____________Milli Kitabxana____________
86
müfuzundan çəkinib indi onun boş şeylər yazmasını qəbul
edənlər, onun üzünə: “qulaq asın, indi 1946-cı ildir, 30 il əvvəl
bəlkə də siz keçmiş üçün yaxşı yazırdınız , amma biz – hazırki
dövrün jurnalıyıq” deyə bilməyəndə, bu sözləri deməyə cəsarət
tapmaq lazımdır.
....Bizim maraqlarımız birdir – gəncləri tərbiyə etmək,
onların bütün tələbatına cavab vermək, yeni nəsli gümrah, öz
işinə sədaqətli, çətinliklərdən qorxmayan, hər cür maneələri dəf
etməyə hazır olan bir nəsil kimi tərbiyə etmək. Məgər Anna
Axmatova, yaxud o oyunbaz (balaqan – Y.R.) hekayəçisi
Zoşşenko belə insanlar tərbiyə edə biləmi? Onların nazı ilə niyə
oynamalıyıq!
... “Zvezda” jurnalı yazıçılara rəhbərlik etməli, istiqamətin
aparıcı xəttini göstərməlidir. Zoşşenkonu isə buraxmaq lazım
deyil, yoxsa biz öz zövqlərimizi dəyişə bilmərik. Qoy o,
yeniləşsin. Yeniləşmək istəmirsə, hara istəyir rədd olub getsin.
Digər bir jurnal – “Leninqrad”. Görürəm ki, bu iki jurnala
ümumiyyətlə material çatışmır, ona görə də jurnalları buraxmaq
üçün hər cür zir – zibillə doldururlar... Düşünürəm ki, iki
oxşayan jurnaldansa, bir, lakin yaxşı jurnal olmalıdır”.
____________Milli Kitabxana____________
87
Partiya 1946-1948-ci illərdə ədəbiyyat, incəsənət və
mətbuatla bağlı verdiyi qərarlarla hesab edir ki, bu səhələri
artıq tamamilə öz siyasətinin bir hissəsinə çevirə bilmişdir.
Ölkədə ədəbi mühitin görüntüləri, əlbəttə, belə bir nikbin
qənaətin yaranmasına zəmin verirdi. Azərbaycan K(b)P MK-
nın “Azərbaycan sovet ədəbiyyatının vəziyyəti və onu
yaxşılaşdırmaq tədbirləri haqqında” qərarı da (1948) Moskvada
qəbul edilən həmin qərarın icrasını təmin etməyə yönəlmişdi.
Sovetlər birliyinin hər yerində, o cümlədən Azərbaycanda da
yazıçılar totalitar quruluşun təşəkkülünün, inkişafının və
çəkişmələrinin əvvəlki mərhələsində olduğu kimi, Kommunist
partiyası və sovet dövlətinin bütün qərarlarına, təşəbbüslərinə
və planlarına coşğunluqla tərəfdar çıxır, kommunist
ideoloqlarının bütün yad düşüncəlilərə, sovet hakimiyyətinin,
kommunist quruluşunun, proletar ideologiyasının aşkar və gizli
düşmənlərinə qarşı barışmaz mübarizəsini bəyənir və
alqışlayır, sözləri və işləri, publisistika və bədii yaradıcılıqları,
qurultay və plenumlarda nitqləri, qəzetlərdə məqalə və
məktubları, radio və televiziyada çıxışları ilə rejimin
müdafiəsinə və möhkəmləndirilməsinə xidmət göstərirdilər.
Özlərini doğma partiyanın və ölkənin “əskərləri”, “ən qabaqçıl”
sovet düşüncəsinin, ədəbiyyat və incəsənətinin, jurnalistikasının
____________Milli Kitabxana____________
88
nümayəndələri hesab edən bir çox yazıçılar partiyanın
ideoloqları kimi qiymətləndirilmələrindən razı qalırdılar...
Mənəvi müxalifət, yad düşüncəlilik kimi arzuolunmaz hallar
özünü göstərən kimi dərhal lazımi tədbirlər görülür, repressiya-
cəzalandırma sistemi öz işini görür, belələri azadlıqdan da
məhrum edilirdi, yaşamaq imkanlarından da, mənəvi
rahatlıqdan da.... “Sözəbaxan” Yazıçılar İttifaqı, partiyalı
yaradıcılıq metodunun (sosialist realizminin) hazır ölçüləri,
“sosial sifariş” sistemi, aforizm səviyyəli dəqiq şuarlar və s.
belə amillər rejimin ədəbiyyat və yaradıcı ziyalılar üzərində tam
qələbəsini şərtləndirirdi.
Bununla belə, mənəvi azadlıq və söz qarşısında məsuliyyət
hissinin yaşadığını da inkar etmək olmaz. Partiyanın rəsmi
təbliğatınin, Stalin ideologiyasının tam hakim olduğu
mərhələnin digər qütbündə, elə həmin dünyada canlı, düşünən,
hər şeyi anlayan insanlar da vardı. Cəmiyyətdə, ədəbiyyatda
mənəvi həyat susmamışdı, itməmişdi.
Stalinin vəfatından sonra (1953, mart) hakimiyyətə gələn
“kollektiv” rəhbərlik mədəniyyət xadimlərinə münasibətdə yeni
qarşılıqlı əlaqələr forması axtarmağa başladı, əvvəlki illərdə
mümkün olmayan bəzi güzəştlərə getməyi və ab-havanı
nisbətən mülayimləşdirməyi qərara aldı. M.C.Bağırovun
____________Milli Kitabxana____________
89
həbsindən sonra Azərbaycanda rəhbərliyə gələn qüvvələr elmin
və mədəniyyətin nümayəndələri idilər və onlar milli düşüncənin
inkişafını, milli mənəvi dəyərləri də diqqətdə saxlayırdılar
(İmam Mustafayev Azərbaycan KP MK-nın birinci katibi,
Mirzə İbrahimov Ali Sovetin Rəyasət Heyətinin sədri
seçilmişdilər). Lakin hakimiyyət güzəştlərə və mülayimləşməyə
getsə də, partiya ideolojisində “prinsiplərdən geri çəkilməyi”
bacarmırdı və istəmirdi. ÜİK(b) MK-nınPartiyanın 1954-1955-
ci il sənədlərində “bədii ziyalılar arasında qeyri-sağlam əhval-
ruhiyyədən”, “ədəbi dairələrdə zərərli ideoloji ovqatdan” və s.
danışılır, belələri haqqında partiya və inzibati cəzalandırma
tədbirləri görülürdü ( bax: 144 ). 1956-cı ildən isə
“mülayimləşmə” “soyuqlaşma” ilə əvəzlənirdi.
Beləliklə, 1953-1957-ci illər özünəməxsus keçid dövrü
oldu. Bu dövrdə keçmiş stalinizmin mədəni siyasətinin
dağılması və partiyanın yeni mədəni siyasətinin əsası olan
prinsiplərin axtarılması ilə yanaşı, İttifaq miqyasında Stalin
mədəni modelinin eroziyasını dayandırmaq səyləri də özünü
göstərirdi.
____________Milli Kitabxana____________
90
1.5. Roman – bədii təfəkkürün böyük nailiyyəti
1930-1950-ci illər Azərbaycan romanı haqqında
tədqiqatımızın predmeti diqqəti ilk növbədə roman janrının
bədii təfəkkürdə və ədəbiyyatda yeri, rolu, təşəkkül və inkişaf
tarixi, poetik özəllikləri, tipoloji prinsipləri, taleyi ilə əlaqədar
məsələlərin bir daha çözülməsinə yönəldir. Mövzumuz bu
xüsusiyyətlərin geniş araşdırılmasını tələb etməsə də, bəzi
məqamlara diqqət yetirilməsinə zərurət vardır.
Dünya ədəbiyyatşünaslığında roman janrı haqqında çoxlu
elmi ədəbiyyat vardır. Azərbaycan ədəbiyyatşünasları roman
janrı ilə bağlı tədqiqatlarında, monaqrafiyalarında dünya ədəbi
fikrinin mülahizələrinə söykənmiş, xüsusilə romanın janr
estetikasına dair həm tarixi, həm də çağdaş ədəbiyyatşünaslıqda
özünə yer alan müxtəlif elmi mövqelərə aydınlıq gətirməyə
çalışmışlar. Araşdırmalar əsasən Hegelin, V.Belinskinin,
U.Folknerin, D.Lixaçovun, R.Foksun, M. Baxtinin,
V.Kojinovun, A.Veselovskinin, L.Timofeyevin və b.
mülahizələri ətrafında aparılmışdır. Əlbəttə, romanı müxtəlif
səviyyədə və istiqamətdə tədqiq edən əsərlərin dolayı yolla olsa
da, tipoloji tədqiqat konsepsiyasının yaradılmasında oynadıqları
tarixi rolu nəzərdən qaçırmaq olmaz. Lakin romanın inkişaf
Dostları ilə paylaş: |