ZəLİmxan yaqub seçİLMİŞ ƏSƏRLƏRİ

___________________Milli Kitabxana__________________
Yaxina gəlmədi uzaqlarımız,
Çox yerdə kar oldu qulaqlarımız.
Baltalar enəndə kökə, gövdəyə,
Bilmədik quruyar budaqlarımız.
Axarı qarışdı zir-zibillərə,
Gözündən bulandı bulaqlarımız,
Qurumaz bulaqlar, qaynar çeşmələr,
Qoruya bilmədi məzarımızı!
Dağıldı, töküldü torpağın üstü,
Hər yanı dumandı, hər yam tüstü.
Könül bulandıran bu mənzərədən
Dünyanın müqəddəs ruhları küsdü.
Vaqifı qaldırıb Cıdır düzündə
Şeir köhləninə mindirən olsa,
Qəmli Natəvanı tutub söhbətə,
Ruh verib, dil verib dindirən olsa,
Eşitmək ağırdı ah-zarınızı,
Qoruya bilmədik məzarınızı!
Göyçə göyüm-göyüm göynədi, getdi,
Ağdamda ağ gündən əsər qalmadı.
Gəldi Kəlbəcərin qara günləri,
Şuşada bir tutar, kəsər qalmadı.
"Vaqif! Ey sərvərim, ey tacidarım!"
Başdan Şuşa adlı tacı vermişik!
Şuşanı verməklə düşmən çənginə,
Məkkəni vermişik, Hacı vermişik!
Yaxşının məzarı yad tapdağında,
Biz San Aşığa acı vermişik!
Eheeey! Hayandasan, Xan qızı, söylə,
Eheeey! Hayandasan, Ələsgər dədə,
Eheeey! Hayandasan, gəl, Dədə Şəmşir,
Haraya uçdunuz əllərimizdən,
Hayana saldınız güzarınızı?
Qoruya bilmədik məzarınızı!!!

---

___________________Milli Kitabxana__________________
BORÇALI DEYİLƏN
Adəmdimi, Həvvadımı, Nuhdumu,
Ürəkdimi, nəfəsdimi, ruhdumu,
Ağrıdımı, acıdımı, ahdımı,
Kimdi günü göy əsgiyə düyülən?
Nəymiş Allah, bu Borçalı deyilən?!
Neçə dəfə dəyişdilər adını,
Bircə dəfə dəyişmədi dadını.
Dosta verdi ürəyinin odunu,
Dost dilində əzizlənən, öyülən
Nəymiş Allah, bu Borçalı deyilən?!
Zəhərdimi, şəkərdimi, baldımı,
Sığaldımı, naxışdımı, xaldımı,
Dillidimi, dilsizdimi, laldımı,
Təhqir olan, yad dilində söyülən –
Nəymiş Allah, bu Borçalı deyilən?!
Palıd kimi tufanlarla öc olan,
Qüvvət kimi qolumuzda güc olan,
Papaq kimi başımızda tac olan,
Zireh kimi əynimizə geyilən
Nəymiş Allah, bu Borçalı deyilən?!
Təbriz kimi həmi yaxın, həmi yad,
Dərbənd kimi həmi qəmli, həmi şad,
Göyçə kimi harayına yox imdad,
Haqqı-sayı tikə-tikə yeyilən –
Nəymiş Allah, bu Borçalı deyilən?!
Sayagəlməz qayğılarla yüklənən,
Telli sazı qəm üstündə köklənən,
Yağıların meydanında təklənən,
Bədbəxtliyi görkəmindən duyulan –
Nəymiş Allah, bu Borçalı deyilən?!
Yaddan çıxıb yaxşılığı, yeyliyi,
Əldən gedib sultanlığı, bəyliyi.

---

___________________Milli Kitabxana__________________
Götürəmmir gədəliyi, səyliyi,
Düşmənidi düşmənlərə əyilən –
Nəymiş Allah, bu Borçalı deyilən?!
İçimizdən qalxan ahmı günahkar,
Adil şahmı, Nadir şahmı günahkar,
Yüz bəndəmi, bir Allahmı günahkar,
Heç bilmirəm kimdi döyən, döyülən –
Nəymiş Allah, bu Borçalı deyilən?!
Aranında əl-ayağı kəsilən,
Yaylağında bəndi-bağı kəsilən,
Bir gün sağı, bir gün solu kəsilən,
Damar-damar dabanından soyulan –
Nəymiş Allah, bu Borçalı deyilən?!
Loğma-loğma yad ağzına atılan,
Parça-parça satqınlara satılan,
Qarış-qarış özgələrə qatılan,
Unudulan, sol əl ilə tutulan,
Yolu-izi göz yaşıyla yuyulan –
Nəymiş Allah, bu Borçalı deyilən?!
Həsrətinə kim batmaya, kim bata,
Harayına kim çatmaya, kim çata,
Qovğasında kim ayıla, kim yata,
Yatan bilmir nələr çəkib ayılan –
Nəymiş Allah, bu Borçalı deyilən?!
Övladını kişi gördüm, mərd gördüm,
Mərdlərində dağlar boyda dərd gördüm,
Dərd çəkəni qaya kimi sərt gördüm,
Aman Allah! Nə bəlalı yurd gördüm,
Buymuş Allah, bu Borçalı deyilən!!!
Yaralan göz-göz olan, sulanan,
Duru gözü çalxalanan, bulanan
Suymuş Allah, bu Borçalı deyilən,
Buymuş Allah, bu Borçalı deyilən!!!

---

___________________Milli Kitabxana__________________
KƏRKÜK
Bu gün sənin taleyini
düşünürəm,
Ağır gündə üstünü
od alan Kərkük.
Öndə qatil, sağda düşmən,
solda yağı,
Yurd-yuvası, el-obası
talan Kərkük.
Dərdlərini zirvələrə
tən bilirəm,
Əzabını saçlarıma
dən bilirəm.
Borçalıyam, nə çəkirəm,
mən bilirəm,
Borçalıtək könül bağı
talan Kərkük.
Beş yüz ildi Boyat səndə,
Nəsim səndə,
Məndən qopan ruhum səndə,
səsim səndə.
Gəl qovuşaq, qurbanımı
kəsim səndə,
Bəd xəbərlər yalan olsun,
yalan, Kərkük.
Əvvəlkitək vuran əlim
yoxdu hələ,
Qılınc çəkib, coşan dəlim
yoxdu hələ.
Fateh yoxdu, Sultan Səlim
yoxdu hələ,
Gözlə görək, gözü yolda
qalan Kərkük.

---

___________________Milli Kitabxana__________________
Harda zor var,
orda xəbis barmağı var,
Harda şər var,
orda iblis barmağı var,
Taleyində bir
"ingilis barmağı" var
Qismətini qızıl ilan
çalan Kərkük.
Qarabağ da Ərbil, Məsul
talelidi,
Ruhu girov, özü yoxsul
talelidi,
Əzilənin taleyi qul
taleyidi,
Yıxdı səni filan oğlu
filan, Kərkük.
Dönə-dönə sındırıblar
inadını,
Uça bilmir, tale qırıb
qanadını.
Məkkə bilib öz adını,
soyadını,
Namazını türkə sarı
qılan Kərkük.
Cəllad deyək, yağı deyək
bəxtimizə,
Ömrün qara çağı deyək
bəxtimizə,
Layla çalaq, ağı deyək
bəxtimizə,
Sən anam ol, mən də sənin
balan, Kərkük.
16 mart 2003

---

___________________Milli Kitabxana__________________
DƏRDİN DASTANI
Mən bu yurdun ozanıyam, sazıyam,
Tel dərdini gəlib mənə danışır.
Doqquz teldən doqquz gümüş çay axır
Sel dərdini gəlib mənə danışır.
Bu Kərəmdi, bu "Kərəmi", bu Leyli,
Hamısı da yerdən, göydən gileyli.
Çay nisgili, sel harayı, su meyli,
Göl dərdini gəlib mənə danışır.
Budaq üstə narın-narın qar qonur,
Saflıq qonur, sərvət qonur, var qonur.
Nə zaman ki gül üstünə xar qonur,
Gül dərdini gəlib mənə danışır.
Yeriyəmmir, dizlərinə duz çökür,
Boylanammır, baxışına buz çökür.
Qarışqanın qarşısında diz çökür,
Fil dərdini gəlib mənə danışır.
Damla düşür, kirpikləri nəmlənir,
Faciəsi göz yaşında cəmlənir.
Əzabları içə-içə dəmlənir,
Lül dərdini gəlib mənə danışır.
Yeyilənlər bu dişlərdən nə çəkdi,
Dağlananlar bu şişlərdən nə çəkdi,
Gur ocaqlar keşişlərdən nə çəkdi,
Kül dərdini gəlib mənə danışır.
Seçmək olmur nə gerçəyi, nə şəri,
Yaman günə kimlər saldı bəşəri?
Bir arvadın on oynaşı, beş əri,
Boll dərdini gəlib mənə danışır.

---