____________Milli Kitabxana____________
59
təşkilat buraxılmış elan olundu. Qərarın ideoloqu İ.V.Stalin idi.
O, növbəti “rokirovka”sını düşünmüşdü: RAPP-çıların əli ilə
onların öz təşkilatlarını ləğv etmək.
Lazar Kaqanoviç tərəfindən hazırlanan qərarın araya
çıxmasında, marksist fəlsəfəsi baxımından əsaslandırılmasında
“mədəni bolşevizm”in görkəmli ideoloqu, nəzəriyyəçisi və
praktiki Nikolay Buxarinin də rolu az olmamışdır. Hələ 1925-ci
ildə qəbul edilən MK-nın “Partiyanın bədii ədəbiyyat
sahəsində siyasəti haqqında” qərarı da N.Buxarinin əli ilə
yazılmışdı.
1932-ci il rejimin mədəni siyasətində dönüş ili oldu. Aprel
qərarı ziyalılara münasibətdə məhdud, dar sinfi, proletar
prinsipdən ümumsovet platformasında əməkdaşlığın geniş
cəbhəsinə keçidə kurs elan etdi. Stalinin bu strateji kursu
intellektual cəmiyyətin sağlam qüvvələrinin birləşdirilməsi
məqsədini daşıyırdı.
23 aprel qərarında deyilirdi: “Sovet hakimiyyətinin
siyasətini qəbul edən və sosializm quruculuğunda iştirak etmək
istəyən bütün yazıçılar kommunist fraksiyalı vahid sovet
yazıçıları ittifaqında birləşdirilsin”. Həmin qərarla proletar
ədəbi və musiqi xadimlərinin assosiasiyası ləğv edilir. Sovet
____________Milli Kitabxana____________
60
Yazıçıları İttifaqının və incəsənətin digər növləri üzrə
ittifaqların yaradılması təklif olunur.
Belə bir şəraitdə partiya sovet ədəbiyyatının baş
metodunun necə adlandırılması məsələsini də xüsusilə vacib
hesab edirdi. Bu məsələ Kremldə uzun müddət götür-qoy
edilmişdir. Lazar Kaqanoviç tərəfindən təqdim olunan MK-nın
bədii ədəbiyyat haqqında qərarının ilkin layihəsində (mart
1930) bu metod “dialektik-materialist” adlandırılmışdır. 1931-
ci ildə bu metodla əlaqədar tələblər daha da konkretləşmişdir:
“Materialist dialektika metodu varlığa passiv-seyrçi
münasibətlə barışmır, o, sənətkardan inkişafın əsas
tendensiyalarını axtarmağı, bu günümüzün gerçəkliyində onun
sabahını görməyi tələb edir”.
Partiya MK-nın 1932-ci il aprel qərarına əsasən SSRİ
Yazıçılar İttifaqı yaradılmasına hazırlıq görülür, bu məqsədlə
Maksim Qorkinin rəhbərliyi ilə təşkilat komitəsi yaradılır.
Düzdür, M.Qorki ölkə rəhbərliyinin nəzərində çox çətin və
şıltaq bir fiqur idi. Lakin onun adı, dünya şöhrəti və ölkənin
yaradıcılıq mühitində böyük nüfuzu partiyanın öz məqsədlərini
həyata keçirməsində, şəksiz, əvəzedilməz rol oynayacaqdı.
Sovet Yazıçıları
İttifaqının təşkilində N.Buxarinin
prinsiplərinin tətbiqi geniş yer alırdı. Təşkilat Komitəsinin
____________Milli Kitabxana____________
61
partiya qrupu aparıcı qüvvə kimi yaradılmışdı. Bu zərbəçi
dəstənin üzərinə ədəbi quruculuqda partiya xəttini hərbi
qaydalarla, qəti həyata keçirmək vəzifəsi qoyulmuşdu.
L.Maksimenkovun “Очерки номенклатурной истории
советской литературы (1932-1946)” adlı tədqiqatında (149)
İ.V.Stalinin şəxsi arxivindən götürülən iki sənəd verilmişdir:
1. Kommunist yazıçıların Siyasi Büro üzvləri ilə birlikdə
1932-ci ilin 20 oktyabrlarında keçirilən yığıncağında nitq;
2. MK Təşkilat Bürosunun “Zvezda” və “Leninqrad”
jurnalları haqqında keçirdiyi 9 avqust 1946-cı il tarixli iclasında
çıxış. ( Bax: “Вопросы литературы” jurnalı, 2003-cü il, № 4 ).
İ.V.Stalinin 20 oktyabr 1932-ci il tarixli nitqi SSRİ
Yazıçıları İttifaqı qurultayını hazırlayan Təşkilat Komitəsi
partiya qrupu ilə görüşdə – Maksim Qorkinin evində
səslənmişdir. Bu nitq çap olunmamış, İ.V.Stalinin “Əsərlər
külliyatına daxil edilməyən sənədlər və materiallar”
adlandırılan arxiv cildində saxlanılmışdır. Bu nitqində Stalinin
müzakirə təriqi ilə və bəzən ziddiyyətli və ardıcıl olmayaraq,
düşüncə axını üslubunda sonralar uzun onilliklər boyu orta
məktəblərin, institutların, universitetlərin
ədəbiyyat
dərsliklərində qanunlaşdırılmış mövzuya çevrilən, sovet
kamilliyinin attestatı üçün imtahan biletlərinin dəyişilməz sualı
____________Milli Kitabxana____________
62
olan bir anlayış haqqında danışdı: “sosialist realizmi”. Bu
nitqin xüsusiyyəti də ondadır ki, burada terminin yaranma anı
qeyd olunur və həmfikirlər dairəsində müzakirəsi daha optimal
ifadə edilir.
İ.V.Stalinin nitqi:
“Ədəbiyyat təşkilatlarının yenidən qurulması haqqında
MK-nın Aprel qərarının mənasını və əhəmiyyətini dərindən
başa düşmək üçün bu qərara qədər mövcud olan ədəbiyyat
cəbhəsinin vəziyyəti üzərində dayanmaq lazımdır. O vaxt necə
idi? O vaxt çoxlu ədəbi qruplar vardı. Aşağılardan gənc və
istedadlı yazıçıların yeni dəstəsi yetişirdi və böyüyürdü. Bütün
bu geniş yazıçı dəstələrinə rəhbərlik lazımdı. Onların
yaradıcılığı partiyanın qarşıya qoyduğu məqsədlər istiqamətinə
yönəldilməliydi. Amma biz nə edirdik? Bir tərəfdən ədəbi
qruplara, digər tərəfdən bu ədəbi qruplarda işləyən
kommunistlərin öz aralarında didişmələrinə qarşı mübarizə
aparırdıq.
Bu didişmələrdə rappçıların rolu az deyildi. Rappçılar bu
didişmələrin ön sıralarında idilər. Axı siz nə edirdiniz? Siz
özünüzünküləri irəli çəkir və tərifləyirdiniz, həm də belə
irəlisürmə çox vaxt işinə görə və ölçü daxilində olmurdu, sizin
qrupa mənsub olmayan yazıçıların üstündən keçirdiniz və
____________Milli Kitabxana____________
63
incidirdiniz, onları öz təşkilatınıza cəlb etmək və inkişaflarına
kömək göstərmək əvəzinə özünüzdən uzaqlaşdırırdınız.
Bu, kimə lazım idi? Bu, partiyaya lazım deyildi. Deməli,
bir tərəfdən sizdə didişmə və arzuedilməz hesab etdiyiniz
yazıçıları incitmə özünü göstərirdi. Digər tərəfdən, sizinlə bir
sırada heç kimin rəhbərlik etmədiyi, heç kimin kömək
göstərmədiyi, sahibsiz qalan partiyasız yazıçılar dənizi
böyüyürdü və çoxalırdı. Halbuki, partiya sizin qarşınızda yalnız
ədəbi qüvvələri toplamaq yox, həm də bütün yazıçı kütlələrinə
rəhbərlik etmək vəzifəsini qoymuşdu.
Axı mahiyyətcə siz mərkəzi, rəhbər qrup idiniz. Lakin bu
mərkəzi qrupda rəhbərlik əvəzinə dekretçilik, inzibatçılıq və
lovğalıq halları vardı. Indi mən görürəm ki, MK RAPP-ı ləğv
etmək və bütün ədəbiyyat təşkilatlarını yenidən qurmaq
haqqında qərarında ən azı bir il gecikmişdir. Hələ bir il əvvəl
aydın idi ki, ədəbiyyatda bir qrupun inhisarı yaxşı heç bir şey
vermir. İnhisarçı qrupu çoxdan ləğv etmək lazım idi.
Bununla belə, məlum tarixi mərhələdə RAPP ədəbi
qüvvələri cəlb edən və toplayan bir təşkilat kimi lazım idi.
Lakin bu qrup zəruri tarixi işini görəndən sonra, inhisarçı
mövqe tutan qrupa çevrildi və beləcə donmuş vəziyyətə düşdü.
Rapçılar növbəti tarixi mərhələni anlamadılar, ziyalıların bizə
Dostları ilə paylaş: |