Rüblük ädäbiyyat därgisi
145
dayanıb
dura bilirdilər, deyəsən çariçadan başqa yerdə
qalan babillilərin hamısı bunların ikisinin də birdən Ba-
bil çarı olmasını istəməyə başlamışdılar. Nizələr sınıb,
atlar yorulanda Zadiq çoxbilmişliyini işə saldı: o, göy
geyimli döyüşçüyə arxadan yaxınlaşıb onun tərkinə sıç-
radı, sonra isə onu əl-qol açmağa qoymayıb itələyərək
yerə saldı. Bundan sonra isə yəhərə oturub, atını yerə
sərələnmiş Otamın yörəsində çapmağa başladı. Hamı
bir ağızdan qışqırmağa başladı: “yaşasın ağ paltarlı dö-
yüşçü!” Onda Otam acıqla yerindən qalxıb qılıncını sı-
yırdı; Zadiq də atdan enib qılnca əl atdı. Onlar yenidən
döyüşməyə başladılar, bu dəfə də sıra ilə ya biri, ya da
o biri, öz gücü ilə çevikliyinə görə üstün görünməyə
başladı. Dəbilqələrindəki lələklər, dizliklərindəki zireh-
li lövhələr, əyinlərindəki zirehin dəmir halqalar, güclü
qılınc çalışlarından tikələnib yan-yörəyə səpələnməyə
başladı. Döyüşçülər, biri-birinin başına, köksünə tuşla-
dıqları qılıncları ilə havanı deşməyə, kəsməyə başladı-
lar,
onlar irəli cumur, geri çəkilir, biri-birinin sayıqlığını
sınayır, yenidən irəli-geri tullanır, ilan kimi qıvrılır, aslan
kimi sıçrayırdılar. Toqquşan qılınclardan topa-topa qı-
ğılcımlar yaranıb yan-yörəyə səpələnirdi. Zadiq birdən
bütün gücünü toplayıb dayandı, sonra yalançı tərpənəşi
ilə yağısını çaşdırdı, girəvəyə salıb onu yerə sərdi, yara-
ğını tutub əlindən aldı.
– Ey ağpaltarlı igid, – deyə Otam hayqırdı, – Babi-
lin çarlığı ancaq sənə yaraşır!
Çariça sevindiyindən özünə yer tapa bilmirdi.
Bütün yarışçıları, o sıradan ağ geyimli, göy geyimli
döyüşçüləri də onlar üçün ayrılmış otaqlara apardı-
lar. Hamısı lal olan qulluqçular onlara yemək verdilər.
Zadiqə çariçanın cırtdan qulluqcusu qulluq eləyirdi.
Sonra bütün yarışçılara ertəsi günə kimi dincəlməyi
buyurdular, sonrakı gün yarışda üstün gəlmiş döyüşçü
öz parolunu göstərib, böyük maqın qarşısında üzünü
açmalı, kim olduğunu hamıya bildirməli idi.
Zadiq çariçanı necə dəlicəsinə sevsə də, o gecə
yorğunluqdan daş kimi ağır bir yuxuya dalmışdı. Onun-
la yanaşı olan otaqda gecələyən İtobadın isə gözünə
yuxu getmirdi. O, gecə yarısı qalxaraq Zadiqin otağına
keçdi, onun ağ geyimini götürüb yerinə özünün yaşıl
geyimini qoydu.
Dan yeri açılandan sonra o, böyük maqın yanı-
na gəlib özünün bu yarışmada hamıya üstün gəldiyini
yekəbaşcasına bildirdi. Bu hamı üçün çox gözlənilməz
olsa da onun yarışmanı qazandığını tanımalı oldular.
Zadiq isə hələ də yuxuda idi. Zadiqin yerinə başqasının
ortaya çıxdığını görüb, keçirdiyi sarsıntıdan üzülmüş
Astarta Babilə qayıtdı. Zadiq yuxudan ayılanda yarı-
şı izləməyə gələnlərin çoxu artıq dağılışıb getmişdiər.
Zadiq ayağa qalxıb öz geyiminin yoxa çıxdığını, onun
yerinə yaşıl
geyimin qoyulduğunu gördü, çıxılmazlıq-
dan onları əyninə geyməli oldu. O, böyük bir anlaşıl-
mazlıq, çaşqınlıq içində otağından çıxıb stadiona gəldi.
Stadionda qalan izləyicilər onu görən kimi fitə basdı-
lar. Sonra onu çevrələyib sataşmağa, gülüb ələ salmağa
başladılar. Deyəsən buçağacan hansısa insanın bunca
alçaldılmağı görünməmişdi. Zadiq özünü toplayıb, qı-
lıncını sıyıraraq, onu ələ salan adamları qovub başından
dağıtdı. Ancaq o indi nə edəcəyini bilmirdi. O, daha ça-
riçanı görə bilməzdi, öz ağ geyimini onun bağışladığını
deyib onu geri istəyə də bilməzdi, belə eləyərsə bunun-
la çariçanı çox pis bir duruma sala bilərdi. Beləliklə də
çariçanın qüssədən təkliyə qapıldığı bu anlarda Zadiq
də başını itirmiş, nə eləyəcəyini kəsdirə bilməyəcək
bir duruma düşümüşdü. Zadiq öz-özünə başına gələn
uğursuzluqları düşünərək, onları bircə-bircə gözləri
qarşısından keçirməyə başladı: taygöz ola biləcəyinə
görə ona dönük çıxmış ilk sev
gilisindən tutmuş,
yaraq-yasağının itməsinə kimi baş verən bütün olayla-
rı düşünərək o, Fərat çayının qırağaı ilə təkbaşına ad-
dımlayır, düşdüyü sonuncu çıxılmaz durumu uğursuz
ulduz altında doğulmasına yozurdu: “Bax yuxudan gec
ayılmaq gör nə demək imiş; mən az yatsaydım,
indi Ba-
bilin çarı, Astartanın əri olardım. Mənim bilginliyim,
düzgünlüyüm, igidliyim mənə ancaq uğursuzluqlar
gətirir”. O, bərk sarsılmış, ara vermədən özünün uğur-
suz bəxtini söyməyə başlamışdı, birdən ona elə gəldi,
bu dünyanın işlərini kimsəyə acımayan bir kor alın
yazısı yönətməkdədir: o, yaxşılıqsevər insanları basıb
əzir, yaramazları isə yuxarı başa çəkir. Bir az öncə xalqı
üstünə güldürən, əynindəki bu yaşıl geyim də onu bir
yandan bezdirmişdi. O, yolda üzləşdiyi bir alverçiyə bu
bahalı geyimi bağışlayıb, onun yerinə bir xalat, bir də
bir papaq alıb əynini dəyişdi. Bu paltarla da o, Fərat
çayının qırağı ilə baş alıb getməyə başladı, Zadiq bərk
sarsılmışdı, dayanmadan onu belə çıxılmaz duruma sa-
lan kor taleyə qarğışlar yağdırmaqda idi.
Zahid
65
Bir az yol gedəndən sonra o, qurşağınacan uzanan
ağ saqqallı, görkəmi sayğı doğuran bir zahidlə üzləşdi.
Qoca oturmuş, əlində tutduğu kitabı oxumağa qapıl-
mışdı. Zadiq onun yanında dayanaraq,
qocaya baş əyib
sayğılarını yetirdi. Zahid də onu çox incə, çox da yax-
şı bir davranışla qarşılayıb salamladığından, Zadiqin
ürəyində dayanıb onunla danışmaq istəyi yarandı. O,
zahiddən hansı kitabı oxuduğunu soruşdu.
N1(6) mart 2013
146
– Bu alın yazılarının kitabıdır,–zahid cavab verdi.
– İstəyirsinizsə verim oxuyun.
Zadiq kitabı aldı, çoxlu dil bildiyinə baxmayaraq,
kitabda yazılanları oxuya bilmədi. Bu isə onun kitabda
nə yazıldığını öyrənmək istəyini bir az da alovlandırdı.
– Mənə elə gəlir, siz nədənsə çox qüssəlisiniz,–
qoca dilləndi.
– Mənim başıma gələnlərdən qüssələnməmək
olmur,–deyə Zadiq cavab verdi.
– Məni özünüzə yol yoldaşı götürsəniz, – zahid
dedi, – buna görə üzülməzsiniz; mən indiyənəcən çox
qaragünlü insanların yaralı ruhlarının üstünə balzam
töküb onları ovundura bilmişəm.
Zadiqin ürəyində, birdən birə, qocanın
gör kə minə,
uzun ağ saqqalına, əlindəki kitaba qarşı güclü bir sayğı
baş qaldırdı. Qocanın danışdığı sözlərdən nə isə böyük
bir bilginlik sezilirdi. Qoca, danışmağa başalayıb: alın
yazısından, düzgünlükdən, əxlaqdan, yüksək insanlıq
dəyərlərindən, insanın gücsüzlüyündən, yaxşılıqlardan,
yamanlıqlardan elə gözəl, elə kövrək danışırdı, Zadiq
bir anlığına bütün dərdlərini undub qocaya ürəkdən
bağlandığını duymağa başladı. O, Babilə qayıdana
kimi qocadan ayrılmayıb, ondan bütün bilmədiklərini
soruşub öyrənməyi kəsdirdi.
Qoca Zadiqin bu təklifini eşidincə dedi:
– Sözün düzü, mən özüm bunu sizə demək
istəyirdim. Ancaq bir iş var, mənimlə yoldaşlığa baş-
lamazdan qabaq gərək ulu Hürmüzdə and içib, bu iki
şərti boynunuza götürəsiniz: mən sizdən ayrılmayana
kimi məndən aralanmayacaqsınız, bir də nə eləsəm
mənə qarşı çıxmayacaqsınız.
Zadiq qocanın sözündən çıxmayacağına and
içəndən sonra, onunla qoşalaşıb yola düşdülər.
Axşamüstü yolçular çox gözəl bir qəsrə gəlib çat-
dılar. Zahid qapıçıya yaxınlaşıb özü ilə yoldaşının bir
gecəlik qonaq olmaq istədiklərini dedi. Yaxşı geyimli-
gecimli, üst başından qulluqçudan
çox ağaya oxşayan
qapıçının onlara yuxarıdan aşağı baxdığı açıq-aydın
duyulurdu, o yolçuları saray qulluqçusunun yanına
ötürdü, qulluqçu isə onları ağalarının çox varlı, bəzək-
düzəkli otağına gətirdi. Şam yeməyində onları stolun
qurtaracağında oturtdular, ev yiyəsi nə onları dindir-
di, nə də heç dönüb onlara sarı baxdı. Ancaq onları
da stolun arxasında oturan başqaları kimi çox dadlı
yeməklərə qonaq elədilər. Onları çox gözəl yatacaqlar
qoyulmuş bir otağa gətirib, yuyunmaq üçün hərəsinə
su dolu, qızıldan düzəldilmiş, daş-qaşla bəzədilmiş bir
ləyən verdilər. Ertəsi gün yuxudan qalxanda isə qulluq-
çu onların hərəsinə bir qızıl verib: “hara istərsəniz itilib
gedə bilərsiniz” – deyərək yola saldı.
Yola çıxandan sonra Zadiq dilləndi:
– Ev yiyəsi çox yekəbaş adam olsa da, ancaq
mənə elə gəlir çox geniş ürəkli bir adamdır; onun
qonaqsevərliyi yüksək soydan olduğunu göstərir. – Za-
diq bu sözləri deyərkən, qocanın çantasının ağzınacan
nə iləsə dolduğunu duydu, göz yetirib qocanın onlara
yuyunmaq üçün verilən qızıl ləyəni çantasına qoyub
götürdyünü gördü. Zadiq qocanın qızıl ləyəni oğurla-
dığını anlasa da, ona heç nə demədi.
Günortaya yaxın gəlib çatdıqları kənddə, zahid
çox varlı, həmdə çox simic olan birisinin qapısını dö-
yüb bir neçə saatlığına qonaq qalmaq istədiklərini bil-
dirdi. Qoca, cındır geyimli qulluqçu onları çox qaba
qarşılayıb, at tövləsinə apardı,
bir azdan onlara günorta
yeməyi olaraq bir az çürük zeytun, boyatımış çörək,
qıcqırmış pivə gətirdi. Zahid bundan qabaqkı qəsrdəki
kimi, iştahla gətirilən yeməyi yedi, üstündən də pivə
içdi, qoca qulluqçu isə onlar nəsə oğurlamasınlar deyə
başlarının üstünü kəsdirib durmuşdu, üz-gözündən on-
ların çıxıb getmələrini gözlədiyi açıq-aydın duyulur-
du. Zahid günorta yeməyini qurtarandan sonra dünən
aldıqları iki qızılı çıxarıb qulluqçuya verdi, onlara
göstərdiyi qulluğa görə sağolunu bildirdi. Sonra isə
ona, ağası ilə görüşmək istədiyini bildirdi. Matı-qutu
qurumuş qulluqçu onları ağasının yanına apardı. Zahid
ona üz tutub dedi:
– Ey böyük ürəkli insan, sizin qonaqsevərliyinizin
qarşılığında bu kiçik sovqatımı bizdən götürməyinizi
diləyirəm. Bu qızıl ləyən sizin göstərdiyiniz sayğıdan
qat-qat
dəyərsiz olsa da, onu götürməyinizi istərdim.
Simicin gözləri kəlləsinə çıxdı, oturduğu yerə ya-
pışıb qaldı. Zahid onun özünə gəlməsini gözləmədən,
qızıl ləyəni qulluqçuya verib, yola düzəldi. Bir az ara-
lanandan sonra Zadiq ondan soruşdu:
– Atam mənim, sizin bu gördüyünüz işi necə
anlamalı? Siz heç başqa adamlara oxşamırsınız; bizi
gərəyincə qonaqlayan birinci ev yiyəsinin daş-qaşla
bəzədilmiş qızıl ləyənini oğurlayıb, onu bizi it yerinə
saymayan bu simicə bağışlayırsınız.
– Mənim balam, – qoca cavab verdi, – bizim birn-
ci evində qonaq olduğumuz o yekəbaş, bundan sonra
öz var-yatırı, daş-qaşı ilə öyünməkdən çəkinəcək, bu
simic isə qonaqlarını sayğı ilə qarşılamağa çalışacaq-
dır. Belə şeylərə görə təəcüblənməyin, arxamca gəlin.
Zadiq yol yoldaşı olduğu qocanı heç
cür anlaya
bilmirdi, o, kim idi: ağlını itirmiş birisi, yoxsa çox bil-
gin bir ağsaqqal? Ancaq qoca çox özünə arxayın danış-
dığından, bir də ona qarşı çıxmayacağına söz verdiyinə
görə, Zadiq ondan ayrılmaq istəmədi.