____________Milli Kitabxana____________
64
tərəf məlum dönüşünü və ədəbi-yaradıcı qüvvələrin nəhəng
artımını görmədilər.
Ədəbiyyat cəbhəsində bizim vəzifələrimiz hansılardır? Siz
vahid birləşmiş kommunist fraksiyası yaratmalısınız, bitərəf
yazıçıların bu okeanının qarşısında fraksiya vahid mütəşəkkil
cəbhədə, vahid möhkəm kollektiv kimi çıxış etməlidir və
onlarla birlikdə ədəbiyyatı partiyanın qarşıya qoyduğu
məqsədlərə doğru yönəltməlidir.
Bizim hamımızın məqsədi isə birdir: sosializm quruculuğu.
Əlbəttə, bununla ədəbi yaradıcılığın forma və çalarlarının
müxtəlifliyi aradan qaldırılmır və məhv edilmir. Əksinə. Yalnız
sosializmdə, yalnız bizdə incəsənətin ən müxtəlif formaları,
formaların bütün dolğunluğu və çoxcəhətliyi, yaradıcılığın hər
cür rəngarəng çalarları, o cümlədən, əlbəttə, ədəbi yaradıcılığın
forma və çalarlarının çoxcəhətliyi yaranmalı və genişlənməlidir.
RAPP rəhbərliyi bütün bu proseslərə vaxtında diqqət
yetirməmişdir. RAPP-da yeni şəraiti görə və anlaya bilən,
təşkilatı yeni istiqamətə yönəldə bilən insanlar tapılmamışdır.
Siz faydalı tarixi işlər görsəniz də, irəli gedə bilməmisiniz. Siz
donub qalmısınız. Partiya qruppabazlığa dözə bilməz.
Qruppabazlıq ədəbi inkişafın yeni mərhələsində əngələ
çevrilmişdir. Əgər ədəbi hərəkatda yeni cərəyan göz
____________Milli Kitabxana____________
65
qabağındadırsa, bu cərəyana qoşulmaq lazımdır. Siz ədəbiyyatı
inhisara alaraq, bitərəf yazıçılar okeanına demək olar, bütün
vasitələrlə təsir imkanlarına malik olduğunuz halda, onları öz
arxanızca apara bilməmisiniz, öz ətrafınızda birləşdirə
bilməmisiniz.
Siz hətta kommunist yazıçıları da birləşdirə bilməmisiniz
Siz ədəbiyyatda yeni cərəyana yiyələnə bilməmisiniz və ədəbi
hərəkatı lazımi məcraya yönətməyi bacarmamısınız. Sözün
açığı, RAPP-ın ləğv edilməsi və ədəbi təşkilatların yenidən
qurulması haqqında MK qərarından sonra da sizdə
yenidənqurma olduqca ləngiyir.
...RAPP-ı ləğv edib yeni ədəbi təşkilat yaratmaqla biz
çalışmışıq ki, bu təşkilata bütün ədəbi qruplaşmalardan
nümayəndələr cəlb edək. Həm də bu ümidlə ki, bu
nümayəndələr ilk dövrlərdə bir qədər dalaşsalar da, ən nəhayət
hər şey düzələcək və hamını birləşdirən və kommunist
fraksiyasının rəhbərliyi altında vahid ittifaq yaranacaqdır.
Amma indi görürük ki, ehtiraslar sakitləşmir, yenidən alovlanır.
Biz görürük ki, yazıçıları birləşdirmək sahəsində
nailiyyətlərimiz çox deyil. Amma axı bizim digər çıxış yolumuz
yox idi.
____________Milli Kitabxana____________
66
Mən Təşkilat Komitəsinə Ümumittifaq qurultayını
hazırlayan müvəqqəti orqan kimi baxıram. Vəssalam...Lakin
etiraf etməliyik ki, qurultaya hazırlıq işlərində də lazımi
nəticələr azdır. Deməli Təşkilat Komitəsi qruppabazlığı ləğv
edə bilməmişdir, yazıçıları lazımınca birləşdirə bilməmişdir və
qurultayın yaxın zamanda keçirilməsini hazırlamağa nail
olmamışdır.
Qarşılıqlı ittihamlar da qalmaqdadır. Yeri gəlmişkən, siz
rapçılar sizin qrupda məlum tərəddüdlərin olmasını və hələ də
qalmasını inkar edə bilməzsiniz. Bunlar siyasi tərəddüdlər
deyil, ədəbi-nəzəri istiqamətli, məsələn, mədəniyyət məsələləri
və digər məsələlər üzrə tərəddüdlərdir. Siz bunları aradan
qaldırmalısınız. Siz qruppabazlıqdan qətiyyətlə imtina
etməlisiniz.
...Bir neçə kəlmə də indi nə yazmaq haqqında. Hesab
edirəm ki, indi bizə əsasən pyeslər lazımdır. Bununla heç də
onu demək istəmirəm ki, bizə romanlar, povestlər, hekayələr və
oçerklər lazım deyil: bütün bu ədəbi növlərin, pyeslər kimi,
böyük əhəmiyyəti vardır və həmçinin bizə lazımdır. Lakin biz
başa düşməliyik ki, pyes, teatr – insana bədii təsirin tamamilə
xüsusi növüdür. İstər romanın, istər povestin, istər hekayənin,
oçerkin oxucu hisslərinə təsiri teatrda tamaşaya qoyulan pyesin
____________Milli Kitabxana____________
67
tamaşaçıya təsiri qədər ola bilməz. Bundan başqa, kağız
resurslarının məhdudluğu üzündən kitab, onu oxumaq
istəyənlərin hamısını əhatə edə bilmir və nəhayət, səkkiz saatlıq
iş günündən sonra heç də hər bir zəhmətkeş yaxşı, lakin böyük
kitabı oxumağı çatdırmır. Biz isə onda maraqlıyıq ki, sosializm
quruculuğuna kömək edən, insan psixikasını sosializmə doğru
dəyişən yaxşı bədii əsərlər milyonlarla zəhmətkeşlər üçün
əlçatan olsun.
Kitab hələ milyonlara xidmət edə bilmir. Pyes, teatr isə
bunu bacarır. Teatrın imkanları genişdir.
...“Bruski” (“Tirlər”), “Oyanmış torpaq” kimi əsərlər çoxlu
sayda insanlara ideya-bədii təsir vasitəsi kimi böyük əhəmiyyət
daşıyırlar. Lakin bu əsərlər bizim kağız resursları müqabilində
məhdud saylı insanlar tərəfindən oxunacaq. Hansı ki, pyes
qeyri-məhdud tamaşaçı kontingentinə malik ola bilər; pyesi
şəhərdə və kənddə istənilən sayda tamaşaya qoyub təkrar -
təkrar göstərmək mümkündür.
...Mən romantizm və dialektik metod haqqında da bir neçə
söz demək istərdim. Bu mövzu ətrafında mənim Averbaxla
söhbətim olmuşdur və məndə belə bir təəssürat yaranmışdır ki,
bu problemləri siz düzgün qoymursunuz.
____________Milli Kitabxana____________
68
Siz niyə bitərəf yazıçılardan hökmən dialektika qanunlarını
bilməyi tələb edirsiniz? Niyə bu yazıçı dialektik metodla
yazmalıdır? Bir də ki, dialektik metodla yazmaq nə deməkdir?
Tolstoy, Servantes, Şekspir dialektik deyildilər, lakin bu,
onların böyük sənətkar olmalarına mane olmadı. Onlar böyük
sənətkarlar idilər və öz əsərlərində hər biri özünəməxsusluqla
öz epoxasını heç də pis əks etdirməmişdir. Amma sizin
nöqteyi-nəzərdən yanaşsaq, gərək etiraf edək ki, onlar böyük və
yaxşı söz sənətkarları ola bilməzdilər, ona görə ki, dialektik
deyildilər, yəni dialektika qanunlarını bilmirdilər.
...Bununla onu demək istəmirəm ki, dialektika qanunlarını
bilmək yazıçıya ümumiyyətlə lazım deyil. Əksinə, yalnız
dialektik düşüncə metoduna yiyələnən yazıçı ətrafında baş
verən hadisələri lazımınca dərk edə bilər; yalnız bundan sonra o
öz yaradıcılığında inqilabi-sosialist ideya məzmunlu yüksək
bədiiliyə nail olar. Lakin belə biliklər dərhal verilmir.
...İliç bizi öyrədirdi ki, bəşəriyyətin bütün keçmiş mədəni
təcrübəsini öyrənmədən və hifz etmədən biz öz yeni sosialist
mədəniyyətimizi qura bilmərik. Əgər siz yazıçılara belə bir
elementar düşüncəni izah və təlqin edə bilsəydiniz ki, dialektika
yalnız köhnənin inkarı deyil, həm də onu mühafizə edir - bu,
heç də pis olmazdı. Yazıçıya demək lazımdır ki, ədəbi ustalığı
Dostları ilə paylaş: |