____________Milli Kitabxana____________
95
kateqoriyasında əsas məna epoxanın özünü ədəbi dərk
mənasıdır. Hegel epopeya, satira və romanı “dünyanın müəyyən
tarixi dövrünə uyğun gələn janrlar” kimi qiymətləndirir, janrı
“dünyanın ümumi vəziyyətinin ona münasib təzahürü hesab
edirdi” (Bax: 33, 18). Hegelin fikrincə, roman “prozaik nizama
salınmış gerçəklik” kimi poeziyanın itirilmiş hüququnu bərpa
edən janrdır.
Ədəbiyyatşünas R.Foks “Roman və xalq” əsərində
romanı yeni dövrün epik sənəti adlandırmışdır (163, 20).
Romanda əsas problem insanla cəmiyyətin bir-birinə
münasibətidir, yəni cəmiyyət insan vasitəsilə, insan isə
cəmiyyət vasitəsilə dərk olunur. Roman böyük xalq sənətidir və
bəşəriyyətin yeni ictimai təcrübəsinin nəticəsidir. Ona görə də
romandan söhbət gedəndə “burjua sənəti” istilahını “burjua
dövrünün sənəti” kimi başa düşmək lazımdır. R.Foksa görə,
yazıçı roman janrı vasitəsilə nəinki sadəcə həyatı əks etdirir,
yeniliyi orijinal imkanlar və vasitələr daxilində göstərir, həm də
janrın qanun və vəzifələrinə uyğun özü də dəyişir. Roman
hadisələri özünün qeyri-məhdud həcmi ilə müxtəlif nöqteyi-
nəzərdən, ayrı-ayrı tərəflərdən toplu şəkildə, incəliklərinə qədər
göstərmək imkanına malikdir və bu cəhət onun başqa incəsənət
növlərindən üstünlüyünü göstərir. Roman qəlbin, həyatın ən
____________Milli Kitabxana____________
96
gizli nöqtələrini aşkara çıxarır. Obyektiv varlıq və insanın daxili
aləmi romanda üzvi surətdə birləşən əsas keyfiyyətlərdir.
Roman yaradıcılığını fəlsəfi iş hesab edən R.Foks (163, 35)
romanı bəşəriyyətin bədii təcrübəsində dünyanı dərk etməyin
mükəmməl aləti kimi qiymətləndirirdi.
Sənət növü kimi, məsələn, intibah dövrünün aparıcı, əsas
janrlarından prinsipial surətdə fərqlənən romanın estetikası XIX
əsrdə püxtələşir və onun elmi şəkil alması üçün şərait yetişir.
Rus ədəbiyyatşünası V.Kojinov “Romanın mənşəyi” əsərində
yazırdı ki, roman – əvvəla təhkiyədir, sonra – epopeyalı
təhkiyədir, nəhayət – nəsrlə təhkiyədir (140, 3). Roman
özünəməxsus ədəbi janrdır – bu, bir çox bədii xüsusiyyətlərin
konkret birliyidir. Biz deyəndə ki, roman geniş epik əsərdir,
nəsr üslubunda, adi danışıq dilində və nəsrin sərbəst ritmində
yazılan geniş süjetli təhkiyədir – biz məzmunu hətta bir
epoxanın çərçivəsində tükənməz rəngarəng ola bilən xüsusi
formanı nəzərdə tuturuq (140, 5). V.Kojinov romanın
özünəməxsus estetikasının kökündə ülvilik və zəruriliyin,
gözəllik və eybəcərliyin, poeziya və nəsrin və sairin
təhkiyəsinin hər bir ünsürü gizləndiyini qeyd edir. Bu ünsürlər
o qədər sıx calaşıb hörülmüşdür ki, onların hər hansı birini öz
cəhətinə ayırmaq, təcrid etmək və ya barmaqla göstərmək
____________Milli Kitabxana____________
97
mümkün deyildir. Onların hamısı vahid tam təşkil edir,
müxtəlif keyfiyyətlərin təkraredilməz birliyinə çevrilir. Roman
faciə və satiranı ikinci plana sıxışdırır, lakin onu rədd etmir,
ortadan çıxarmır (sənətin bu xəttləri də bir-birini rədd etmir,
yanaşı inkişaf edir). – (140, 21). V.Kojinov yeni romanı orta
əsrlər romanından fərqlənirir. Orta əsrlərdə “roman” adlanan
əsərlərin yeni romandan ciddi fərqləri mübahisə doğura bilməz:
həmin “romanlar” əfsanəvi və tarixi təhkiyələrin ifadəsidir.
Rus ədəbiyyatşünası A.N.Veselovski növlərin nəzəriyyəsi
haqqında mülahizələrində həmişə epos, lirika, dram, roman
ardıcıllığını gözləmiş və eposla romanın yaxınlığı ideyasından
imtina etmişdir. Onun fikrincə, sinkretizmdən ilk ayrılma lirik-
epik ayrılma olub. Yəni forma ayrılması olub. Epik hissə
hərəkətin əsası, lirik hissə isə gah yavaşıtma, gah sürətləndirmə
forması kimi ayrılıb. Veselovski öz konsepsiyasını sinkretizm
və epik, lirik, dramatik formaların ondan qopması üzərində
qurur.
Sovet dövrünün rus ədəbiyyatşünasları
və
şərqşünaslarından K.V.Vinoqradovun, V.A.Qordlevskinin,
L.İ.Timofeyevin, D.S.Lixaçovun, M.M.Baxtinin,
İ.Kraçkovskinin və başqalarının da roman nəzəriyyəsi ilə bağlı
____________Milli Kitabxana____________
98
mülahizələri tədqiqatçıların diqqətini cəlb etmiş, onlar bir çox
elmi qənaətlərində bu mülahizələrə söykənmişlər.
L.İ.Timofeyev epos əhatəsində dörd növ (janr forması)
görür:
1) ilkin forma (təmsildə, nağılda); 2) kiçik epik forma
(hekayə, novella, bəzən oçerk, nağıl); 3) orta epik forma
(povest) və nəhayət, 4) böyük epik forma (roman, epopeya).
Lakin hər bir janr forması Timofeyev tərəfindən ədəbiyyat
tarixində konkretləşən nəzəri abstraksiya kimi izah edilir: janr
formaları “hər bir tarixi mərhələdə yaranır, lakin onların hər
birində struktur xüsusiyyətlərindən doğan öz konkret
məzmununu alır”. Bundan sonra isə Timofeyev aşkar sosioloji
təzyiqlə davam edir: “Böyük epik forma antik epopeyada da,
burjuaziya romanında da, sosialist romanında da vardır.
Funksional əhəmiyyətləri və struktur xüsusiyyətləri ilə
özünəməxsus şəkildə əlaqələnərək, onlar hər vaxt və bütünlüklə
tarixidir, xüsusi və özünəməxsus tarixi şəraitdə yaranır, yalnız
öz dövrünün məhsuludur”. (162, 165-167). Timofeyev
“abstraksiyanın janr forması” və “konkret-tarixi janr forması”
üçün ayrıca təyinat düşünmür və irəli sürmür.
XX əsr Rusiya ədəbiyyatşünaslığında, deyərdik ki, dünya
ədəbi fikrində M.M.Baxtinin roman nəzəriyyəsi ilə bağlı
Dostları ilə paylaş: |