47
özü tənzimlənən təşkilatlar (müəyyən tənzimlənmə funksiyalarını yerinə
yetirən qiymətli kağızlar bazarının professional iştirakçıları birliyi);
bazar infrastrukturu.
Maliyyə bazarının tərkib hissəsi olaraq qiymətli kağızlar bazarının subyektləri
aşağıdakılardır:
1) emitentlər – dövlət tərəfindən təyin olunmuş orqanlar (dövlət orqanları, yerli
idarəetmə orqanları, bələdiyyələr), qiymətli kağızların buraxılması əsasında
lazım olan pul vəsaitini cəlb edən və qiymətli kağızlarda gözlənilən öhdə-
likləri öz adından yerinə yetirən hüquqi şəxslər və vətəndaşlar (müəssisələr
və başqa hüquqi şəxslər, həmçinin birgə müəssisələr, investisiya fondu,
kommersiya bankları);
2) investor (və ya onları təqdim edən lakin qiymətli kağızlar bazarının mü-
təxəssis iştirakçıları olmayanlar) – öz hesabına və öz adından qiymətli ka-
ğızlar alan fiziki və hüquqi şəxslər. Onlara aşağıdakılar aiddir: əhali, sənaye
müəssisələri, institutsional investorlar – investisiya fondları, sığorta müəs-
sisələri və s.
3) Qiymətli kağızlar bazarının professional iştirakçıları – qiymətli kağızlar
bazarında qəbul edilmiş fəaliyyət növləri ilə məşğul olan hüquqi və fiziki
şəxslər. Məsələn, investisiya institutları – vasitəçi (maliyyə brokeri),
investisiya məsləhətçisi və investisiya fondu formasında çıxış edə bilərlər.
Onlar aşağıdakı fəaliyyət növləri ilə məşğul olmaq hüququna malikdirlər:
Broker fəaliyyəti – tapşırıq və ya komissiya müqaviləsinə əsasən qiymətli
kağızlarla mülki və (və ya) hüquqi söıdələşmələrin həyata keçirilməsi;
Diler fəaliyyəti – öz adından və öz hesabına alqı-satqı qiymətlərini əvvəl-
cədən elan etmək yolu və elan edilmiş qiymətlərlə alıb-satmaq öhdəliyi ilə
qiymətli kağızların alqı-satqısı haqqında olan sövdələşmələrin həyata ke-
çirilməsi;
Depozitarii fəaliyyəti – qiymətli kağızların qorunub saxlanması və (və ya)
qiymətli kağızların uçotu fəaliyyəti;
48
Dövlət qanunvericiyliyində göstərilmiş qaydada səhmdarlar siyahısının
aparılması və saxlanması fəaliyyəti;
Qiymətli kağızlar üzrə hesabat-klirinq fəaliyyəti – qiymətli kağızlarla baş ve-
rən əməliyyatların iştirakçıları arasında qarşılıqlı öhdəliklərin müəyyən edil-
məsi və (və ya) qiymətli kağızların çatdırılması (köçürülməsi) üzrə fəaliyyəti;
Fond bazarının peşəkar iştirakçıları arasında qiymətli kağızların alqı-
satqısının təşkil edilməsi fəaliyyəti.
Qiymətli kağızlar bazarının iştirakçıları apardıqları çoxsaylı sövdələşmələrə
bələd olmağa və onları mühasibat uçotunda düzgün əks etdirməyə borcludurlar.
Maliyyə vasitəçilərin xarakterindən (bank və ya qeyri-bank xarakteri) asılı
olaraq qiymətli kağızlar bazarlarının 3 modeli mövcuddur:
1. Qeyri-bank modeli (ABŞ) – vasitəçilər rolunda qiymətli kağızlar üzrə qeyri-
bank təşkilatlar çıxış edirlər;
2. Bank modeli (Almaniya) – vasitəçilər rolunda banklar çıxış edir;
3. Qarışıq model (Yaponiya) – vasitəçilər rolunla həm banklar, həm də qeyri-
bank təşkilatları çıxış edirlər.
Qiymətli kağızlar bazarında investor kimi əsasən banklar çıxış edir, hansılar ki,
eyni zamanda vasitəçi kimi qısamüddətli qiymətli kağızları öz müştərilərinə paylayır
(məsələn, bir korporasiyanın kommersiya bankları o biri korporasiyalara təklif edir).
Qiymətli kağızlar bazarında fərdi investorların üstünlüyündən institusional investtor-
ların hökmranlığına çıxaran tarixi inkişaf müşahidə olunur. İnstitusional investorların
yaranması qiymətli kağızlar baharının inkişafında mühüm mərhələlərdən biridir. Bu,
maliyyə alətlərinin alıcıları dairəsini genişləndirməyə imkan yaranır, həmçinin pul
vəsaitlərinin qiymətli kağızlara qoyulması riskini azaldır. Əhali kifayət qədər
varlandıqda və əldə olan pul vəsaitinin idarə edilməsi, yəni onu gəlir gətirən kapital –
maliyyə aktivləri formasında saxlamaq lazım gəldikdə, fiziki şəxslər kütləvi şəkildə
öz pul vəsaitlərini qiymətli kağızlarda yerləşdirirlər.
Kommersiya banklarının trast departamentləri ilk institusional investorlar
olmuşlar ki, hansılar ki, müştərilərin onlara həvalə etdiyi pul vəsaitlərinin daha
böyük gəlir əldə etmək üçün onları qiymətli kağızlarda yerləşdirirdi. Bu yolla 80-cı
49
illərin axırlarında ABŞ-da bankların trast departamentləri fiziki şəxslərin və
müəssisələrin 775 milyard dollar məbləğində aktivlərini idarə edirdi.
Əvvəlcədən ABŞ-da sonra isə digər inkişaf etmiş ölkələrdə sığorta şirkətləri və
pensiya fondları (dövlət, yerli idarəetmə orqanlarının, bələdiyyələrin və korporativ
müəssisələrin fondları) nəhəng investorlara çevrildilər. Onlar öz sərbəst pul
vəsaitlərini daha etibarlı qiymətli kağızlara yerləşdirərək böyük gəlir əldə edirlər.
80-cı illərin axırlarında ABŞ-da pensiya fondlarının aktivləri təxminən 2,4 trillion
dollar təşkil etmişdir.
İvnestor şəklində çıxış edənlər arasında qarşılıqlı fondlar və ya investisiya
fonldları adlandırılan fondlar tutur: onla hələ XX əsrin 20-ci illərində yaranmış, son
20 ildə isə daha sürətlə inkişaf edən iri maliyyə təşkilatlarına çerilmişlər. Fond – idarə
olunan qiymətli kağızlar portfelidir. Ayrı-ayrı investorlar bu fondlarda müəyyən pay
alıb, öz sərəncamına azaldılmış risklə azaldılmış aktiv alırlar. ABŞ-da ikinci dünya
müharibəsindən sonra bütün qarşılıqlı xalis aktivlərinin məcmusu 1 milyard dollar
80-cı illərin axırında isə 800 milyard dollara çatmışdır.
Birjada əməliyyatları ancaq birja komitəsi ilə birləşdirilmiş mütəxəssislər həyata
keçirir. Əvvəlcə onlar sadə vasitəçilər – maklerlər idi, lakin sonradan isə onlar
arasında birca fəaliyyətinə görə ciddi ixtisaslaşma baş verdi. Birja əməliyyatlarında
vasitəçiləri müxtəlif cür adlandırırlar: birja makleri, kurtye, kommisioner, broker və
stok broker. Onlar sövdələşmənin faizi və ya payı şəklində ifadə olunmuş mükafata –
kurtaca işləyirlər. Maklerlər hər iki tərəflərin imzaladığı hesabat sənədi – bordero
aparırlar. Onlar bitərəf olmağa, öz hesabına müştərilərinin kommersiya işlərində
iştirak etməməyə, öz funksiyalarını başqası üzərinə keçirməməyə məcburdurlar.
Qiymətli kağızlar bazarında mühüm vasitəçi rolunu oynayanlardan biri də
investisiya bankları – xüsusi maliyyə institutlarıdır. Onlar əsasən səhmlərin
yerləşdirilməsinin təşkili və təminatı ilə məşğul olurlar. Emissiya ilə bağlı maliyyə
məsələləri üzrə məsləhətçi kimi bank potensial emitentlə birlkidə bazara çıxmaq üçün
nəzərdə tutulmuş real və ən səmərəli yolları təyin edir. Sonra isə bank qarant kimi öz
üzərinə, gələcəkdə buraxılacaq kağızların yerləşdirilməsi üçün sindikat və ya başqa
qrupun yaradılması öhdəliyini götürür. Vəziyyət düzgün qiymətləndirilməzsə, bank
Dostları ilə paylaş: |