32
Sizdən gələnlər
Kimlər yada saldı,
kimlər unutdu...
Bağbanam çəkirəm bağlar həsrətin,
Çıxanda dağlara düzlər həsrətin,
Görəsən ilk dəfə sevgi həsrətin,
Kimlər yada saldı, kimlər unutdu...
Mən bir bağban kimi bağı dolandım,
Sevgi həsrətiylə dağı dolandım,
Leyli, Məcnun tək düzü dolandım,
Kimlər yada saldı, kimlər unutdu...
Güllərin ətrini duyanda bildim,
Çəkdiyim zəhməti görəndə bildim,
Vaxt gedir ömürdən deyəndə bildim,
Kimlər yada saldı, kimlər unutdu...
Ağayam çəkirəm hər bir nazını,
Oxuyan bülbül tək xoş avazını,
Çəkdiyim zəhməti illər uzunu,
Kimlər yada saldı, kimlər unutdu...
Yavaş-yavaş qocalıram
Azərsunla öyünürük,
Ürəklərdə döyünürük.
Qəm, qüssəni atmışam mən,
Muradıma çatmışam mən.
Doslarımdan bac alıram,
Əməyimlə ucalıram.
Azərsundan güc alıram,
Yavaş-yavaş qocalıram.
Səhər tezdən oyanıram,
Bağ-bağçanı dolanıram.
Gül-çiçəyi qoxlayıram,
El-obanı yoxlayıram.
Yaradana üz tuturam,
Ürəyimi düz tuturam.
Şeiriyyatdan zövq alıram,
Yavaş-yavaş qocalıram.
Bütün gücünü qoydu ortaya,
Tarixi zəfər qazandı “Qarabağ”.
Qoşulub otuz iki komandaya,
Avropaya səda saldı “Qarabağ”.
Əzmkar xalqın çılğın dəstəyindən,
Bunu da qeyd etməliyik fəxrnən.
Ölkə rəhbərinin diqqətindən,
Əvəzsiz bir stimul aldı “Qarabağ”.
Təsadüfi deyil uğurları,
Baxımlı oyunu, gözəl qolları.
Neçə- neçə ölkələrdə klubları,
Mərhələdən dayandırdı “Qarabağ”.
Çempionlar Liqası, himnin səsi,
“Atletiko Madrid”, “Roma” və “Çelsi”,
Artıq xəyal deyil bu gözəl hissi,
Bizə bəxş etdi, yaşatdı “Qarabağ”.
Böyük cəsarət, hünər göstərərək,
Xalqımızı bu cür sevindirərək.
Ən güclülər dəstəsinə düşərək,
Düşmənləri əcəb yandırdı “Qarabağ”.
Zəfər vardır, harada olsa həqiqət,
Azərsunda olan qayğı, məhəbbət.
Bu uğur da buna sübutdur əlbət,
Yeni bir tarixin yazdı “Qarabağ”.
Ramil Hüseynov
Biləsuvar Konserv Zavodu,
operator
Ağamalı İsmayılov
Gümüş Plaza,
bağban
Tarixi zəfər
35
Səhifəni hazırladı: Elman Yusifov
36
İdman
Çempionlar Liqasında pley-off mərhələsinin
cavab oyunları bitdi. Tarixində ilk dəfə bu
mərhələdə təmsil olunan son Azərbaycan çempi-
onu “Qarabağ”ımız meydana çıxdı.
Komandamız səfərdə Danimarkanın “Kopen-
hagen” klubunun qonağı olub. Paytaxt klubuna
öz meydanında 1:0 hesabı ilə qalib gələn “atlılar”
üstünlüyünü qorumağa çalışıb.
Qarşılaşma meydan sahiblərinin 2:1 hesab-
lı qələbəsi ilə başa çatıb. “Qarabağ” məğlub olsa
da, iki oyunun nəticəsinə görə qrup mərhələsinə
vəsiqə qazanaraq Azərbaycan futbolunda yeni ta-
rix yazıb.
22:45. “Kopenhagen” (Danimarka) - “Qara-
bağ” (Azərbaycan) - 2:1
Qollar: Federiko Santander, 45, Verbiç, 67,
Dino Ndlovu, 63
Baş məşqçimiz Qurban Qurbanov tarixi uğur
haqda öz fikirlərini bölüşüb:
“Bütün Azərbaycan xalqını, azarkeşlərimizi,
hər kəsi təbrik edirəm. Sevinirik ki, ölkəmizi
sevindirə bildik. Belə turnirlərdə çıxış etmək fut-
bolumuz üçün çox önəmlidir. Belə turnirin qrup
mərhələsində oynamaq həm bizim, həm də
ölkəmiz üçün faydalı olacaq”.
Çempionlar Liqasının qrup mərhələsinin püşkatma mərasimi ke-
çirilib. Azərbaycan futbolunda yeni tarix yazaraq qitənin ən ali tur-
nirinin qrup mərhələsinə vəsiqə qazanan “Qarabağ” IV səbətdə yer
alıb. Komandamız C qrupunda mübarizə aparacaq və İngiltərənin
“Çelsi”, İspaniyanın “Atletiko” və İtaliyanın “Roma” klubları ilə qar-
şılaşacaq.
Baş məşqçimiz Qurban Qurbanov püşkü belə dəyərləndirib:
“Hər üç rəqibimiz “TOP-5” ölkələrinin təmsilçisidir. Azarkeşlər və
bizim üçün bu turnir bir təcrübə olacaq, hər üç komanda ilə bizi
maraqlı qarşılaşmalar gözləyir. Rəqiblərimiz ən güclü çempionatla-
rın təmsilçiləridir. Bu turnirdə təcrübə qazanıb əlimizdən gələnin ən
yaxşısını etməyə çalışacağıq”.
“Qarabağ” Azərbaycan futbolunda
yeni tarix yazdı
“Qarabağ”ımız “Çelsi”, “Atletiko” və “Roma”
ilə eyni qrupda
“Qarabağ”ın
Çem-
pionlar Liqasının qrup
mərhələsindəki oyunları-
nın vaxtı müəyyənləşib.
Komandamız ilk oyununu
sentyabrın 12-də səfərdə
İngiltərənin “Çelsi” klubu-
na qarşı keçirəcək.
12 sentyabr
“Çelsi” – “Qarabağ”
27 sentyabr
“Qarabağ” – “Roma”
18 oktyabr
“Qarabağ” – “Atletiko”
31 oktyabr
“Atletiko” – “Qarabağ”
22 noyabr
“Qarabağ” - “Çelsi”
5 dekabr
“Roma” – “Qarabağ”
Çempionlar Liqası: “Qarabağ”ın oyunlarının
vaxtı açıqlandı
37
“Qarabağ”ımız Çempionlar Liqasının qrup
mər hələsinə yüksəlməklə bir ilkə imza atıb. Hələ
bu turnirin pley-off mərhələsinin Bakıda keçiril-
miş oyununda stadionu tam dolduran “Qarabağ”
azar keşləri kluba olan sevgisini və inamını
nü mayiş etdirib. Bu uğurlu çıxışdan sonra
oyuna gəlmək istəyən azarkeşlərin çoxluğunu
nəzərə alan komandamız ev oyunlarını daha
çox azarkeş tutumuna malik olan stadionda
- Bakı Olimpiya Stadionunda (68500 yerlik)
keçirməklə bağlı UEFA-ya müraciət edib. Bu
gün UEFA tərəfindən “Qarabağ”ın sorğusuna
cavab gəlib. Qitənin ali futbol qurumu ko-
mandamızın bu müraciətini təsdiqləyib.
“Qarabağ”ımız sentyabr ayının 27-də Çem-
pionlar Liqasının II turu çərçivəsində “Roma”nı
Bakı Olimpiya Stadionunda qəbul edə cək. Matç
Bakı vaxtı ilə 20:00-da başlayacaq.
“Qarabağ” ÇL-də ev oyunlarını BOS-da
keçirəcək
“Qarabağ”ımız bu mövsüm üçün transfer çalışmalarını
yekunlaşdırmaq üzrədir. Komandamız millimizin futbolçusu
Ramil Şeydayevi heyətinə qatıb. Müqavilə ilə “Trabzonspor”a
məxsus olan hücumçu 2017/18-ci illər mövsümünü icarə
əsasında “Qarabağ”da keçirəcək. Şeydayev komandamızda
“90” nömrəli formayla mübarizə aparacaq.
21 yaşlı hücumçu “Zenit” futbol klubunun yetirməsi
olub və peşəkar karyerasına bu klubda başlayıb. Ötən yay
“Trabzonspor”a transfer olunan Şeydayev, qışda icarə əsasında
Slovakiyanın “Jilina” klubuna keçib.
Qeyd edək ki, Şeydayev 2015-ci ildə 19 yaşlılar arasında
keçirilən Avropa çempionatının 12 qolla bombardiri olub.
Ramil Şeydayev rəsmən “Qarabağ”da
Azərbaycan Premyer Liqasında 2017/18-ci illər
mövsümünə start verilib. Komandamız ilk tur-
da səfərdə “Neftçi”nin qonağı olub. Qarşılaşma-
ya sürətli başlayan komandamız 14-cü dəqiqədə
hesabı açıb. Əfran İsmayılovun cinah ötürməsində
Mahir Mədətov başla dəqiq oynayıb. Hücumlarını
artıran “Qarabağ” matçın 40-cı dəqiqəsində he-
sab arasında fərqi ikiyə çatdırıb. Dino Ndlovunun
yerlə ötürməsini Mədətov tamamlayıb. İlk hissə
komandamızın 2:0 hesablı qələbəsiylə başa çatıb.
İkinci hissəyə də sürətli başlayan komandamız 60-
cı dəqiqədə üçüncü dəfə fərqlənib. Mədətovun
ötürməsini Dino Ndlovu qarşısıalınmaz zərbəylə
tamamlayıb. Matçın son dəqiqəsində “Neftçi”
hesabı müəyyən edən qolu vurub. Komandamız
səfərdə 3:1 hesablı qələbə qazanıb.
“Qarabağ” ikinci turda “Azərsun Arena”da
“İnter”i qəbul edib. Əfran İsmaylovun matçın 89-
cu dəqiqəsində vurduğu qol komandamıza 1:0 he-
sablı qələbə qazandırıb.
Komandamız III turda “Azərsun Arena”da
“Qəbələ”ni qəbul edib. Mahir Mədətov və Miçelin
bu qarşılaşmada vurduğu qollar komandamıza 2:1
hesablı qələbə qazandırıb.
“Qarabağ” Premyer Liqada 3 turdan sonra 9 xal
toplayaraq maksimum nəticə göstərib.
Azərbaycan Premyer Liqası: 3 oyun, 3 qələbə
38
İdman
“Qarabağ” yay transfer pəncərəsinin son
günündə üçüncü, ümumilikdə isə yeddinci
transferini edib. Komandamız Norveç mil-
lisinin üzvü Tarik Elyunussini heyətinə qa-
tıb. Yunanıstanın “Olimpiakos” klubuna
məxsus yarımmüdafiəçi bu mövsümü icarə
əsasında “Qarabağ”da keçirəcək. Əsasən
yarımmüdafiənin sol cinahında oynayan Elyu-
nussi sağ cinah və hücum arxası mövqelərində
də çıxış edir. 28 yaşlı futbolçu peşəkar karye-
rasına Norveçin “Fredrikştad” klubunda baş-
layıb, daha sonra Hollandiyanın “Hereneven”,
Norveçin “Lillström” və “Rosenborq”, Alma-
niyanın “Hoffenhaym” kimi klublarında çıxış
edib. Ötən ilin yayında isə futbolçu “Olimpi-
akos” klubuna transfer olunub. Norveç milli
komandasıyla 43 oyuna çıxan Tarik Elyunussi 9
qolla yadda qalıb.
“Azərbaycanın ən güclü komandasına gəldiyim
üçün xoşbəxtəm. Bu komandadan təklif gələndə
təəccüblənmədim. Hətta “Qarabağ” “Rosenborq”u
məğlub etdiyi vaxtdan yadımda qalmışdır.
Bu mövsüm Azərbaycan futbol tarixində ilk
dəfə Çempionlar Liqasında mübarizə aparacaq
“Qarabağ”ın gücü bəllidir, güclü qrupda yer al-
mışıq. Amma buna baxmayaraq, əlimizdən gələni
edəcəyik ki, “Qarabağ”ı layiqincə təmsil edək.
Buna da inanıram. Komandanın son günlərdə hü-
cuma meylli futbolçular transfer etdiyini bilirəm.
Bu rəqabət ancaq komandanın xeyrinə ola-
caq, keyfiyyətin artmasına kömək edəcək. Mən
də “Qarabağ”ın uğur qazanması üçün əlimdən
gələnin ən yaxşısını etməyə çalışacağam”.
Tarik Elyunussi: “Azərbaycanın ən güclü
komandasına gəldiyim üçün xoşbəxtəm”
Yay transfer pəncərəsinin son günündə
“Qarabağ”ımız növbəti transferini həyata keçirib.
Yunanıstanın PAOK klubunda çıxış edən Pedro
Enrike bu mövsümü icarə əsasında “Qarabağ”da
keçirəcək. 27 yaşlı futbolçu həm sol cinah
yarımmüdafiəçisi, həm də hücumçu kimi çıxış edir.
Pedro Enrike komandamızda “10” nömrəli forma
geyinəcək.
Qeyd edək ki, daha öncə İsveçrənin “Sürix”
klubunda da oynamış braziliyalı vinger 2016-cı
ildə Fransanın “Renn” klubundan PAOK-a keçib.
Braziliyalı oyunçu Saloniki klubunda 23 oyunda
6 qol vurub.
Yeni transferimiz “Qarabağ”a keçidi haqda öz
fikirlərini bildirib:
“Qarabağ”a gəlməmişdən əvvəl komandanın
uğurları və hədəfləri haqda maraqlandım. Koman-
da, azarkeşlər və Bakı haqda artıq məlumatım var.
Bakı olduqca gözəl şəhərdir. Klubun bazasıyla ta-
nış oldum, burada futbolçu üçün hər cür şərait
yaradılıb. Bakıya gəlməmişdən bir gün əvvəl də
Riçard Almeydayla danışdım, o da kifayət qədər
məlumat verdi.
“Qarabağ”ın sabiq komandam PAOK-la oyna-
dığı haqda da məlumatım var idi. Həmin ilin qışın-
da Yunanıstan klubuna keçdim.
“Qarabağ” Azərbaycan futbol tarixində Çempi-
onlar Liqasının qrup mərhələsinə vəsiqə qazanan
ilk klubdur. Mən də bura öz oyunumla komandama
kömək etməyə gəlmişəm. Yarımmüdafiənin həm
sağ, həm də sol cinahında oynaya bilirəm. Koman-
dada rəqabətin olması hamımızın xeyrinədir. “Qa-
rabağ” üçün əlimdən gələnin ən yaxşısını etməyə
çalışacağam”.
Pedro Enrike: “Qarabağ” üçün əlimdən
gələnin ən yaxşısını etməyə çalışacağam”
40
Dostları ilə paylaş: |