Avtomatlaşdırmanın yayılması
505
istifadə etməklə hissələrin yığmada dəqiq mövqeləşdirilməsi mümkün
olur. Şəkil 3.40-da verilmiş prosesi buna misal göstərmək olar. Burada
axın xəttinə verilmiş avtomobil gövdəsinin dəqiq mövqesi optik
sensorlar tərəfindən ölçülərək qiymətləndirilir və sonra qabaq şüşənin
oturdulmasında istifadə edilir.
Hal-hazırda yığma zamanı fotoqrametrik prinsiplə işləyən 3D ölçmə
sistemləri geniş tətbiq edilir. Bu sistemlərin köməyi ilə yığılan hissənin
verilmiş vəziyyətdə mövqeləşmə dəqiqliyi 3 ölçülü şəkillərin əsasında
yerinə yetirilir [3.27].
Robotların çevikliyi və sərtliyinin artması, onların təkcə daha dəqiq
işlərin yerinə yetirilməsində yox, həm də mexaniki emal kimi nisbətən
böyük güc tələb olunan proseslərdə tətbiqinə imkan vermişdir.
Robotların mexaniki emalda tətbiqi hələ 80-ci illərdən məlumdur.
Ancaq onlar ilk zamanlarda yalnız az qüvvə tələb olunan və kobud
işlərin yerinə yetirilməsində istifadə olunurdular.
Sənaye robotlarının mexaniki emal texnologyasında tətbiqinə aid
misal kimi metal lövhələrin təzyiq altında soyuq emalını göstərmək olar.
Bu işlə məşğul olan Stuttqart Texniki Universitetinin elmi işçiləri
sənaye robotuna xüsusi alətə malik olan başlıq birləşdirmişlər (şəkil
3.41). Bu başlıqda bərkidilmiş çəkic müəyyən tezliklə pəstahı
döyəcələyir. Başlığın hərəkət trayektoriyası pəstahın həndəsəsi əsasında
əvvəlcədən CAD/CAM sisteminin köməyi ilə hazırlanır. Hissə
yuxarıdan aşağıya doğru döyəcələnərək ona lazımi forma verilir.
Prosesin üstünlüyü ondan ibarətdir ki, hər bir verilmiş hissə üçün xüsusi
alət formasına ehtiyac qalmır. Bu prosesin çevikliyini artırır. Tətbiq
olunan robotlar başqa texnoloji tapşırıqların yerinə yetirilməsi üçün də
tətbiq oluna bilir. Lövhələrin qalınlığı 2 mm-ə qədər, maksimal mailliyi
isə 60°-dir.
Alüminiumdan və süni materialdan hazırlanan kompleks gövdə
hissələrin emalında tətbiq olunan müxtəlif proseslərin (təmizləmə,
mexaniki emal, səthin kimyəvi emalı) bir işçi yerində aparılmasında
robotların tətbiqi böyük imkanlar açır.
Avtomatlaşdırmanın yayılması
506
Şəkil 3.41. Sənaye robotunun köməyi ilə soyuq emal.
Nisbətən ucuz başa gələn sənaye robotunun əl hissəsində
yüksəksürətli şpindelin bərkidilməsi ilə yeni texnoloji məsələlərin həlli
mümkündür [3.28]. Prosesin aparılması adi dəzgahlar üçün hazırlanmış
NC proqramlarının köməyi ilə yerinə yetirilə bilir (şəkil 3.42). Bunun
üçün robotun idarə sistemində xətti koordinatları polyar koordinatlara
çevirən proqramın olması lazımdır. Müasir sənaye robotları dəqiqliyi
±
0,05 mm həddində olan hissələrin emalına imkan verir [3.28].
Avtomatlaşdırmanın yayılması
507
Robotların sənayedə uğurlu tətbiqi, onların hazırlanması və
istismarına qoyulan təhlükəsizlik qaydalarına riayət olunması ilə
bağlıdır. Bu qaydalar robotların tətbiq sahəsindən asılı olaraq tərtib
olunur. Adətən robotların işçi sahələri istehsalın başqa sahələrindən
metal tor və ya lövhələrdən hazırlanmış məhəccərlə təcrid olunur.
Bundan əlavə xüsusi cihazlarla robotların hərəkətləri daimi nəzarət
edilir.
Şəkil 3.42. Robotla frezləmə.
Görülmüş təhlükəsizlik tədbirlərinə baxmayaraq, robotlar insan
həyatı üçün müəyyən təhlükə yaradırlar. İndiyə qədər baş verən bədbəxt
hadisələr ya robotun təmiri, ya da proqramlaşdırılması zamanı baş
vermişdir. 1981-ci ildə Kavasaki firmasında fəhlə robot tərəfindən
öldürülmüşdür. Fəhlə robotu təmir edən zaman idarəetmə sistemində
baş verən qısa qapanma nəticəsində robotun əli işçinin başını tutaraq,
onu qətlə yetirmişdir. Bu hadisədən sonra robotların hazırlanması və
tətbiqinə qoyulan təhlükəsizlik qaydaları sərtləşdirilmiş və ümumi nor-
Avtomatlaşdırmanın yayılması
508
mativlər işlənmişdir.
Robotların sənayedə tətbiqinin bu günkü səviyyəsi göstərir ki,
onların inkişafı və səmərəli istifadəsi hələ də inkişafdadır. Sənaye
robotlarını tənqid edənlərin fikirlərinin əksinə olaraq, robotlar demək
olar ki, istehsalın bütün sahələrinə daxil olmuş və işçilərin əməyini
yüngülləşdırmişdir.
Azərbaycanda maşınqayırmanın yaranması
509
3.5. Azərbaycanda maşınqayırmanın yaranmasına dair
Ə
vvəlki bölmədə qeyd edildiyi kimi, XIX əsrin ortalarında Apşeron
yarımadasında tapılan zəngin neft yataqları Bakı və onun ətrafındakı
ərazilərdə neft sənayesinin yaranmasının əsasını qoymuşdur. Neft
quyularında tətbiq olunan neft avadanlıqları ilkin vaxtlarda xaricdən
gətirilsə də bu sonralar artan neft istehsalı ilə əlaqədar olaraq daha
səmərəli deyildi. XX əsrin əvvəlində Bakıda yalnız təmir emalatxanaları
fəaliyyət göstərirdi. Burada sıradan çıxmış nasoslar, baltalar və digər
neft avadanlıqları təmir olunurdu.
Neft sənayesinin sonrakı inkişafı oktyabr inqilabından sonra, bütün
ölkədə baş verən sənayeləşmə prosesinin təsiri altında yerli neft
maşınqayırması müəssisələrinin yaradılmasına gətirib çıxarmışdır. Bu
müəssisələrin bir qismi yerli təmir emalatxanalarının bazasında təşkil
olunsa da, böyük hissəsi yenidən yaradılırdı. Buna misal olaraq 1834-cü
ildən Azərbaycanda fəaliyyətdə olan Leytenant Şmidt adına zavodu
göstəmək olar. Bu zavod yenidən qurulmuş, poladəritmə və ştamplama
sexləri ilə tamamlanmışdır. Montin adına zavodda isə mexaniki emal
proseslərinin aparılması üçün dəzgah parkı genişləndirilmişdir. Bu
ərəfədə Bakı şəhərində neft-mədən avadanlıqlarının istehsalı üçün tətbiq
olunan dəzgahların sayı 1000-i keçmişdir [3.29].
Sovetlər ölkəsi üçün istehsal olunan neftin əksər hissəsi Bakıda hasil
olunduğundan, burada neft maşınqayırması da getdikcə inkişaf
etdirilmiş və bütün ölkə üçün aparıcı sahəyə çevrilmişdir. 1925-ci ildə
Bakıda yaradılan Dzerjinski adına dərinlik nasosları zavodu da bu
yönümdə atılan addımlardan idi. Bu zavod ilk vaxtlardan SSRİ üzrə
aparıcı mövqe qazanmış və bunu 90-cı illərin əvvəlinə qədər qoruyub
saxlamışdır.
Bu dövrdə
Azərbaycanda neft
maşınqayırması sənayesinin
genişlənməsi bu sahədə çalışa biləcək mütəxəssislərin hazırlanması
tələbini qoymuşdu. Məsələni həll etmək üçün 1920-ci ildə Azərbaycan
Politexnik İnstitutu yaradılır. Bu ali məktəb neft-mədən avadanlıqlarının
Dostları ilə paylaş: |