Úàâèäè õàòûðëàðêÿí
69
asfalt döşənmiş hamar yol deyildir ki, hamı onu birbaşa keçsin.
Bədii yaradıcılıq elə bir mürəkkəb prosesdir ki, onu hərə bir cür
keçir. Əgər Sabir XX əsrin mürəkkəb şəraitindən ustalıqla baş
çıxarıb, bu prosesi, ümumən, müstəqil yol ilə keçmişsə, yaxşını
pisdən, gözəlliyi çirkinlikdən həssaslıqla ayırd edə bilmişdirsə,
Hadi bu yolu dolanbac keçmiş, bəzən ziddiyyətlər içində boğula-
raq, yaxşını pisdən seçməkdə çətinlik çəkmiş, öz şəxsi arzula-
rından asılı olmayaraq fikri böhranlar keçirmiş, bəzən ideya
büdrəmələrinə məruz qalmışdır. Yaxud, inqilabdan sonra Cəfər
Cabbarlı sürətlə yenidən qurulub, sovet platforması tərəfinə daha
tez keçdiyi halda, Cavid yaradıcılığının məfkurəcə yenidən-
qurulma prosesi tədriclə inkişaf etmiş, o, bu yolu Cabbarlıdan bir
az sonra başa vurmuşdur.
Əlbəttə, Hüseyn Cavidin yaradıcılığının müəyyən mərhələ-
lərində yazıçının məlum ziddiyyətləri də olmuşdur. Lakin bunu
ancaq Cavidin şəxsi ziddiyyətləri kimi izah etmək səhv olardı. Bu
ziddiyyətləri konkret ictima-siyasi şəraitin mürəkkəbliyindən
doğan bir hal kimi qiymətləndirmək lazımdır.
H.Cavid mənalı həyat və yaradıcılıq yolu keçmiş, insanpər-
vərlik, həqiqət, ədalət, sədaqət, mərdlik, gözəllik kimi nəcib yük-
sək bəşəri keyfiyyətlər tərənnüm edən, istismar dünyasına, dini
xurafata sonsuz nifrət bəsləyən görkəmli söz ustadıdır, ədəbiyya-
tımıza gözəl səhnə əsərləri, möhtəşəm faciələr bəxş edən böyük
humanist sənətkardır. O, inqilabdan sonrakı illərdə marksizm-
leninizm ideologiyasının təsiri altında inkişaf edərək sovet yazı-
çısı olmuşdur. H.Cavid sosializm quruculuğunu alqışlayan, bey-
nəlxalq imperializmi, faşizmi, istila məqsədi güdən müharibələri
ifşa edən böyük şair və dramaturqdur. Azərbaycan ədəbiyyatı,
Azərbaycan teatrı tarixində H.Cavidin özünəməxsus fəxri yeri
vardır.
İndi partiya və hökumətin atalıq qayğısı nəticəsində Hüseyn
Cavid artıq öz həqiqi qiymətini almışdır. Vaxtilə onun haqsız
tənqid edilən əsərləri indi böyük tirajlarla nəşr edilib yayılır, biz
onları maraqla oxuyur, böyük sənətkarı daha dərin, daha çoşğun
məhəbbətlə sevirik.
Úàâèäè õàòûðëàðêÿí
70
Íÿøðèééàòäàí
*
u kitabda toplanılan məqalələrin böyük əksəriyyəti, xati-
rələrin isə hamısı partiyanın XX qurultayından sonrakı
dövrdə qələmə alınmışdır.
Hüseyn Cavidin sağlığında onun yaradıcılığı haqqında uzun
illər boyu mətbuatda çıxan külli miqdarda ədəbi-tənqidi məqa-
lələrin, demək olar ki, çoxu Cavidi ədalətsiz tənqidlərdən, yersiz
ittihamlardan ibarət olmuşdur. Buna görə kitabın müqəddimə-
sində də deyildiyi kimi, indi də onları ortalığa çıxartmaq qətiyyən
mümkün deyildir. Ona görə ki, bu məqalələrdə Cavidin yaradı-
cılığı, onun ayrı-ayrı əsərləri, pyeslərinin səhnə təcəssümü birtə-
rəfli şərh olunmuşdur. Bu, bir tərəfdən vulqar sosiologiyanın
hökm sürdüyü, meydan suladığı dövrün ziddiyyətləri ilə bağlıdır-
sa, digər tərəfdən, tənqidin özünün zamanın təlbləri ilə ayaqlaşa
bilməməsi ilə əlaqədardır. Buna görə şairin sağlığında onun yara-
dıcılığı haqqında yazılan məqalələrin çoxunu, yuxarıda deyildiyi
kimi, kitaba daxil etmək mümkün olmadı.
Beləliklə, 1920-30-cu illərdə Hüseyn Cavidin şeirləri, dram
əsərləri, pyeslərinin səhnə taleyi haqqında tənqid tərəfindən deyi-
lən fikirlərin, demək olar ki, hamısı kitabdan kənarda qalmışdır.
Əlbəttə, bütün böyük söz sənətkarları kimi, Cavidin də hər bir
yeni əsəri, öz zəmanəsində mübahisələrə, müzakirələrə səbəb ol-
muş, onların haqqında mətbuatda bir-birinə zidd fikirlər söylən-
mişdir. Ancaq təəssüflə qeyd edilməlidir ki, söylənilən tənqidi
fikirlərin böyük əksəriyyətində Cavid sənəti layiqincə qiymət-
ləndirilməmişdir, hətta bir çoxları açıqdan-açığa qərəzli mahiy-
yətdə olmuşdur.
*
1982-ci ildə kitabı nəşr etmiş “Gənclik” nəşriyyatı nəzərdə tutulur. – Tərtibçi.
B
Úàâèäè õàòûðëàðêÿí
71
Nəticə etibarilə şairin yazıb-yaratdığı dövrün tənqidi fikri,
Cavid sənətinin sirlərini aça bilməmişdir. Lakin o zaman Cavid
yaradıcılığını düzgün şərh etməyə, müasir dövrlə və tarixlə
əlaqələndirib, elmi-metodoloji cəhətdən düzgün qiymətləndirmə-
yə can atan münəqqidlər də olmuşdur. Belələrindən – Abdulla
Şaiqin və nisbətən Hənəfi Zeynallının adını çəkmək olar. Məhz
buna görə tərtibçi və redaktorlar Cavidin müasirlərinin tənqidlə-
rindən nümunə olaraq Abdulla Şaiqin “Cavidin “İblis” nam hailə-
si haqqında duyğularım” (1925), Hənəfi Zeynallının “Hüseyn
Cavidin yazdığı “Peyğəmbər” haqqında mülahizələrim” (1926),
“Şeyx Sənan” haqqında mülahizələrim” (1926) adlı məqalələrini
kitaba daxil etməyi lazım bilmişlər.
Məlumdur ki, bu məqalələr müasirlərinin Cavidə münasibəti,
həmçinin o zamankı tənqidin sviyyəsi haqqında oxucularda
müəyyən təsəvvür doğuracaqdır. Məsələn, Cavidin “İblis” faciəsi
haqqında görkəmli ədib Abdulla Şaiqin kitabda verilən məqalə-
sində “İblis” təhlil edilmiş, faciə haqqında maraqlı elmi fikirlər
söylənilmişdir. Şəksiz ki, oxucular bu məqalə ilə tanış olarkən
əsərin məziyyətləri, sənətkarlıq xüsusiyyətləri haqqında müəyyən
məlumat əxz edəcəklər.
Lakin eyni sözləri Hənəfi Zeynallının yuxarıda adları çəkilən
məqalələri haqqında demək çətindir. Doğrudur, iyirminci illərin
nüfuzlu tənqidçilərindən olan Hənəfi Zeynallının bu məqalələrini
oxuyarkən inanırsan ki, o, bədii yaradıcılıqda tarixilik və müasir-
lik problemini nisbətən düzgün başa düşür, Cavid yaradıcılığının
mahiyyətini, ideya-bədii əsaslarını açmaq üçün maraqlı müqa-
yisələr aparır, bəzən inandırıcı elmi fikirlər söyləməyə can atır,
fəqət buna həmişə müvəffəq ola bilmir, dolaşıqlığa, bir-birinə
zidd mülahizələrə yol verir, bəzən Cavidin əsərlərindən süni nəti-
cələr çıxarır, əsassız, tənqidi fikirlər söyləyir. Məsələn, onun
“Aktiv, passiv millətçilik” haqqındakı anlayışları tamamilə yan-
lışdır. O, bəzən əllaməliyə keçərək Cavid yaradıcılığına dair
düzgün olmayan fikirlər uydurur, lakin öz təhlilləri və sübutları
ilə oxucunu heç də qənaətləndirə bilmir.
Dostları ilə paylaş: |