44
icarədərin ödədiyi icarə haqqları və aktivin son satışı ilə örtülür. İstismar və
köhnəlmə riskini lizinq şirkəti daşıyır.
Avadanlıqların bank krediti hesabına əldə edilməsinə alternativ olan maliyyə
lizinqi sahibkarların daha böyük marağını cəlb etmişdir. Lizinq verən lizinqə
götürənin seçdiyi avadanlığı alır və icarədar onu yararlılıq müddəti ərzində istifadə
edir. Maliyyə lizinqi adətən ilkin dəyərin tam qaytarılması ilə müşayət olunan icarə
hesab olunur. Belə ki, icarə müddəti ərzində icarədar tərəfindən ödənilən icarə haqqı
avadanlığın tam amortizasiya dəyərini (qalıq dəyəri adətən ilkin əldə olunan dəyərin
5%-dək olan bir hissəsini təşkil edir) əhatə edir və üstəgəl bir qədər də mənfəət əldə
edilir. İcarədar köhnəlməyə, istismar xərclərinə və aktivin sığortalanmasına görə
məsuliyyət daşıyır. Bir qayda olaraq icarədar aktivi icarə müqaviləsinin sonunadək
istifadə etmək hüququna malikdir.
Lizinq münasibətlərinin sxemi:
İstifadəçi – lizinq alan ona hansı avadanlığın lazım olması barədə lizinq
şirkətinə məlumat verir;
Lizinq şirkəti həmin avadanlığı onu istehsal edən və ya satan firmadan alır;
Lizinq şirkəti avadanlığın sahibi olaraq qalmaqla onu müqavilə əsasında
digər subyektlərin istifadəsinə verir.
Lizinq şirkəti
Lizinq müqaviləsi
Alqı-satqı müqaviləsi
İstifadəçi (lizinq alan)
İstehsalçı (təchizatçı)
45
Lizinqin üstünlükləri.
1. Lizinq sahibkara kəskin maliyyə gərginliyi olmadan zəruri avadanlıqları əldə
etməyə imkan verir;
2. Avadanlığın əldə olunması ilə əlaqədar bütün xərclər lizinq alan tərəfindən
məhsulun, iş və ya xidmətin maya dəyərinə daxil edilir ki, bu da vergitutma
bazasını əhəmiyyətli dərəcədə azaldır;
3. Lizinq sürətləndirilmiş amortizasiyanın tətbiqinə imkan verir. Bu da
avadanlığın qalıq dəyərini əhəmiyyətli dərəcədə azaldır və lizinq müddəti
bitdikdən sonra sahibkar onu xüsusi əsas vəsaitlər kimi balansına daxil edir;
4. İstehsalçı və təchizatçılarla danışıqları, alqı-satqı müqaviləsinin rəsmiləşdi-
rilməsini lizinq şirkəti daşıyır ki, bu da vaxt və maddi məsrəfləri azaldır və s.
Françayzinq – franchising – (eləcə də franşizinq, güzəştli sahibkarlıq).
a) Bu davamlı işgüzar əməkdaşlığın bir forması olub, nəhəng korporasiyanın
individual sahibkara və ya sahibkarlar qrupuna müəyyən məhdud ərazidə, müəyyən
müddətə, şərtlərlə və müqavilə əsasında həmin şirkətin ticarət markası altında
məhsul istehsal etməyə, ticarət etməyə və xidmətlər göstərməyə verdiyi lisenziya
(franşıza) münasibətləri nəzərdə tutulur;
b) Müstəqil müəssisələrin sahibləri vasitəsilə franşıza sisteminin yaradılması,
dəstəklənməsi və inkişaf etdirilməsi prosesidir.
Françayzinqin formaları:
Əmtəə françayzinqi - ticarət sferasında, hər hansı iri bir şirkətə məxsus əmtəə
nişanı altında müəyyən məhdud ərazidə onların satışı ilə məşğul olmaq üçün verilən
müstəsna hüquqdur.
İstehsal françayzinqi – françayzinq çərçivəsində hər hansı bir şirkətə onun
özünün xammal, material və texnologiyalarından istifadə etməklə, franşıza verən
şirkətin əmtəə nişanı altında məhsul istehsal etməsi və onun satışı ilə məşğul olması
üçün verilən françayzinq müqaviləsi çərçivəsində baş verən münasibətlərdir.
İşgüzar françayzinq – tərəflərin xidmət, təhsil və yüngül sənaye sahələrində
franşıza verənin texnologiyasından, ona məxsus nou-xaudan, əmtəə nişanından və
46
sahibkarlıq təcrübəsindən istifadə etməklə biznesin qurulması və inkişaf etdirilməsi
sahəsində qarşılıqlı münasibətləridir.
Korporativ françayzinq – françayzinq münasibətlərinin yeni forması olub,
franşıza alanın ayrıca müəssisə ilə yox, franşıza müəssisələri şəbəkəsi ilə əməliy-
yatlar aparması prosesidir.
Konversion françayzinq – franşıza şəbəkəsinin genişləndirilməsi forması olub
fəaliyyət göstərən müstəqil müəssisənin müqavilə əsasında bir franşıza verənin
nəzarəti altında olan françayzinq müəssisələri sisteminə qoşulması ilə franşıza
şəbəkəsinin genişləndirilməsi formasıdır.
Subfrançayzinq – françayzinq biznesinin təşkili forması olub, əsas franşizanı
alan şirkətin müəyyən bir ərazidə digər şirkətlərə françayzinq xidməti göstərmə
hüququdur.
Françayzinqin işləmə mexanizmi aşağıdakı kimidir:
Bazarda özünə möhkəm yer tutan və istehlakçılar arasında artıq tanına əmtəə
nişanına sahib olan iri şirkət özünün satış şəbəkəsini genişləndirmək üçün həmin
nəhəng şirkətin keyfiyyət standartlarına uyğun gələn müəyyənləşdirilmiş əmtəə və
xidmət növlərinin istehsalı və satışı üçün xırda şirkətlərlə müqavilə bağlayır. Müqa-
viləyə uyğun olaraq ticarət markasından, avadanlıqdan, texnologiyadan, nou-xaudan
istifadə hüququ franşıza alan şirkətə keçməklə yanaşı ona daimi işgüzar və pro-
fessional kömək göstərir, heyətini təkmilləşdirir, reklamını təşkil edir və marketinq
tədqiqatları aparır.
Qiymətli kağızlar bazarı investisiya aləti kimi
Qiymətli kağızlar bazarı və ya Fond bazarı dedikdə – qiymətli kağızların satışı
və alıcıların – emitent və investorları görüşdürən mexanizm, qiymətli kağızların dövr
etdiyi maliyyə bazarının bir seqmenti başa düşülür. İstənilən fond bazarı aşağıdakı
komponentlərdən ibarətdir:
bazar subyektləri;
bazarın özü (birjadaxili və birjadan kənar fond bazarları);
dövlət tənzimlənmə və nəzarət orqanları (Qiymətli Kağızlar üzrə Dövlət
Komitəsi, Milli Bank, Maliyyə Nazirliyi və s.);