8
§4. Metalların kristallaşma prosesi
Maye metalda yüksək temperaturda atomlar qarışıq hərəkətdə olur. Metallar
düzgün kristal quruluşa bərkimə prosesində, yəni maye haldan bərk hala keçər
kən malik olurlar.
Maddənin maye haldan bərk hala keçərkən kristal əmələgətirmə prosesi
ilkin kristallaşma adlanır. Əgər maddənin kristal quruluşu bərk halda dəyişirsə,
bu çür proses ikinci kristallaşma adlanır.
İlkin kristallaşma prosesi metalların xassəsinə və strukturuna böyük təsir
göstərir. Bu proses ilk dəfə rus alimi D.K.Çernov tərəfindən təsdiq edilmişdir.
Kristallaşma prosesini öyrənmək üçun soyuma əyriləri qurulur. Həmin əyrilər
vaxtın dəyişilməsilə ərimiş metalın soyumasına görə temperaturun dəyişməsini
göstərir. Həmin əyriləri qurmaq üçün temperatur və zaman ölçü lərini hesablamaq
lazımdır.
Şəkil 3. Soyudulma əyriləri
Təmiz metalların soyuma əyriləri 3cü şəkildə (1, 2, 3 əyriləri) göstə ril miş
dir. (1) əyrisində metalın kristallaşması ifrat soyudulma aparılmadan göstə ril
mişdir. Bu, nəzəri əyridir. Buradan görünür ki, metalın maye haldan bərk hala
keçməsi böhran nöqtəsi və ya kristallaşma temperaturu adlanan müəyyən Tböhr
temperaturunda baş verir. Buna “böhran nöqtəsi” və ya “kristallaşma tempera-
turu” deyilir. Həmin temperaturdan yüksək temperaturda metal maye halda,
ondan aşağı temperaturda isə bərk halda olur. Metal maye haldan bərk hala
keçərkən ondan gizli kristallaşma istiliyi ayrılır. Buna görə də soyudulmaya
baxmayaraq, kristallaşma prosesi qurtarana kimi (soyudulma əyrisindəki üfüqi
his sə) metalın temperaturu dəyişmir.
Həqiqətdə isə sürətlə soyuma zamanı kristallaşma prosesi başqa cür gedir.
Kristallaşmanı yaratmaq üçün maye metalın kristallaşma temperaturundan aşa
ğı temperatura kimi, yəni metalı ifrat soyutmaq lazımdır.
9
Metalın praktiki olaraq kristallaşmaya başlaması temperaturu Tp kristallaş-
manın faktiki temperaturu adlanır. Kristallaşmanın nəzəri və faktiki tempera-
turları arasındakı fərqə ifrat soyudulma dərəçəsi deyilir.
İfrat soyudulma dərəcəsi “p” cox kiçik (2 əyrisi) və böyük (3 əyrisi) ola bilər.
İfrat soyudulma dərəcəsi böyük olduqda kristallaşmanın gizli istiliyi ifrat soyu-
dulmaya görə elə sürətlə ayrılır ki, temperatur sıcrayışla yüksəlir (əyridəki ilgək)
və nəzəri qiymətinə yaxınlaşır. Məsələn, stibium bu cür kristallaşır. Metalların
əksəriyyətinin kristallaşma zamanı ifrat soyudulma dərəcəsi kiçikdir.
Maye haldan bərk hala kecərkən metal kristallarının əmələgəlmə mexaniz-
mini nəzərdən kecirək (şəkil 4).
Şəkil 4. Kristallaşma prosesinin sxemi
Maye metal T temperaturuna kimi soyudularkən onun atomları ayrıayrı yer
lərdə bərk maddənin kristal qəfəslərində olduğu kimi qruplaşmağa başlayır. Bu
zaman kristallaşmanın mərkəzləri yaranır,
həmin mərkəzlərin ətrafında kristallar
əmələ gəlməyə başlayır. Əvvəlcə kristallar
sərbəst artır, cünki onları hər tərəfdən
maye metal əhatə edir. Sonra kristallar bir
birinə bir ləşməyə başlayır və ancaq maye
metal olan istiqamətə doğru artır. Bu
onunla nəticələnir ki, düzgün daxili quru-
luşa malik olmasına baxmayaraq, kristalla-
rın xarici quruluşu düzgün alınmır. Düz-
gün formalı olmayan kristallar dənələr və
ya kristalitlər adlanır. Metalların xassələri
əmələ gələn dənələrin ölcüsündən, formasından və vəziyyətindən asılıdır. Xır
dadənəli metallar və ərin tilər iridənəli metallardan və ərintilərdən fərqli olaraq,
yüksək möh kəmdir və zərbə yüklərinə daha yaxşı müqavimət göstərir. Bəzi
metallar (dəmir, titan, kobalt, qurğuşun və s.) bərk halda öz kristal quruluşunu
dəyişə bilər. İkinci kristallaşmanın məğzi ondadır ki, müəyyən temperaturlarda
bərk metallarda atomların yenidən qruplaşması baş verir, yeni kristallaşma
mərkəzləri əmələ gəlir, mərkəzlər artdıqca yeni kristal qəfəsləri yaranır. Bu isə
metalların xassələrinin dəyişməsinə səbəb olur.
Yoxlama üçün suallar:
1. Sadə metalların kristallaşması prosesi necə gedir və öyrənilir?
2. Metalların ilkin kristallaşmasının ikinci kristallaşmadan fərqi nədədir?
3. Metalların dənələri nə deməkdir və onların düzgün olmayan xarici forması
nə ilə izah olunur?
10
§5. Dənənin ölçüsünə və formasına təsir edən faktorlar
Dənənin ölçüsü, forması və vəziyyəti metalların və ərintilərin xassələrinə
mühüm təsir edir. İridənəli quruluşları olan ayrıayrı dənələr arasında rabitə
xırdadənəlilərə nisbətən zəifdir. Əgər metalın tərkibində müxtəlif həll olunma-
yan qatqılar varsa, dənələr arasında rabitə daha da zəifləyir. Bu qatqılar dənə lə
rin sərhədində pərdə kimi yerləşir və dənələr arasındakı rabitəni pozur.
Alman alimi Tammanın “həcmi kristallaşma” nəzəriyyəsi dənənin ölçüsü-
nün hansı faktorlardan asılı olmasına cavab verir. Həmin nəzəriyyəyə əsasən
dənənin ölçüsünü təyin edən mühüm faktor soyudulma sürəti ilə sıx əlaqəsi
olan ifrat soyudulma dərəcəsidir: soyudulma sürəti nə qədər çox olarsa,
soyuma da bir o qədər çox olacaqdır. Kristallaşma mərkəzlərinin sayı nə qədər
çox və kristalların böyüyüncə sürəti nə qədər kiçik olarsa, bərkiyən metalda
dənələr bir o qədər xırda olacaqdır. Əksinə, mərkəzlərin sayı az, dənələrin
böyümə sürəti çox olarsa, metalın dənələri iri olacaqdır. Deməli, dənənin ölçüsü
kristallaşma mərkəz lə ri nin sayından və kristalların böyüyüncə sürə tin dən asılıdır.
Şəkil 5. Dendritin sxemi
(D.K.Çernova görə)
Tədricən soyudulma və kiçik ifrat soyuldulma dərəcəsi az sayda kristal-
laşma mərkəzi yaranmasına və kristalların yüksək sürətlə böyüməsinə səbəb
olur, nəticədə dənələr böyüyür. Əksinə, böyük
sürətlə soyudulma (ifrat soyudulma dərəcəsi)
kristalların kiçik sürətlə böyüməsi şəraitində çox
sayda kristallaşma mərkəzinin əmələ gəlməsinə
gətirib çıxarır. Buna görə də metalların və ərin
tilərin sürətlə soyudulması zamanı xır da də nəli
struktur alınır. Həcmi kristallaşma nəzəriy yəsi
metalların kristallaşması zamanı real şəra itdə bir
sıra faktorları nəzərə alır. Praktikada maye meta-
lın qızdırılma temperaturu və həmin temperaturda
saxlanılma müddəti, metalın tök mə temperaturu,
tök mə üsulları, istiliyin ötü rülmə isti qaməti və
sürəti metalın kənar qarışıqlarla çirklənməsi dənə
nin ölçüsünə təsir göstərir. Sadalanan faktorlar
dənənin ölçüsünə elə güclü təsir göstərir ki, ifrat soyudulmanın rolu ikinci
dərəcəli ola bilər. Müasir texnikada dənənin ölçüsünü və formasını süni surətdə
dəyişmək üçün ərimiş metala həll olmayan maddələrinmodifikatorların əlavə
edilməsi prosesindən geniş istifadə edilir. Modifikatorlar əlavə modifikator
mərkəzləri yaradır, bunun nəti cəsində metal və ya ərinti xırdadənəli quruluş
alır. Məsələn, alüminium oksidinin tozundan polad üçün modifikator kimi
istifadə edirlər. Metalın kristallaşması nəticəsində müxtəlif ölçülü və formalı
kristallar alına bilər. Bu zaman əsasən dendrit quruluşlu kristal əmələ gəlir.
Dostları ilə paylaş: |