reallığın tərtib etdiyi dünya xəritəsində təsbitini vermiş,
Qırmızı və Ərəbistan dənizlərini isə sələflərindən fərqli olaraq əlahiddə okeanla
əlaqəliliyini göstərmişdir.
Fars şahı, Əhəmənilər dövlətini b.e.ə. 522-486-cı illərdə idərə etmiş I Dara (b.e.ə.
550-486) Xəzər dənizini tədqiq etməyə göstəriş vermiş və aparılan araşdırmalarla
onun qapalı dəniz olması müəyyən edilmişdir.
Antik dövrdə Xəzərin qapalı hövzə olmasını məşhur yunan filosofu Aristotel
(b.e.ə. 384-322) də müdafiə etmişdir. O, həm də Xəzərin Qara dənizlə yeraltı
əlaqəsinin olması fikrini də irəli sürmüşdür.
Şərqə qlobal yürüş keçirən Makedoniyalı İskəndəri də Xəzərin okeanla əlaqəliliyi
maraqlandırmış və o, dənizin tədqiqi ilə bağlı bir ekspedisiyanın təşkili üzrə qərar
da vermişdir. Lakin reallıqda bu ona müəssər olmamışdır. İskəndərin ölümündən bir
neçə onillik sonra onun mühafizəçisi ellin dövlətlərindən birinin çarı olmuş Selevek
I Nikator (b.e.ə. 358-281) bu tədqiqatların əsaslı olaraq davam etdirilməsi haqqında
göstəriş vermişdir. B.e.ə. 285-282-ci illərdə makedoniyalı Patrokl da müvafiq
tədqiqatlar aparmış və Xəzərin şimaldan boğaz vasitəsi ilə okeana qovuşması
nəticəsinə gəlmişdir. Bu səhvi antik yunan riyaziyyatçısı, astronom, şair və
coğrafiyaşünas Eratosfen Kirenskiy (b.e.ə. 276-194-cü illər) və antik yunan tarixçısi
və coğrafiyaşünası Strabon (b.e.ə. 64/63-24/24-cü illər) təkrarlayaraq, özlərinin tərtib
etdikləri dünya xəritəsində Xəzərin okean sahilində, onunla birbaşa əlaqəlilikdə kör-
fəz dəniz kimi təsvir etmişlər. Eyni baxışları erkən Roma coğrafiyaşünası Pomponiy
Mela (15-60) da bölüşmüşdür. Bizim eranın əvvələrində yaşamış məşhur İskəndəriy -
yəli riyaziyyatçı, astronom və coğrafiyaşünas Klavdiy Ptolomey (100-170) isə bütün
bunlara zidd olaraq Heredot kimi Xəzəri qapalı su hövzəsi hesab etmişdir. Xəzəri
heç zaman görməyən Klavdiy Ptolomey onu oval şəkilli təsvir edərək bu məsələdə
okenla əlaqəlilik baxışına birdəfəlik son qoymuşdur [10, 11].
Xəzər orta əsrlərdə Osman imperiyasının maraqlarına da tuş gəlmişdir. Bu da
təbii idi. Belə ki, XVI əsrin ortalarında Osmanlı dövləti Şimali Qafqaza soxulmağa
çalışan Moskva knyazı IV İvanın cəhdlərinin qarşısını almaq, Həştərxan və Kazan
xanlıqlarını bərpa etmək, Volqaboyunda möhkəmlənmək əzmində idi. Bunun üçün
üç Osmanlı sultanının vəziri olmuş Sokullu Məmməd Paşa (1505-1575) Don və
Volqa çayları arasında kanal çəkilməsi ilə Qara dənizlə Xəzərin su yolu birləş -
dirilməsi layihəsi planlaşdırılmışdı. Lakin Osmanlı ordusunun 1569-cu ildə Volqa -
boyuna yürüşünün uğursuz olması bu planı gerçəkləşdirməyə imkan verməmişdir.
E.Hacızadə
XƏZƏR hÖVZƏSİ REGİONUNUN İQTİSADİ POTENSİALI VƏ İXRAC ...
4(124)
/2015
100